ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ ജനുവരി അഞ്ചിന് രാവിലെ 9.30 മുതല്‍ 12 വരെ ജില്ലാ പഞ്ചായത്ത് ഹാളില്‍ സൗജന്യ കരിയര്‍ ഗൈഡന്‍സ് ക്ലാസ് നടത്തും.  കെ.എ. സ് ഉള്‍പ്പെടെയുള്ള പി എസ് സി പരീക്ഷകള്‍ക്കും മറ്റ് പരീക്ഷകള്‍ക്കും എങ്ങന തയ്യാറെടുക്കാമെന്ന് വിദഗ്ധര്‍ വിശദീകരിക്കും. താല്‍പര്യമുള്ളവര്‍ രാവിലെ ഒമ്പതിന് എത്തണം.

മഞ്ചേരി 66 കെ.വി സബ്‌സ്റ്റേഷന്റെ ശേഷി വര്‍ധിപ്പിക്കുന്നതിന്റെ ഭാഗമായി ജനുവരി മൂന്നിന് രാവിലെ  ഏഴ് മുതല്‍ വൈകുന്നേരം ഏഴ്‌വരെ മഞ്ചേരി 66 കെ.വി സബ്‌സ്റ്റേനില്‍  നിന്നുള്ള എല്ലാ  11 കെ.വി ഫീഡറുകളിലും 66 കെ.വി നിലമ്പൂര്‍, 66 കെ.വി എടക്കര, 33 കെ.വി പൂക്കോട്ടുംപാടം എന്നീ  സബ്‌സ്റ്റേനില്‍ നിന്നും വൈദ്യുതി വിതരണം തടസ്സപ്പെടുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.

ആലപ്പുഴ: 1955ലെ ചാരിറ്റബിൾ നിയമപ്രകാരം രജിസ്റ്റർ ചെയ്ത, റിട്ടേൺ ഫയൽ ചെയ്യുന്നതിൽ വീഴ്ച വരുത്തിയ സംഘടനകളുടെ കുടിശിക റിട്ടേണുകൾ ഒറ്റത്തവണ തീർപ്പാക്കൽ പദ്ധതി പ്രകാരം സമർപ്പിക്കാം. കുടിശിക റിട്ടേണുകൾ മാർച്ച് 31 വരെ  സ്വീകരിക്കുമെന്ന് ജില്ലാ രജിസ്ട്രാർ (ജനറൽ) അറിയിച്ചു. വിശദവിവരത്തിന് ഫോൺ: 0477-2253257 

  (പി.എൻ.എ.07/2018)

    ജില്ലാ പദ്ധതി രൂപീകരണത്തിന്റെ പുരോഗതി അവലോകനം ചെയ്യുന്നതിനായി ആസൂത്രണ ബോര്‍ഡ് വൈസ് ചെയര്‍മാന്റെ നേതൃത്വത്തില്‍ ജനുവരി മൂന്നിന് രാവിലെ 11ന് കലക്‌ട്രേറ്റ് സമ്മേളന ഹാളില്‍ വീഡിയോ കോണ്‍ഫറന്‍സ് നടത്തുന്നതാണ്.

ജില്ലയുടെ കിഴക്കന്‍മേഖലയിലെ ജലക്ഷാമം പരിഹരിക്കുന്നതിന് ജലസേചന പദ്ധതികളുടെ കനാലുകള്‍ തുറക്കുന്നു. പെരിയാര്‍വാലി പദ്ധതിയുടെ കനാലുകള്‍ ജനുവരി 10 നും മൂവാറ്റുപുഴ പദ്ധതിയുടെ കനാലുകള്‍ ജനുവരി 15 നും തുറന്ന് ജലം ഒഴുക്കുമെന്ന് ജില്ലാ കളക്ടര്‍ മുഹമ്മദ് വൈ സഫീറുള്ള അറിയിച്ചു

കനാലുകള്‍ തുറക്കുന്നതിന് മുന്നോടിയായുള്ള ശുചീകരണ പ്രവര്‍ത്തനം വിലയിരുത്തുന്നതിന് കളക്ടര്‍ വിവിധ സ്ഥലങ്ങള്‍ സന്ദര്‍ശിച്ചു

കനാലുകള്‍ ഉടനെ തുറക്കണമെന്ന് കഴിഞ്ഞ ജില്ലാ വികസന സമിതി യോഗത്തില്‍ എം എല്‍ എ മാര്‍ ആവശ്യപ്പെട്ടിരുന്നു

രണ്ടു മാസം പ്രായമുളള മുട്ടക്കോഴി കുഞ്ഞുങ്ങളെ 100 രൂപ നിരക്കില്‍ ജനുവരി അഞ്ചിന് രാവിലെ 9.30ന് ചിങ്ങവനം മൃഗാശുപത്രിയില്‍ വിതരണം ചെയ്യും. താത്പര്യമുളളവര്‍ മൃഗാശുപത്രിയുമായി ബന്ധപ്പെടുക. ഫോണ്‍: 0481 2435660, 9447144656