കൊച്ചി: വടവുകോട് ബ്ലോക്ക് ക്ഷീര സംഗമം നവംബര്‍ 17, 18 തീയതികളില്‍ നെല്ലാട് സെന്റ് തോമസ് എല്‍.പി സ്‌കൂള്‍ ഓഡിറ്റോറിയത്തിലും പരിസരത്തുമായി വിവിധ പരിപാടികളോടെ നടത്തും. ക്ഷീര സംഗമത്തോടനുബന്ധിച്ച് കന്നുകാലി പ്രദര്‍ശന മത്സരം, ക്ഷീര വികസന സെമിനാര്‍, പൊതുസമ്മേളനം, മികച്ച ക്ഷീര സംഘത്തിന് അവാര്‍ഡ് ദാനം, മികച്ച ക്ഷീര കര്‍ഷകരെ ആദരിക്കല്‍, ഡയറി ക്വിസ് എന്നിവ നടത്തും. പരിപാടിയോടനുബന്ധിച്ചുള്ള പൊതുസമ്മേളനം 18-ന് രാവിലെ 11 മണിക്ക് വി പി സജീന്ദ്രന്‍ എംഎല്‍എ ഉദ്ഘാടനം ചെയ്യും. വടവുകോട് ബ്ലോക്ക് പഞ്ചായത്ത് പ്രസിഡന്റ് ഗൗരി വേലായുധന്‍ നിര്‍വഹിക്കും. അദ്ധ്യക്ഷയായിരിക്കും.

ബാലവകാശ സംരക്ഷണ വാരാചരണത്തിന്റെ ഭാഗമായി നവംബര്‍ 14 മുതല്‍ 20 വരെ ജില്ലയില്‍ വിവിധ പരിപാടികള്‍ സംഘടിപ്പിക്കുന്നു.  ഇതിന്റെ ഭാഗമായി വാഹനപ്രചരണ ജാഥ നവംബര്‍ 16, 18 തീയതികളില്‍ ജില്ലയിലെ വിവിധ ഭാഗങ്ങളില്‍ പ്രചാരണം നടത്തും. വാഹനപ്രചരണത്തിന്റെ ഫ്‌ളാഗ് ഓഫ് സബ് കളക്ടര്‍ ഡോ.രേണുരാജ് കളക്ടറേറ്റില്‍ നിര്‍വഹിച്ചു.

കൊച്ചി: പബ്ലിക് സര്‍വീസ് കമ്മീഷന്റെ വജ്രജൂബിലി ആഘോഷങ്ങളുടെ ഭാഗമായി ജില്ലയിലെ അക്ഷയകേന്ദ്രം ജീവനക്കാര്‍ക്ക് ഒറ്റത്തവണ രജിസ്‌ട്രേഷനില്‍ ഏകദിന പരിശീലനം ഡിസംബര്‍ ഒന്നിന് രാവിലെ 10-ന് കാക്കനാട് കളക്ടറേറ്റ് കോണ്‍ഫറന്‍സ് ഹാളില്‍ നടത്തും. കൂടുതല്‍ വിവരങ്ങള്‍ക്ക് ഫോണ്‍ 0471-2443068.

ജില്ലാ വികസന സമിതി യോഗം നവംബര്‍ 25 രാവിലെ 11 ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും.
 

കൊച്ചി: സംസ്ഥാനത്തെ അസംഘടിത മേഖലയിലെ വരുമാനം കുറഞ്ഞ തൊഴിലാളികള്‍ക്കും ജോലിക്കാര്‍ക്കും മിതമായ നിരക്കില്‍ അപാര്‍ട്‌മെന്റ് നല്കുന്ന പദ്ധതിയായ ജനനി പദ്ധതിയുടെ പോഞ്ഞാശ്ശേരി സ്‌കീമിന്റെ ശിലാസ്ഥാപനകര്‍മം തൊഴില്‍ മന്ത്രി ടി പി രാമകൃഷ്ണന്‍ നവംബര്‍ 20 രാവിലെ 10ന് പെരുമ്പാവൂര്‍ പോഞ്ഞാശ്ശേരിയില്‍ നിര്‍വഹിക്കും. തൊഴില്‍ നൈപുണ്യം വകുപ്പിന്റെ കീഴിലുള്ള പൊതുമേഖലാ സ്ഥാപനമായ ഭവനം ഫൗണ്ടേഷന്‍ കേരള (ബിഎഫ്‌കെ) വഴിയാണ് പദ്ധതി നടപ്പാക്കുക. എല്‍ദോസ് കുന്നപ്പിള്ളി എംഎല്‍എ അദ്ധ്യക്ഷനും ഇന്നസന്റ് എംപി മുഖ്യാതിഥിയുമാായിരിക്കും.

തൃശൂര്‍ കിറ്റ്‌സ് സെന്ററില്‍ സൗജന്യമായി 6 മാസത്തെ മള്‍ട്ടി ക്യൂസിന്‍ കുക്ക് കോഴ്‌സിന് അപേക്ഷ ക്ഷണിച്ചു.

പ്ലസ് ടു പാസ്സായ 18 നും 28 നും മദ്ധ്യേ പ്രായമുളളവര്‍ക്ക് അപേക്ഷിക്കാം. അപേക്ഷയും വിശദവിവരങ്ങളും www.kittsedu.org എന്ന വെബ് സൈറ്റില്‍ ലഭിക്കും. ഫോണ്‍ : 0487-2424203.

ജില്ലാ ഭാഗ്യക്കുറി ക്ഷേമനിധിയിലെ അംഗങ്ങള്‍ക്ക് ഈ വര്‍ഷത്തെ അവസാനഘട്ട ഓണം ബോണസ് ബാങ്ക് അക്കൗണ്ട് മുഖേന വിതരണം ചെയ്യുന്നതിനായി ഇനിയും ബോണസ് ലഭിക്കാത്ത അര്‍ഹരായ അംഗങ്ങള്‍ ഓഫീസിലെത്തി ബാങ്ക് അക്കൗണ്ട് വിവരങ്ങള്‍  പരിശോധിച്ച് സ്വയം സാക്ഷ്യപ്പെടുത്തണം. ക്ഷേമനിധി  പാസ് ബുക്ക്, ആധാര്‍, ബാങ്ക് പാസ് ബുക്ക് എന്നിവയുടെ അസ്സല്‍ ഹാജരാകണം.

ബാങ്ക് അക്കൗണ്ട് വിവരങ്ങള്‍ നവംബര്‍ 17 നകം സാക്ഷ്യപ്പെടുത്തിയ അംഗങ്ങള്‍ക്കും ലൈഫ് സര്‍ട്ടിഫിക്കറ്റ് ഹാജാരാക്കിയിട്ടുളള പെന്‍ഷണര്‍മാര്‍ക്കും മാത്രമാണ് ഈ വര്‍ഷത്തെ ബോണസിന് അര്‍ഹതയുണ്ടായിരിക്കുകയുളളൂയെന്ന് ജില്ലാ ഭാഗ്യക്കുറി ക്ഷേമ ഓഫീസര്‍ അറിയിച്ചു.
 

കേരള ലോകായുക്ത സിറ്റിംഗ് നവംബര്‍ 20, 21 തീയതികളില്‍ കോവിലകത്തുംപാടം ജില്ലാ സഹകരണ ബാങ്ക് ശതാബ്ദി മന്ദിരം കോണ്‍ഫറന്‍സ് ഹാളില്‍ നടക്കും.