ജില്ലാ പഞ്ചായത്ത് പദ്ധതി തുക വിനിയോഗത്തില്‍  പുറകിലാണെന്നുളള പ്രചരണം അടിസ്ഥാന രഹിതമാണെന്ന് ജില്ലാ പഞ്ചായത്ത് പ്രസിഡന്റ് സഖറിയാസ് കുതിരവേലി പറഞ്ഞു. ട്രഷറി നിയന്ത്രണം മൂലം അഞ്ചുകോടി രൂപയോളം ബില്ലുകള്‍ മാറാനുണ്ട്. ട്രഷറി നിയന്ത്രണം നീങ്ങിയാലുടന്‍ എക്‌സ്‌പെന്‍ഡിച്ചര്‍ 20 ശതമാനം ആകും.  മാര്‍ച്ച് മാസത്തോടെ തുക ചെലവഴിക്കുന്നതില്‍ ജില്ലാ പഞ്ചായത്ത് മുന്‍പിലെത്തും. 

                ഒ.ആര്‍.കേളു എം.എല്‍.എ.യുടെ പ്രതേ്യക വികസന നിധിയില്‍ നിന്നും തവിഞ്ഞാല്‍ ഗ്രാമപഞ്ചായത്തിലെ ഉദയഗിരി ഗവ.എല്‍.പി.സ്‌കൂളിന് ക്ലാസ് റൂം നിര്‍മ്മിക്കുന്നതിന് എട്ട് ലക്ഷം രൂപയും സി.കെ.ശശീന്ദ്രന്‍ എം.എല്‍.എ.യുടെ പ്രതേ്യക വികസന നിധിയില്‍ നിന്നും കോട്ടത്തറ ഗ്രാമപഞ്ചായത്തിലെ കാരക്കുന്ന് ബസ് വെയിറ്റിംഗ് ഷെഡ് നിര്‍മ്മിക്കുന്നതിന് രണ്ടര ലക്ഷം രൂപയും അനുവദിച്ച് ജില്ലാ കളക്ടര്‍ ഭരണാനുമതി നല്‍കി.

സെന്‍റര്‍ ഫോര്‍ ഡിസെബിലിറ്റി സ്റ്റഡീസ് പാലക്കാട് എല്‍.ബി.എസ്  ഉപകേന്ദ്രത്തില്‍ ഭിന്നശേഷിക്കാര്‍ക്കായി  'ബേസിക് ബുക്ക് ബൈന്‍ഡിങ്' കോഴ്സി്ല്‍ സൗജന്യപരിശീലനം നല്‍കും. 40 ശതമാനത്തില്‍ കൂടുതല്‍ ഭിന്നശേഷിയുള്ള എസ്.എസ്.എല്‍.സി യോഗ്യതയുള്ളവര്‍ക്കാണ് അവസരം. പ്രവേശനം ലഭിക്കുന്നവര്‍ക്ക് യാത്രാചിലവും മറ്റാനുകൂല്യങ്ങളും ലഭിക്കും. വിശദ വിവരം ഓഫീസര്‍ ഇന്‍  ചാര്‍ജ്, എല്‍.ബി.എസ് സബ്ബ് സെന്‍റര്‍, നൂറണി, പാലക്കാട്-14 വിലാസത്തില്‍ ലഭിക്കും . ഫോണ്‍ -0491 2527425