ആലപ്പുഴ: ആരോഗ്യവകുപ്പിന്റെ നേതൃത്വത്തിൽ ഇതരസംസ്ഥാനക്കാർക്ക് മന്തുരോഗ നിവാരണ ഗുളിക നൽകും. ഡി.ഇ.സി., ആൽബൻഡസോൾ എന്നീ ഗുളികളാണ് നൽകുക. ഭക്ഷണശേഷമാണ് ഗുളിക കഴിക്കേണ്ടത്. ഡി.ഇ.സി. ഗുളിക (100 മി.ഗ്രാം), ആൽബൻഡസോൾ ഗുളികകൾ (400 മി.ഗ്രാം) രണ്ടു വയസു മുതൽ അഞ്ചു വയസുവരെയുള്ളവർക്ക് ഓരോന്നു വീതവും ആറു മുതൽ 14 വയസുവരെയുള്ളവർക്ക് രണ്ട്, ഒന്ന്, 15 വയസും അതിനുമുകളിൽപ്രായമുള്ളവർ മൂന്ന്, ഒന്ന് എന്ന കണക്കിലാണ് ഗുളിക കഴിക്കേണ്ടത്.

(പി.എൻ.എ.02/2018)

ആലപ്പുഴ:  പശുക്കളെയും എരുമകളെയും കുളമ്പുരോഗത്തിൽ നിന്നും മുക്തമാക്കുന്നതിന്  ജില്ലയിൽ കുളമ്പുരോഗ നിർമാർജന പദ്ധതി ആരംഭിച്ചു. മൃഗസംരക്ഷണ വകുപ്പ്  ജീവനക്കാർ ജനുവരി 22നകം കർഷകരുടെ വീടുകളിലെത്തി കന്നുകാലികൾക്ക് പ്രതിരോധ കുത്തിവയ്പ് നൽകും. കർഷകർ ഉരു ഒന്നിന് അഞ്ചു രൂപ നിരക്കിൽ വാക്‌സിനേഷൻ ചാർജ്ജ് നൽകണം. മറ്റെന്തെങ്കിലും അസുഖമോ ആറു മാസത്തിനുമേൽ ഗർഭാവസ്ഥയിലോ ഉള്ളവയ്ക്ക് കുത്തിവയ്പ് നൽകുന്നതല്ല. 

ആലപ്പുഴ:  പശുക്കളെയും എരുമകളെയും കുളമ്പുരോഗത്തിൽ നിന്നും മുക്തമാക്കുന്നതിന്  ജില്ലയിൽ കുളമ്പുരോഗ നിർമാർജന പദ്ധതി ആരംഭിച്ചു. മൃഗസംരക്ഷണ വകുപ്പ്  ജീവനക്കാർ ജനുവരി 22നകം കർഷകരുടെ വീടുകളിലെത്തി കന്നുകാലികൾക്ക് പ്രതിരോധ കുത്തിവയ്പ് നൽകും. കർഷകർ ഉരു ഒന്നിന് അഞ്ചു രൂപ നിരക്കിൽ വാക്‌സിനേഷൻ ചാർജ്ജ് നൽകണം. മറ്റെന്തെങ്കിലും അസുഖമോ ആറു മാസത്തിനുമേൽ ഗർഭാവസ്ഥയിലോ ഉള്ളവയ്ക്ക് കുത്തിവയ്പ് നൽകുന്നതല്ല. 

കേരളത്തിനകത്തും പുറത്തുമുളള ഇന്ത്യന്‍ പൗരന്മാരായ കേരളീയരുടെ പൊതുവേദി എന്ന നിലയില്‍ സംസ്ഥാന സര്‍ക്കാര്‍ സംഘടിപ്പിക്കുന്ന ലോകകേരളസഭയുടെ ആദ്യസമ്മേളനത്തിനുളള ഒരുക്കങ്ങള്‍ അന്തിമഘട്ടത്തിലെത്തി. ജനുവരി 12നും 13നുമായി തിരുവനന്തപുരത്ത് നിയമസഭാമന്ദിരത്തിലാണ് സഭ ചേരുന്നത്. 

തനത് പൈതൃക കലകളുടെ ഉന്നമനത്തിനായി വിനോദ സഞ്ചാര വകുപ്പ് സംഘടിപ്പിക്കുന്ന ഉത്സവം 2018 ജനുവരി ആറുമുതല്‍ 12 വരെ സംസ്ഥാനത്തൊട്ടാകെ അരങ്ങേറുന്നു.  ഫോക് ലോര്‍ അക്കാദമിയുടെ സഹകരണത്തോടെ ജില്ലാ ടൂറിസം കൗണ്‍സിലുകള്‍ മുഖേന 14 ജില്ലകളിലെ 28 വേദികളിലാണ് ഉത്സവം സംഘടിപ്പിക്കുന്നത്. അന്യം നിന്നുകൊണ്ടിരിക്കുന്ന കേരളീയ കലാരൂപങ്ങള്‍ അവതരിപ്പിക്കുന്ന കലാകാരന്മാരെ പ്രോത്സാഹിപ്പിക്കുന്നതിനും തനത് കലകളെ പരിപോഷിപ്പിക്കുന്നതിനും  അനുഷ്ഠാന - പരമ്പരാഗത - നാടന്‍ കലാരൂപങ്ങളെ പുതു തലമുറയ്ക്ക് പരിചയപ്പെടുത്തുന്നതിനും വേണ്ടിയാണ് ഉത്സവം നടത്തുന്നത്. 

2018-19 മുതല്‍ നാലുവര്‍ഷത്തേക്കുള്ള വൈദ്യുതി താരിഫ് റെഗുലേഷന്‍ 2017ന്റെ കരട് റെഗുലേഷനിന്‍മേലുള്ള പബ്‌ളിക് ഹിയറിംഗ് നടത്തുന്നു. ജനുവരി മൂന്നിന് രാവിലെ 11ന് എറണാകുളം ടൗണ്‍ ഹാള്‍ കാമ്പസില്‍ മിനി ഹാളിലും ജനുവരി 10ന് രാവിലെ 11ന് തിരുവനന്തപുരം കമ്മീഷന്‍ ഓഫീസിലും ഹിയറിംഗ് നടക്കും. പൊതുജനങ്ങള്‍ക്കും മറ്റ് ബന്ധപ്പെട്ടവര്‍ക്കും പങ്കെടുത്ത് അഭിപ്രായങ്ങള്‍ സമര്‍പ്പിക്കാം. 

പി.എന്‍.എക്‌സ്.17/18

ക്ഷയരോഗമുക്ത കേരളം എന്ന ലക്ഷ്യത്തിലേക്ക് സംസ്ഥാനത്തെ എത്തിക്കുന്നതിന്റെ ഭാഗമായി സംസ്ഥാനതല ക്ഷയരോഗ നിര്‍മാര്‍ജന പരിപാടിയുടെ വിവര ശേഖരണത്തിനായുള്ള ഭവന സന്ദര്‍ശനത്തിന്റെ സംസ്ഥാനതല ഉദ്ഘാടനം നാളെ (ജനുവരി 3) രാവിലെ ഒന്‍പതിന് ആരോഗ്യ വകുപ്പ് മന്ത്രി കെ.ശൈലജ ടീച്ചറുടെ ഔദ്യോഗിക വസതിയില്‍ നടക്കും. മാര്‍ച്ച് 24 ലോക ക്ഷയരോഗ ദിനത്തിന് മുന്നോടിയായി സംസ്ഥാനത്തെ മുഴുവന്‍ ജില്ലകളിലുമായി 78 ലക്ഷത്തോളം ഭവനങ്ങള്‍ സന്ദര്‍ശിച്ച് ക്ഷയരോഗ ബാധിതരെ കണ്ടെത്തി ചികിത്സ ലഭ്യമാക്കുകയാണ് പരിപാടിയുടെ ലക്ഷ്യം. 

ആയിരം യുവകലാകാരന്‍മാര്‍ക്ക് പ്രതിമാസം പതിനായിരം രൂപയുടെ വജ്രജൂബിലി ഫെലോഷിപ്പ് നല്‍കുമെന്ന് സാംസ്‌കാരിക വകുപ്പ് മന്ത്രി എ.കെ. ബാലന്‍.  ലോകകേരള സഭയുടെ ഭാഗമായി കേരള ലളിതകലാ അക്കാദമി സംഘടിപ്പിച്ച 'സര്‍ഗ്ഗയാനം' ലോക മലയാളി ചിത്രകലാക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.  ഫെലോഷിപ്പിന് അര്‍ഹരായവരെ വിദ്യാഭ്യാസ വകുപ്പിന്റെ സഹകരണത്തോടെ തിരഞ്ഞെടുത്തുവരികയാണെന്നും മന്ത്രി അറിയിച്ചു.  

2017 ഒക്ടോബര്‍ മാസം നടത്തിയ പത്താംതരം തുല്യതാ പരീക്ഷയില്‍ റഗുലര്‍ വിഭാഗത്തില്‍ ആദ്യമായി പരീക്ഷയെഴുതിയ വിദ്യാര്‍ത്ഥികളില്‍ ഉന്നത വിദ്യാഭ്യാസത്തിന് അര്‍ഹത നഷ്ടപ്പെട്ടവര്‍ക്കായി നടത്തുന്ന സേവ് എ ഇയര്‍ (SAY) പരീക്ഷയുടെ ഫീസ് ജനുവരി മൂന്നു മുതല്‍ എട്ട് വരെ അടയ്ക്കാം.  ജനുവരി 23 മുതല്‍ 30 വരെയാണ് പരീക്ഷ.  

പി.എന്‍.എക്‌സ്.14/18

കേരള സംസ്ഥാന ടൂറിസം വകുപ്പ് സംഘടിപ്പിക്കുന്ന 2018 ലെ പുതുവര്‍ഷ വാരാഘോഷത്തോടനുബന്ധിച്ച് തിരുവനന്തപുരം നഗരത്തില്‍ സുരക്ഷയുടെ ഭാഗമായി വിവിധ പരിപാടികള്‍ നടക്കുന്ന സ്ഥലങ്ങള്‍ 30 സി.സി.ടി.വി ക്യാമറകളും മൂന്ന് എല്‍.ഇ.ഡി ടി.വിയും  താല്കാലിക അടിസ്ഥാനത്തില്‍ സ്ഥാപിക്കുന്നതിന് ക്വട്ടേഷന്‍ ക്ഷണിച്ചു.

ക്വട്ടേഷനുകള്‍ അഞ്ചിന് വൈകിട്ട് നാലിനകം സിറ്റി ജില്ലാ പോലീസ് മേധാവിയുടെ കാര്യാലയത്തില്‍ സമര്‍പ്പിക്കണം.  

പി.എന്‍.എക്‌സ്.13/18