ക്ഷയരോഗവിമുക്ത കേരളം ലക്ഷ്യമിട്ടുള്ള സംസ്ഥാന ക്ഷയരോഗ നിര്‍മാര്‍ജന പരിപാടിയുടെ ഭാഗമായി വിവരശേഖരണത്തിനുള്ള ഭവനസന്ദര്‍ശനത്തിന് തുടക്കമായി. ആരോഗ്യവകുപ്പ് മന്ത്രി കെ.കെ. ശൈലജടീച്ചറുടെ ഔദ്യോഗിക വസതിയിലെത്തി ആശാവര്‍ക്കര്‍മാരും ആരോഗ്യപ്രവര്‍ത്തകരും കുടുംബത്തിന്റെ വിവരങ്ങള്‍ ശേഖരിച്ചാണ് സംസ്ഥാന തലത്തില്‍ പദ്ധതി ആരംഭിച്ചത്.

 കാസറഗോഡ് കാഞ്ഞങ്ങാട് അസിസ്റ്റന്റ് ലേബര്‍ ഓഫീസുകളില്‍ രജിസ്റ്റര്‍ ചെയ്തിട്ടുള്ള മുഴുവന്‍ സ്ഥാപനങ്ങളും 2018 വര്‍ഷത്തേക്കുള്ള രജിസ്‌ട്രേഷന്‍ പുതുക്കണമെന്ന് അസിസ്റ്റന്റ് ലേബര്‍ ഓഫീസര്‍ അറിയിച്ചു. ഇതുവരെ രജിസ്റ്റര്‍ ചെയ്തിട്ടില്ലാത്ത സ്ഥാപനങ്ങള്‍ നിര്‍ബന്ധമായും തൊഴില്‍ വകുപ്പിലെ ബന്ധപ്പെട്ട അസിസ്റ്റന്റ് ലേബര്‍ ഓഫീസുകളില്‍ രജിസ്റ്റര്‍ ചെയ്യണം. തൊഴിലാളികള്‍ ഇല്ലാത്തവയ്ക്കും ഇത് ബാധകമാണ്. നിയമ ലംഘനം നടത്തുന്ന സ്ഥാപനങ്ങള്‍ക്കെതിരെ നടപടി സ്വീകരിക്കും. സ്ഥാപനങ്ങള്‍ രജിസ്റ്റര്‍ ചെയ്യേണ്ടതും പുതുക്കേണ്ടതും ഓണ്‍ലൈന്‍ വഴിയാണ്. എല്ലാ അക്ഷയ കേന്ദ്രങ്ങളിലും ഇതിനുള്ള സൗകര്യം ഏര്‍പ്പെടുത്തിയിട്ടുണ്ട്.

കേരള നിയമ സഭയുടെ യുവജനക്ഷേമവും യുവജന കാര്യവും സംബന്ധിച്ച സമിതി ഈ മാസം അഞ്ചിന് രാവിലെ 10.30 ന് കളക്ടറേറ്റ് കോണ്‍ഫറന്‍സ് ഹാളില്‍ സിറ്റിംഗ് നടത്തും. യുവജന ക്ഷേമവും ഐ.ടി മേഖലയുമായും ബന്ധപ്പെട്ട വിഷയങ്ങളില്‍ വ്യക്തികള്‍ സംഘടനകള്‍ എന്നിവരില്‍ നിന്നും സമിതി പരാതികളും നിര്‍ദ്ദേശങ്ങളും സ്വീകരിക്കും. 
 

കേരളസ്റ്റേറ്റ് സ്‌പോര്‍ട്‌സ് കൗണ്‍സിലിനുകീഴില്‍ വിവിധ ജില്ലകളില്‍ പ്രവര്‍ത്തിക്കുന്ന സ്‌കൂള്‍, പ്ലസ് വണ്‍, കോളേജ് സ്‌പോര്‍ട്‌സ് ഹോസ്റ്റലുകളിലേക്കും സെന്‍ട്രലൈസ്ഡ് സ്‌പോര്‍ട്‌സ് ഹോസ്റ്റലിലേക്കും 2018-19 അധ്യയന വര്‍ഷത്തേക്കുളള  ഹോസ്റ്റല്‍ തെരഞ്ഞെടുപ്പ്  ജനുവരി നാലു മുതല്‍ ഫെബ്രുവരി 10 വരെ നടത്തും. കാസര്‍കോട് ജില്ലയില്‍ ജനുവരി  നാലിന്  പെരിയ ജവഹര്‍ നവോദയ വിദ്യാലയ ഗ്രൗണ്ടില്‍ നടത്തും. അത്‌ലറ്റിക്‌സ്, ഫുട്‌ബോള്‍, വോളിബോള്‍, ബാസ്‌ക്കറ്റ്‌ബോള്‍, ഹാന്റ് ബോള്‍, കബഡി, ഖോ ഖോ എന്നീ കായിക ഇനങ്ങളില്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും  എല്ലാ ജില്ലയിലും സെലക്ഷന്‍ നടത്തും. 

 സംസ്ഥാന വേര്‍ ഹൗസിംഗ് കോര്‍പ്പറേഷന്റെ പുതിയ ഗോഡൗണുകളുടെ ഉദ്ഘാടനവും വെയര്‍ ഹൗസ് കം അഗ്രി കോംപ്ലക്‌സിന്റെ ശിലാസ്ഥാപനവും ജനുവരി അഞ്ചിന് പടന്നക്കാട് വേയര്‍ ഹൗസ് അങ്കണത്തില്‍ നടക്കും. വൈകുന്നേരം നാല് മണിക്ക് കാഞ്ഞങ്ങാട് നഗരസഭ ചെയര്‍മാന്‍ വി.വി.രമേശന്റെ അദ്ധ്യക്ഷതയില്‍ റവന്യൂ ഭവന നിര്‍മ്മാണ വകുപ്പ് മന്ത്രി  ഇ.ചന്ദ്രശേഖരന്‍ ഉദ്ഘാടനവും ശിലാസ്ഥാപനവും നിര്‍വ്വഹിക്കും. പി.കരുണാകരന്‍ എം പി മുഖ്യാതിഥി ആയിരിക്കും.
 

അധ്യാപകന്‍ മാതൃകാ അധ്യാപകനാവുന്നത് ആശയങ്ങള്‍ വിദ്യര്‍ത്ഥികളിലേക്ക് കൈമാറുമ്പോളാണെന്ന് വിദ്യഭ്യാസ വകുപ്പു മന്ത്രി പ്രൊഫ.സി രവീന്ദ്രനാഥ് പ്രസ്താവിച്ചു.താത്വികമായ ദര്‍ശനങ്ങളും  അക്കാദമിക് ചര്‍ച്ചകളും  വി്ദ്യഭ്യാസപുരോഗതിക്ക് ആവശ്യമാണ്.എന്നാല്‍ ചോദ്യങ്ങള്‍ മനസ്സിലുള്ള വിദ്യര്‍ത്ഥി സമൂഹത്തെ സൃഷ്ടിച്ചാല്‍ മാത്രമേ  പൊതുവിദ്യഭ്യാസ സംരക്ഷണം യജ്ഞമായി മാറുകയുള്ളുവെന്ന് മന്ത്രി  പറഞ്ഞു.

ചാലിയാര്‍ പുഴയില്‍ ജലവിതാനം താഴ്ന്നതിനാല്‍ കവണക്കല്ല് റഗുലേറ്റര്‍ കം ബ്രിഡ്ജിന്റെ ഷട്ടറുകള്‍ ഇന്ന് (ജനുവരി രണ്ട്) മുതല്‍ പൂര്‍ണ്ണമായി അടച്ചിടും.  പുഴയുടെ ഇരുകരയിലുമുള്ളവര്‍ ജാഗ്രത പാലിക്കണമെന്ന് മലപ്പുറം ചെറുകിട ജലസേചന വകുപ്പ് എക്‌സിക്യൂട്ടീവ് എഞ്ചിനീയര്‍ അറിയിച്ചു.