അധികാരകേന്ദ്രീകരണത്തില്‍ നിന്ന് അധികാരവികേന്ദ്രീകരണത്തിലേക്ക്  കേരളം ചുവടുവെച്ചപ്പോള്‍ തദ്ദേശസ്ഥാപനങ്ങള്‍ കൂടുതല്‍ ശക്തമാവുകയും  ജനകീയമാവുകയും ചെയ്തിട്ടുണ്ടെന്ന്  ഡെപ്യൂട്ടി സ്പീക്കര്‍  വി ശശി പ്രസ്താവിച്ചു.  അധികാരം ജനങ്ങളിലേക്ക് എന്ന തത്വത്തിന്റെ  ഭാഗമായാണ് ഗ്രാമസഭകളുണ്ടായത്. ഗ്രാമത്തിലെ മുഴുവന്‍ പേരെയും  ഉള്‍ക്കൊളളുകയും  അവരുടെ പ്രശ്‌നങ്ങള്‍ക്ക്  പരിഹാരമുണ്ടാക്കുകയും  ചെയ്യുക എന്നതായിരുന്നു ലക്ഷ്യം. വികേന്ദ്രീകരണം വീണ്ടും താഴോട്ടുവന്ന് വാര്‍ഡുസഭകളായി  ജനക്ഷേമമാകുകയും   ഉദ്ദേശമായിരുന്നു. എന്നാല്‍ ഗ്രാമസഭകള്‍ പ്രതീക്ഷിച്ച പക്വതയിലേക്ക്  ഇനിയും  ഉയരേണ്ടാതായിട്ടുണ്ട്.

സംസ്ഥാന നിയമസഭയുടെ വജ്രജൂബിലി ജില്ലാതല ആഘോഷങ്ങള്‍ക്ക് കാഞ്ഞങ്ങാട് സമാപനം. ദുര്‍ഗ ഹയര്‍ സെക്കന്‍ഡറി സ്‌കൂളില്‍ വിദ്യാര്‍ത്ഥികള്‍ അവതരിപ്പിച്ച മാതൃക നിയമസഭയോടെയാണ് രണ്ടുദിവസത്തെ പരിപാടികള്‍ക്ക് സമാപനമായത്. സ്‌കൂള്‍ അങ്കണത്തില്‍ ഒരുക്കിയ പ്രത്യേക വേദിയിലാണ് ജില്ലയിലെ വിവിധ കോളജ്- സ്‌കൂള്‍ വിദ്യാര്‍ത്ഥികള്‍ പങ്കെടുത്ത മാതൃക നിയമസഭ അരങ്ങേറിയത്. ഗവര്‍ണറുടെ നയപ്രഖ്യാപന പ്രസംഗം മുതലുള്ള രണ്ടു ദിവസത്തെ നിയമസഭാ പ്രവര്‍ത്തനങ്ങളാണ് ഒന്നര മണിക്കുര്‍ നീണ്ട മാതൃക നിയമസഭയില്‍ അവതരിപ്പിച്ചത്.

കേന്ദ്ര-കേരള  സര്‍വകലാശാലയുടെ  തിരുവല്ലയിലെ നിയമ പഠന വിഭാഗത്തിന്‍റെ ആഭിമുഖ്യത്തില്‍ ആഗോളവല്കൃത ലോകത്തില്‍ മനുഷ്യാവകാശങ്ങളുടെ  സാക്ഷാത്കാരം എന്ന വിഷയത്തെ ആസ്പദമാക്കി നടത്തുന്ന അന്തര്‍ദേശീയ സെമിനാര്‍ തിരുവല്ല എലൈറ്റ് ഇന്‍റര്‍നാഷണല്‍  ഹോട്ടലില്‍ ബാംഗ്ലൂരിലെ നാഷണല്‍ ലോ സ്കൂള്‍ ഓഫ് ഇന്‍ഡ്യ യൂണിവേഴ്സിറ്റി വൈസ് ചാന്‍സലര്‍ ഡോ.ആര്‍.വെങ്കിട്ടറാവു ഉദ്ഘാടനം ചെയ്തു. 

    ജില്ലാ സബ് ജൂനിയര്‍ ഖോ-ഖോ ചാമ്പ്യന്‍ഷിപ്പ് ഇന്ന് (ആറിന്) രാവിലെ 9.30 മുതല്‍  വടശേരിക്കര റ്റിറ്റിഎം വി.എച്ച്.എസ്.എസില്‍ നടക്കും. 2004 ജനുവരി ഒന്നിന് ശേഷം ജനിച്ച കുട്ടികള്‍ക്ക് പങ്കെടുക്കാം. താത്പര്യമുള്ളവര്‍ 9747463818, 9446486639 എന്നീ നമ്പരുകളില്‍ ബന്ധപ്പെടണം.                                          (പിഎന്‍പി 26/18)
 

    ഭാരതത്തിന്‍റെ 69-ാം റിപ്പബ്ലിക് ദിനാഘോഷവുമായി ബന്ധപ്പെട്ട് ഏര്‍പ്പെടുത്തേണ്ട ക്രമീകരണങ്ങളെക്കുറിച്ച് തീരുമാനം എടുക്കുന്നതിന് 10ന് രാവിലെ 11ന് ജില്ലാ കളക്ടറുടെ അധ്യക്ഷതയില്‍ കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. കലാപരിപാടികളിലും പരേഡിലും പങ്കെടുക്കാന്‍ താത്പര്യമുള്ള സ്കൂളുകള്‍, പങ്കെടുക്കുന്ന ഇനം, കുട്ടികളുടെ എണ്ണം എന്നിവ സംബന്ധിച്ച വിവരം യോഗത്തില്‍ നല്‍കണമെന്ന് ജില്ലാ കളക്ടര്‍ അറിയിച്ചു.                                             (പിഎന്‍പി 27/18)
 

    സംസ്ഥാന ഖോ-ഖോ സബ്ജൂനീയര്‍ ചാമ്പ്യന്‍ഷിപ്പ് ഈ മാസം 26,27,28 തീയതികളില്‍ വടശേരിക്കര റ്റിറ്റിഎം വി.എച്ച്.എസ്.എസ് സ്റ്റേഡിയത്തില്‍ നടക്കും. ചാമ്പ്യന്‍ഷിപ്പിന്‍റെ നടത്തിപ്പിലേക്ക് രാജു എബ്രഹാം എംഎല്‍എ, വടശേരിക്കര ഗ്രാമപഞ്ചായത്ത് പ്രസിഡന്‍റ് മണിയാര്‍ രാധാകൃഷ്ണന്‍, സ്കൂള്‍ മാനേജര്‍ തോമസ് കോശി എന്നിവര്‍ രക്ഷാധികാരികളായും ബെന്നി പുത്തന്‍പറമ്പില്‍ ചെയര്‍മാനായും ചെറിയാന്‍ ജോസഫ് ജനറല്‍ കണ്‍വീനറായും ജോര്‍ജ് ബിനുരാജ് ഓര്‍ഗനൈസിംഗ് സെക്രട്ടറിയായും ബി.അനില്‍ കുമാര്‍ ട്രഷററായുമുള്ള 101 അംഗ സ്വാഗത സംഘം രൂപീകരിച്ചു.                   (പിഎന്‍പി 25/18) 

    പ്രാദേശിക തലത്തിലുള്ള പ്രശ്നങ്ങളും സാധ്യതകളും തിരിച്ചറിഞ്ഞുള്ള സംയോജിതവും സമഗ്രവുമായ പദ്ധതി നിര്‍വഹണമാണ് നാടിന് ആവശ്യമെന്ന് ജലവിഭവ വകുപ്പ് മന്ത്രി മാത്യു ടി. തോമസ് പറഞ്ഞു. ജില്ലാ പദ്ധതി രൂപീകരണവുമായി ബന്ധപ്പെട്ട് ജില്ലാ പ്ലാനിംഗ് ഓഫീസിന്‍റെ ആഭിമുഖ്യത്തില്‍ പത്തനംതിട്ടയില്‍ സംഘടിപ്പിച്ച വികസന സെമിനാര്‍  ഉദ്ഘാടനം ചെയ്തു  സംസാരിക്കുകയായിരുന്നു മന്ത്രി. 

പോലീസ് കോണ്‍സ്റ്റബിള്‍: ഒറ്റത്തവണ വെരിഫിക്കേഷന്‍ 8 മുതല്‍ 12 വരെ

കൊച്ചി: പോലീസ് കോണ്‍സ്റ്റബിള്‍ - ഇന്‍ഡ്യാ റിസര്‍വ്വ് ബറ്റാലിയന്‍ - റഗുലര്‍ വിംഗ് (കാറ്റഗറി നമ്പര്‍ 18/16) തസ്തികയുടെ സാധ്യതാ പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കുളള ഒറ്റത്തവണ വെരിഫിക്കേഷന്‍ ജനുവരി എട്ട്, ഒമ്പത്, 10, 11, 12 തീയതികളില്‍ പി.എസ്.സി എറണാകുളം മേഖലാ ഓഫീസില്‍ നടത്തും. ഉദ്യോഗാര്‍ഥികള്‍ തങ്ങള്‍ക്കു ലഭിച്ചിട്ടുളള എസ്.എം.എസ്, പ്രൊഫൈല്‍ മെസേജ് എന്നിവ പരിശോധിച്ച് അതത് ദിവസങ്ങളില പി.എസ്.സി യുടെ മേഖലാ ഓഫീസില്‍ ഹാജരാകണം.

ഇ-ടെന്‍ഡര്‍