ചന്ദ്രഗിരിക്കോട്ടയുടെ ശാസ്ത്രീയ സമഗ്ര സംരക്ഷണ പ്രവൃത്തികള്‍ക്ക് തുടക്കമായി. ആദ്യ ഘട്ടത്തില്‍ 80 ലക്ഷം രൂപയുടെ പ്രവൃത്തികള്‍ക്കാണ് തുടക്കമിടുന്നതെന്ന് തുറമുഖ- പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി പറഞ്ഞു.

തിരുവനന്തപുരം ചാക്ക ഗവ. ഐ.റ്റി.ഐയില്‍ മെക്കാനിക്ക് മെഡിക്കല്‍ ഇലക്‌ട്രോണിക്‌സില്‍ ജൂനിയര്‍ ഇന്‍സ്ട്രക്ടറുടെ ഒരു ഒഴിവിലേക്ക് താത്കാലിക ഗസ്റ്റ് ഇന്‍സ്ട്രക്ടറെ നിയമിക്കുന്നു.  ഉദ്യോഗാര്‍ത്ഥികള്‍ ജനുവരി ഒന്നിന് രാവിലെ 10 മണിക്ക് അസല്‍ സര്‍ട്ടിഫിക്കറ്റുമായി ചാക്ക ഗവ. ഐ.റ്റി.ഐ പ്രിന്‍സിപ്പാള്‍ ഓഫീസില്‍ അഭിമുഖത്തിനെത്തണം.  എസ്.എസ്.എല്‍.സി, ബന്ധപ്പെട്ട ട്രേഡില്‍ എന്‍.റ്റി.സിയും മൂന്ന് വര്‍ഷത്തെ പ്രവൃത്തി പരിചയവും അല്ലെങ്കില്‍ എന്‍.എ.സിയും ഒരു വര്‍ഷത്തെ പ്രവൃത്തി പരിചയവും അല്ലെങ്കില്‍ ബന്ധപ്പെട്ട എന്‍ജിനീയറിംഗ് ഡിപ്ലോമ/ഡിഗി ആണ് യോഗ്യത.

 പി.എന്‍.എക്‌സ്.5568/17

തിരുവനന്തപുരം, കൊച്ചി, തൃശൂര്‍, കോഴിക്കോട്, കണ്ണൂര്‍ കോര്‍പറേഷനുകളും ആലപ്പുഴ, പാലക്കാട്, ഗുരുവായൂര്‍ നഗരസഭകളും ഉള്‍പ്പെടെ എട്ട് അമൃത് നഗരങ്ങളിലെ 448.53 കോടി രൂപയുടെ 71 പദ്ധതികള്‍ക്ക് ചീഫ് സെക്രട്ടറി ഡോ. കെ.എം. എബ്രഹാമിന്റെ അധ്യക്ഷതയില്‍ ചേര്‍ന്ന ഉന്നതാധികാരസമിതി യോഗം ഭരണാനുമതി നല്‍കി.

    തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിലെ കണ്ടിന്യൂയിംഗ് എഡ്യൂക്കേഷന്‍ സെല്ലില്‍ ആരംഭിക്കുന്ന കോഴ്‌സുകളായ ടോട്ടല്‍ സ്റ്റേഷന്‍, ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍ എന്നീ കോഴ്‌സുകളിലേക്ക് അപേക്ഷ ക്ഷണിച്ചു.  വിശദവിവരങ്ങള്‍ക്ക് ഫോണ്‍: 0471 2360611.
 

കേരള വന ഗവേഷണ സ്ഥാപനത്തില്‍ 2019 ഡിസംബര്‍ 25 വരെ കാലാവധിയുളള ഒരു സമയബന്ധിത ഗവേഷണ പദ്ധതിയായ ലോംഗ് ടേം മോണിറ്ററിംഗ് ഓഫ് സ്‌ട്രോബിലാന്തസ് കുന്തിയാനസ് ഇന്‍ ഇരവികുളം നാഷണല്‍ പാര്‍ക്ക് ഫേസ് -1 ല്‍ ഒരു പ്രോജക്ട് ഫെല്ലോയുടെയും ഒരു പ്രോജക്ട് അസിസ്റ്റന്റിന്റെയും താത്കാലിക ഒഴിവുകളിലേക്ക് ജനുവരി ഒന്‍പതിന് രാവിലെ 11ന് ഇന്റര്‍വ്യൂ നടക്കും.

    ആയൂര്‍വേദ കോളേജില്‍ പഞ്ചകര്‍മ, രോഗനിദാന, കൗമാരഭൃത്യ വകുപ്പുകളില്‍ അധ്യാപക തസ്തികയിലേയ്ക്ക് കരാറടിസ്ഥാനത്തില്‍ ജനുവരി അഞ്ച് രാവിലെ 11 മണിക്ക് ഗവ. ആയുര്‍വേദ കോളേജ് പ്രിന്‍സിപ്പലിന്റെ ഓഫീസില്‍ വാക്ക് ഇന്‍ ഇന്റര്‍വ്യൂ നടത്തും.  
    അപേക്ഷകര്‍ ബന്ധപ്പെട്ട അല്ലെങ്കില്‍ അനുബന്ധ വിഷയത്തില്‍ ബിരുദാന്തര ബിരുദം നേടിയവര്‍ ആയിരിക്കണം.  ഉദേ്യാഗാര്‍ഥികള്‍ വിദ്യാഭ്യാസ യോഗ്യത, പ്രവൃത്തിപരിചയം എന്നിവയുടെ അസല്‍ സര്‍ട്ടിഫിക്കറ്റുകളും അവയുടെ സാക്ഷ്യപ്പെടുത്തിയ പകര്‍പ്പുകളും ബയോഡേറ്റയും സഹിതം ഓഫീസില്‍ ഹാജരാകണം.  
 

    ജനുവരി ഒന്ന് മുതല്‍ ജില്ലയിലാരംഭിക്കുന്ന പകര്‍ച്ചവ്യാധികള്‍ക്കെതിരെയുള്ള പ്രതിരോധപ്രവര്‍ത്തനങ്ങളില്‍  എല്ലാ വകുപ്പുകളും തദ്ദേശസ്വയംഭരണസ്ഥാപനങ്ങളും ജനപ്രതിനിധികളും ഒറ്റക്കെട്ടായി മുന്നോട്ട് പോകുമെന്ന് ജില്ലാ വികസന സമിതി. 

വിവിധ സര്‍ക്കാര്‍ വകുപ്പുകളുടെ കീഴില്‍ നടക്കുന്ന പരിപാടികളിലും ചടങ്ങുകളിലും ഹരിത പെരുമാറ്റച്ചട്ടം കര്‍ശനമായി പാലിക്കുന്നതിന് വകുപ്പുദ്യോഗസ്ഥരുടെ ഭാഗത്ത് നിന്ന് ശക്തമായ ഇടപെടലുകള്‍ ആവശ്യമാണെന്ന് ജില്ലാപഞ്ചായത്ത് പ്രസിഡന്റ് കെ.വി സുമേഷ്, ജില്ലാ കലക്ടര്‍ മീര്‍ മുഹമ്മദലി എന്നിവര്‍ ജില്ലാ വികസന സമിതി യോഗത്തില്‍ ആവശ്യപ്പെട്ടു. പ്ലാസ്റ്റിക് ഫ്രീ കണ്ണൂര്‍ പദ്ധതിയുടെ ഭാഗമായി നേരത്തേ സര്‍ക്കാര്‍ ചടങ്ങുകളില്‍ ഫ്‌ളക്‌സ് ബോര്‍ഡുകള്‍, പ്ലാസ്റ്റിക് കവറുകള്‍, ഡിസ്‌പോസബ്ള്‍ ഗ്ലാസുകള്‍, പ്ലേറ്റുകള്‍ തുടങ്ങിയവ പൂര്‍ണമായും ഉപേക്ഷിച്ചതായിരുന്നു.

 ജില്ലയിലെ ഭരണാനുമതി ലഭിച്ച വിവിധ പദ്ധതികള്‍ സാങ്കേതികാനുമതി ലഭിക്കാത്തതിനാലും മറ്റും അനിശ്ചിതമായി വൈകുന്നത് ഒഴിവാക്കാന്‍ ബന്ധപ്പെട്ടവരുടെ ഭാഗത്തുനിന്ന് സത്വര നടപടികള്‍ ഉണ്ടാവണമെന്ന് ജില്ലാവികസന സമിതി യോഗത്തില്‍ എം.എല്‍.എമാരായ സി കൃഷ്ണന്‍, ജെയിംസ് മാത്യു, ടി.വി രാജേഷ് എന്നിവര്‍ ആവശ്യപ്പെട്ടു. പല പദ്ധതികളും സാങ്കേതികമോ നിസ്സാരമോ ആയ കാരണങ്ങളാല്‍ മുടങ്ങിക്കിടക്കുകയാണ്. ഭരണാനുമതി ലഭിച്ച റോഡ് നിര്‍മാണ പ്രവര്‍ത്തനങ്ങള്‍ സാങ്കേതികാനുമതി ലഭിക്കാത്തിനാല്‍  മാസങ്ങള്‍ കഴിഞ്ഞിട്ടും തുടങ്ങാന്‍ സാധിച്ചിട്ടില്ലെന്ന് ടി.വി രാജേഷ് എം.എല്‍.എ പറഞ്ഞു.

പ്ലാസ്റ്റിക് ഫ്രീ കണ്ണൂര്‍ കാംപയിന്‍ ജില്ലയൊന്നാകെ ഏറ്റെടുത്ത പദ്ധതിയാണെന്നും അത് വിജയിപ്പിക്കേണ്ട ചുമതല മറ്റെല്ലാവരെയും പോലെ വ്യാപാരി സമൂഹത്തിനുമുണ്ടെന്നും അതുമായി ബന്ധപ്പെട്ട നടപടികളുമായി അവര്‍ സഹകിക്കണമെന്നും ജില്ലാകലക്ടര്‍ മീര്‍ മുഹമ്മദലി അഭ്യര്‍ഥിച്ചു. ഡി.ടി.പി.സിയുടെ മിഡ്‌നൈറ്റ് മാരത്തണുമായി ബന്ധപ്പെട്ട് നടത്തിയ വാര്‍ത്താസമ്മേളനത്തില്‍ ഇതുമായി ബന്ധപ്പെട്ട ചോദ്യങ്ങളോട് പ്രതികരിക്കുകയായിരുന്നു അദ്ദേഹം. ജില്ലയിലെ ജനങ്ങളും ജനപ്രതിനിധികളും രാഷ്ട്രീയ പാര്‍ട്ടികളും തദ്ദേശ സ്ഥാപനങ്ങളുമടക്കം ഏറ്റെടുത്ത് വിജയിപ്പിച്ച പദ്ധതിയാണിത്.