മുഖ്യമന്ത്രിയുടെ ദുരിതാശ്വാസനിധിയിലേക്ക് കേരള കോ-ഓപ്പറേറ്റീവ് സര്‍വീസ് പെന്‍ഷനേഴ്‌സ് അസോസിയേഷന്‍ അഞ്ചുലക്ഷം രൂപ സംഭാവന ചെയ്തു.

അഞ്ചുലക്ഷം രൂപയുടെ ചെക്ക് മുഖ്യമന്ത്രി പിണറായി വിജയന് അസോസിയേഷന്‍ സംസ്ഥാന പ്രസിഡന്റ് ജി. മോഹന്‍പിള്ള കൈമാറി. ജനറല്‍ സെക്രട്ടറി മുണ്ടൂര്‍ രാമകൃഷ്ണന്‍, ട്രഷറര്‍ സി.സി. വര്‍ഗീസ്, സെക്രട്ടറിമാരായ എം. സുകുമാരന്‍, പി. പുരുഷോത്തമ കുറുപ്പ്, തിരുവനന്തപുരം ജില്ലാ പ്രസിഡന്റ് ഉമാ ചന്ദ്രബാബു, സെക്രട്ടറി സി. അരവിന്ദാക്ഷന്‍ എന്നിവര്‍ സന്നിഹിതരായി.

 പി.എന്‍.എക്‌സ്.157/18

തൊഴില്‍ അപകടങ്ങളും തൊഴില്‍ജന്യ രോഗങ്ങളും ഇല്ലാത്ത വ്യവസായ അന്തരീക്ഷം സാക്ഷാത്കരിക്കാന്‍ ലക്ഷ്യമിട്ട് 'സുരക്ഷിതം 2018' അന്താരാഷ്ട്ര സെമിനാറും പ്രദര്‍ശനവും നാളെ (ജനുവരി 13) കൊച്ചിയില്‍ സംഘടിപ്പിക്കുന്നു. രാവിലെ 10ന് കൊച്ചി റമദാ റിസോര്‍ട്ടില്‍ തൊഴിലും നൈപുണ്യവും വകുപ്പ് മന്ത്രി ടി.പി. രാമകൃഷ്ണന്‍ ഉദ്ഘാടനം ചെയ്യും. അഡീഷണല്‍ ചീഫ് സെക്രട്ടറി ടോം ജോസ് അധ്യക്ഷത വഹിക്കും. ഇന്റര്‍നാഷണല്‍ സോഷ്യല്‍ സെക്യൂരിറ്റി അസോസിയേഷന്‍ പ്രസിഡന്റ് പ്രൊഫ. കാള്‍ ഗെയ്ന്‍സ് നോട്ടല്‍ മുഖ്യപ്രഭാഷണം നടത്തും. ലേബര്‍ കമ്മീഷണര്‍ കെ. ബിജു സ്വാഗതവും ഫാക്ടറീസ് ആന്റ് ബോയിലേഴ്‌സ് ഡയറക്ടര്‍ പി. പ്രമോദ് നന്ദിയും പറയും.

    വിദ്യാഭ്യാസ വകുപ്പില്‍ ഹൈസ്കൂള്‍ അസിസ്റ്റന്‍റ് (നാച്ചുറല്‍ സയന്‍സ്) മലയാളം മീഡിയം (കാറ്റഗറി നമ്പര്‍ 659/ 12) തസ്തികയിലേക്ക് 2017 ഒക്ടോബര്‍ 27 ന് പ്രസിദ്ധീകരിച്ച ചുരുക്കപ്പട്ടികളയില്‍ ഉള്‍പ്പെട്ട് സര്‍ട്ടിഫിക്കറ്റ് പരിശോധന നടത്തിയവരുടെ അഭിമുഖം ജില്ലാ പി.എസ്.സി. ഓഫീസില്‍ ജനുവരി 16 മുതല്‍ തുടങ്ങും. അറിയിപ്പ് പ്രൊഫൈല്‍ / എസ്.എം.എസ്. വഴി നല്‍കിയിട്ടുണ്ട്. വണ്‍ ടൈം വെരിഫിക്കേഷന്‍ സര്‍ട്ടിഫിക്കറ്റും ഇന്‍റര്‍വ്യൂ മെമ്മോയും ഡൗണ്‍ലോഡ് ചെയ്ത് സര്‍ട്ടിഫിക്കറ്റുകളുമായെത്തണമെന്ന് ജില്ലാ പി.എസ്.സി. ഓഫീസര്‍ അറിയിച്ചു.
 

    മരുതറോഡ് ഗ്രാമപഞ്ചായത്തില്‍ നിന്നും നിലവില്‍ വിധവാപെന്‍ഷന്‍ വാങ്ങുന്നവര്‍ തുടര്‍ന്നും പെന്‍ഷന്‍ ലഭിക്കാന്‍ പുനഃവിവാഹം  കഴിച്ചിട്ടില്ലെന്ന സാക്ഷ്യപത്രം ജനുവരി 20 നകം നല്‍കണമെന്ന് സെക്രട്ടറി അറിയിച്ചു. ഫോണ്‍: 0491 2534003 

    ജില്ലാ ആശുപത്രിയില്‍ ലാബ് ടെക്നിഷന്‍ തസ്തികയിലേക്ക് ദിവസ വേതനാടിസ്ഥാനത്തില്‍ നിമനം നടത്തും . പ്ലസ് റ്റു, ഡി.എം.എല്‍.ടി യോഗ്യതയുളളവര്‍ക്ക് അപേക്ഷിക്കാം. പ്രപൃത്തിപരിചയമുളളവര്‍ക്ക് മുന്‍ഗണന ലഭിക്കു. താത്പ്പര്യമുളളവര്‍   സര്‍ട്ടിഫിക്കറ്റുകളും പകര്‍പ്പുകളുമായി ജനുവരി 12 ന് രാവിലെ 10 ന് ജില്ലാ ആശുപത്രി സൂപ്രണ്ടിന്‍റെ ചേംബറിലെത്തണം.

ജില്ലാ കുടുംബശ്രീ മിഷന്‍ ജില്ലയിലെ വിവിധയിടങ്ങളില്‍ തുടങ്ങുന്ന കയര്‍ ഡീഫൈബ്രിങ് യൂണിറ്റുകളിലെ യന്ത്രങ്ങള്‍  പരിപാലിക്കുന്നതിനായുളള  അഗ്രോ സര്‍വ്വീസ് യൂണിറ്റുകളില്‍ യോഗ്യരായവരെ നിയമിക്കും.  പോളിടെക്നിക്ക് ഡിപ്ലൊമ (മെക്കാനിക്കല്‍-1, ഇലക്ട്രിക്കല്‍-1), ഐ.ടി.ഐ ഡിപ്ലോമ (ഫിറ്റര്‍-2, ഇലക്ട്രിക്കല്‍-2) യോഗ്യതയുളളവരെയാണ് നിയമിക്കുക.  തെരഞ്ഞെടുക്കുന്നവര്‍ക്ക് സ്റ്റൈപ്പന്‍ഡ് സഹിതം പരിശീലനം നല്‍കും. വാണിയംകുളം, ഒറ്റപ്പാലം, പട്ടാമ്പി പ്രദേശത്തുനിന്നുളളവര്‍ക്ക് മുന്‍ഗണന ലഭിക്കും. താത്പര്യമുളളവര്‍ ജനുവരി 11 ന് വൈകീട്ട് മൂന്നിനകം kudumbashreepkd@gmail.com ബയോഡേറ്റാ സഹിതം അപേക്ഷിക്കണം.

    പൊതുവിദ്യാഭ്യാസ വകുപ്പിന് കീഴിലുളള ഡിസ്ട്രിക്ട് സെന്‍റര്‍ ഫോര്‍ ഇംഗ്ലീഷിലെ ചീഫ് ട്യൂട്ടര്‍ തസ്തികയിലേക്ക് കരാറടിസ്ഥാനത്തില്‍ നിയമനം നടത്തുന്നതിന്  അപേക്ഷ ക്ഷണിച്ചു. വിശദ വിവരങ്ങള്‍ ലറൗരമശേീി.സലൃമഹമ.ഴീ്.ശി ല്‍ ലഭിക്കും.