ട്രാവന്‍കൂര്‍ - കൊച്ചിന്‍ മെഡിക്കല്‍ കൗണ്‍സിലില്‍ രജിസ്റ്റര്‍ ചെയ്ത എല്ലാ ഭാരതീയ ചികിത്സാ സമ്പ്രദായം ചികിത്സകരും പേരു വിവരങ്ങള്‍ നിശ്ചിത പ്രൊഫോര്‍മയില്‍ എക്‌സല്‍ ഫോര്‍മാറ്റില്‍ registrartcmc@gmail.com എന്ന ഇ-മെയിലില്‍ നവംബര്‍ 21 നകം ലഭ്യമാക്കണം. സി.സി.ഐ.എം സെന്‍ട്രല്‍ രജിസ്റ്റര്‍ ഓഫ് ഇന്ത്യന്‍ മെഡിസിന്‍ ചികില്‍സകരുടെ പേരുകള്‍ പുതുക്കുന്നതിന് വിശദാംശങ്ങള്‍ നല്‍കുന്നതിനാലാണ് വിവരങ്ങള്‍ തേടുന്നതെന്ന് കൗണ്‍സില്‍ രജിസ്ട്രാര്‍ അറിയിച്ചു. 

പി.എന്‍.എക്‌സ്.4784/17

ഓമല്ലൂര്‍ ഗ്രാമപഞ്ചായത്തിലെ നികുതി ദായകരുടെ സൗകര്യാരത്ഥം കെട്ടിട നികുതി, തൊഴില്‍ നികുതി, ലൈസന്‍സ് ഫീസ് ഇവ പഞ്ചായത്തിലെ വിവിധ കേന്ദ്രങ്ങളില്‍ രാവിലെ 10.30 മുതല്‍ 2.30 വരെ സ്വീകരിക്കും. നികുതി ഒടുക്കാത്തവര്‍ ഈ സൗകര്യം പ്രയോജനപ്പെടുത്തണമെന്ന് സെക്രട്ടറി അറിയിച്ചു.

മുതിര്‍ന്ന പൗരന്മാരുടെ ക്ഷേമവും മാനസിക ഉല്ലാസവും ലക്ഷ്യമാക്കി തുമ്പമണ്‍ സാമൂഹ്യാരോഗ്യ കേന്ദ്രത്തില്‍ ഈ മാസം 13ന് രാവിലെ 10ന് മുതിര്‍ന്ന പൗരന്മാരുടെ സംഗമം നടത്തുന്നു.

പരിപാടിയുടെ ഭാഗമായി സൗജന്യ വൈദ്യപരിശോധന, കൗണ്‍സിലിംഗ്, യോഗ, ധ്യാനം, വിനോദ പരിപാടികള്‍ എന്നിവ സംഘടിപ്പിച്ചിട്ടുള്ളതായി തുമ്പമണ്‍ സാമൂഹികാരോഗ്യ കേന്ദ്രം മെഡിക്കല്‍ ഓഫീസര്‍ അറിയിച്ചു.                         

(പിഎന്‍പി 3020/17)

സ്‌കൂള്‍ വായനശാലയിലേക്ക് ഒരു പുസ്തകം എന്ന പദ്ധതിയിന്‍ കീഴില്‍ വാഴമുട്ടം ഗവണ്‍മെന്റ് യുപി സ്‌കൂളില്‍ പുസ്തകശേഖരണം ആരംഭിച്ചു. ഇളംതലമുറയില്‍ വായനാശീലം വളര്‍ത്തിക്കൊണ്ടുവരുന്നതിന് എല്ലാ ക്ലാസുകളിലും കുട്ടികളുടെ നിലവാരത്തിന് അനുസൃതമായ ലൈബ്രറി സജ്ജീകരിക്കുന്നതിനാണ് പുസ്തക ശേഖരണം ആരംഭിച്ചിട്ടുള്ളത്.

രക്ഷിതാക്കള്‍, പൂര്‍വവിദ്യാര്‍ഥികള്‍, അധ്യാപകര്‍, പൊതുസമൂഹം എന്നിവരുടെ പിന്തുണയോടെയാണ് പുസ്തകശേഖരണം നടത്തുകയെന്ന് ഹെഡ്മാസ്റ്റര്‍ അറിയിച്ചു. 

(പിഎന്‍പി 3019/17)

സാമൂഹ്യനീതി വകുപ്പിന് കീഴിലുള്ള കോഴഞ്ചേരി ഗവണ്‍മെന്റ് മഹിളാ മന്ദിരത്തില്‍ മള്‍ട്ടി ടാസ്‌ക് കെയര്‍ പ്രൊവൈഡറെ താത്ക്കാലിക അടിസ്ഥാനത്തില്‍ നിയമിക്കുന്നു.

25നും 50നും മധ്യേ പ്രായമുള്ള എട്ടാം ക്ലാസ് പാസായ വനിതകള്‍ക്ക് അപേക്ഷിക്കാം. താത്പര്യമുള്ളവര്‍ ഈ മാസം 13ന്  രാവിലെ 11ന് കോഴഞ്ചേരി ഗവണ്‍മെന്റ് മഹിളാമന്ദിരത്തില്‍ നടക്കുന്ന കൂടിക്കാഴ്ചയില്‍ പങ്കെടുക്കണം.                     

(പിഎന്‍പി 3018/17)

കേരളത്തില്‍ സ്ഥിരതാമസക്കാരായ മുസ്ലീം, ലത്തീന്‍ ക്രിസ്ത്യന്‍/മതപരിവര്‍ത്തിത ക്രിസ്ത്യന്‍ വിഭാഗത്തില്‍പ്പെട്ട പെണ്‍കുട്ടികളില്‍ നിന്നും 2017-18 അധ്യയന വര്‍ഷത്തേയ്ക്ക് സി.എച്ച്. മുഹമ്മദ് കോയ സ്‌കോളര്‍ഷിപ്പ്/ ഹോസ്റ്റല്‍ സ്റ്റൈപ്പന്റിന് സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു. ബിരുദത്തിന് പഠിക്കുന്നവര്‍ക്ക് 5,000/- രൂപാ വീതവും, ബിരുദാനന്തര ബിരുദത്തിന് പഠിക്കുന്നവര്‍ക്ക് 6,000/- രൂപാ വീതവും, പ്രൊഫഷണല്‍ കോഴ്‌സിന് പഠിക്കുന്നവര്‍ക്ക് 7,000 രൂപാ വീതവും ഹോസ്റ്റല്‍ സ്റ്റൈപ്പന്റ് ഇനത്തില്‍ 13,000/- രൂപാ വീതവുമാണ് പ്രതിവര്‍ഷം സ്‌കോളര്‍ഷിപ്പ് നല്‍കുന്നത്.

സാധാരണക്കാര്‍ക്ക് സൗജന്യ നിയമസേവനം ലഭ്യമാക്കുന്നതിന് ലീഗല്‍ സര്‍വീസസ് അതോറിറ്റി നടപ്പാക്കുന്ന പദ്ധതിയായ കണക്ട് ടു സെര്‍വ് പദ്ധതി കോന്നി പഞ്ചായത്ത് കമ്മ്യൂണിറ്റി ഹാളില്‍ ജില്ലാ സെഷന്‍സ് ജഡ്ജി ജോണ്‍ കെ.ഇല്ലിക്കാടന്‍ ഉദ്ഘാടനം ചെയ്തു.

ഈ അധ്യയന വര്‍ഷത്തില്‍ പ്രൊഫഷണല്‍ ഡിഗ്രി കോഴ്‌സുകള്‍ക്ക് പ്രവേശനം ലഭിച്ച് പഠിച്ചുകൊണ്ടിരിക്കുന്ന വിമുക്തഭടന്മാരുടെ കുട്ടികള്‍ക്കും യുദ്ധ സമാന സാഹചര്യങ്ങളില്‍ മരിച്ച ജവാന്മാരുടെ വിധവകള്‍ക്കും പ്രധാനമന്ത്രിയുടെ സ്‌കോളര്‍ഷിപ്പിന് അപേക്ഷിക്കാം.

ഈ മാസം 15ന് മുമ്പ് www.ksb.gov.in എന്ന വെബ്‌സൈറ്റില്‍ ഓണ്‍ലൈനായാണ് അപേക്ഷിക്കേണ്ടത്.  അപേക്ഷയും അനുബന്ധരേഖകളും പകര്‍പ്പുകളും 15ന് മുമ്പ് ജില്ലാ സൈനിക ക്ഷേമ ഓഫീസില്‍ നേരിട്ട് സമര്‍പ്പിക്കണം.

കൂടുതല്‍ വിവരം 0468 2222104 എന്ന നമ്പരില്‍ ലഭിക്കും.                                          

കേരളത്തിലെ സ്വയം തൊഴില്‍ സംരംഭങ്ങള്‍ക്ക് സംസ്ഥാന സര്‍ക്കാര്‍ പൂര്‍ണ പിന്തുണ നല്‍കുമെന്ന് തൊഴില്‍ നൈപുണ്യ വകുപ്പ് മന്ത്രി ടി. പി. രാമകൃഷ്ണന്‍ പറഞ്ഞു. തിരുവനന്തപുരം മാസ്‌കറ്റ് ഹോട്ടലില്‍ തൊഴില്‍ വകുപ്പ് സംഘടിപ്പിച്ച ദേശീയ സംരംഭക ദിനം ഉദ്ഘാടനം ചെയ്യുകയായിരുന്നു. 

കെല്‍ട്രോണ്‍, സര്‍ക്കാര്‍ അംഗീകരിച്ചതും പി.എസ്.സി നിയമനങ്ങള്‍ക്ക് യോഗ്യവുമായ ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍, വേഡ് പ്രോസസിംഗ് ആന്‍ഡ് ഡേറ്റാ എന്‍ട്രി  കോഴ്‌സുകളിലേക്ക് അപേക്ഷ ക്ഷണിച്ചു.

ഇന്‍സ്ട്രുമെന്റേഷന്‍ ആന്‍ഡ് പ്രോസസ് ഓട്ടോമേഷന്‍, കംപ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ്‌വര്‍ക്ക് മെയിന്റനന്‍സ് (3 മാസം), ഡിപ്ലോമ ഇന്‍ കംപ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ് വര്‍ക്ക് മെയിന്റനന്‍സ് വിത്ത് ലാപ്‌ടോപ്പ് ടെക്‌നോളജിസ്, നെറ്റ്‌വര്‍ക്ക് അഡ്മിനിസ്‌ട്രേഷന്‍ അന്‍ഡ് ലിനക്‌സ് എന്നീ അഡ്വാന്‍സ്ഡ് കോഴ്‌സുകളിലേക്കും ഇപ്പോള്‍ അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ഈ മാസം 13.