സര്‍ക്കാരിന്റെ പ്രവര്‍ത്തനം വിലയിരുത്തുന്നതിനും ജനതാത്പര്യം അറിയുന്നതിനും പരാതി പരിഹാരത്തിനുമായി മുഖ്യമന്ത്രി പങ്കെടുക്കുന്ന ടെലിവിഷന്‍ പരിപാടി ''നാം മുന്നോട്ട്'ന്റെ സംപ്രേഷണം ഇന്ന് (ഡിസംബര്‍ 31) തുടങ്ങും. 

    വിവിധ മലയാളം ചാനലുകളില്‍ സംപ്രേഷണമാരംഭിക്കുന്ന അരമണിക്കൂര്‍ ദൈര്‍ഘ്യമുള്ള ഈ പ്രതിവാര സംവാദ പരിപാടിയുടെ നിര്‍മാണം ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പാണ്. സി ഡിറ്റ് സാങ്കേതിക സഹായം നല്‍കുന്നു. ആറന്മുള എംഎല്‍എ വീണ ജോര്‍ജ് അവതാരകയാകും. വിദഗ്ധ പാനലിനൊപ്പം സാമൂഹ്യ, സാംസ്‌കാരിക, ചലച്ചിത്ര മേഖലകളിലെ പ്രമുഖരും സംവാദത്തില്‍ പങ്കാളിയാകും.

സെന്‍ട്രല്‍ കൗണ്‍സില്‍ ഓഫ് ഇന്ത്യന്‍ മെഡിസിനിലേയ്ക്ക്, ട്രാവന്‍കൂര്‍ കൊച്ചിന്‍ മെഡിക്കല്‍ കൗണ്‍സിലില്‍ 2016 ഡിസംബര്‍ ഒന്ന് വരെ രജിസ്റ്റര്‍ ചെയ്തിട്ടുള്ള ആയുര്‍വേദ പ്രാക്ടീഷണര്‍മാരില്‍ നിന്ന് രണ്ട് അംഗങ്ങളെ തെരഞ്ഞെടുക്കുന്നതിനുള്ള വോട്ടിംഗ് പേപ്പറും അനുബന്ധ പേപ്പറുകളും സമ്മതിദായകര്‍ക്ക് അയച്ചിട്ടുണ്ടെന്ന് റിട്ടേണിംഗ് ഓഫീസര്‍ അറിയിച്ചു.  

വോട്ടിംഗ് പേപ്പറും ബന്ധപ്പെട്ട പേപ്പറുകളും ലഭിക്കാത്തവരും പരാതികളുള്ളവരും തെരഞ്ഞെടുപ്പിന് നിശ്ചയിച്ചിട്ടുള്ള തീയതിക്ക് ഏഴ് ദിവസം മുമ്പ് ആവശ്യമായ വിവരങ്ങളും രേഖകളും സഹിതം റിട്ടേണിംഗ് ഓഫീസര്‍ക്ക് സത്യവാങ്മൂലം നല്‍കണം.

സര്‍ക്കാര്‍ പ്രഖ്യാപിച്ചിട്ടുളള വിദ്യാഭ്യാസ വായ്പാ തിരിച്ചടവ് സഹായ പദ്ധതിയുടെ ആനുകൂല്യത്തിനായി ഓണ്‍ലൈനായി അപേക്ഷ സമര്‍പ്പിക്കുന്നതിനുളള തീയതി ജനുവരി 31 വരെ നീട്ടി.  പാന്‍ കാര്‍ഡ് ലഭിക്കുന്നതിനുളള കാലതാമസം കാരണം നേരത്തെ പ്രഖ്യാപിച്ച തീയതിയായ ഡിസംബര്‍ 31നകം അപേക്ഷിക്കാന്‍ സാധിക്കുന്നതില്ല എന്ന പരാതികള്‍ ശ്രദ്ധയില്‍പ്പെട്ടതിന്റെ അടിസ്ഥാനത്തിലാണ് തീയതി നീട്ടിയത്.

   പി.എന്‍.എക്‌സ്.5573/17

സൂക്ഷ്മ ചെറുകിട ഇടത്തരം വ്യവസായ സംരംഭങ്ങളില്‍ 2014-15 വര്‍ഷം മികച്ച വ്യവസായ സംരംഭകരായി തിരഞ്ഞെടുത്തവര്‍ക്കുള്ള പുരസ്‌കാര വിതരണം ജനുവരി മൂന്നിന് വൈകിട്ട് നാലിന് മാസ്‌കറ്റ് ഹോട്ടലില്‍ വ്യവസായ മന്ത്രി എ.സി. മൊയ്തീന്‍ നിര്‍വഹിക്കും.  കെ.മുരളീധരന്‍ എം.എല്‍.എ അധ്യക്ഷത വഹിക്കും.  മേയര്‍ വി.കെ. പ്രശാന്ത് മുഖ്യാതിഥിയായിരിക്കും.  കെ.എസ്.ഐ.ഡി.സി മാനേജിംഗ് ഡയറക്ടര്‍ ഡോ. എം. ബീന മുഖ്യപ്രഭാഷണം നടത്തും. 

   പി.എന്‍.എക്‌സ്.5572/17

സംസ്ഥാന പിന്നാക്ക വിഭാഗ വികസന വകുപ്പില്‍ മൂന്ന് ഡെപ്യൂട്ടി ഡയറക്ടര്‍ തസ്തികകളിലേക്ക് അന്യത്രസേവന വ്യവസ്ഥയില്‍ ജോലി ചെയ്യുന്നതിന് സംസ്ഥാന സര്‍ക്കാരിന്റെ വിവിധ വകുപ്പുകളില്‍ 45,800 - 89,000 രൂപ ശമ്പള സ്‌കെയിലില്‍ ഭരണപരമായ ജോലികള്‍ കൈകാര്യം ചെയ്യുന്ന ജീവനക്കാരില്‍ നിന്ന് അപേക്ഷ ക്ഷണിച്ചു.  വെബ്‌സൈറ്റ്: www.bcdd.kerala.gov.in.

   പി.എന്‍.എക്‌സ്.5571/17

തിരുവനന്തപുരം - കണ്ണൂര്‍ ജനശതാബ്ദി എക്‌സ്പ്രസ് കാസര്‍കോട് സ്റ്റോപ്പനുവദിച്ച് മംഗലാപുരത്തേക്ക് നീട്ടണമെന്ന് കാസര്‍കോട് ജില്ലാ വികസന സമിതി യോഗം റയില്‍വേ മന്ത്രാലയത്തോടും സംസ്ഥാന സര്‍ക്കാറിനോടും ആവശ്യപ്പെട്ടു.  കളക്ടറേറ്റ് കോണ്‍ഫറന്‍സ് ഹാളില്‍ നടന്ന യോഗത്തില്‍ പി. കരുണാകരന്‍. എം.പി.യാണ് പ്രമേയം അവതരിപ്പിച്ചത്.  എം. രാജഗോപാലന്‍ എം.എല്‍.എ. പിന്തുണച്ചു.  ജില്ലാ കളക്ടര്‍ ജീവന്‍ ബാബു.

എറണാകുളം ഗവ. നേഴ്‌സിംഗ് കോളേജിലെ ലേഡീസ് ഹോസ്റ്റലില്‍ ദിവസവേതനാടിസ്ഥാനത്തില്‍ ഹൗസ് കീപ്പറെ നിയമിക്കുന്നു.  18നും 40നും മധ്യേ പ്രായമുളളവരും 10-ാം ക്ലാസ് പാസായവരുമായ സ്ത്രീകള്‍ക്ക് അപേക്ഷിക്കാം.  ഹൗസ് കീപ്പിംഗില്‍ യോഗ്യതയുളളവര്‍ക്കും സമാന തസ്തികയില്‍ ജോലി നോക്കിയിട്ടുളളവര്‍ക്കും മുന്‍ഗണന.  താത്പര്യമുളളവര്‍ 15ന് രാവിലെ 10.30ന് ബന്ധപ്പെട്ട രേഖകളുമായി എറണാകുളം ഗവ. നേഴ്‌സിംഗ് കോളേജ് പ്രിന്‍സിപ്പാളിനു മുമ്പാകെ എത്തണം.

   പി.എന്‍.എക്‌സ്.5570/17

പുതുവത്സരാഘോഷങ്ങളുമായി ബന്ധപ്പെട്ട് മുന്‍കരുതല്‍ നിര്‍ദ്ദേശങ്ങള്‍ സര്‍ക്കാര്‍ പുറപ്പെടുവിച്ചു.  ആഘോഷം സംഘടിപ്പിക്കുന്നവരും സംഘാടകരും കെട്ടിക ഉടമകളും നിര്‍ദ്ദേശങ്ങള്‍ പാലിക്കുന്നുണ്ടെന്ന് ഉറപ്പുവരുത്തണം.  മുംബയിലെ ബഹുനില കെട്ടിടത്തില്‍ 29 ന് ആഘോഷങ്ങള്‍ക്കിടെയുണ്ടായ അഗ്നിബാധയുടെ പശ്ചാത്തലത്തിലാണ് നിര്‍ദ്ദേശം.

ചന്ദ്രഗിരിക്കോട്ടയുടെ ശാസ്ത്രീയ സമഗ്ര സംരക്ഷണ പ്രവൃത്തികള്‍ക്ക് തുടക്കമായി. ആദ്യ ഘട്ടത്തില്‍ 80 ലക്ഷം രൂപയുടെ പ്രവൃത്തികള്‍ക്കാണ് തുടക്കമിടുന്നതെന്ന് തുറമുഖ- പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി പറഞ്ഞു.

തിരുവനന്തപുരം ചാക്ക ഗവ. ഐ.റ്റി.ഐയില്‍ മെക്കാനിക്ക് മെഡിക്കല്‍ ഇലക്‌ട്രോണിക്‌സില്‍ ജൂനിയര്‍ ഇന്‍സ്ട്രക്ടറുടെ ഒരു ഒഴിവിലേക്ക് താത്കാലിക ഗസ്റ്റ് ഇന്‍സ്ട്രക്ടറെ നിയമിക്കുന്നു.  ഉദ്യോഗാര്‍ത്ഥികള്‍ ജനുവരി ഒന്നിന് രാവിലെ 10 മണിക്ക് അസല്‍ സര്‍ട്ടിഫിക്കറ്റുമായി ചാക്ക ഗവ. ഐ.റ്റി.ഐ പ്രിന്‍സിപ്പാള്‍ ഓഫീസില്‍ അഭിമുഖത്തിനെത്തണം.  എസ്.എസ്.എല്‍.സി, ബന്ധപ്പെട്ട ട്രേഡില്‍ എന്‍.റ്റി.സിയും മൂന്ന് വര്‍ഷത്തെ പ്രവൃത്തി പരിചയവും അല്ലെങ്കില്‍ എന്‍.എ.സിയും ഒരു വര്‍ഷത്തെ പ്രവൃത്തി പരിചയവും അല്ലെങ്കില്‍ ബന്ധപ്പെട്ട എന്‍ജിനീയറിംഗ് ഡിപ്ലോമ/ഡിഗി ആണ് യോഗ്യത.

 പി.എന്‍.എക്‌സ്.5568/17