ജില്ലാ ആസൂത്രണ സമിതി യോഗം ജനുവരി 25ന്  വൈകീട്ട് 2.30ന് ജില്ലാ പഞ്ചായത്ത് സമ്മേളന ഹാളില്‍ ചേരും.

സാങ്കേതിക വിദ്യാഭ്യാസ വകുപ്പും സര്‍ക്കാര്‍ സ്ഥാപനമായ സി-ആപ്ടും സംയുക്തമായി നടത്തുന്ന ആറുമാസത്തെ കംപ്യൂട്ടര്‍ ആന്‍ഡ് ഡി.റ്റി.പി ഓപ്പറേഷന്‍സ് കോഴ്‌സിലേയ്ക്ക് അപേക്ഷ ക്ഷണിച്ചു.  അപേക്ഷ സ്വീകരിക്കുന്ന അവസാന തിയ്യതി ജനുവരി 31.  അപേക്ഷകര്‍ എസ്.എസ്.എല്‍.സി/തത്തുല്യ യോഗ്യത പാസ്സായിരിക്കണം. പട്ടികജാതി/പട്ടികവര്‍ഗ്ഗ/മറ്റര്‍ഹ വിഭാഗക്കാര്‍ക്ക് ഫീസിളവ് ലഭിക്കും. അപേക്ഷാഫോറം 30 രൂപയ്ക്ക് സെന്ററില്‍ നിന്നും 55 രൂപ മണിഓര്‍ഡറായി മാനേജിംഗ് ഡയക്ടര്‍, സി-ആപ്ട്, റാം മോഹന്‍ റോഡ്, മലബാര്‍ ഗോള്‍ഡിന് സമീപം, കോഴിക്കോട് വിലാസത്തിലും ലഭിക്കും.   ഫോണ്‍ 0495 2723666.

    പെരിന്തല്‍മണ്ണ താലൂക്ക്, മങ്കട വില്ലേജ്, കടന്നമണ്ണ ദേശം സര്‍വ്വെ നമ്പര്‍ 34/3ല്‍പ്പെട്ട 14.25 സെന്റ് ഭൂമിയും കെട്ടിടവും ഫെബ്രുവരി ഒമ്പതിന് വൈകുന്നേരം മൂന്നിന് മങ്കട വില്ലേജ് ഓഫീസില്‍ ലേലം ചെയ്യും.

       പെരിന്തല്‍മണ്ണ ഗവ. പോളിടെക്‌നിക്ക് കോളേജില്‍ ഇന്നും നാളെയും (ജനുവരി 23, 24) റഗുലര്‍  ക്‌ളാസുകള്‍ ഉണ്ടായിരിക്കുന്നതല്ലെന്ന് പ്രിന്‍സിപ്പാള്‍ അറിയിച്ചു.

റേഷന്‍ കാര്‍ഡ്  പുതുക്കുന്നതിനായി ഫോട്ടോ എടുത്ത് പുതുക്കിയ റേഷന്‍ കാര്‍ഡ് കൈപ്പറ്റാത്ത കാര്‍ഡുടമകള്‍ ജനുവരി 31 നകം പൊന്നാനി താലൂക്ക് സപ്ലൈ ഓഫീസില്‍ പഴയ കാര്‍ഡ് ഹാജരാക്കി പുതിയത് കൈപ്പറ്റണമെന്ന് താലൂക്ക് സപ്ലൈ ഓഫീസര്‍ അറിയിച്ചു.

     മൃഗസംരക്ഷണ വകുപ്പിന്റെ  ആഭിമുഖ്യത്തില്‍  മലമ്പുഴ മൃഗസംരക്ഷണ   പരിശീലന കേന്ദ്രത്തില്‍ ജനുവരി 25-ന്   കാട വളര്‍ത്തലില്‍ സൗജന്യ പരിശീലനം സംഘടിപ്പിക്കുന്നു.  താല്‍പര്യമുളളവര്‍ നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി രജിസ്റ്റര്‍ ചെയ്യണം. രജിസ്റ്റര്‍  ചെയ്തവര്‍ ആധാര്‍ നമ്പറുമായി  രാവിലെ 10 നകം പരിശീലന കേന്ദ്രത്തില്‍ എത്തണം. ഫോണ്‍ 0491 - 2815454, 8281777080.

    അരീക്കോട് ഇലക്ട്രിക്കല്‍ സെക്ഷന്‍ പരിധിയിലുള്ള ഇളയൂര്‍, ചരങ്ങാക്കുണ്ട്, മാടാരക്കുണ്ട്, തഖ്‌വാബാദ് എന്നീ സ്ഥലങ്ങളില്‍ ഇന്ന് (ജനുവരി 23) രാവിലെ എട്ട് മുതല്‍ വൈകുന്നേരം അഞ്ച് വരെ വൈദ്യുതി മുടങ്ങും.

    അരീക്കോട് ഇലക്ട്രിക്കല്‍ സെക്ഷനു പരിധിയിലുള്ള സൗത്ത് കൊഴക്കോട്ടൂര്‍, പുത്തലം, സൗത്ത് പുത്തലം, മൂഴിപ്പാടം എന്നീ സ്ഥലങ്ങളില്‍ നാളെ (ജനുവരി 24) രാവിലെ എട്ട് മുതല്‍ വൈകുന്നേരം അഞ്ച് വരെ വൈദ്യുതി മുടങ്ങും.

    ജില്ലാ പഞ്ചായത്തിന്റെ ഒരു സാധാരണ യോഗം ജനുവരി 30ന് രാവിലെ 11ന് ജില്ലാ പഞ്ചായത്ത് ഓഫീസില്‍ ചേരും.

തൊഴില്‍ പ്രവീണ്യം നല്‍കുന്നതിനായി ഹയര്‍ സെക്കന്‍ഡറി, കോളേജ് തലങ്ങളില്‍ നടപ്പിലാക്കുന്ന സംസ്ഥാന പൊതു വിദ്യാഭ്യാസ വകുപ്പിന്റെയും  ഉന്നത വിദ്യാഭ്യാസ വകുപ്പിന്റെയും സംയുക്ത സംരംഭമായ 'അസാപിന്റെ'  കീഴില്‍ തൊഴില്‍ പരിശീലനം ല്‍കും. 15-25 പ്രായ പരിധിയില്‍പ്പെടുന്നവര്‍ക്ക് വിദ്യാഭ്യാസ യോഗ്യത അനുസരിച്ചാണ് തൊഴില്‍ മേഖലകളില്‍പരിശീലനം നല്‍കുന്നത്. സമ്മര്‍ സ്‌കില്‍ സ്‌കൂള്‍ പ്രോഗ്രാമിലേക്ക് അപേക്ഷിക്കാന്‍ താല്‍പ്പര്യമുള്ളവര്‍ അസാപ്പിന്റെ. www.asapkerala.gov.inഎന്ന വെബ്‌സൈറ്റ് സന്ദര്‍ശിക്കുക.. ഫോണ്‍ :9495999663