കൊച്ചി:   വീട്ടാവശ്യങ്ങള്‍ക്കും ഹോട്ടലുകള്‍ക്കും വേണ്ട പാചക യന്ത്രങ്ങള്‍ മുതല്‍  വിവിധ തരം ഗാര്‍ഹിക യൂണിറ്റുകള്‍ക്കും,  കുടുംബശ്രീ, കുടില്‍ വ്യവസായം, ചെറുകിട, ഇടത്തരം സംരംഭങ്ങള്‍ക്കും ആവശ്യമായ  യന്ത്രങ്ങളും  സാങ്കേതിക  വിദ്യയും  അണി നിരത്തി വ്യവസായ വകുപ്പ്  കലൂര്‍ സ്റ്റേഡിയത്തില്‍ യന്ത്ര പ്രദര്‍ശനമേള സംഘടിപ്പിക്കുന്നുന്നു.

മേളയുടെ ഉദ്ഘാടനം 12ന് രാവിലെ 10.30ന് വ്യവസായ മന്ത്രി  എ.സി .മൊയ്തീന്‍ നിര്‍വ്വഹിക്കും.

 കാര്‍ഷിക ഭക്ഷ്യ സംസ്‌കരണ മേഖലയ്ക്ക്  ഉതകുന്ന സാങ്കേതിക വിദ്യകള്‍ സംരംഭകര്‍ക്ക്ക്കു ലഭ്യമാകുന്നതിന്നു വിവിധ ഗവേഷണ സ്ഥാപനങ്ങള്‍ സ്റ്റാളുകള്‍ തുറക്കും. . 

കൊച്ചി: ജനുവരി 10 രാവിലെ 10 മുതല്‍ നവജാത ശിശുക്കള്‍ ഉള്‍പ്പടെ അഞ്ചു വയസ്സ് വരെയുള്ള കുട്ടികള്‍ക്കായുള്ള പ്രത്യേക ആധാര്‍ ക്യാമ്പ്  മൂവാറ്റുപുഴ ഗവ.ഹോസ്പിറ്റല്‍ കോണ്‍ഫറന്‍സ് ഹാളില്‍ നടക്കും.   പരിപാടിയുടെ ഉദ്ഘാടനം മുനിസിപ്പല്‍ ചെയര്‍ പേഴ്‌സണ്‍ ഉഷ ശശിധരന്‍ നിര്‍വ്വഹിക്കും. മാതാപിതാക്കള്‍ അവരുടെ ആധാര്‍കാര്‍ഡൂം കുട്ടിയുടെ ജനന സര്‍ട്ടഫിക്കറ്റുമായി ഹാജരാകണമെന്ന് അക്ഷയാ ജില്ലാ പ്രൊജക്ട് മാനേജര്‍ അറിയിച്ചു.

പൊതുമരാമത്ത് വകുപ്പ് മന്ത്രി ജി സുധാകരന്‍ നാളെ (ജനുവരി 9) ജില്ലയില്‍ വിവിധ പരിപാടികളില്‍ പങ്കെടുക്കും.   രാവിലെ 10.30 - ഇരിണാവ് പാലം നിര്‍മ്മാണോദ്ഘാടനം, 12.30 കതിരൂര്‍ സ്‌കൂള്‍ പുതിയ കെട്ടിടം ശിലാസ്ഥാപനം, 3.30 കാടാച്ചിറ-എടക്കാട് റോഡ്, മുഴപ്പിലങ്ങാട്-എ കെ ജി റോഡ് നിര്‍മ്മാണോദ്ഘാടനം, 4 മണി ആറാംമൈല്‍-പാറപ്രം റോഡ്, തോട്ടുമ്മല്‍-കായലോട് റോഡ് പ്രവര്‍ത്തനോദ്ഘാടനം, 5 മണി മുതലക്കല്ല് - അണ്ടലൂര്‍ക്കാവ് റോഡ് നിര്‍മ്മാണോദ്ഘാടനം.
പി.എന്‍.സി/76/2018
 

 മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും ഓണ്‍ലൈന്‍ സംവിധാനത്തിലൂടെ  അനുവദിച്ച ധനസഹായവിതരണം നാളെ (ജനുവരി 9)രാവിലെ 10 മണിക്ക് തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്യും.  കലക്ടറേറ്റ് ഓഡിറ്റോറിയത്തില്‍ നടക്കുന്ന ചടങ്ങില്‍ 38,24, 500 രൂപയാണ് വിതരണം ചെയ്യുക.  ചടങ്ങില്‍ മേയര്‍ ഇ പി ലത അധ്യക്ഷത വഹിക്കും.

കണ്ണൂര്‍ വിമാനത്താവളത്തിന്റെ പ്രവര്‍ത്തനങ്ങള്‍ക്കാവശ്യമായ വൈദ്യുതി ഉല്‍പ്പാദിപ്പിക്കുന്നതിന് സൗരോര്‍ജ പ്ലാന്റ് സ്ഥാപിക്കും. മുഖ്യമന്ത്രി പിണറായി വിജയന്റെ നേതൃത്വത്തില്‍ ചേര്‍ന്ന കിയാല്‍ ഡയരക്ടര്‍ ബോര്‍ഡ് യോഗം ഇതിന് അനുമതി നല്‍കി. തുടക്കത്തില്‍ 7 മെഗാവാട്ട് ശേഷിയുള്ള സോളാര്‍ പവര്‍ പ്ലാന്റ് സ്ഥാപിക്കും. ഭാവിയില്‍ വൈദ്യുതി ആവശ്യം വര്‍ധിക്കുന്നതിനനുസരിച്ച് 10 മെഗാവാട്ടായി ശേഷി ഉയര്‍ത്തും. 

       വെള്ളിക്കോത്ത് ഇന്‍സ്റ്റിറ്റ്യൂട്ടില്‍  നടത്തുന്ന സൗജന്യ കൂണ്‍കൃഷി  തൊഴില്‍ പരിശീലനത്തിന് അപേക്ഷ ക്ഷണിച്ചു. 18 നും 45 നും ഇടയില്‍ പ്രായമുള്ള യുവതി യുവാക്കള്‍ക്ക്  അപേക്ഷിക്കാം. പരിശീലനം, ഭക്ഷണം, താമസം എന്നിവ സൗജന്യമായിരിക്കും. പേര്, മേല്‍വിലാസം, ജനനതിയതി, ഫോണ്‍ നമ്പര്‍ എന്നിവ അടങ്ങിയ അപേക്ഷ ഈ മാസം 13 നകം  ഡയറക്ടര്‍, വെള്ളിക്കോത്ത് ഇന്‍സ്റ്റിറ്റ്യൂട്ട്, ആനന്ദാശ്രമം പിഒ, കാഞ്ഞങ്ങാട് -671 531 എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ക്ക് 0467 2268240.
 

       മഞ്ചേശ്വരം ജി പി എം ഗവ. കോളേജില്‍ 2017-18 അധ്യയന വര്‍ഷത്തേക്ക് ഹിന്ദി, സ്റ്റാറ്റിസ്റ്റിക്‌സ് വിഷയങ്ങളില്‍ ഗസ്റ്റ് ലക്ചറെ നിയമിക്കുന്നു. ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുകള്‍ സഹിതം   പ്രിന്‍സിപ്പാള്‍ മുമ്പാകെ   നാളെ (10) രാവിലെ  11  മണിക്ക് കൂടിക്കാഴ്ചയ്ക്ക് ഹാജരാകണം.  ബന്ധപ്പെട്ട വിഷയത്തില്‍ 55 ശതമാനത്തില്‍ കുറയാത്ത  മാര്‍ക്കോടു കൂടി  ബിരുദാനന്തര ബിരുദവും നെറ്റും  ആണ് യോഗ്യത. നെറ്റ് യോഗ്യരായവരുടെ അഭാവത്തില്‍  55 ശതമാനം  മാര്‍ക്കുളളവരേയും പരിഗണിക്കും.
 

 കാഞ്ഞങ്ങാട് നിയമസഭാ മണ്ഡലം എംഎല്‍എ യായ  റവന്യൂ വകുപ്പ് മന്ത്രി  ഇ ചന്ദ്രശേഖരന്റെ പ്രത്യേക വികസന നിധിയില്‍ നിന്ന്  കോടോം-ബേളൂര്‍ ഗ്രാമപഞ്ചായത്തിലെ  കൂലോത്തുങ്ങല്‍-പടിയറ-കാത്തുണ്ടി റോഡ് ടാറിംഗിന്  10 ലക്ഷം രൂപ അനുവദിച്ചു. പദ്ധതിക്ക് ജില്ലാകളക്ടര്‍ ജീവന്‍ബാബു കെ  ഭരണാനുമതി നല്‍കി.
 

 സംസ്ഥാന ടൂറിസം വകുപ്പിന്റെ ആഭിമുഖ്യത്തില്‍ നടപ്പിലാക്കുന്ന ഗ്രീന്‍ കാര്‍പെറ്റ്  പദ്ധതിയുടെ ഭാഗമായി ബേക്കല്‍ കോട്ട, ബേക്കല്‍ ബീച്ച് പരിസരങ്ങളില്‍ പൊതുശുചീകരണം നടത്തി.  ബേക്കല്‍ കോട്ടയുടെ സമീപം നടന്ന ചടങ്ങില്‍ പളളിക്കര പഞ്ചായത്ത് പ്രസിഡന്റ്  ഇന്ദിര  പൊതുശുചീകരണം ഉദ്ഘാടനം ചെയ്തു.  കാസര്‍കോട് എല്‍ ബി എസ്  എഞ്ചിനീയറിംഗ് കോളേജിലെ   എന്‍ എസ് എസ് യൂണിറ്റിലെ  വളണ്ടിയര്‍മാര്‍ ശുചീകരണപ്രവര്‍ത്തികള്‍ ചെയ്തു.