ഏകീകൃത സിലബസുണ്ടാക്കി യോഗ വ്യാപകമായി പരിശീലിപ്പിക്കാനുള്ള സൗകര്യം സംസ്ഥാനത്തുണ്ടാക്കണമെന്ന് മുഖ്യമന്ത്രി പിണറായി വിജയന്‍ പറഞ്ഞു. യോഗ നടത്തിപ്പില്‍ കൂട്ടായ പ്രവര്‍ത്തനം സംഘടിപ്പിക്കുന്നത് സംബന്ധിച്ച് ചര്‍ച്ച ചെയ്യാന്‍ വിളിച്ച യോഗത്തില്‍ സംസാരിക്കുകയായിരുന്നു അദ്ദേഹം.

മെഡിക്കല്‍ കോളേജ് ചൈല്‍ഡ് ഡെവലപ്പ്‌മെന്റ് സെന്ററില്‍ നടത്തുന്ന പി.ജി.ഡിപ്ലോമ ഇന്‍ ക്ലിനിക്കല്‍ ചൈല്‍ഡ് ഡെവലപ്പ്‌മെന്റ് കോഴ്‌സില്‍ ഒഴിവുള്ള ഒരു സീറ്റിലേക്ക് (സ്റ്റേറ്റ് മെരിറ്റ്) നവംബര്‍ 13 ന് സ്‌പോട്ട് അഡ്മിഷന്‍ നടത്തും.  പ്രവേശന പരീക്ഷാ കമ്മീഷണര്‍ പ്രസിദ്ധീകരിച്ച നിലവിലുള്ള റാങ്ക് ലിസ്റ്റില്‍ ഉള്‍പ്പെട്ടിട്ടുള്ളവര്‍ രാവിലെ 10.30 ന് അസല്‍ സര്‍ട്ടിഫിക്കറ്റുകളുമായി ചൈല്‍ഡ് ഡെവലപ്പ്‌മെന്റ് സെന്ററില്‍ എത്തണം.

പി.എന്‍.എക്‌സ്.4796/17

ദേശീയ നിയമ സേവന ദിനാചരണത്തോടനുബന്ധിച്ച് തിരുവനന്തപുരം ജില്ലാ നിയമ സേവന അതോറിറ്റി ജില്ലയിലെ സ്‌കൂള്‍, കോളേജ് വിദ്യാര്‍ഥികള്‍ക്കായി സൈബര്‍ നിയമങ്ങളേയും കുറ്റകൃത്യങ്ങളേയും ചതിക്കുഴികളേയും ആസ്പദമാക്കി പ്രത്യേക ബോധവല്‍ക്കരണ പരിപാടി 'ഉത്തിഷ്ഠത ജാഗ്രത' യ്ക്ക് തുടക്കം കുറിച്ചു.  തിരുവല്ലം ക്രൈസ്റ്റ് നഗര്‍ സ്‌കൂളില്‍ സംഘടിപ്പിച്ച ദേശീയ നിയമ സേവന ദിനാചരണത്തിന്റെയും 1987 ലെ നിയമ സേവന നിയമം പൊതുജനങ്ങളില്‍ പ്രചരിപ്പിക്കുന്നതിനായി ദേശ വ്യാപകമായി സംഘടിപ്പിച്ചിട്ടുള്ള കണക്റ്റിംഗ് ടു സെര്‍വ് എന്ന ദശദിന പ്രചരണ പരിപാടയുടെയും ജില്ലാതല ഉദ്ഘാടനം ജില്ലാ ജഡ്ജിയും നിയമ സേവന അതോറിറ്റി ചെയര്‍മാനുമായ കെ.

മികച്ച കായിക താരങ്ങള്‍ക്ക് സര്‍ക്കാര്‍ സര്‍വീസില്‍ നിയമനം നല്‍കുന്ന പദ്ധതിയില്‍ 2010-14 വര്‍ഷങ്ങളിലെ ഒഴിവുകളിലെ അര്‍ഹരായവരില്‍ നിന്ന് അപേക്ഷ ക്ഷണിച്ചു.  വിജ്ഞാപനത്തിന്റെ പകര്‍പ്പ് www.kerala.gov.in, www.prdkerala.gov.in എന്നിവയില്‍ ലഭ്യമാണ്.  ജില്ലാ ഇന്‍ഫര്‍മേഷന്‍ ഓഫീസുകള്‍, കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ എന്നിവിടങ്ങളില്‍ വിജ്ഞാപനത്തിന്റെ പകര്‍പ്പ് പരിശോധിക്കാം.

ചാര്‍ട്ടേര്‍ഡ് അക്കൗണ്ടന്‍സി/ഇന്‍സ്റ്റിറ്റ്യൂട്ട് ഓഫ് കോസ്റ്റ് ആന്റ് വര്‍ക്ക് അക്കൗണ്ടന്‍സി/കമ്പനി സെക്രട്ടറിഷിപ്പ് കോഴ്‌സുകള്‍ക്ക് പഠിക്കുന്ന ന്യൂനപക്ഷ മതവിഭാഗങ്ങളിലെ (മുസ്ലീം, ക്രിസ്ത്യന്‍, സിഖ്, ബുദ്ധ, പാഴ്‌സി, ജൈനര്‍) ദാരിദ്ര്യരേഖയ്ക്ക് താഴെയുള്ള കുടുംബങ്ങളിലെ വിദ്യാര്‍ത്ഥികള്‍ക്ക് സ്‌കോളര്‍ഷിപ്പിന് സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു. ബി.പി.എല്‍ അപേക്ഷകരുടെ അഭാവത്തില്‍ ന്യൂനപക്ഷ വിഭാഗത്തില്‍ ആറ് ലക്ഷം രൂപയില്‍ താഴെ വാര്‍ഷിക വരുമാനമുള്ളവരെയും പരിഗണിക്കും.

കേരള സാമൂഹ്യ സുരക്ഷാ മിഷന്‍ നടപ്പിലാക്കുന്ന 'സ്‌നേഹപൂര്‍വം എക്‌സലന്‍സ്' ധനസഹായത്തിന് ഓണ്‍ലൈനായി നവംബര്‍ 30 വരെ അപേക്ഷിക്കാം.

പി.എന്‍.എക്‌സ്.4792/17

കോമ്പോസിഷന്‍ നികുതിദായകര്‍ സമര്‍പ്പിക്കേണ്ട ജി.എസ്.ടി.ആര്‍-നാല് റിട്ടേണ്‍ സമര്‍പ്പിക്കാനുള്ള സൗകര്യം ജി.എസ്.ടി പോര്‍ട്ടലില്‍ ലഭ്യമായിട്ടുണ്ടെന്ന് സംസ്ഥാന ചരക്ക് സേവന നികുതി വകുപ്പ് അറിയിച്ചു.

ജി.എസ്.ടി നിയമപ്രകാരം കോമ്പോസിഷന്‍ നികുതി നിര്‍ണയം തിരഞ്ഞെടുത്ത മുഴുവന്‍ വ്യാപാരികളും ജി.എസ്.ടി.ആര്‍-നാല് റിട്ടേണില്‍ തങ്ങളുടെ ത്രൈമാസ വ്യാപാര വിവരങ്ങള്‍ ജി.എസ്.ടി പോര്‍ട്ടലില്‍ സമര്‍പ്പിക്കണം.  ജി.എസ്.ടി. ആര്‍-നാല് റിട്ടേണ്‍ തയ്യാറാക്കാനുള്ള ഓഫ്‌ലൈന്‍ എക്‌സല്‍ ടൂള്‍ ഉപയോഗിച്ചും സമര്‍പ്പിക്കാം. 

സ്‌കോള്‍ കേരള മുഖേന 2017-2019 ബാച്ചില്‍ ഹയര്‍സെക്കന്‍ഡറി കോഴ്‌സിന് പ്രൈവറ്റായി രജിസ്റ്റര്‍ ചെയ്ത വിദ്യാര്‍ഥികള്‍ക്കുള്ള ഒന്നാം വര്‍ഷ ഓറിയന്റേഷന്‍ ക്ലാസുകള്‍ 12, 19 തീയതികളില്‍  നടത്തുമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.  വിശദാംശങ്ങള്‍ക്ക് അതത് പരീക്ഷാ കേന്ദ്രങ്ങളുമായി ബന്ധപ്പെടണം.

പി.എന്‍.എക്‌സ്.4790/17

 ഇന്‍സ്റ്റിറ്റ്യൂട്ട് ഓഫ് പാര്‍ലമെന്ററി അഫയേഴ്‌സിന്റെ ആഭിമുഖ്യത്തില്‍ 2017-18 അധ്യയന വര്‍ഷത്തിലെ യൂത്ത് പാര്‍ലമെന്റ് മത്സരങ്ങളില്‍ പങ്കെടുക്കുന്ന തിരുവനന്തപുരം, കൊല്ലം, പത്തനംതിട്ട, കോട്ടയം ജില്ലകളിലെ സ്‌കൂളുകളില്‍ നിന്നും നിര്‍ദ്ദേശിക്കപ്പെട്ട ടീച്ചര്‍ കോ-ഓര്‍ഡിനേറ്റര്‍മാര്‍ക്കുള്ള പരിശീലന പരിപാടിയുടെ മൂന്നാംഘട്ടം 13 ന് തിരുവനന്തപുരം ഗവ. ഗസ്റ്റ് ഹൗസിലെ ബാങ്ക്വറ്റ് ഹാളില്‍ രാവിലെ 10 ന് നടത്തും. ഒന്നും രണ്ടും ഘട്ട പരിശീലന പരിപാടിയില്‍ പങ്കെടുക്കാന്‍ കഴിയാത്ത  മറ്റ് ജില്ലകളില്‍ നിന്നുള്ള സ്‌കൂളുകള്‍ക്ക് പ്രതിനിധികളെ പരിശീലന പരിപാടിയിലേക്കയയ്ക്കാം.

പി.എന്‍.എക്‌സ്.4789/17

ജില്ലാ നിയമ സേവന അതോറിറ്റി നിയമസേവന ദിനാചരണത്തോടനുബന്ധിച്ച് സംഘടിപ്പിക്കുന്ന ദശദിന പ്രചാരണ പരിപാടിയുടെ ഭാഗമായി ഒന്‍പതാം ക്ലാസ് വിദ്യാര്‍ഥികള്‍ക്കും പാരാലീഗല്‍ വോളണ്ടിയര്‍മാര്‍ക്കുമായി നവംബര്‍ 13ന് ഉപന്യാസരചനാ മത്സരം നടത്തുന്നു.

കൊല്ലം ഗവണ്‍മെന്റ് മോഡല്‍ ബോയ്‌സ് ഹയര്‍ സെക്കന്‍ഡറി സ്‌കൂളില്‍ രാവിലെ പത്തിന് ആരംഭിക്കുന്ന മത്സരത്തില്‍ സ്‌കൂള്‍ വിദ്യാര്‍ഥികള്‍ക്ക് നിയമപാഠം എന്ന പുസ്തകത്തെയും പാരാലീഗല്‍ വോളണ്ടിയര്‍മാര്‍ക്ക് സ്ത്രീയും നിയമവും എന്ന പുസ്തകത്തെയും അടിസ്ഥാനമാക്കിയായാണ്  മത്സരം.

വിശദ വിവരങ്ങള്‍ക്ക് 0474- 2791399 എന്ന ഫോണ്‍ നമ്പരില്‍ ബന്ധപ്പെടണം.