സംസ്ഥാനത്തെ സ്വീപ്പിംഗ് ആന്റ് ക്ലീനിംഗ് തൊഴില്‍ മേഖലയില്‍ മിനിമം വേതനം പുതുക്കി നിശ്ചയിക്കുന്നതിനുളള മിനിമം വേതന ഉപദേശക സമിതി ഉപസമിതിയുടെ തെളിവെടുപ്പ് ഈ മാസം 16-ന് രാവിലെ 10.30-ന് എറണാകുളം ഗവണ്‍മെന്റ് ഗസ്റ്റ് ഹൗസ് കോണ്‍ഫറന്‍സ് ഹാളില്‍ നടത്തുന്നു.  ആലപ്പുഴ, കോട്ടയം, എറണാകുളം, തൃശ്ശൂര്‍, പാലക്കാട് എന്നീ ജില്ലകളില്‍ നിന്നുളള ഈ മേഖലയുമായി ബന്ധപ്പെട്ട് പ്രവര്‍ത്തിക്കുന്ന തൊഴിലാളി/തൊഴിലുടമാ പ്രതിനിധികള്‍ ഉള്‍പ്പെടെയുളളവര്‍ പങ്കെടുക്കണമെന്ന് മിനിമം വേതനം ഉപദേശക സമിതി സെക്രട്ടറി അറിയിച്ചു.

സംസ്ഥാനത്തെ സിനിമാ തിയറ്റര്‍ തൊഴില്‍ മേഖലയില്‍ മിനിമം വേതനം പുതുക്കി നിശ്ചയിക്കുന്നതിനുളള മിനിമം വേതന ഉപദേശക സമിതി ഉപസമിതിയുടെ തെളിവെടുപ്പ് ഈ മാസം 17-ന് രാവിലെ 10.30-ന് എറണാകുളം ഗവണ്‍മെന്റ് ഗസ്റ്റ് ഹൗസ് കോണ്‍ഫറന്‍സ് ഹാളില്‍ നടത്തുന്നു.  എറണാകുളം, ആലപ്പുഴ, ഇടുക്കി, കോട്ടയം, തൃശ്ശൂര്‍, പാലക്കാട് എന്നീ ജില്ലകളില്‍ നിന്നുളള ഈ മേഖലയുമായി ബന്ധപ്പെട്ട് പ്രവര്‍ത്തിക്കുന്ന തൊഴിലാളി/തൊഴിലുടമാ പ്രതിനിധികള്‍ ഉള്‍പ്പെടെയുളളവര്‍ പങ്കെടുക്കണമെന്ന് മിനിമം വേതന ഉപദേശക സമിതി സെക്രട്ടറി അറിയിച്ചു.

കാക്കനാട്: ആര്‍ടിഎ സിറ്റിംഗ് ജനുവരി 20 രാവിലെ 11 ന് ജില്ല പ്ലാനിംഗ് ഓഫീസ് കോണ്‍ഫറന്‍സ് ഹാളില്‍ നടക്കും.

കാക്കനാട്: ഐഎച്ച്ആര്‍ഡിയുടെ കീഴിലുള്ള കലൂര്‍ മോഡല്‍ ടെക്‌നിക്കല്‍ ഹയര്‍ സെക്കന്‍ഡറി സ്‌കൂളില്‍ 2018 ജനുവരിയില്‍ ആരംഭിക്കുന്ന കോഴ്‌സുകളിലേക്ക് അപേക്ഷ ക്ഷണിച്ചു. പിജിഡിസിഎ (യോഗ്യത-ഡിഗ്രി പാസ്), ഡിസിഎ (പ്ലസ് ടു പാസ്), ഡി.ഡി.റ്റി.ഒ.എ (എസ്എസ്എല്‍സി പാസ്). അപേക്ഷ ഫോറവും വിശദ വിവരങ്ങളും ഐഎച്ച്ആര്‍ഡിയുടെ വെബ് സൈറ്റില്‍ www.ihrd.ac.in നിന്ന് ഡൗണ്‍ലോഡ് ചെയ്യാം. പൂരിപ്പിച്ച ഫോറങ്ങള്‍ രജിസ്‌ട്രേഷന്‍ ഫീസായ 150 രൂപ ഡി.ഡി. സഹിതം (എസ്ടി/എസ്‌സി വിഭാഗങ്ങള്‍ക്ക് 100 രൂപ) ജനുവരി 12 നു മുന്‍പ് പ്രിന്‍സിപ്പാളിന് സമര്‍പ്പിക്കണം.

കാക്കനാട്: പട്ടികജാതി വികസന വകുപ്പിന് കീഴിലുള്ള പെരുമ്പടന്ന നഴ്‌സറി സ്‌ക്കൂളില്‍ ആയയായി 16 വര്‍ഷത്തെ സേവനത്തിന് ശേഷം വിരമിച്ച മറിയം വി.എന്‍. ബീവിക്ക് യാത്രയയപ്പ് നല്‍കി. യാത്രയപ്പ് സമ്മേളനം ജില്ലാ പട്ടികജാതി വികസന ഓഫീസര്‍ ജോസഫ് ജോണ്‍ ഉദ്ഘാടനം ചെയ്തു. ജില്ലാ പട്ടികജാതി വികസന ഓഫീനില്‍ നടന്ന ചടങ്ങില്‍ അസി. ജില്ലാ പട്ടികജാതി വികസന ഓഫിസര്‍ കെ. സന്ധ്യ അധ്യക്ഷത വഹിച്ചു

ഇന്ന് (7ന്)  രാത്രി തുറന്ന് പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍
    ശബരിമല തീര്‍ഥാടനം  പ്രമാണിച്ച് ഇന്ന് (7ന് ) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    നീതി  മെഡിക്കല്‍ സ്റ്റോര്‍ കുമ്പഴ പത്തനംതിട്ട, പഴഞ്ഞിയില്‍ മെഡിക്കല്‍സ് കോഴഞ്ചേരി, അമൃത മെഡിക്കല്‍സ് കോന്നി, കാരുണ്യ മെഡിക്കല്‍സ് അടൂര്‍, ഉദയ മെഡിക്കല്‍സ് പന്തളം, ജന്‍ ഔഷധി കേന്ദ്ര തിരുവല്ല, പ്രകാശ് മെഡിക്കല്‍സ് റാന്നി, സഫ്ന മെഡിക്കല്‍സ് റാന്നി പെരുനാട്.                                        (74/17)