*മരണമടഞ്ഞ 25 പേരുടെ കുടുംബങ്ങള്‍ക്ക് തുക കൈമാറി

ഓഖി ദുരന്തത്തില്‍ തിരിച്ചെത്താത്ത മത്‌സ്യത്തൊഴിലാളികളെ സംബന്ധിച്ച പരിശോധന സമയബന്ധിതമായി പൂര്‍ത്തിയാക്കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. ഓഖി ദുരന്തത്തില്‍ മരണമടഞ്ഞ തിരുവനന്തപുരം ജില്ലയിലെ 25 മത്‌സ്യത്തൊഴിലാളികളുടെ കുടുംബങ്ങള്‍ക്ക് സര്‍ക്കാര്‍ പ്രഖ്യാപിച്ച ധനസഹായമായ 20 ലക്ഷം രൂപയും പ്രധാനമന്ത്രിയുടെ ദുരിതാശ്വാസ ഫണ്ടില്‍ നിന്നുള്ള രണ്ടു ലക്ഷം രൂപയും വിഴിഞ്ഞത്തു നടന്ന ചടങ്ങില്‍ വിതരണം ചെയ്യുകയായിരുന്നു അദ്ദേഹം. 

കൊച്ചി: കേന്ദ്രസര്‍ക്കാര്‍ പദ്ധതിയായ ദേശീയ നഗര ഉപജീവനത്തിന്റെ കീഴില്‍ തൃക്കാക്കര മോഡല്‍ എഞ്ചിനീയറിംഗ്‌ കോളേജ്‌, ആരംഭിക്കു ഇലക്ട്രിഷ്യന്‍ ഡൊമസ്റ്റിക്ക്‌ സൗജന്യകോഴ്‌സിലേയ്‌ക്ക്‌ അപേക്ഷ ക്ഷണിച്ചു. 14 വയസ്സ്‌ തികഞ്ഞ എട്ടാം ക്‌ളാസ്‌ ക്ലാസ്സ്‌ പാസ്സായവര്‍ക്ക്‌ അപേക്ഷിക്കാം.

കൊച്ചി: ജില്ലാ കളക്ടര്‍ മുഹമ്മദ് വൈ സഫിറുള്ള ക്ലബ്ബ് റോഡില്‍ ഔദ്യോഗിക വസതിയോട് ചേര്‍ന്നുള്ള ക്യാമ്പ് ഓഫീസില്‍ രാവിലെ 9 മുതല്‍ 9.30 വരെ എല്ലാ ദിവസവും സന്ദര്‍ശകരെ കാണും

കൊച്ചി: മോട്ടോര്‍ വാഹന വകുപ്പും, പോലീസ് വകുപ്പും പുതുവത്സരദിനത്തോടനുബന്ധിച്ച് നഗരത്തിലും മറ്റു പ്രധാന റോഡുകളിലും സംയുക്തമായി വാഹന പരിശോധന നടത്തി. 37 ഡ്രൈവിംഗ് ലൈസന്‍സുകള്‍ അസാധുവാക്കാന്‍ നടപടി സ്വീകരിച്ചു. മദ്യപിച്ച് വാഹനം ഓടിച്ചതിനും ട്രാഫിക് സിഗ്നല്‍ ലംഘിച്ചതിനും മൂന്ന് യാത്രക്കാരുമായി ബൈക്കുകള്‍ ഓടിച്ചതിനുമാണ് 37 ലൈസന്‍സുകള്‍ അസാധുവാക്കാന്‍ നടപടി സ്വീകരിച്ചത്. വാഹന പരിശോധനയ്ക്ക് റീജിയണല്‍ ട്രാന്‍സ്‌പോര്‍ട്ട് ഓഫീസര്‍ (എന്‍ഫോഴ്‌സ്‌മെന്റ്) കെ.എം.ഷാജി നേതൃത്വം നല്‍കി. വൈകിട്ട് അഞ്ചു മുതല്‍ പുലര്‍ച്ചെ മൂന്നു വരെയായിരുന്നു വാഹന പരിശോധന.

     സര്‍വ്വശിക്ഷാ അഭിയാന്‍ പൊതു വിദ്യാലയങ്ങള്‍ക്കായി തയ്യാറാക്കിയിരിക്കുന്ന 'മികവിന്‍റെ വഴികള്‍' എന്ന കൈപ്പുസ്തകം ജില്ലാ പഞ്ചായത്ത് പ്രസിഡന്‍റ് അന്നപൂര്‍ണ ദേവി പ്രകാശനം ചെയ്തു. ജില്ലാ പഞ്ചായത്ത് ഓഫീസില്‍ നടന്ന ചടങ്ങില്‍ ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ കെ.ജി അനിത അധ്യക്ഷത വഹിച്ചു. പത്തനംതിട്ട ബി.പി.ഒ മിനി. കെ.ജി കൈപ്പുസ്തകം ഏറ്റുവാങ്ങി.