വൊക്കേഷണല്‍ ഹയര്‍ സെക്കണ്ടറി 2018 മാര്‍ച്ചില്‍ നടത്തുന്ന ഒന്നും രണ്ടും വര്‍ഷ പൊതുപരീക്ഷയുടെ ഫീസടയ്ക്കുന്നതിനുള്ള സമയം ദീര്‍ഘിപ്പിച്ചു. പരീക്ഷാ ഫീസ് ഫൈന്‍ ഇല്ലാതെ ജനുവരി അഞ്ചുവരെയും 20 രൂപ ഫൈന്‍ സഹിതം 11 വരെയും അടയ്ക്കാം. കൂടാതെ 600 രൂപ സൂപ്പര്‍ ഫൈനോടുകൂടിയുള്ള അവസാന തീയതി ജനുവരി 18. അപേക്ഷാ ഫോറവും പരീക്ഷയെ സംബന്ധിച്ച വിവരങ്ങളും പരീക്ഷാ കേന്ദ്രങ്ങളില്‍ ലഭിക്കും.

പി.എന്‍.എക്‌സ്.5470/17

ഓഖി ദുരിതബാധിത പ്രദേശങ്ങളിലെ ആശുപത്രികളുടെ സ്ഥിതി മെച്ചപ്പെടുത്തുമെന്ന് ആരോഗ്യ മന്ത്രി കെ. കെ. ശൈലജ ടീച്ചര്‍ പറഞ്ഞു. ഓഖി ദുരന്ത പാക്കേജില്‍ കേന്ദ്രത്തില്‍ നിന്ന് ആരോഗ്യ മേഖലയ്ക്കായി 120 കോടി രൂപയുടെ പാക്കേജ്  ആവശ്യപ്പെട്ടിട്ടുണ്ട്. ഇത് ലഭിക്കുകയാണെങ്കില്‍ തീരമേഖലയിലെ മുഴുവന്‍ ആശുപത്രികളുടെയും സ്ഥിതി മെച്ചപ്പെടുത്തും. ഈ തുക ലഭിച്ചില്ലെങ്കില്‍ ഘട്ടം ഘട്ടമായി ആശുപത്രികള്‍ നവീകരിക്കുമെന്ന് മന്ത്രി പറഞ്ഞു.  

പി.എന്‍.എക്‌സ്.5469/17

ബാലവേല, ബാല ഭിക്ഷാടനം, തെരുവുബാല്യം എന്നിവയില്‍ നിന്നും കേരളത്തെ മോചിപ്പിക്കാന്‍ ശരണബാല്യം പദ്ധതി നടപ്പാക്കുമെന്ന് ആരോഗ്യ, വനിത ശിശുവികസന വകുപ്പ് മന്ത്രി കെ. കെ. ശൈലജ ടീച്ചര്‍ വാര്‍ത്താസമ്മേളനത്തില്‍ പറഞ്ഞു. വനിതാ ശിശുവികസന വകുപ്പിന്റെ നേതൃത്വത്തില്‍ ആദ്യ ഘട്ടത്തില്‍ പത്തനംതിട്ട, ആലപ്പുഴ, കൊല്ലം, കോട്ടയം ജില്ലകളിലാണ് പദ്ധതി നടപ്പാക്കുക. കഴിഞ്ഞ വര്‍ഷം ശബരിമല മണ്ഡല മകരവിളക്കു കാലത്ത് പത്തനംതിട്ട ജില്ലയില്‍ ശരണബാല്യം പദ്ധതി വിജയകരമായി നടത്തിയിരുന്നു. ഇതിന്റെ അടിസ്ഥാനത്തിലാണ് പദ്ധതി വ്യാപിപ്പിക്കാന്‍ തീരുമാനിച്ചത്.

രാജീവ് ഗാന്ധി അക്കാഡമി ഫോര്‍ ഏവിയേഷന്‍ ടെക്‌നോളജിയിലെ പറക്കല്‍ പരിശീലനം 2018 ജനുവരി ആദ്യവാരം പുനരാരംഭിക്കുമെന്ന് എക്‌സിക്യൂട്ടിവ് വൈസ് ചെയര്‍മാന്‍ അറിയിച്ചു.

പി.എന്‍.എക്‌സ്.5467/17

ക്രിസ്മസ് പുതുവത്സര ആഘോഷത്തില്‍ മത്സ്യഫെഡ് മത്സ്യവിഭവങ്ങളുടെ പ്രത്യേക വില്‍പന ഇന്ന് (ഡിസംബര്‍ 22) മുതല്‍ 2018 ജനുവരി മൂന്ന് വരെ സംസ്ഥാനത്തെ വിവിധ ജില്ലകളില്‍ നടത്തും.  ഇതിന്റെ സംസ്ഥാനതല ഉദ്ഘാടനം ഇന്ന് (ഡിസംബര്‍ 22) രാവിലെ 9.30ന് ഫിഷറീസ് വകുപ്പ് മന്ത്രിയുടെ വസതിയില്‍ മന്ത്രി ജെ. മെഴ്‌സിക്കുട്ടി അമ്മ നിര്‍വഹിക്കും.

തദ്ദേശ സ്ഥാപനങ്ങള്‍ക്ക് വേണ്ടിയുളള പുതിയ ഓംബുഡ്‌സ്മാനായി റിട്ടയേര്‍ഡ് ജസ്റ്റിസ് കെ.കെ. ദിനേശന്‍ ഇന്ന് (ഡിസംബര്‍ 22) രാവിലെ 10 മണിക്ക് ഗവര്‍ണര്‍ പി.സദാശിവം മുമ്പാകെ സത്യപ്രതിജ്ഞ ചെയ്ത് അധികാരമേല്‍ക്കും.  രാജ്ഭവനിലാണ് സത്യപ്രതിജ്ഞാ ചടങ്ങ് നടക്കുന്നത്.  തദ്ദേശ സ്ഥാപനങ്ങള്‍ക്ക് വേണ്ടിയുളള നിലവിലെ ഓംബുഡ്‌സ്മാനായിരുന്ന എം.എല്‍. ജോസഫ് ഫ്രാന്‍സിസിന്റെ ഉദ്യോഗ കാലാവധി അവസാനിച്ചതിനെ തുടര്‍ന്നാണ് പുതിയ ഓംബുഡ്‌സ്മാനെ നിയമിച്ച്  തീരുമാനമായത്.

പി.എന്‍.എക്‌സ്.5465/17

കുടിയേറ്റ തൊഴിലാളികള്‍, മുതിര്‍ന്ന പൗരന്മാര്‍ എന്നിവരുടെ ക്ഷേമം സംബന്ധിച്ച വിഷയങ്ങളില്‍ ഭരണപരിഷ്‌കാര കമ്മീഷന്‍ ജനുവരി 4ന് രാവിലെ 10 മണി മുതല്‍ എറണാകുളം ടൗണ്‍ ഹാളിലും ഭിന്നശേഷിക്കാര്‍ മാനസിക വെല്ലുവിളികള്‍ നേരിടുന്നവര്‍ എന്നിവരുടെ ക്ഷേമം സംബന്ധിച്ച വിഷയങ്ങളില്‍ ജനുവരി അഞ്ചിന് രാവിലെ 10 മണി മുതല്‍ പാലക്കാട് ടൗണ്‍ ഹാളിലും മാനസികാരോഗ്യം, സ്ത്രീകള്‍, കുട്ടികള്‍ എന്നിവരുടെ ക്ഷേമം സംബന്ധിച്ച വിഷയങ്ങളില്‍ ജനുവരി 11ന് രാവിലെ 10 മണി മുതല്‍ കണ്ണൂര്‍ പോലീസ് സഭാ ഹാളിലും പബ്ലിക് ഹിയറിംഗുകള്‍ നടത്തും.  കമ്മീഷന്‍ ചെയര്‍മാന്‍ വി.എസ്.

ഡിസംബര്‍ 29ന് നോര്‍ക്കയുടെ തിരുവനന്തപുരത്തുള്ള സര്‍ട്ടിഫിക്കറ്റ് ഓതന്റിക്കേഷന്‍ ഉണ്ടായിരിക്കുന്നതല്ല.

പി.എന്‍.എക്‌സ്.5463/17

  കേന്ദ്ര സര്‍ക്കാരിന്റെ തീരുമാന പ്രകാരം 2018 ജനുവരി ഒന്നു മുതല്‍ സബ്‌സിഡിയോടെയുള്ള  രാസവളങ്ങളായ യൂറിയ, സിംഗിള്‍ സൂപ്പര്‍ ഫോസ്‌ഫേറ്റ്, എന്‍.പി.കെ. കോംപ്ലക്‌സ് വളങ്ങള്‍, ഡൈ അമോണിയം ഫോസ്‌ഫേറ്റ്, മ്യൂറേറ്റ് ഓഫ് പൊട്ടാഷ് എന്നിവയും സിറ്റി കംപോസ്റ്റും ചെറുകിട വ്യാപാരികള്‍ പി.ഒ.എസ്.  മെഷീന്‍ വഴി മാത്രമേ വില്ക്കാന്‍ പാടുള്ളുവെന്ന്  കൃഷി ഡെപ്യൂട്ടി ഡയറക്ടര്‍ (ഇ&ടി) അറിയിച്ചു. കര്‍ഷകര്‍ ആധാര്‍ കാര്‍ഡ് സഹിതമെത്തി വിരലടയാളം പതിച്ച് വളം വാങ്ങണം.

സംസ്ഥാന നിയമസഭയുടെ  വജ്രജൂബിലി ആഘോഷത്തോടനുബന്ധിച്ച് ചിത്രമേള ജനുവരി ഒന്നിന്  മഞ്ചേശ്വരം ഗിളിവിണ്ടു മഹാകവി ഗോവിന്ദപൈ സ്മാരക മന്ദിരത്തില്‍ നടത്തും. ജില്ലയിലെ കലാകാരന്മാര്‍ ഒന്നിച്ച് നിയമസഭയുടെ  അറുപത് വര്‍ഷം പിന്നിടുന്ന അനുസ്മരണം ചിത്രങ്ങളിലൂടെ  ക്യാന്‍വാസില്‍ പകര്‍ത്തും. ചിത്രമേളയില്‍ പങ്കെടുക്കാന്‍ ആഗ്രഹിക്കുന്നവര്‍ ഈ മാസം  31 നകം   9447449980 എന്ന നമ്പറില്‍ ബനധപ്പെടണം.