റവന്യൂ-ഭവന നിര്‍മ്മാണ മന്ത്രി ഇ. ചന്ദ്രശേഖരന്‍ നാളെ (20) ജില്ലയില്‍ വിവിധ പരിപാടികളില്‍ പങ്കെടുക്കും. നാളെ (20) രാവിലെ ഒമ്പത് മണിക്ക് കാസര്‍കോട് ടൗണ്‍ഹാളില്‍ പൊതുപരിപാടി, 10 മണിക്ക് അടുക്കത്ത്ബയല്‍ പാടശേഖരസമിതി വിളവെടുപ്പ് ഉത്സവം, ഉച്ചയ്ക്ക് മൂന്നു മണിക്ക് കാഞ്ഞങ്ങാട് എന്നിവിടങ്ങളിലെ പരിപാടികളില്‍ മന്ത്രി സംബന്ധിക്കും.

അത്യാധുനിക സൗകര്യങ്ങളോടെ തുമ്പമണ്‍ വില്ലേജ് ഓഫീസിന് വേണ്ടി നിര്‍മിക്കുന്ന പുതിയ കെട്ടിടത്തിന്‍റെ ശിലാസ്ഥാപനം ഇന്ന് (19) രാവിലെ ഒമ്പതിന് തുമ്പമണ്‍ മുട്ടം വായനശാലയ്ക്ക് സമീപം ചിറ്റയം ഗോപകുമാര്‍ എംഎല്‍എ നിര്‍വഹിക്കും. തുമ്പമണ്‍ ഗ്രാമപഞ്ചായത്ത് പ്രസിഡന്‍റ് സക്കറിയ വര്‍ഗീസ് അധ്യക്ഷത വഹിക്കുന്ന ചടങ്ങില്‍ ആന്‍റോ ആന്‍റണി എംപി മുഖ്യാതിഥി ആയിരിക്കും. ജില്ലാ കളക്ടര്‍ ആര്‍.ഗിരിജ സ്വാഗതം ആശംസിക്കും.

ജില്ലാകളക്ടറുടെ നേതൃത്വത്തില്‍ ഹൊസ്ദുര്‍ഗ് താലൂക്കിന്റെ പരാതിപരിഹാര അദാലത്ത് നാളെ(20) ഹൊസ്ദുര്‍ഗ് താലൂക്ക് ഓഫീസ് പരിസരത്ത് നടത്തും. ഈ അദാലത്തിലേക്ക് ലൈഫ് മിഷന്‍ പദ്ധതി, ചികിത്സാ ധനസഹായം, റേഷന്‍ കാര്‍ഡ്, എല്‍ആര്‍എം കേസുമായി ബന്ധപ്പെട്ടതൊഴികെയുളള പരാതികള്‍ സ്വീകരിക്കും.

2016-17 വര്‍ഷത്തെ ക്ഷീര കര്‍ഷക അവാര്‍ഡുകള്‍ പ്രഖ്യാപിച്ചു. ജനറല്‍ വിഭാഗത്തില്‍ വിജയന്‍ കൊല്ലന്‍റെ തെക്കേതില്‍ മുണ്ടപ്പള്ളിയും വനിതാ കര്‍ഷക വിഭാഗത്തില്‍ മേരിക്കുട്ടി ജോയി, പുത്തന്‍പുരയ്ക്കല്‍ വെച്ചൂച്ചിറയും പട്ടികജാതി പട്ടികവര്‍ഗ വിഭാഗത്തില്‍ എം.ആര്‍.ഐശ്യര്യ, വട്ടയ്ക്കല്‍ റാന്നിയും അവാര്‍ഡിന് അര്‍ഹരായി. ഏറ്റവും കൂടുതല്‍ പാല്‍ സംഭരിച്ചതിന് വെച്ചൂച്ചിറ ക്ഷീര സംഘവും പന്തളം കെ.വി.സി.എസ് സംഘവും അവാര്‍ഡിന് അര്‍ഹമായി.

ജില്ലാ പഞ്ചായത്ത് കാര്യാലയം പരിസരത്ത് നിര്‍മ്മിച്ച കുടുംബശ്രീ ഉല്‍പ്പന്ന വിപണന കേന്ദ്രത്തിലെ മൂന്നാം നമ്പര്‍ മുറി വാടകയ്ക്ക് നല്‍കുന്നതിനായി ഈ മാസം 25 ന് രാവിലെ 10.30 ന് ജില്ലാപഞ്ചായത്ത് കാര്യാലയത്തില്‍ ലേലം ചെയ്യും. പങ്കെടുക്കാന്‍ ആഗ്രഹിക്കുന്ന അംഗീകൃത വനിതാഗ്രൂപ്പുകള്‍, കുടുംബശ്രീ യൂണിറ്റുകള്‍ 24 ന് വൈകുന്നേരം നാല് മണിക്കകം ആരംഭിക്കാന്‍ ഉദ്ദേശിക്കുന്ന സംരംഭം സംബന്ധിച്ച വിശദമായ പ്രോജക്ട് റിപ്പോര്‍ട്ട് സഹിതം അപേക്ഷ സമര്‍പ്പിക്കണം. അപേക്ഷകര്‍ ലേലത്തിന് മുമ്പായി സീല്‍വെച്ച കവറില്‍ ക്വട്ടേഷന്‍ സമര്‍പ്പിക്കണം. ഫോണ്‍ 04994 256722.

ശബരിമല സാനിട്ടേഷന്‍ സൊസൈറ്റി 25-ാം വര്‍ഷത്തിലേക്ക് കടക്കുന്ന അഭിമാന നിമിഷത്തില്‍ 24 വര്‍ഷം തുടര്‍ച്ചയായി സൊസൈറ്റിയുടെ കീഴില്‍ വിശുദ്ധി സേനാംഗങ്ങളായി പ്രവര്‍ത്തിച്ചവരെ ജില്ലാ ഭരണകൂടം ഇന്ന് (19) ആദരിക്കുന്നു. വൈകിട്ട് അഞ്ചിന് പമ്പ ആഞ്ജനേയ ഓഡിറ്റോറിയത്തില്‍ നടക്കുന്ന ചടങ്ങ് ജലവിഭവ വകുപ്പ് മന്ത്രി മാത്യു ടി.തോമസ് ഉദ്ഘാടനം ചെയ്യും. രാജു എബ്രഹാം എംഎല്‍എ അധ്യക്ഷത വഹിക്കും. ആന്‍റോ ആന്‍റണി എംപി മുഖ്യപ്രഭാഷണം നടത്തും.

മാലിന്യ സംസ്‌കരണം ലക്ഷ്യമിട്ട് ജില്ലയില്‍ ഹരിതകര്‍മ്മസേനയെത്തുന്നു. ശുചിത്വ-മാലിന്യസംസ്‌കരണ കാമ്പയിന്റെ ഭാഗമായാണ് പദ്ധതി നടപ്പാക്കുന്നത്.പദ്ധതിയുടെ ആദ്യഘട്ടംജില്ലയിലെ 14 പഞ്ചായത്തുകളിലും രണ്ട് നഗരസഭകളിലുമായാണ് നടപ്പാക്കുന്നത്. ഓരോ പഞ്ചായത്തുകളിലെയും ഒരുവാര്‍ഡില്‍ നിന്ന് തിരഞ്ഞെടുക്കപ്പെടുന്ന രണ്ട് കുടുംബശ്രീ അംഗങ്ങളാണ് സേനയുടെ ഭാഗമാകുന്നത്.പൊതുസ്ഥലങ്ങള്‍ ,വീടുകള്‍ സ്ഥാപനങ്ങള്‍ എന്നിവിടങ്ങളില്‍ നിന്നും ശേഖരിക്കുന്ന അജൈവമാലിന്യങ്ങളെ മെറ്റീരിയല്‍ ഫെസിലിറ്റി കേന്ദ്രങ്ങളിലും മെറ്റീരിയല്‍ റിക്കവറി കേന്ദ്രങ്ങളിലും സേനയിലെ അംഗങ്ങള്‍ എത്തിച്ച് നല്‍കും.

ജില്ലയില് ആരോഗ്യ രംഗത്ത് നിലനില്ക്കുന്ന പ്രശ്നങ്ങളെ കുറിച്ച് പഠനം നടത്തി റിപ്പോര്ട്ട് സമര്പ്പിക്കുന്നതിനായി ജില്ലാ കലക്ടര് അമിത് മീണ പ്രത്യേക സംഘത്തെ നിയോഗിച്ച് ഉത്തരവിറക്കി. സര്ക്കാര് വകുപ്പുകളും ആരോഗ്യ പ്രവര്ത്തകരും ഇടപ്പെട്ടിട്ടും ജില്ലയിലെ ആരോഗ്യ രംഗത്തെ സ്ഥിതിഗതികള് ആശാവഹമല്ലാത്ത സഹചര്യത്തിലാണ് നടപടി. വാക്സിനേഷന് രംഗത്തും ആരോഗ്യ മേഖലയിലെ മുന് കരുതല് നടപടിയിലും ജില്ല മറ്റു ജില്ലകളെ അപേക്ഷിച്ച് വളരെ പിന്നിലാണന്ന നിഗമനവും ഇത്തരം പഠനത്തിന് കാരണമാണ്. ഡെപ്യൂട്ടി കലക്ടര് ഡോ. ജെ.ഒ അരുണ് ആണ് സംഘത്തിന്റെ ചെയര്മാന് ജില്ലാ മെഡിക്കല് ഓഫീസര് കെ.സക്കീന കോ-ചെയര്മാനാണ്.

ഭരണഭാഷ പൂര്ണ്ണമായും മലയാളത്തിലാക്കുക എന്ന ലക്ഷ്യം നേടുന്നതിന്റെ ഭാഗമായി ഔദ്യോഗിക ഭാഷാ വകുപ്പ് ജില്ലാതല ഓഫീസര്മാര്ക്ക് ഇന്ന് (ജനുവരി 18) ഏകദിന ഭരണഭാഷാബോധവത്കരണ പരിപാടി സംഘടിപ്പിക്കും. ഉദ്ഘാടനം രാവിലെ 10ന് കലക്ടറേറ്റ് സമ്മേളന ഹാളില് തദ്ദേശസ്വയം ഭരണ വകുപ്പ് മന്ത്രി ഡോ. കെ.ടി. ജലീല് നിര്വ്വഹിക്കും. പി. ഉബൈദുല്ല എം.എല്.എ അധ്യക്ഷത വഹിക്കും. ചടങ്ങില് കേരളത്തിലെ ഭരണഭാഷ എന്ന വിഷയത്തില് ഡോ.എം.എന്.കാരശ്ശേരി പ്രഭാഷണം നടത്തും. ഭരണഭാഷാ വിദഗ്ദന് ആര് ശിവകുമാര് വിഷയമവതരിപ്പിച്ച് സംസാരിക്കും. ഭരണഭാഷാ മാര്ഗരേഖകള് എന്ന വിഷയത്തില് ഔദ്യോഗിക ഭാഷാ വകുപ്പ് സെക്ഷന് ഓഫിസര് ആര്.എച്ച്.ബൈജു സംസാരിക്കും.

കൊച്ചി: പകര്‍ച്ചവ്യാധി പ്രതിരോധത്തിനായി സംസ്ഥാന സര്‍ക്കാര്‍ ആവിഷ്‌കരിച്ച ആരോഗ്യജാഗ്രത പദ്ധതിയുടെ ഭാഗമായി മന്ത്രിമാരുടെയും ജനപ്രതിനിധികളുടെയും നേതൃത്വത്തിലുള്ള കര്‍മ്മസേനകള്‍ ജനുവരി 21ന് ഭവനസന്ദര്‍ശനം നടത്തുമെന്ന് ആരോഗ്യവകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. സംസ്ഥാനത്തെ എല്ലാ വീടുകളും സന്ദര്‍ശിക്കുന്ന കര്‍മ്മസേനകള്‍ രോഗപ്രതിരോധത്തിന്റെ നിലവിലുള്ള അവസ്ഥ വിലയിരുത്തി, ബോധവല്‍ക്കണം നടത്തും.