ഭരണരംഗത്തെ നേട്ടങ്ങള്‍ക്ക് കേരളത്തിന് ഇന്ത്യാ ടുഡെയുടെ ദേശീയ പുരസ്‌കാരം. ഡല്‍ഹി ഗ്രാന്‍ഡ് ഹോട്ടലില്‍ സംഘടിപ്പിച്ച പ്രൗഢഗംഭീരമായ ചടങ്ങില്‍ കേരളത്തിനു വേണ്ടി  മുഖ്യമന്ത്രി പി്ണറായി വിജയന്‍ കേന്ദ്ര ഉപരിതല ഗതാഗത മന്ത്രി നിഥിന്‍ ഗഡ്കരി നിന്ന് ബഹുമതി ഏറ്റുവാങ്ങി. 

വികസന പന്ഥാവിലൂടെ സംസ്ഥാനം നവകേരള സൃഷ്ടിയിലേക്കു നീങ്ങുകയാണെന്ന് മുഖ്യമന്ത്രി പിണറായി വിജയന്‍ പറഞ്ഞു. കേരളത്തിലെ ജനങ്ങളാണ്  നേട്ടത്തിനു കാരണക്കാര്‍. ലോകത്തിലെ തന്നെ ഏറ്റവും കഴിവുറ്റ ഈ ജനതയ്ക്കു സമഭാവനയുടെ, സമത്വത്തിന്റെ പാത വെട്ടിത്തുറക്കുക എന്ന ലക്ഷ്യത്തോടെയാണ് സംസ്ഥാനസര്‍ക്കാര്‍ ഇപ്പോള്‍ പ്രവര്‍ത്തിക്കുന്നതെന്നും അദ്ദേഹം പറഞ്ഞു. 

സംസ്ഥാന സഹകരണ വകുപ്പിന്റെ നേതൃത്വത്തില്‍ അന്താരാഷ്ട്ര പുസ്തക  സാഹിത്യോല്‍സവം വര്‍ഷം തോറും സംഘടിപ്പിക്കുമെന്ന് മന്ത്രി കടകംപള്ളി സുരേന്ദ്രന്‍ അറിയിച്ചു. അടുത്ത വര്‍ഷം മാര്‍ച്ച് ഒന്ന് മുതല്‍ പത്ത് ദിവസമാണ് അന്താരാഷ്ട്ര പുസ്തക  സാഹിത്യോല്‍സവം സംഘടിപ്പിക്കുന്നത്. എറണാകുളം മറൈന്‍ഡ്രൈവിലും ബോള്‍ഗാട്ടി പാലസിലുമായി നടക്കുന്ന പുസ്തക- സാഹിത്യോത്സവത്തില്‍ ലോകത്തിലെ പ്രമുഖരായ പ്രസാധകരും, ഇരുപതോളം രാജ്യങ്ങളില്‍നിന്നുള്ള ഇരുന്നൂറില്‍ പരം പ്രമുഖ എഴുത്തുകാരും പങ്കെടുക്കും. കൊച്ചി ബിനാലെ മാതൃകയില്‍ അന്താരാഷ്ട്ര ശ്രദ്ധ നേടുന്ന തരത്തിലാകും അന്താരാഷ്ട്ര പുസ്തക- സാഹിത്യോത്സവം നടത്തുകയെന്ന് മന്ത്രി  പറഞ്ഞു.

കേരള സംസ്ഥാന മത്സ്യത്തൊഴിലാളി കടാശ്വാസ കമ്മീഷന്‍ കാസര്‍കോഡ് ഗവ. ഗസ്റ്റ് ഹൗസില്‍ സിറ്റിംഗ് നടത്തി.  കമ്മീഷന്‍ ചെയര്‍മാന്‍ ജസ്റ്റിസ് പി.എസ്. ഗോപിനാഥന്റെ അദ്ധ്യക്ഷതയില്‍  രാവിലെ 10 ന് ആരംഭിച്ച സിറ്റിംഗില്‍ കമ്മീഷന്‍ അംഗം കൂട്ടായി ബഷീര്‍ പങ്കെടുത്തു.  കാസര്‍കോഡ് ജില്ലാ സഹകരണ സംഘം ജോയിന്റ് രജിസ്ട്രാര്‍, ജോയിന്റ് ഡയറക്ടര്‍, വിവിധ സഹകരണ ബാങ്കുകളുടെയും ദേശസാല്‍കൃത ബാങ്കുകളുടെയും മാനേജര്‍മാര്‍, പരാതി സമര്‍പ്പിച്ചവര്‍ തുടങ്ങിയവര്‍ പങ്കെടുത്തു. 

വിവിധ സഹകരണ ബാങ്കുകളുമായി ബന്ധപ്പെട്ട 49 കേസുകളും ദേശസാല്‍കൃത ബാങ്കുമായി ബന്ധപ്പെട്ട 10 കേസുകളും ഉള്‍പ്പെടെ 59 കേസുകള്‍  പരിഗണിച്ചു.  

ഭാരത അന്താരാഷ്ട്ര വ്യാപാര മേളയ്ക്ക് ന്യൂഡല്‍ഹി പ്രഗതി മൈതാനിയില്‍ തുടക്കമായി. രാജ്യത്തിന്റെ സ്റ്റാര്‍ട്ടപ്പ് വളര്‍ച്ചയില്‍ സംസ്ഥാനത്തിന്റെ ഔന്നത്യം വിളിച്ചോതുന്ന പവലിയനുമായി കേരളം മേളയില്‍ സജീവ സാന്നിധ്യമായി. ഫിഷറീസ് - ഹാര്‍ബര്‍ എന്‍ജിനിയറിംഗ് മന്ത്രി ജെ. മേഴ്‌സിക്കുട്ടിയമ്മ കേരള പവിലിയന്‍ ഉദ്ഘാടനം ചെയ്തു.

സംസ്ഥാനത്തെ എംപ്ലോയ്‌മെന്റ് എക്‌സ്‌ചേഞ്ചുകളില്‍ ഇന്നു (17) മുതല്‍ ഡിസംബര്‍ 20 വരെ വേക്കന്‍സി ഒഴികെയുള്ള ഉദ്യോഗാര്‍ത്ഥികള്‍ നേരിട്ടെത്തുമ്പോള്‍ നല്‍കുന്ന സേവനങ്ങളും മറ്റു പ്രവര്‍ത്തനങ്ങളും ഉണ്ടാവില്ലെന്ന് എംപ്ലോയ്‌മെന്റ് ജോ. ഡയറക്ടര്‍ അറിയിച്ചു. സംസ്ഥാനത്തെ എംപ്ലോയ്‌മെന്റ് എക്‌സ്‌ചേഞ്ചുകളില്‍ 2018-2020 കാലയളവിലേക്കുള്ള സീനിയോറിറ്റി ലിസ്റ്റ് തയ്യാറാക്കുന്നതിനാലാണിത്. രജിസ്‌ട്രേഷന്‍, പുതുക്കല്‍ എന്നിവ ഓണ്‍ലൈനായി നടത്തുന്നതിനും വകുപ്പ് മുഖേനയുള്ള പദ്ധതി പ്രവര്‍ത്തനങ്ങള്‍ക്കും തടസമുണ്ടാവില്ല.

തിരുവനന്തപുരം, കോഴിക്കോട് ഗവണ്‍മെന്റ് ഹോമിയോ മെഡിക്കല്‍ കോളേജുകളില്‍ 2017 - 2018 വര്‍ഷത്തെ സര്‍ട്ടിഫിക്കറ്റ് കോഴ്‌സ് ഇന്‍ ഫാര്‍മസി (ഹോമിയോപ്പതി) കോഴ്‌സിലേയ്ക്കുളള പ്രവേശനത്തിന് അപേക്ഷിച്ചവരുടെ ഇന്‍ഡക്‌സ് മാര്‍ക്ക് www.lbscentre.in എന്ന വെബ്‌സൈറ്റില്‍ പ്രസിദ്ധീകരിച്ചു.  ഫോണ്‍: 0471 2560361, 2560362,2560363, 2560364, 2560365.

പി.എന്‍.എക്‌സ്.4885/17

ആം ആദ്മി ബീമ യോജന (ആബി) പദ്ധതിയില്‍ രജിസ്‌ട്രേഷനുള്ള തീയതി നവംബര്‍ 30 വരെ നീട്ടി. പുതുക്കിയ ആനുകൂല്യങ്ങള്‍ ലഭിക്കുന്നതിന് എല്ലാ ആബി ഗുണഭോക്താക്കളും ബാങ്ക് അക്കൗണ്ട് വിവരങ്ങള്‍, ആധാര്‍ നമ്പര്‍ എന്നിവ സമര്‍പ്പിക്കണം. വിവരങ്ങള്‍ www.chiak.org എന്ന വെബ്‌സൈറ്റ് വഴി സൗജന്യമായി സമര്‍പ്പിക്കാം.  കൂടാതെ അക്ഷയ, കുടുംബശ്രീ ഉന്നതി, മറ്റു സേവന കേന്ദ്രങ്ങള്‍ എന്നിവ വഴിയും പരമാവധി അഞ്ച് രൂപ സര്‍വീസ് ചാര്‍ജ്ജ് നല്‍കി സമര്‍പ്പിക്കാം. വിവരങ്ങള്‍ രജിസ്റ്റര്‍ ചെയ്യാത്തവര്‍ക്ക് ആനുകൂല്യം ലഭിക്കില്ല.  

2017-18 വര്‍ഷത്തെ ന്യൂനപക്ഷ പ്രീ-മെട്രിക് സ്‌കോളര്‍ഷിപ്പിന് പുതിയ (ഫ്രഷ്)/പുതുക്കല്‍ (റിന്യൂവല്‍) അപേക്ഷകള്‍ സൂക്ഷ്മ പരിശോധന നടത്തി സമര്‍പ്പിക്കുന്നതിനുള്ള അവസാന തീയതി നവംബര്‍ 30 വരെ ദീര്‍ഘിപ്പിച്ചു.  അപാകതകളുള്ള അപേക്ഷകള്‍ തിരുത്തി സമര്‍പ്പിക്കുന്നതിന് നവംബര്‍ 24 വരെ സമയമുണ്ട്.  സൂക്ഷ്മ പരിശോധന സംബന്ധിച്ച മാര്‍ഗ നിര്‍ദ്ദേശങ്ങള്‍ പൊതുവിദ്യാഭ്യാസ വകുപ്പിന്റെയും, ഐ.ടി@സ്‌കൂളിന്റെയും വെബ്‌സൈറ്റില്‍ ലഭ്യമാണ്.

പി.എന്‍.എക്‌സ്.4883/17

സംസ്ഥാന സഹകരണ യൂണിയന്‍' നെയ്യാര്‍ഡാമിലെ കേരള ഇന്‍സ്റ്റിറ്റ്യൂട്ട് ഓഫ് കോ- ഓപ്പറേറ്റീവ് മാനേജ്‌മെന്റില്‍ (കിക്മ) സൗജന്യമായി നടത്തുന്ന മൂന്നു മാസത്തെ ജൂനിയര്‍ മാര്‍ക്കറ്റിംഗ് അസോസിയേറ്റ്, അക്കൗണ്ടിംഗ് അസിസ്റ്റന്റ് വിത്ത് റ്റാലി, അക്കൗണ്ടിംഗ് എന്നീ റസിഡന്‍ഷ്യല്‍ കോഴ്‌സുകളിലേയ്ക്ക് നവംബര്‍ 20ന് രാവിലെ 10 മുതല്‍ നെയ്യാര്‍ഡാമിലെ കിക്മ ക്യാമ്പില്‍ അഭിമുഖം നടത്തും.  18നും 35നും മധ്യേ പ്രായമുളള പ്ലസ് ടു വിജയിച്ചവര്‍ക്ക്  പങ്കെടുക്കാം.  അപേക്ഷ www.kicmakerala.in വെബ്‌സൈറ്റിലും കിക്മ ഓഫീസിലും ലഭ്യമാണ്.  നേരത്തെ അപേക്ഷിക്കാത്ത യോഗ്യതയുളള വിദ്യാര്‍ത്ഥികള്‍ക്കും  പങ്കെടുക്കാം.  ഫോണ്‍: 8547618290, 9995302