സി-ഡിറ്റ് സൈബര്‍ശ്രീ സെന്ററില്‍ മാറ്റ്‌ലാബ് പരിശീലനത്തിന് പട്ടികജാതി വിഭാഗത്തില്‍പ്പെട്ടവരില്‍ നിന്നും അപേക്ഷ ക്ഷണിച്ചു. നാലു മാസത്തെ പരിശീലനത്തിന് ഇലക്‌ട്രോണിക്‌സ്, ഇലക്ട്രിക്കല്‍, കംപ്യൂട്ടര്‍ സയന്‍സ്, ഐ.ടി., അപ്ലൈഡ് ഇലക്‌ട്രോണിക്‌സ് എന്നിവയില്‍ എഞ്ചിനീയറിംഗ് ബിരുദം/ എം.സി.എ പാസ്സായവര്‍/പ്രസ്തുത കോഴ്‌സുകള്‍ പൂര്‍ത്തീകരിച്ചവര്‍ക്കും/ബി എസ് സി(കമ്പ്യൂട്ടര്‍ സയന്‍സ്/ഇലക്‌ട്രോണിക്‌സ്)പാസ്സായവര്‍ക്കും അപേക്ഷിക്കാം. പ്രായ പരിധി 20 നും  26 നും ഇടയില്‍.                 തിരുവനന്തപുരത്ത് നല്‍കുന്ന പരിശീലനത്തിന് പങ്കെടുക്കുന്നവര്‍ക്ക് പ്രതിമാസം 5000 രൂപ സ്റ്റൈപന്റ് ലഭിക്കും.

 തളിപ്പറമ്പ്  അപ്പാരല്‍ ട്രെയിനിംഗ് സെന്ററില്‍ ഈ അധ്യയനവര്‍ഷം (2018-19) ബാച്ചിലേക്ക്  ഫാഷന്‍ ഡിസൈന്‍ ടെക്‌നോളജി (എഫ് ഡി ടി), തയ്യല്‍ മെഷീന്‍ മെക്കാനിക്  കോഴ്‌സ് (എസ് എം എം സി) എന്നിവയിലേക്ക്  അപേക്ഷ ക്ഷണിച്ചു.  അപേക്ഷകള്‍ ഈ മാസം  17 നകം ലഭിക്കണം.  ഫോണ്‍ 9544145005, 0460 2226110.
 

യുവതീ യുവാക്കളെയും വിദ്യാര്‍ത്ഥികളെയും, പ്രവാസികളെയും മറ്റ് കൃഷി ഇതര മേഖലകളില്‍പ്പെട്ടവരെയും കൃഷിയിലേക്ക് ആകര്‍ഷിക്കുവാനും, ജൈവകൃഷി കൂടുതല്‍ പ്രോത്സാഹിപ്പിച്ച് ആധുനിക സാങ്കേതിക വിദ്യ പ്രയോജനപ്പെടുത്തി കൃഷി വ്യാപനവും, കാര്‍ഷികോല്‍പ്പാദന വര്‍ദ്ധനവും, ഉല്‍പ്പന്ന സംസ്‌ക്കരണവും ലക്ഷ്യമിട്ട് കൃഷി വകുപ്പ് അവാര്‍ഡുകള്‍ നല്‍കുന്നു.

കണ്ണൂര്‍ ജില്ലയിലെ രൂക്ഷമായ ഗതാഗതക്കുരുക്ക് ഒഴിവാക്കാനുള്ള അടിയന്തര പരിഹാര നിര്‍ദേശങ്ങള്‍ക്കായി വിദഗ്ധ ഉപസമിതിയെ നിയോഗിക്കാന്‍ ജില്ലാ പദ്ധതി കരട് രേഖയില്‍ നിര്‍ദേശം. ജില്ലാ പദ്ധതി രൂപീകരണവുമായി ബന്ധപ്പെട്ട് നടന്ന വികസന സെമിനാറിന്റെ ഗ്രൂപ്പ്ചര്‍ച്ചയിലാണ് നിര്‍ദേശം ഉയര്‍ന്നത്.

 ജില്ലയില്‍  ഒഴിവുളള പ്രവൃത്തിപരിചയസ്‌പെഷ്യലിസ്റ്റ് അധ്യാപകരുടെ  കരാര്‍ നിയമനത്തിനായി പ്രവൃത്തിപരിചയ മേഖലകളില്‍ വൈദഗ്ധ്യം നേടിയ ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു.  താല്‍പ്പര്യമുളളവര്‍ ഈ മാസം 18 നകം   എസ് എസ് എ കാസര്‍കോട്  ജില്ലാ പ്രൊജക്ട് ഓഫീസില്‍ അപേക്ഷ സമര്‍പ്പിക്കണം.  പി എസ് സി ലിസ്റ്റില്‍ ഉള്‍പ്പെട്ടവര്‍ക്കും എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്തവര്‍ക്കും  മുന്‍ഗണനയുണ്ടാകും. കൂടുതല്‍ വിവരങ്ങള്‍ക്ക് ംംം.സലൃമഹമമൈ.ീൃഴ സന്ദര്‍ശിക്കുക.
 

ജില്ലയുടെ എല്ലാ മേഖലകളുടെയും സമഗ്രവികസനത്തിനുള്ള ആധാരശിലയായി ജില്ലാ പദ്ധതി രേഖ മാറുമെന്ന് തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി. ജില്ലാ പദ്ധതി രൂപീകരണത്തിന്റെ ഭാഗമായുള്ള വികസന സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ആസൂത്രണം താഴേത്തട്ടില്‍ നിന്ന് ആരംഭിക്കുകയെന്ന സംസ്ഥാന സര്‍ക്കാരിന്റെ കാഴ്ചപ്പാടിന് അനുസൃതമായാണ് ജില്ലാ പദ്ധതി തയ്യാറാക്കുന്നത്. വികസനം മുകളില്‍ നിന്ന് അടിച്ചേല്‍പ്പിക്കുന്നതാകുമ്പോള്‍ അത് പ്രായോഗികവും ഫലപ്രദവുമാവണമെന്നില്ല.

 ആര്‍ എസ് ബി വൈ എസ് ചിസ്  പദ്ധതിയുടെ ഭാഗമായുളള  ജില്ലാതല പരാതിപരിഹാരകമ്മിറ്റി യോഗം  (ഡിജിആര്‍സി യോഗം) ചേര്‍ന്നു. വിവിധ പരാതികള്‍ പരിഹരിച്ച് തീര്‍പ്പാക്കി.  ഡെപ്യൂട്ടി കളക്ടര്‍ (ആര്‍ ആര്‍) പി എ അബ്ദുസമദ് അധ്യക്ഷത വഹിച്ചു.  ജില്ലാ ലേബര്‍ ഓഫീസര്‍ (എന്‍ഫോഴ്‌സ്‌മെന്റ്) എം കുമാരന്‍ നായര്‍, ജൂനിയര്‍ അഡ്മിനിസ്‌ട്രേറ്റീവ് മെഡിക്കല്‍ ഓഫീസര്‍ ഡോ. ഇ വി ചന്ദ്രമോഹന്‍, ചിയാക്ക്  ജില്ലാ പ്രൊജക്ട് മാനേജര്‍ എം സതീശന്‍ ഇരിയ, റിലയന്‍സ് ഇന്‍ഷൂറന്‍സ് കമ്പനി പ്രതിനിധി പ്രമോദ് തോമസ്, വിവിധ ആശുപത്രി  പ്രതിനിധികള്‍ സംബന്ധിച്ചു.
 

    സാമ്രാജ്യത്വ ശക്തികള്‍ക്കു സമസ്ത രാജ്യങ്ങള്‍ക്കു മേലും സാമ്പത്തിക നിയന്ത്രണവും രാഷ്ട്രീയ നിയന്ത്രണവും കൈവരിക്കാനുള്ള മാധ്യമമായി ആഗോളവത്കരണം മാറിയെന്ന് ജലവിഭവ വകുപ്പ് മന്ത്രി മാത്യു ടി. തോമസ് പറഞ്ഞു. കേന്ദ്ര - കേരള സര്‍വകലാശാലയുടെ തിരുവല്ലയിലെ നിയമ പഠന വിഭാഗത്തിന്‍റെ ആഭിമുഖ്യത്തില്‍ ആഗോളവത്കൃത ലോകത്തില്‍ മനുഷ്യാവകാശങ്ങളുടെ സാക്ഷാത്കാരം എന്ന വിഷയത്തെ ആസ്പദമാക്കി നടത്തിയ അന്തര്‍ദേശീയ നിയമ സെമിനാറിന്‍റെ സമാപന സമ്മേളനം  ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. 

കൊച്ചി: ആരോഗ്യ രംഗത്തെ സമഗ്രമാറ്റങ്ങള്‍ ലക്ഷ്യമിട്ടു കേരള സര്‍ക്കാര്‍ വിഭാവനം ചെയ്ത ആര്‍ദ്രം പദ്ധതിയിലൂടെ ജില്ലയിലെ സര്‍ക്കാര്‍ ആശുപത്രികള്‍ മുഖം മിനുക്കുന്നു. പദ്ധതി പ്രകാരമുള്ള ജില്ലയിലെ പ്രവര്‍ത്തനങ്ങള്‍ അതിവേഗമാണു മുന്നോട്ടു പോകുന്നത്. കഴിഞ്ഞ ഒരു വര്‍ഷത്തിനിടെ ആര്‍ദ്രം പദ്ധതിയുടെ ഭാഗമായി എറണാകുളം ജില്ലയിലെ വിവിധ പ്രാഥമിക കേന്ദ്രങ്ങള്‍ മികച്ച നിലവാരത്തിലേയ്ക്ക് ഉയര്‍ന്നിട്ടുണ്ട്. ആദ്യ ഘട്ടത്തില്‍ 15 പ്രാഥമിക ആരോഗ്യ കേന്ദ്രങ്ങളാണു നവീകരണ പ്രവര്‍ത്തനങ്ങള്‍ക്കായി തിരഞ്ഞെടുക്കപ്പെട്ടത്. 

 സ്വാമി വിവേകാനന്ദന്റെ  കേരളസന്ദര്‍ശനം  കേരളത്തിലെ സാമൂഹ്യ മുന്നേറ്റത്തിന് വലിയ ഉത്തേജകമാണ് നല്‍കിയതെന്ന്  റവന്യു മന്ത്രി ഇ. ചന്ദ്രശേഖരന്‍ അഭിപ്രായപ്പെട്ടു.  അദ്ദേഹത്തിന്റെ സന്ദര്‍ശന  ശേഷമാണു  ക്ഷേത്രപ്രവേശന വിളംബരം പോലുള്ള വിപ്ലകരമായ സാമൂഹ്യ മാറ്റങ്ങള്‍ക്കു കേരളം വേദിയായത്.  ശ്രീനാരായണ ഗുരുവിനെ ഏറ്റവും കൂടുതല്‍ സ്വാധീനിച്ചത് സ്വാമിജിയാണ്. ഇന്ത്യയില്‍ സ്വാതന്ത്ര്യാനന്തരം ഉണ്ടായ വലിയ മാറ്റങ്ങള്‍ ആദ്യ പ്രധാന മന്ത്രിയായിരുന്ന ജവാഹര്‍ലാല്‍ നെഹ്രുവിന്റെ ദീര്‍ഘ ദര്‍ശിത്വമാണ്. ഇന്ന് നാം കാണുന്ന ശാസ്ത്ര സാങ്കേതിക രംഗത്തെ നേട്ടങ്ങള്‍ക്കു തുടക്കം കുറിച്ചതും അദ്ദേഹത്തിന്റെ കാലത്താണ്.