.
ജില്ലയില്‍ പ്രവര്‍ത്തിക്കുന്ന കേന്ദ്ര സിലബസ് കൈകാര്യം ചെയ്യുന്ന വിദ്യാഭ്യാസ സ്ഥാപനങ്ങളെ മുഴുവനും പങ്കെടുപ്പിച്ചുകൊണ്ട് ഈ വര്‍ഷം മുതല്‍ ജില്ലയില്‍ കായിക മത്സരങ്ങള്‍ നടത്തും. സി.ബി.എസി.,ഐ.സി.ഐ.സി,നവോദയ,കേന്ദ്രീയ വിദ്യാലയങ്ങള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങളാണ് മേളയില്‍ പങ്കെടുക്കുക. ജില്ലയില്‍ കേന്ദ്ര സിലബസ് കൈകാര്യം ചെയ്യുന്ന ഏകദേശം 120 ഓളം വിദ്യാഭ്യാസ സ്ഥാപനങ്ങളുണ്ടാന്നാണ് കണക്കാക്കുന്നത്.

    നിര്‍മ്മാണ മേഘലയില്‍ ജോലിയെടുക്കുന്ന തൊഴിലാളികളുടെ ക്ഷേമത്തിനായി പ്രവര്‍ത്തിക്കുന്ന കേരള ബില്‍ഡിങ് ആന്‍ഡ് അദര്‍ കണ്‍സ്ട്രക്ഷന്‍ വര്‍ക്കേഴ്‌സ് ഫെല്‍ഫെയര്‍ ബോര്‍ഡിന്റെ വിവിധ ആനുകൂല്യങ്ങളുടെ വിതരണ മേള നാളെ ( ഡിസംബര്‍ 23) എം.എസ്.പി. കമ്മ്യൂണിറ്റി ഹാളില്‍ നടക്കും. രാവിലെ 11ന് തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും.  മേളയില്‍ 10,235 പേര്‍ക്കായി 6,35,19,516 രൂപ വിതരണം ചെയ്യും. ചടങ്ങില്‍ ബോര്‍ഡ് ചെയര്‍മാന്‍ കെ.വി.ജോസ് അധ്യക്ഷത വഹിക്കും.

    താനുര്‍ നഗരസഭയിലും സമീപ പഞ്ചായത്തുകളായ ചെറിയമുണ്ടം, പൊ•ുണ്ടം, താനാളൂര്‍, നിറമരുതൂര്‍ പഞ്ചായത്തുകള്‍ക്കും വേണ്ടിയുള്ള സമഗ്ര കുടിവെള്ള പദ്ധതിയുടെ പ്രവൃത്തി ഉദ്ഘാടനം നാളെ (ഡിസംബര്‍ 23) രാവിലെ 11ന് മുഖ്യമന്ത്രി പിണറായി വിജയന്‍ നിര്‍വ്വഹിക്കും. ചെറിയമുണ്ടം പഞ്ചായത്ത് പരിസരത്ത് നടക്കുന്ന ചടങ്ങില്‍   ജല വിഭവ വകുപ്പ് മന്ത്രി മാത്യു.ടി.തോമസ് അധ്യക്ഷത വഹിക്കും.  വി. അബ്ദുറഹിമാന്‍ എം.എല്‍.എ, ഇ.ടി മുഹമ്മദ് ബഷീര്‍ എം.പി, മുന്‍ മന്ത്രിമാര്‍, തദ്ദേശ സ്വയംഭരണ സ്ഥാപന പ്രതിനിധികള്‍ തുടങ്ങിയവര്‍ പങ്കെടുക്കും.

ആലപ്പുഴ: സർക്കാരിന്റെ ഊർജ്ജിത വ്യവസായവൽക്കരണ പരിപാടിയുടെ ഭാഗമായി  ജില്ലയിലെ വിവിധ ഭാഗങ്ങളിൽ നിന്നും തെരഞ്ഞെടുക്കപ്പെട്ട വ്യവസായ സംരംഭകരുടെ  ജില്ലാ തല ഭക്ഷ്യ സംസ്‌ക്കരണ ടെക്‌നോളജി ക്ലിനിക് ഇന്നും നാളെയും (ഡിസംബർ 22, 23 )തീയതികളിൽ രാവിലെ 10ന് ഹോട്ടൽ റോയൽ പാർക്കിൽ  നടക്കും. മുനിസിപ്പൽ ചെയർമാൻ തോമസ് ജോസഫ് ഉദ്ഘാടനം ചെയ്യും.കൗൺസിലർ  ശ്രീജിത്ര.ജി  ആധ്യക്ഷ്യം വഹിക്കും. 

(പി.എൻ.എ.3089/17)