സംസ്ഥാന സര്‍ക്കാരിന്റെ ഹരിതകേരളം മിഷന്‍ കേരളം ഒരേ മനസോടെ ഏറ്റെടുത്തെന്ന് മുഖ്യമന്ത്രി പിണറായി വിജയന്‍ പറഞ്ഞു. നാടിന്റെ പൊതു ആവശ്യമായാണ് ജനം ഇതിനെ കണ്ടത്. മാലിന്യ സംസ്‌കരണം, ജലസംരക്ഷണം, ജൈവകൃഷി എന്നിവയിലെല്ലാം കഴിഞ്ഞ ഒരു വര്‍ഷം മികച്ച നേട്ടം കൈവരിക്കാനായെന്ന് അദ്ദേഹം പറഞ്ഞു. ഹരിതകേരളം മിഷന്റെ വാര്‍ഷികാഘോഷത്തിന്റെ ഭാഗമായി തിരുവനന്തപുരം ജിമ്മി ജോര്‍ജ് ഇന്‍ഡോര്‍ സ്‌റ്റേഡിയത്തില്‍ നടന്ന ഹരിത സംഗമം 2017 ഉദ്ഘാടനം ചെയ്യുകയായിരുന്നു മുഖ്യമന്ത്രി. 

        എം.ആര്‍ വാക്‌സിനേഷന്‍ കുത്തിവെപ്പ് കുട്ടികളുടെ ആനുകൂല്യങ്ങള്‍ നല്‍കുന്നതിന് ബാധകമാക്കണമെന്ന് ജില്ലാ കലക്ടര്‍ അമിത് മീണ സര്‍ക്കാരിനോട് ആവശ്യപ്പെട്ടു.  ജില്ലയില്‍ കുത്തിവെപ്പ് കുറഞ്ഞ പശ്ചാതലത്തിലാണ് ആരോഗ്യ വകുപ്പ് അഡീഷണല്‍ ചീഫ് സെക്രട്ടറിക്ക് ആനുകൂല്യങ്ങള്‍ക്ക് കുത്തിവെപ്പ് ബാധകമാക്കണമെന്ന് ആവശ്യപ്പെട്ട് കത്തയച്ചത്.  സ്‌കോളര്‍ഷിപ്പ്, പാഠപുസ്തകം, യൂണിഫോം, ഉച്ചകഞ്ഞി തുടങ്ങിയവ കുത്തിവെപ്പ്  എടുത്ത കുട്ടികള്‍ക്ക് മാത്രമായി പരിമിതപ്പെടുത്തണമെന്നാണ് കലക്ടര്‍ ആവശ്യപ്പെട്ടത്.

പുതുവത്സരദിനത്തില്‍ ശുചീകരണ പ്രവര്‍ത്തനങ്ങളില്‍ ഏര്‍പ്പെടാന്‍ ജില്ലാ കലക്ടര്‍ അമിത് മീണ യുവാക്കളോട് ആവശ്യപ്പെട്ടു. കലക്‌ട്രേറ്റില്‍ നടന്ന നെഹ്‌റു യുവകേന്ദ്രയുടെ ഉപദേശക സമിതി യോഗത്തില്‍ സംസാരിക്കുകയായിരുന്നു. ജില്ലാ കലക്ടര്‍. പുതുവത്സര ദിനത്തില്‍ സമൂഹത്തിന് ഗുണം ചെയ്യുന്ന ഏതെങ്കിലും ഒരു നല്ല പ്രവര്‍ത്തനം യുവജനങ്ങളില്‍ നിന്ന് പ്രതീക്ഷിക്കുന്നതായും കലക്ടര്‍ പറഞ്ഞു.

ജില്ലാ പഞ്ചായത്ത് 15 ലക്ഷം രൂപ ചിലവഴിച്ച് നവീകരിച്ച ആനക്കയം പഞ്ചായത്തിലെ ചേപ്പൂര്‍ - പന്തല്ലൂര്‍ ഹില്‍സ് റോഡ് ജില്ലാ പഞ്ചായത്ത് സ്റ്റാന്റിംഗ് കമ്മറ്റി ചെയര്‍മാന്‍ ഉമ്മര്‍ അറക്കല്‍ ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡണ്ട് പി.ടി സുനീറ അധ്യക്ഷത വഹിച്ചു. മുന്‍ പ്രസിഡണ്ട് കെ.വി മുഹമ്മദലി, വാര്‍ഡ് മെംബര്‍ കെ.പി സജീന ടീച്ചര്‍, സി.കെ അബ്ദല്‍ ഗഫൂര്‍, സി.എം ഷഹീര്‍, സി.എം കുഞ്ഞാപ്പ, കെ. അഹമ്മദ് കുട്ടി, സി.കെ ഷരീഫ്, കെ.പി മുഹമ്മദാലി, എ. ആസ്യ എന്നിവര്‍ സംസാരിച്ചു.

നെഹ്‌റു യുവ കേന്ദ്ര റിപ്പബ്ലിക്ക് ദിനാഘോഷ പരിപാടികളുടെ ഭാഗമായി നടത്തിയ ജില്ലാതല പ്രസംഗ മത്സരത്തിലെ വിജയികള്‍ക്ക് കളക്ടറുടെ ചേമ്പറില്‍ നടന്ന എന്‍.വൈ.കെ ജില്ലാ ഉപദേശക സമിതി യോഗത്തില്‍ ജില്ലാ കളക്ടര്‍ അമിത് മീണ സമ്മാനങ്ങള്‍ നല്‍കി. ഒന്നും രണ്ടും സ്ഥാനങ്ങള്‍ നേടിയ ഗോവിന്ദ് ശിവന്‍, അമാനി തേറമ്പന്‍ എന്നിവര്‍ ക്യാഷ് പ്രൈസും സര്‍ട്ടിഫിക്കറ്റും കളക്ടറില്‍ നിന്നും സ്വീകരിച്ചു. ജില്ലാ യൂത്ത് കോര്‍ഡിനേറ്റര്‍ കെ. കുഞ്ഞഹമ്മദ്, ജില്ലാ മെഡിക്കല്‍ ഓഫീസര്‍ ഡോ.

മഞ്ചേരി 66 കെ.വി സബ് സ്റ്റേഷനു പരിധിയിലുള്ള വട്ടമരം, മഹാഗണി, പൂമരം, കശുമാവ് മരങ്ങള്‍ മുറിച്ചു മാറ്റുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ ഡിസംബര്‍ 20ന് വൈകീട്ട് 3.30നകം എക്‌സിക്യൂട്ടീവ് എഞ്ചിനീയറുടെ കാര്യാലയം, ട്രാന്‍സ്മിഷന്‍ ഡിവിഷന്‍, മുണ്ടുപറമ്പ്, മലപ്പുറം വിലാസത്തില്‍ ലഭിക്കണം.  ഫോണ്‍ 0483 2734915.

കേന്ദ്ര - സംസ്ഥാന സര്‍ക്കാരുകള്‍ എല്‍.ഐ.സി മുഖേന നടപ്പാക്കുന്ന ആം ആദ്മി ബീമാ യോജന ആനുകൂല്യങ്ങള്‍ ലഭിക്കുന്നതിന് ഗുണഭോക്താക്കള്‍ ബാങ്ക് അക്കൗണ്ട്, ആധാര്‍ വിവരങ്ങള്‍ എന്നിവ ംംം.രവശമസ.ീൃഴ സൈറ്റ് മുഖേന ബന്ധിപ്പിക്കണം.  അക്ഷയ, കുടുംബശ്രീ ഉന്നതി, ജനസേവന കേന്ദ്രങ്ങള്‍ മുഖേന അഞ്ച് രൂപ ഫീസ് നല്‍കി സേവനം ഉപയോഗപ്പെടുത്താം.  അവാസന തിയ്യതി ഡിസംബര്‍ 31
ആബി പദ്ധതിയിലെ 18 മുതല്‍ 59 വയസ്സ് വരെയുള്ളവര്‍ക്ക് അപകട മരണത്തിനു നാലു ലക്ഷം രൂപയും സ്വാഭാവിക മരണത്തിനും പൂര്‍ണ അംഗവൈകല്യത്തിന് രണ്ടു ലക്ഷം രൂപയും ഭാഗികമായ അംഗവൈകല്യത്തിന് ഒരു ലക്ഷം രൂപയും ലഭിക്കും.  

കുട്ടികളുടെ  അവകാശങ്ങള്‍ സംരക്ഷിക്കുക, അവര്‍ നേരിടുന്ന വിവിധ ചുഷണങ്ങളെ കുറിച്ച് പൊതുജനങ്ങളെയും രക്ഷിതാക്കളെയും ബോധവല്‍കരിക്കുക എന്ന ലക്ഷ്യത്തോടെയാണ് കുട്ടി സിനിമാവണ്ടി ഇന്നും നാളെയും (ഡിസംബര്‍ 14 ,15 ) ജില്ലയില്‍ പ്രചാരണം നടത്തും. ആദ്യ ദിവസം നിലമ്പൂര്‍ മേഖലയിലെ  വിവിധ ഗ്രാമ പ്രദേശങ്ങളിലും രണ്ടാം ദിവസം ജില്ലയുടെ തീരദേശ മേഖലയായ പരപ്പങ്ങാടി, താനൂര്‍, തിരൂര്‍ എന്നിവിടങ്ങളിലുമാണ് പ്രദര്‍ശനം നടത്തുക.      

    മുട്ടിക്കുളങ്ങറ - കമ്പ - കിണാവല്ലൂര്‍ റോഡില്‍ പുനരുദ്ധാരണ പ്രവൃത്തികള്‍ നടക്കുന്നതിനാല്‍  ഇതു വഴിയുളള വലിയ വാഹനങ്ങള്‍ക്ക് ഇന്ന് (ഡിസംബര്‍ 14) മുതല്‍ 20 വരെ താത്ക്കാലിക നിയന്ത്രണം ഏര്‍പ്പെടുത്തിയതായി എക്സിക്യുട്ടീവ് എഞ്ചിനീയര്‍ അറിയിച്ചു