പത്തനംതിട്ട ജില്ലയിലെ കോന്നിയില്‍ പ്രവര്‍ത്തിക്കുന്ന കൗണ്‍സില്‍ ഫോര്‍ ഫുഡ് റിസേര്‍ച്ച് ആന്റ് ഡെവലപ്‌മെന്റ് (സിഎഫ്.ആര്‍.ഡി) ഓഫീസിലേക്ക് ഓഫീസ് അസിസ്റ്റന്റിനെ കരാര്‍ അടിസ്ഥാനത്തില്‍ നിയമിക്കുന്നു. ബി.കോമും ടാലിയിലുളള പരിജ്ഞാനവുമാണ് യോഗ്യത. അപേക്ഷ ജനുവരി 12 വരെ സ്വീകരിക്കും. കൂടുതല്‍ വിവരങ്ങള്‍ക്കും അപേക്ഷ ഫോമിനും സപ്ലൈകോ വെബ് സൈറ്റായ ംംം.ൗെുുഹ്യരീസലൃമഹമ.രീാ സന്ദര്‍ശിക്കുക.

സംസ്ഥാന ന്യൂനപക്ഷ കമ്മീഷന്‍  ജനുവരി നാല് രാവിലെ 11 ന്  കളക്‌ട്രേറ്റ് കോണ്‍ഫറന്‍സ് ഹാളില്‍ സിറ്റിംഗ് നടത്തും.  ന്യൂനപക്ഷ കമ്മീഷന്‍ മെമ്പര്‍ അഡ്വ. ബിന്ദു എം.തോമസ് പങ്കെടുക്കും. പുതിയ പരാതികളും കമ്മീഷന് സമര്‍പ്പിക്കാം. 

             കാവനൂര്‍ ഗവ:ഹയര്‍ സെക്കന്ററി സ്‌കൂളില്‍ 2013-15, 2014-16, 2015-17 വര്‍ഷങ്ങളില്‍ പഠിച്ചിരുന്ന ഹയര്‍സെക്കന്ററി വിദ്യാര്‍ത്ഥികളുടെ കോഷന്‍ ഡെപ്പോസിറ്റ് തുക ജനുവരി 31 വരെ വിതരണം  ചെയ്യും.   പ്രവേശന സമയത്ത്  ഫിസായിട്ടോ, കോഷന്‍ ഡെപ്പോസിറ്റ് മാത്രമായിട്ടോ പണമടച്ച എല്ലാ കുട്ടികളും തിരിച്ചറിയല്‍ രേഖകളുമായി  വന്ന് നിശ്ചിത തിയ്യതിക്കകം തുക കൈപ്പറ്റണം. നിശ്ചിത തിയ്യതിക്കകം കൈപ്പറ്റാത്ത തുക  സര്‍ക്കാര്‍  ഖജനാവിലേക്ക് അടക്കുന്നതാണെന്നും അറിയിക്കുന്നു.

ജില്ലാ പഞ്ചായത്തിന്റെ ഒരു സാധാരണ യോഗം ജനുവരി 10ന് രാവിലെ 11ന് ജില്ലാ പഞ്ചായത്ത് ഓഫീസില്‍ ചേരും.

ആലപ്പുഴ: ചേർത്തല താലൂക്ക് ആശുപത്രിയിലേക്ക് ഗോതമ്പ് ഇനത്തിൽപ്പെട്ട വെള്ള ബ്രഡ് ഒരു വർഷത്തേക്ക് വിതരണം ചെയ്യുന്നതിന് ദർഘാസ് ക്ഷണിച്ചു. ദർഘാസുകൾ ജനുവരി 16ന് പകൽ ഒരു മണിവരെ ദർഘാസ് സ്വീകരിക്കും. വിശദവിവരത്തിന് ഫോൺ: 0478 2812693, 2821411  

 (പി.എൻ.എ.03/2018)