ഐ.എച്ച്.ആര്‍.ഡിയുടെ വളാഞ്ചേരി, തിരൂര്‍ സെന്‍ററുകളില്‍ പി.ജി.ഡി.സി.എ, ഡി.സി.എ, ഡാറ്റ എന്‍ട്രി ആന്‍റ് ഓഫീസ് ഓട്ടോമോഷന്‍ കോഴ്സ് പ്രവേശനത്തിന് അപേക്ഷിക്കാം. പി.ജി.ഡി.സി.എ കോഴ്സിന് ബിരുദമാണ് യോഗ്യത. മറ്റു രണ്ടു കോഴ്സുകളിലേക്കും എസ്.എസ്.എല്‍.സി യാണു യോഗ്യത. പട്ടിക വിഭാഗം/ഒ.ഇ.സി വിദ്യാര്‍ഥികള്‍ക്ക് ഫീസ് സൗജന്യത്തോടൊപ്പം സ്റ്റൈപ്പന്‍റും ഒ.ബി.സി / മുന്നോക്ക വിഭാഗം അര്‍ഹരായ വിദ്യാര്‍ഥികള്‍ക്ക് കേരള സര്‍ക്കാരിന്‍റെ വിദ്യാഭ്യാസ ആനുകൂല്യങ്ങളും ലഭിക്കും. അപേക്ഷ ലഭിക്കേണ്ട അവസാന തിയതി ജനുവരി 12. കൂടുതല്‍ വിവരങ്ങള്‍ക്ക് ഫോണ്‍- 0491-2646303 (തിരൂര്‍) 0494-2423599 (വളാഞ്ചേരി)

    മകരജ്യോതിയോടനുബന്ധിച്ച് 10 മുതല്‍ 16 വരെ ആങ്ങമൂഴി, കൊച്ചുപമ്പ,വള്ളക്കടവ്  ചെക്ക് പോസ്റ്റിലൂടെ  ഗവിയിലേക്കുള്ള വിനോദയാത്ര നിരോധിച്ച് ജില്ലാ കളക്ടര്‍ ഉത്തരവായി.  ഗവി വിനോദസഞ്ചാര കേന്ദ്രവുമായി ബന്ധപ്പെട്ട പ്രദേശത്തിന് ചുറ്റും  ഉണ്ടായേക്കാവുന്ന ഭക്തജനതിരക്ക് വിനോദസഞ്ചാരികളുടെ സുരക്ഷയെ ബാധിക്കുന്നതിനാലും അവരുടെ വാഹനം സുഗമമായി സഞ്ചരിക്കുന്നതിനും ഈ കാലയളവില്‍ പ്രയാസകരമായതിനാലുമാണ് നിരോധനം ഏര്‍പ്പെടുത്തിയിട്ടുള്ളതെന്ന് ജില്ലാ കളക്ടര്‍ അറിയിച്ചു.                                                               (പിഎന്‍പി 33/18)

    ജില്ലയിലെ തദ്ദേശഭരണ സ്ഥാപനങ്ങളിലെ 2017-18 വാര്‍ഷിക പദ്ധതിയിലെ ലൈഫ് മിഷന്‍ പ്രൊജക്ടുകള്‍ ഏറ്റെടുക്കുന്നതിനായുളളി പദ്ധതി ഭേദഗതിയ്ക്കുളള അംഗീകാരം നല്‍കുന്നതിന് ജില്ലാ ആസൂത്രണ സമിതിയുടെ യോഗം ജില്ലാ പഞ്ചായത്ത് സമ്മേളന ഹാളില്‍ ജനുവരി 12-നും , കരട് ജില്ലാപദ്ധതി അംഗീകാരത്തിനായുളള പ്രത്യേക ജില്ലാ ആസൂത്രണ സമിതി  ജനുവരി 19 ന് വൈകീട്ട് മൂന്നിനും ചേരുമെന്ന് ജില്ലാകളക്ടര്‍ അറിയിച്ചു.
 

    അകത്തേത്തറ കൃഷിഭവന്‍റെ 2017-18 ജനകീയാസൂത്രണ പദ്ധതി പ്രകാരം ഗ്രോബാഗുകള്‍ വിതരണം ചെയ്യുന്നു.  ആവശ്യമുളളവര്‍ അപേക്ഷയും അനുബന്ധ രേഖകളും ജനുവരി 10 നു മുമ്പ് കൃഷിഭവനില്‍ സമര്‍പ്പിക്കണമെന്ന് കൃഷി ഓഫീസര്‍ അറിയിച്ചു.  കൂടാതെ നല്ലയിനം പച്ചക്കറി തൈകള്‍ കൃഷിഭവനില്‍ വിതരണത്തിനായി എത്തിയിട്ടുണ്ട്. കൂടുതല്‍ വിവരങ്ങള്‍ക്ക് കൃഷിഭവനുമായി ബന്ധപ്പെടണം. 

ദേശീയ യുവജന ദിനാഘോഷത്തിന്റെ ഭാഗമായി കേരള സംസ്ഥാന യുവജനക്ഷേമ ബോര്‍ഡ്, സ്‌പോര്‍ട്‌സ് ഡയറക്ടറേറ്റ്, യൂത്ത് കമ്മീഷന്‍ എന്നിവര്‍ സംയുക്തമായി ഒന്ന് മുതല്‍ ആറാം ക്ലാസ്സ് വരെയുള്ള വിദ്യാര്‍ത്ഥികള്‍ക്കും ഏഴ് മുതല്‍ പത്താം ക്ലാസ്സുവരെയുള്ള വിദ്യാര്‍ത്ഥികള്‍ക്കുമായി ചിത്രരചനാ മത്സരം സംഘടിപ്പിക്കും. തിരുവനന്തപുരം സ്വാമി വിവേകാനന്ദന്‍ പാര്‍ക്കില്‍  ജനുവരി 12 ന് വൈകിട്ട് മൂന്നുമുതലാണ് മത്സരം. താത്പര്യമുളള  വിദ്യാര്‍ത്ഥികള്‍ ജനുവരി 10 ന് വൈകിട്ട് അഞ്ച് മണിക്ക് മുമ്പ് പേര് രജിസ്റ്റര്‍ ചെയ്യണം.

സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റര്‍ ഫോര്‍ അഡ്വാന്‍സ്ഡ് പ്രിന്റിംഗ് & ട്രെയിനിംഗും സംയുക്തമായി നടത്തുന്ന ആറുമാസം ദൈര്‍ഘ്യമുള്ള കമ്പ്യൂട്ടര്‍ ആന്റ് ഡി.റ്റി.പി ഓപ്പറേഷന്‍ കോഴ്‌സിന് അപേക്ഷ ക്ഷണിച്ചു. അപേക്ഷകര്‍ക്ക് എസ്.എസ്.എല്‍.സി/തത്തുല്യ യോഗ്യത ഉണ്ടാവണം.

ഐ. പി. സി 498 A യുമായി ബന്ധപ്പെട്ടുള്ള വിധിയില്‍ സ്ത്രീകളുടെ ആശങ്കകള്‍ സുപ്രീംകോടതിയുടെ ശ്രദ്ധയില്‍പെടുത്താന്‍ സംസ്ഥാന വനിതാ കമ്മീഷന്‍ മുന്‍കൈയെടുക്കണമെന്ന് ഗവര്‍ണര്‍ പി. സദാശിവം പറഞ്ഞു. സംസ്ഥാന വനിതാ കമ്മീഷന്‍ വി. ജെ. ടി ഹാളില്‍ സംഘടിപ്പിച്ച ഐ. പി. സി 498 A യുമായി ബന്ധപ്പെട്ടുള്ള സുപ്രീംകോടതി വിധിയും അനന്തര ഫലവും എന്ന സെമിനാര്‍ ഉദ്ഘാടനം ചെയ്യുകയായിരുന്നു.