കൊച്ചി: കടലാക്രമണം രൂക്ഷമായ എടവനക്കാട് 3.77 കോടി രൂപ ചെലവില്‍ പുലിമുട്ട് നിര്‍മിക്കാന്‍ സര്‍ക്കാര്‍ ഭരണാനുമതി നല്‍കി. നാലിടത്താണ് പുലിമുട്ടുകള്‍ സ്ഥാപിക്കുന്നത്. ചെന്നൈ ഐ.ഐ.ടി നിര്‍ദേശിച്ചത് പ്രകാരമുള്ള പുലിമുട്ടുകളുടെ നിര്‍മാണത്തിനാണ് അനുമതിയായിരിക്കുന്നത്. 

കൊച്ചി: ജില്ലയുടെ കിഴക്കന്‍ മേഖലയില്‍ കുടിവെള്ളക്ഷാമം രൂക്ഷമാകുന്ന സാഹചര്യത്തില്‍ പെരിയാര്‍വാലി, മൂവാറ്റുപുഴ ജലസേചന പദ്ധതികളുടെ കനാലുകളിലൂടെ ജനുവരി ആദ്യവാരത്തില്‍ തന്നെ ജലമൊഴുക്കാന്‍ ജില്ലാ കളക്ടര്‍ മുഹമ്മദ് വൈ സഫിറുള്ള നിര്‍ദേശം നല്‍കി. കിണറുകള്‍ വറ്റുന്നതും ജലക്ഷാമം വര്‍ധിക്കുന്നതും ജില്ലാ വികസന സമിതി യോഗത്തില്‍ എം.എല്‍.എമാരായ ആന്റണി ജോണും എല്‍ദോ എബ്രഹാമും ശ്രദ്ധയില്‍ പെടുത്തിയതിനെ തുടര്‍ന്നാണ് അടിയന്തരമായി കനാലുകള്‍ തുറക്കാന്‍ കളക്ടര്‍ ആവശ്യപ്പെട്ടത്.

ഓഖി ദുരിതാശ്വാസ ഫണ്ടിലേക്ക് പൊതുജനങ്ങള്‍ക്ക് ധനകാര്യ വകുപ്പ് പ്രിന്‍സിപ്പല്‍ സെക്രട്ടറിയുടെ പേരിലുള്ള Special TSB 799011400003321 CMDRF Ockhi Relief എന്ന അക്കൗണ്ടിലേക്ക് തുക സംഭാവനയായി നല്‍കാം. ഫണ്ട് സ്വീകരിക്കുന്നതിനുള്ള ക്രമീകരണങ്ങള്‍ സംസ്ഥാനത്തെ എല്ലാ ട്രഷറികളിലും ഏര്‍പ്പെടുത്തി. സംഭാവന നല്‍കാന്‍ താല്‍പര്യമുള്ളവര്‍ ട്രഷറി ഓഫീസറെ ബന്ധപ്പെട്ടാല്‍ ആവശ്യമായ സഹായം ലഭിക്കുമെന്ന് ട്രഷറി ഡയറക്ടര്‍ അറിയിച്ചു.

   പി.എന്‍.എക്‌സ്.5565/17

മികച്ച വിദ്യാഭ്യാസമാണ് നല്ല ജീവിതത്തെ രൂപപ്പെടുത്തുന്നതെന്ന് സഹകരണ ടൂറിസം മന്ത്രി കടകംപള്ളി സുരേന്ദ്രന്‍ പറഞ്ഞു. പട്ടം ഗേള്‍സ് സ്‌കൂളില്‍ നടന്ന കുടുംബശ്രീ ബാലസഭയുടെ ഗണിത വിസ്മയം സംസ്ഥാനതല സംഗമം സമാപനസമ്മേളനത്തിന്റെ ഉദ്ഘാടനവും സമ്മാനദാനവും നിര്‍വഹിക്കുകയായിരുന്നു അദ്ദേഹം. 

സമ്പത്തു കൊണ്ട് വാങ്ങാനാവുന്നതല്ല നല്ല വിദ്യാഭ്യാസം. വിദ്യാഭ്യാസ കാലമാണ് ജീവിതത്തിലെ സന്തോഷകരമായ കാലഘട്ടം. വിദ്യാഭ്യാസകാലം എങ്ങനെ വിനിയോഗിക്കുന്നു എന്നതാണ് ജീവിതത്തിലെ സന്തോഷത്തെ നിര്‍ണയിക്കുന്നത്. കുട്ടികളിലെ കഴിവ് ആദ്യം കണ്ടെത്തുന്നത് രക്ഷിതാക്കളും അദ്ധ്യാപകരുമാണ്. 

പകര്‍ച്ചവ്യാധികള്‍ തടയുന്നതിനുള്ള തയ്യാറെടുപ്പിന്റെ ഭാഗമായി ആരോഗ്യ ജാഗ്രത 2018 എന്ന പേരില്‍ സമഗ്രവും വിപുലവുമായ കര്‍മ്മ പദ്ധതി നടപ്പാക്കുന്നു.  ആരോഗ്യ വകുപ്പും ബന്ധപ്പെട്ട എല്ലാ വകുപ്പു മേധാവികളേയും  ബഹുജന പ്രസ്ഥാനങ്ങളേയും ഏകോപിച്ച് കൊണ്ടാണ് പരിപാടി നടപ്പാക്കുന്നത്.  ഇതിന്റെ ഭാഗമായി ചീഫ് സെക്രട്ടറി, സ്റ്റേറ്റ് മിഷന്‍ ഡയറക്ടര്‍, ശുചിത്വമിഷന്‍, കുടുംബശ്രീ ഡയറക്ടര്‍മാര്‍ എന്നിവരുടെ നേതൃത്വത്തില്‍ ഇന്ന് (ഡിസംബര്‍ 29) ഉച്ചക്ക് രണ്ടിന് കലക്‌ട്രേറ്റില്‍ വീഡിയോ കോണ്‍ഫറന്‍സ് നടത്തും.

സര്‍ക്കാര്‍ ഓഫിസുകളില്‍ വിവിധ ആവശ്യങ്ങള്‍ക്ക് വരുന്ന ശാരീരിക അവശത അനുഭവിക്കുന്ന മുതിര്‍ന്ന പൗരന്‍മാര്‍ക്ക് കൂടുതല്‍ പരിഗണന നല്‍കണമെന്ന് ജില്ലാ കലക്ടര്‍ അറിയിച്ചു. സര്‍ക്കാര്‍ ഓഫിസുകളില്‍ വരുന്ന അവശത അനുഭവിക്കുന്ന മുതില്‍ന്നവരെ മറ്റെള്ളവരോടൊപ്പം ക്യൂവില്‍ നിര്‍ത്തി ബുദ്ധിമുട്ടിക്കുന്നതായി സര്‍ക്കാര്‍ ശ്രദ്ധയില്‍പെട്ടതിനെ തുടര്‍ന്നാണ് നിര്‍ദ്ദേശം. നിര്‍ദ്ദേശം ലംഘിക്കുന്ന ഉദ്യേഗസ്ഥര്‍ക്കെതിരെ നടപടി സ്വീകരിക്കാന്‍ ഉദ്യോഗസ്ഥ ഭരണ പരിഷ്‌കാര വകുപ്പ് നിര്‍ദ്ദേശിച്ചിട്ടുണ്ട്.

ഐ.എച്ച്.ആര്‍.ഡിയുടെ ആഭിമുഖ്യത്തില്‍ എസ്.എസ്.എല്‍.സി, പ്ലസ്ടു, ഡിഗ്രി ജയിച്ചവര്‍ക്കായി വിവിധ കംപ്യൂട്ടര്‍ കോഴ്‌സുകള്‍ നടത്തുന്നു.  അപേക്ഷാ ഫോമും വിശദ വിവരങ്ങളും ംംം.ശവൃറ.മര.ശി ല്‍ ലഭിക്കും.

ബാങ്ക് ലോണ്‍ കുടിശ്ശിക ഈടാക്കുന്നതിനായി പെരിന്തല്‍മണ്ണ താലൂക്കില്‍ വലമ്പൂര്‍ വില്ലേജില്‍  അരിപ്ര ദേശം സര്‍വെ നമ്പര്‍ 5/04 ല്‍പ്പെട്ട 38.25 സെന്റ് സ്ഥലം ജനുവരി 20ന് രാവിലെ 11 ന് വലമ്പൂര്‍ വില്ലേജ് ഓഫീസില്‍  ലേലം ചെയ്യും.
ലോണ്‍ കുടിശ്ശിക ഈടാക്കുന്നതിനായി ഏറനാട് താലൂക്ക് എടവണ്ണ വില്ലേജിലെ ബ്ലോക്ക് 73ല്‍ റീ.സര്‍വെ 205/22ല്‍പ്പെട്ട 0.0020 ഹെക്ടര്‍ ഭൂമിയും ബ്ലോക്ക് 73ല്‍ റീ.സര്‍വെ 205/23ല്‍പ്പെട്ട 0.0140 ഹെക്ടര്‍ ഭൂമിയും 2018 ജനുവരി നാലിന് രാവിലെ 11ന് എടവണ്ണ വില്ലേജ് ഓഫീസ് പരിസരത്ത് ലേലം ചെയ്യും.