ജില്ലാ പഞ്ചായത്ത് തിരുവനന്തപുരം ജില്ലയില്‍ 2017 - 18 സാമ്പത്തികവര്‍ഷം എട്ട്, ഒന്‍പത്, പത്ത് ക്ലാസുകളില്‍ പഠിക്കുന്ന പട്ടികവര്‍ഗ്ഗ വിദ്യാര്‍ഥികള്‍ക്ക് സൈക്കിള്‍ വാങ്ങി നല്‍കുന്നതിനായി അപേക്ഷ ക്ഷണിച്ചു.  
    അപേക്ഷയോടൊപ്പം ജാതി, വരുമാന സര്‍ട്ടിഫിക്കറ്റിന്റെ പകര്‍പ്പ് ബന്ധപ്പെട്ട വിദ്യാഭ്യാസ സ്ഥാപന മേധാവിയുടെ സാക്ഷ്യപത്രം എന്നിവയും ഉള്ളടക്കം ചെയ്യണം.  അപേക്ഷകള്‍ ജനുവരി അഞ്ച് വൈകിട്ട് അഞ്ച് മണിക്ക് മുന്‍പായി നെടുമങ്ങാട് ഐ.റ്റി.ഡി.പി. ഓഫീസിലോ, വാമനപുരം, കാട്ടാക്കട എന്നിവിടങ്ങളില്‍ പ്രവര്‍ത്തിച്ചുവരുന്ന ട്രൈബല്‍ എക്സ്റ്റന്‍ഷന്‍ ഓഫീസിലോ ലഭിക്കണം. 
(പി.ആര്‍.പി 1001/2018)

    കോഴഞ്ചേരി താലൂക്ക് വികസന സമിതിയോഗം ഈ മാസം ആറിന് രാവിലെ 11ന് താലൂക്ക് ഓഫീസില്‍ ചേരും. ബന്ധപ്പെട്ടവര്‍ യോഗത്തില്‍ പങ്കെടുക്കണമെന്ന് തഹസീല്‍ദാര്‍ അറിയിച്ചു.                                                         (പിഎന്‍പി 3520/17)

    കോന്നിയില്‍ പ്രവര്‍ത്തിക്കുന്ന കൗണ്‍സില്‍ ഫോര്‍ ഫുഡ് റിസര്‍ച്ച് ആന്‍ഡ് ഡെവലപ്മെന്‍റ് ഓഫീസില്‍ ഒരു ഓഫീസ് അസിസ്റ്റന്‍റിനെ കരാര്‍ അടിസ്ഥാനത്തില്‍ നിയമിക്കുന്നു. ബി.കോം, ടാലിയിലുള്ള പരിജ്ഞാനം എന്നിവയാണ് യോഗ്യത. അപേക്ഷ സ്വീകരിക്കുന്ന അവസാന തീയതി ഈ മാസം 12. കൂടുതല്‍ വിവരത്തിനും അപേക്ഷാഫോമിനും www.supplycokerala.com എന്ന സൈറ്റ് സന്ദര്‍ശിക്കുക.
                                                (പിഎന്‍പി 3519/17)

    എസ്.സി.വി.ടി 2018 ഫെബ്രുവരിയില്‍ നടത്തുന്ന സപ്ലിമെന്‍ററി പരീക്ഷകള്‍ക്ക് അപേക്ഷ ക്ഷണിച്ചു. 2013 ആഗസ്റ്റ് മുതല്‍ പ്രവേശനം നേടിയ ട്രെയിനികള്‍ക്ക് ഒന്നു മുതല്‍ നാല് വരെ സെമസ്റ്ററുകളിലെ പരീക്ഷയില്‍ പങ്കെടുക്കുന്നതിന് അപേക്ഷിക്കാം. ഓരോ സെമസ്റ്ററിനും അഞ്ച് അവസരങ്ങള്‍ വിനിയോഗിക്കാത്ത ട്രെയിനികള്‍ക്കും തുടര്‍ച്ചയായ അഞ്ച് വര്‍ഷം പൂര്‍ത്തിയായവര്‍ക്കും മാത്രമേ അപേക്ഷിക്കാന്‍ കഴിയൂ. അപേക്ഷയും അനുബന്ധ രേഖകളും ഈ മാസം 12നകം ചെന്നീര്‍ക്കര ഗവണ്‍മെന്‍റ് ഐടിഐയില്‍ ലഭിക്കണം.
                                            (പിഎന്‍പി 3518/17)

കുസാറ്റ് വൈസ് ചാന്‍സലര്‍ ഡോ. ജെ. ലതയ്ക്ക് എ.പി.ജെ. അബ്ദുള്‍ കലാം ടെക്‌നോളജി യൂണിവേഴ്‌സിറ്റി വൈസ് ചാന്‍സലറുടെ ചുമതല കൂടി നല്‍കി ചാന്‍സലര്‍ കൂടിയായ ഗവര്‍ണര്‍ ഉത്തരവായി.

പി.എന്‍.എക്‌സ്.03/18

സമൂഹം ഒറ്റക്കെട്ടായി രംഗത്തിറങ്ങുകയും ശ്രമിക്കുകയും ചെയ്താല്‍ പകര്‍ച്ചവ്യാധികള്‍ തടയാനാവുമെന്ന് മുഖ്യമന്ത്രി പിണറായി വിജയന്‍ പറഞ്ഞു. മാലിന്യവും ശുചിത്വമില്ലായ്മയുമാണ് പകര്‍ച്ചവ്യാധികള്‍ക്ക് പ്രധാനകാരണമെന്ന് അനുഭവത്തിലൂടെ മനസിലായിട്ടുണ്ട്. മാലിന്യം നീക്കം ചെയ്യുന്ന നടപടിക്ക് പലപ്പോഴും കാലതാമസം ഉണ്ടാവുന്നുണ്ട്. ഇതിന് മാറ്റം സംഭവിക്കണം. എല്ലാവരും ഒരേ മനസോടെ മാലിന്യം നീക്കം ചെയ്യാനും ശുചിത്വം പാലിക്കാനും രംഗത്തിറങ്ങിയാല്‍ നാട്ടില്‍ നല്ലരീതിയില്‍ മാറ്റമുണ്ടാവുമെന്ന് മുഖ്യമന്ത്രി പറഞ്ഞു.