മഞ്ചേരി സര്‍ക്കാര്‍ മെഡിക്കല്‍ കോളേജില്‍ ജൂനിയര്‍ ടെക്‌നിക്കല്‍ അസിസ്റ്റന്റ് എഞ്ചിനീയര്‍ തസ്തികയിലേക്ക് കരാര്‍ വ്യവസ്ഥയില്‍ ഒരു വര്‍ഷത്തെ നിയമനത്തിന് അപേക്ഷ ക്ഷണിച്ചു.   ശമ്പളം പ്രതിമാസം 20000 രൂപ.  താല്‍പര്യമുള്ളവര്‍ വിദ്യാഭ്യാസ യോഗ്യത, പ്രവൃത്തി പരിചയം, വയസ്സ് എന്നിവ തെളിയിക്കുന്ന രേഖകളുടെ അസ്സലും പകര്‍പ്പും സഹിതം ജനുവരി 12ന് രാവിലെ 11ന് പ്രിന്‍സിപ്പലിന്റെ ഓഫീസില്‍ കൂടിക്കാഴ്ചയ്ക്ക് എത്തണം.  ആശുപത്രികളില്‍ ജോലി ചെയ്ത് പരിചയമുള്ളവര്‍ക്ക് മുന്‍ഗണന നല്‍കും.

    മലബാര്‍ ക്ഷേത്രജീവനക്കാരുടെയും എക്‌സിക്യൂട്ടീവ് ഓഫീസര്‍മാരുടെയും ക്ഷേമനിധിയില്‍ അംഗങ്ങളായ ജില്ലയിലെ പെരിന്തല്‍മണ്ണ, ഏറനാട് താലൂക്കുകളിലെയും പാലക്കാട് ജില്ലയിലെ മണ്ണാര്‍ക്കാട്, പട്ടാമ്പി താലൂക്കുകളിലയും മലബാര്‍ ദേവസ്വം ബോര്‍ഡിനു കീഴലുള്ള ക്ഷേത്രങ്ങളില്‍ നിന്നും ക്ഷേത്ര വിഹിതം, ക്ഷേമനിധി വിഹിതം കുടിശ്ശിക പിരിച്ചെടുക്കുന്നതിനായി ജനുവരി 19ന് രാവിലെ 10.30 മുതല്‍ അങ്ങാടിപ്പുറം തിരുമാന്ധാംകുന്ന് ഭഗവതി ക്ഷേത്രത്തിന്റെ ക്ഷേമനിധി സെക്രട്ടറി ക്യാമ്പ് ചെയ്യും.  

സംസ്ഥാന സര്‍ക്കാര്‍ ഫിഷറീസ് ബ്ലൂ റവല്യൂഷന്‍ 2017-18 പദ്ധതി പ്രകാരം ഓരുജല കൂട്കൃഷി, ഗിഫ്റ്റ് തിലാപ്പിയ, അസം വാള മത്സ്യകൃഷി, റാസ് മത്സ്യകൃഷി   തുടങ്ങിയവയ്ക്ക് അപേക്ഷ ക്ഷണിച്ചു.  യൂണിറ്റ് ചെലവിന്റെ 40 ശതമാനം സബ്‌സിഡി ലഭിക്കും. അപേക്ഷകള്‍ ജനുവരി 20നകം ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ ലഭിക്കണം.  ഫോണ്‍ 0494-2666428, 994795324.

    ഭരണഭാഷ പൂര്‍ണ്ണമായും മലയാളത്തിലാക്കുക എന്ന പ്രഖ്യാപിത ലക്ഷ്യം കൈവരിക്കുന്നതിന്റെ ഭാഗമായി ജില്ലാതല ഓഫീസര്‍മാര്‍ക്കായി ഭരണഭാഷാവബോധന പരിപാടി ജനുവരി 18ന് രാവിലെ 10 മുതല്‍ വൈകീട്ട് നാല് വരെ കലക്ടറേറ്റ് സമ്മേളന ഹാളില്‍ നടത്തും.  തദ്ദേശ സ്വയംഭരണ വകുപ്പ് മന്ത്രി ഡോ. കെ.ടി ജലീല്‍ പരിപാടി ഉദ്ഘാടനം ചെയ്യും.  പി. ഉബൈദുള്ള എം.എല്‍.എ അധ്യക്ഷത വഹിക്കും.  ജില്ലാതല ഓഫീസര്‍മാര്‍ പങ്കെടുക്കണമെന്ന് ജില്ലാ കലക്ടര്‍ അറിയിച്ചു.