തൃശ്ശൂരില്‍ നടക്കുന്ന 58-ാം കേരള സ്‌കൂള്‍ കലോല്‍സവത്തില്‍ പങ്കെടുക്കാന്‍ നേരിട്ട് യോഗ്യത നേടിയ  എല്ലാ മത്സരാര്‍ത്ഥികളുടേയും ഒരു യോഗം ജനുവരി ഒന്നിന് ഉച്ചക്ക് 12 ന് മലപ്പുറം  സ്‌കൗട്ട് ഹാളില്‍ ചേരുന്നു.  ഐ.ഡി കാര്‍ഡുകള്‍ ഇനിയും സമര്‍പ്പിക്കാത്തവര്‍ പ്രധാനധ്യാപകന്‍ സാക്ഷ്യപ്പെടുത്തിയ രണ്ടു കോപ്പി അന്നേ ദിവസം നല്‍കണമെന്ന് വിദ്യാഭ്യാസ ഉപഡയറക്ടര്‍ അറിയിച്ചു.

ആലപ്പുഴ: ആലപ്പുഴ ജനറൽ ആശുപത്രി ഡയാലിസിസ് യൂണിറ്റിന്റെ രണ്ടാം ഷിഫ്ട് പ്രവർത്തനം ജനുവരി ഒന്നു മുതൽ തുടങ്ങും. മുൻകൂറായി രജിസ്റ്റർ ചെയ്തവർക്കാണ് ഡയാലിസിസ്. രണ്ടാം ഷിഫ്ട് തുടങ്ങുന്നതോടെ കൂടുതൽ രോഗികൾക്ക് ഇതിന്റെ പ്രയോജനം കിട്ടും. ആവശ്യമുള്ളവർ ആശുപത്രി ഓഫീസുമായി ബന്ധപ്പെടണമെന്ന് സൂപ്രണ്ട് അറിയിച്ചു.

പെരിന്തല്‍മണ്ണ ഗവ. പോളിടെക്‌നിക് കോളേജ് - നാഷണല്‍ സര്‍വ്വീസ്  സ്‌കീം  സപ്തദിന  സ്‌പെഷ്യല്‍  ക്യാമ്പിന്റെ  ഭാഗമായി    മേലാറ്റൂര്‍ സി.എച്.സി. യിലെ  ഉപകരണങ്ങള്‍  റിപ്പയര്‍ ചെയ്തു. കേടുവന്ന ഹീറ്റര്‍, ഫാനുകള്‍, ലൈറ്റുകള്‍ എന്നിവ ശരിയാക്കിയെടുത്ത് രോഗികള്‍ക്ക് ഉപയോഗപ്രദമാക്കി. തുരുമ്പെടുത്ത ഇരുപത്തി അഞ്ചോളം കട്ടിലുകളും ഗ്‌ളൂക്കോസ് സ്റ്റാന്‍ഡുകളും മറ്റ് ഉപകരണങ്ങളും വെല്‍ഡ് ചെയ്തും പെയിന്റടിച്ചും വളണ്ടിയര്‍മാര്‍ ശരിയാക്കിയെടുത്തു. രോഗികള്‍ ഇരിക്കുന്ന ചാരുബഞ്ചുകളും ആശുപത്രി ഗെയ്റ്റും പെയിന്റടിച്ചു ഭംഗിയാക്കി.

ആലപ്പുഴ: ആലപ്പുഴ ജില്ലയിൽ റവന്യു വകുപ്പിൽ വില്ലേജ്മാൻ തസ്തികയിലേയ്ക്ക്(കാറ്റഗറി നമ്പർ 259/12) 2014 ൽ നിലവിൽ വന്ന റാങ്കു പട്ടിക കാലാവധി പൂർത്തിയായതിനാൽ റദ്ദാക്കിയതായി ജില്ല പി.എസ്.സി ഓഫീസർ അറിയിച്ചു.

നഗരസഭകളിലെ ശുചിത്വ നിലവാരം: 
പരിശോധിക്കാൻ സർവ്വേ

ആലപ്പഴ : ഓഖി ചുഴലിക്കൊടുങ്കാറ്റ് മൂലം ജില്ലയിലുണ്ടായ  കെടുതികൾ തരണം ചെയ്യുന്നതിന് ജില്ല ഭരണകൂടം നടപ്പാക്കിയ  രക്ഷാ-ദുരിതാശ്വാസ പ്രവർത്തനങ്ങൾക്ക് ജില്ല വികസന സമിതി യോഗത്തിൽ ജനപ്രതിനിധികളുടെ അഭിനന്ദന പ്രവാഹം.