പട്ടികജാതി വികസന വകുപ്പിന്കീഴിലെ ചേലക്കര ആണ്‍കുട്ടികള്‍ക്കുള്ള എംആര്‍എസിലും വടക്കാഞ്ചേരി പെണ്‍കുട്ടികള്‍ക്കുള്ള എംആര്‍എസിലും 2024-2025 അധ്യയന വര്‍ഷത്തിലേക്ക് നിലവിലുള്ള ഒഴുവുകളില്‍ ദിവസ വേതനാടിസ്ഥാനത്തില്‍ താത്കാലിക അധ്യാപക നിയമനത്തിന് അപേക്ഷ ക്ഷണിച്ചു. എച്ച്എസ്എസ്ടി മലയാളം, ഇംഗ്ലീഷ്, ഇക്കണോമിക്‌സ്, കമ്പ്യൂട്ടര്‍ അപ്ലിക്കേഷന്‍, കൊമേഴ്സ് ജൂനിയര്‍, കൊമേഴ്സ് സീനിയര്‍ എന്നീ തസ്തികകളില്‍ എം ആര്‍ എസ് വടക്കാഞ്ചേരിയില്‍ ഓരോ ഒഴിവുവീതമുണ്ട്.

സംസ്ഥാന യുവജന ക്ഷേമ ബോര്‍ഡിനു കീഴിലുള്ള പാവറട്ടി വുമണ്‍സ് വെല്‍ഫയര്‍ സൊസൈറ്റി സ്‌കോളര്‍ഷിപ്പോടുകൂടിയുള്ള കേന്ദ്ര ഗവ. അംഗീകൃത ഫാഷന്‍ ഡിസൈനിങ് ഡിപ്ലോമ കോഴ്‌സുകള്‍ക്ക് അപേക്ഷ ക്ഷണിച്ചു. അപേക്ഷകരില്‍ നിന്ന് തെരഞ്ഞെടുക്കപ്പെടുന്നവര്‍ക്ക് ബിഎസ്എസ്, ഡബ്ല്യു എസ് സി (വേര്‍ഡ് സ്‌കില്‍ കൗണ്‍സില്‍) സര്‍ട്ടിഫിക്കേറ്റോടുകൂടിയ വിവിധ കോഴ്‌സുകള്‍ പഠിക്കാന്‍ അവസരം ലഭിക്കും. അപേക്ഷ സ്വീകരിക്കുന്ന അവസാന തീയതി ജൂലൈ 5. കൂടുതല്‍ വിവരങ്ങള്‍ക്ക് ഫോണ്‍: 9495229303, 9495785303.

വിദ്യാര്‍ത്ഥികളുടെ യാത്രാപ്രശ്‌നങ്ങള്‍ ചര്‍ച്ച ചെയ്യുന്നതിനും പരിഹാരം കാണുന്നതിനുമായി സ്റ്റുഡന്റസ് ട്രാവലിങ് ഫെസിലിറ്റി കമ്മിറ്റി യോഗം തൃശൂര്‍ കളക്ടറേറ്റിലെ കോണ്‍ഫറന്‍സ് ഹാളില്‍ മെയ് 30 ന് ഉച്ചതിരിഞ്ഞ് 3 ന് യോഗം ചേരും. വിദ്യാര്‍ത്ഥി സംഘടനാ പ്രതിനിധികള്‍, ബസ് തൊഴിലാളി സംഘടനാ പ്രതിനിധികള്‍, വിദ്യാഭ്യാസ സ്ഥാപന മേധാവികള്‍ എന്നിവര്‍ യോഗത്തില്‍ പങ്കെടുക്കണമെന്ന് ആര്‍.ടി.ഒ അറിയിച്ചു.

രാമവര്‍മ്മപുരത്തെ തൃശ്ശൂര്‍ ജില്ലാ വിദ്യാഭ്യാസ പരിശീലന കേന്ദ്രം (ഡയറ്റ്) കോമ്പൗണ്ടിലെ 20 മരങ്ങള്‍ മെയ് 29 ന് രാവിലെ 11 ന് ലേലം ചെയ്യും. ലേലത്തില്‍ പങ്കെടുക്കുന്നവര്‍ 1000 രൂപ നിരതദ്രവ്യമടക്കം രാമവര്‍മ്മപുരത്തെ ഡയറ്റ് ഓഫീസില്‍ മെയ് 28 ന് ഉച്ചതിരിഞ്ഞ് 3 നകം ക്വട്ടേഷന്‍ സമര്‍പ്പിക്കണം.

വിരിപ്പ് കൃഷിക്കായി കര്‍ഷകര്‍ക്ക് ആവശ്യമായ ജ്യോതി നെല്‍വിത്ത് ലഭ്യമാണെന്ന് വള്ളത്തോള്‍ നഗര്‍ കൃഷിഭവന്‍ അധികൃതര്‍ അറിയിച്ചു. വള്ളത്തോള്‍ നഗര്‍ കൃഷിഭവനില്‍ ഉള്‍പ്പെടുന്ന മുണ്ടനാട്ട് പാടശേഖരത്തിന് വിരിപ്പ് കൃഷിക്കായി നെല്‍വിത്ത് ലഭ്യമാക്കുന്നതില്‍ കൃഷിഭവന് വീഴ്ച സംഭവിച്ചതായി കഴിഞ്ഞദിവസം പത്രവാര്‍ത്ത വന്നിരുന്നു. പത്രവാര്‍ത്ത ശ്രദ്ധയില്‍പ്പെട്ടപ്പോള്‍ തന്നെ ഇതുമായി ബന്ധപ്പെട്ട കാര്യങ്ങള്‍ ജില്ലാ കൃഷി ഓഫീസില്‍ നിന്നും അന്വേഷിച്ചിരുന്നു.

ജില്ലയിൽ ആരോഗ്യവകുപ്പിൽ ലബോറട്ടറി ടെക്നീഷ്യൻ ഗ്രേഡ് രണ്ട് (കാറ്റഗറി നമ്പർ 714/ 22) തസ്തികയുടെ ചുരുക്കപ്പട്ടികയിൽ ഉൾപ്പെട്ടവർക്കുള്ള അഭിമുഖം മെയ് 24ന് പി. എസ്.സി തൃശൂർ ജില്ലാ ഓഫീസിൽ നടത്തും. എസ്.എം.എസ്/ പ്രൊഫൈൽ മെസ്സേജ് മുഖേന അറിയിപ്പ് നൽകിയിട്ടുണ്ട്. അഡ്മിഷൻ ടിക്കറ്റ് ഡൗൺലോഡ് ചെയ്ത് നിശ്ചിത സ്ഥലത്തും സമയത്തും ഹാജരാകണം.

പാവറട്ടി വുമൺസ് വെൽഫെയർ സൊസൈറ്റി കേന്ദ്ര സർക്കാർ അംഗീകൃത ഫാഷൻ ഡിസൈനിങ് ഡിപ്ലോമ കോഴ്സുകൾ പഠിക്കാനുള്ള സ്കോളർഷിപ്പിന് അപേക്ഷ ക്ഷണിച്ചു. തിരഞ്ഞെടുക്കപ്പെടുന്നവർക്ക് ബി എസ് എസ്, വേൾഡ് സ്കിൽ കൗൺസിൽ സർട്ടിഫിക്കറ്റ് കൂടിയ കോഴ്സുകൾ പഠിക്കാനാണ് അവസരം. ഡിപ്ലോമ ഇൻ ഫാഷൻ ഡിസൈനിങ് (ഒരു വർഷം), ഡിപ്ലോമ ഇൻ കമ്പ്യൂട്ടറൈസ്ഡ് ഫാഷൻ ഡിസൈനിങ് (രണ്ടുവർഷം), കോസ്റ്റ്യൂം ഡിസൈനിങ് ആൻഡ് ഡ്രസ്സ് മേക്കിങ് സ്കിൽസ്, ഫാഷൻ ടൈലർ (ആറുമാസം), ഹാൻഡ് എംബ്രോയിഡറി (മൂന്നുമാസം), പ്രീ പ്രൈമറി ടീച്ചേഴ്സ് ട്രെയിനിങ് കോഴ്സ് (ഒരു വർഷം), ഹ്രസ്വകാല ടൈലറിംഗ് ക്ലാസുകൾ എന്നിവയാണ് കോഴ്സുകൾ. അപേക്ഷിക്കേണ്ട അവസാന തീയതി ജൂലൈ 5.

എസ് ആര്‍ സി കമ്മ്യൂണിറ്റി കോളജ് നടത്തുന്ന സര്‍ട്ടിഫിക്കറ്റ്/ ഡിപ്ലോമ ഇന്‍ അക്യുപ്രഷര്‍ ആൻഡ് ഹോളിസ്റ്റിക് ഹെല്‍ത്ത് കെയര്‍ കോഴ്‌സിന്  അപേക്ഷിക്കാം. സർട്ടിഫിക്കറ്റ് കോഴ്സിന് ആറുമാസവും ഡിപ്ലോമ ഒരു വർഷവുമാണ് കാലാവധി. 18 വയസ് പൂർത്തിയാക്കണം. ഉയർന്ന പ്രായപരിധി ഇല്ല. https://app.srccc.in/register എന്ന ലിങ്കിലൂടെ അപേക്ഷിക്കാം. അവസാന തീയതി ജൂൺ 30.

ജില്ലയിലെ പഠനകേന്ദ്രങ്ങൾ:
 

യുണൈറ്റഡ് അക്യുപഞ്ചർ അക്കാദമി, കൈപ്പമംഗലം, തൃശൂർ - 680681. ഫോൺ: 8078098912, 7510542412.

തൃശൂര്‍ ഗവ. വനിതാ പോളിടെക്‌നിക് കോളജില്‍ വിവിധ ഒഴിവുകള്‍.

ലക്ചറര്‍ ഡി.സി.പി യോഗ്യത - ഒന്നാം ക്ലാസ് കൊമേഴ്‌സ് ബിരുദാനന്തര ബിരുദവും   കൊമേഴ്‌സ്യല്‍ പ്രാക്ടീസില്‍ ഡിപ്ലോമയും.

ഇന്‍സ്ട്രക്ടര്‍ ഇന്‍ ഷോട്ട് ഹാന്‍ഡ്, ഇന്‍സ്ട്രക്ടര്‍ ഇന്‍ സെക്രട്ടേറിയല്‍ പ്രാക്ടീസ് ആന്‍ഡ് ബിസിനസ് കറസ്‌പോണ്ടന്‍സ് യോഗ്യത - ഒന്നാം ക്ലാസ്  കൊമേഴ്‌സ് ബിരുദവും കൊമേഴ്‌സ്യല്‍ പ്രാക്ടീസില്‍ ഡിപ്ലോമയും.

ചാലക്കുടി മോഡല്‍ റസിഡന്‍ഷ്യല്‍ സ്‌കൂളില്‍ ഏഴ്, ഒമ്പത് ക്ലാസുകളില്‍ സീറ്റുകള്‍ ഒഴിവുണ്ട്. ഏഴാം ക്ലാസ് ഒഴിവിലേക്ക് ജനറല്‍, പട്ടികജാതി വിഭാഗത്തില്‍പ്പെട്ടവര്‍ക്കും ഒമ്പതാം ക്ലാസ് ഒഴിവിലേക്ക് പട്ടികവര്‍ഗ വിഭാഗക്കാര്‍ക്കും അപേക്ഷിക്കാം. താല്‍പര്യമുള്ള വിദ്യാര്‍ഥികളെ മെയ് 28ന് രാവിലെ 11ന് നടത്തുന്ന പ്രവേശന പരീക്ഷയില്‍ പങ്കെടുപ്പിക്കാന്‍ ചാലക്കുടി എം.ആര്‍.എസ് സ്‌കൂളില്‍ എത്തിക്കണമെന്ന് സീനിയര്‍ സൂപ്രണ്ട് അറിയിച്ചു. ഫോണ്‍:0480 2960400.