പെരിന്തല്‍മണ്ണ ഗവ:പോളിടെക്‌നിക് കോളേജില്‍ ബോയ്‌സ് ഹോസ്റ്റലിനു സമീപം കടയ്ക്ക് ഭീഷണിയായി നില്‍ക്കുന്ന രണ്ട് മഴമരം , പാറകം ,തേക്ക് എന്നീ മരങ്ങള്‍ മുറിച്ചു മാറ്റുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ ഡിസംബര്‍ നാലിന് രാവിലെ 10നകം ലഭിക്കണം. ഫോണ്‍ 04933-227253.

    മലപ്പുറം റവന്യൂ ജില്ലാ ശാസ്‌ത്രോത്സവവുമായി ബന്ധപ്പെട്ട എല്ലാ വിഭാഗങ്ങളുടെയും അപ്പീല്‍ ഹിയറിങ് ഇന്ന് (നവംബര്‍ 18) രാവിലെ 10 ന് വിദ്യാഭ്യാസ ഉപഡയറക്ടറുടെ ഓഫീസില്‍ നടക്കും.  അപ്പീല്‍ സമര്‍പ്പിച്ചവര്‍ ഹാജരാകണമെന്ന് വിദ്യാഭ്യാസ ഉപഡയറക്ടര്‍ അറിയിച്ചു.

    ജില്ലാ പദ്ധതി രൂപീകരണവുമായി ബന്ധപ്പെട്ട ജി.ഐ.എസ് പ്രവര്‍ത്തികള്‍ ചെയ്യുന്നതിന് പ്ലാനിങ് അസിസ്റ്റന്റിനെ കരാര്‍ അടിസ്ഥാനത്തില്‍ നിയമിക്കുന്നു.  ജ്യോഗ്രഫി/ജിയോളജി ബിരുദാനന്തര ബിരുദം/തത്തുല്യ യോഗ്യതയും ജി.ഐ.എസ് വൈദഗ്ദ്ധ്യവും അല്ലെങ്കില്‍ റിമോട്ട് സെന്‍സിങിലുള്ള ബിരുദം / ജി.ഐ.എസ്/തത്തുല്യ യോഗ്യതയും ജി.ഐ.എസ് വൈദഗ്ദ്ധ്യവുമാണ് യോഗ്യത.  താല്‍പര്യമുള്ളവര്‍ നവംബര്‍ 22ന് രാവിലെ 10ന് മലപ്പുറം സിവില്‍ സ്റ്റേഷനിലെ നഗര ഗ്രാമാസൂത്രണ കാര്യാലയത്തില്‍ കൂടിക്കാഴ്ചയ്ക്ക് എത്തണം.

ഡിസംബര്‍ മൂന്നിന് ലോക ഭിന്നശേഷി ദിനം ജില്ലയില്‍ സമുചിതമായി ആഘോഷിക്കുന്നതിന്  ജില്ലാ പഞ്ചായത്ത് പ്രസിഡന്റ്  എ.പി.ഉണ്ണികൃഷ്ണന്റെ അദ്ധ്യക്ഷതയില്‍ ചേര്‍ന്ന സംഘാടക സമിതി യോഗം തീരുമാനിച്ചു.  ഭിന്നശേഷിയുളളവര്‍ക്ക് കായിക മത്സരങ്ങള്‍, മെഡിക്കല്‍ ക്യാമ്പ്, എക്‌സിബിഷന്‍, ബോധവല്‍ക്കരണ ക്ലാസുകള്‍, നിരാമയ ഇന്‍ഷ്വറന്‍സ് പദ്ധതിക്കുളള അപേക്ഷകള്‍ സ്വീകരിക്കല്‍ എന്നിവ ദിനാചരണ പരിപാടികളുടെ ഭാഗമായി മലപ്പുറത്ത്  സംഘടിപ്പിക്കും.

മത്സ്യത്തൊഴിലാളികളുടെ അടിസ്ഥാന സൗകര്യ വികസനവും മാനവശേഷി വികസനവും ലക്ഷ്യമാക്കി നടപ്പിലാക്കുന്ന സോഷ്യല്‍ മൊബലൈസേഷന്‍ പദ്ധതിക്ക് ജില്ലയിയില്‍ പ്രൊജകട് കോ-ഓര്‍ഡിനേറ്റര്‍മാരെ നിയമിക്കുന്നു.  കരാര്‍ അടിസ്ഥാനത്തില്‍ 2018 സെപ്തംബര്‍ 30 വരെയായിരിക്കും നിയമനം. തീരദേശ പഞ്ചായത്ത്/മുന്‍സിപ്പാലിറ്റികളില്‍ താമസിക്കുന്നവര്‍ക്ക്  അപേക്ഷിക്കാം. പ്രായം 22 നു 45 നു മദ്ധ്യേ.
 പ്രതിമാസം 25000 രൂപ സഞ്ചിത ശമ്പളമായി നല്‍കുന്നതാണ്. താത്പര്യമുളവര്‍ ഫിഷറീസ് വകുപ്പിന്റെ ംംം.ളശവെലൃശല.െസലൃമഹമ.ഴീ്.ശി എന്ന വെബ്‌സൈറ്റില്‍ ഇമൃലലൃ െഎന്ന ഹശിസ ലൂടെ അപേക്ഷ നല്‍കണം.

പിന്നോക്ക വിഭാഗ വികസന കോര്‍പ്പറേഷന്‍ പ്ലസ്ടു പരീക്ഷയില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ പിന്നോക്ക വിഭാഗ വിദ്യാര്‍ത്ഥികള്‍ക്കുള്ള സ്‌കോളര്‍ഷിപ്പ് വിതണവും ബോധവല്‍ക്കരണ ക്ലാസും ഇന്ന് (നവംബര്‍ 18ന്) രാവിലെ 10.30ന് മലപ്പുറം ഗവ. കോളേജ് ഓഡിറ്റോറിയത്തില്‍ നടക്കും. നഗരസഭ ചെയര്‍പേഴ്‌സണ്‍ സി.എച്ച് ജമീലയുടെ അധ്യക്ഷതയില്‍ ചേരുന്ന യോഗം  പി. ഉബൈദുള്ള എം.എല്‍.എ ഉദ്ഘാടനം ചെയ്യും.  

ട്രാന്‍സ്‌പോര്‍ട്ട് / നോണ്‍ ട്രാന്‍സ്‌പോര്‍ട്ട് വാഹനങ്ങളുടെ നികുതി കുടിശ്ശിക തീര്‍പ്പാക്കാനുള്ള ഒറ്റത്തവണ തീര്‍പ്പാക്കല്‍ പദ്ധതി ഡിസംബര്‍ 31ന് അവസാനിക്കും.  കുടിശ്ശികയുള്ള വാഹന ഉടമകള്‍ ഈ അവസരം പ്രയോജനപ്പെടുത്തണമെന്ന് മലപ്പുറം ആര്‍.ടി.ഒ അറിയിച്ചു.