പൂക്കാട്ടിരി- എടയൂര്‍ റോഡില്‍ സൈഡ് പ്രൊട്ടക്ഷന്‍ പ്രവൃത്തി നടക്കുന്നതിനാല്‍ ഏപ്രില്‍ 29 മുതല്‍ പ്രവൃത്തി തീരുന്നത് വരെ വാഹന ഗതാഗതം തടസ്സപ്പെടും. വാഹനങ്ങള്‍ ചെങ്കുണ്ടംപടി - ചീനിച്ചോട്- പാലക്കുന്ന് റോഡ് വഴി പോകണം.

ലോക മലമ്പനി ദിനാചരണത്തിന്റെ മലപ്പുറം ജില്ലാതല ഉദഘാടനം മങ്കട സി. എച്ച്. സെന്ററില്‍ ജില്ലാ മെഡിക്കല്‍ ഓഫിസര്‍ ഡോ: ആര്‍ രേണുക ഉദ്ഘാടനം ചെയ്തു. മങ്കട സാമൂഹികാരോഗ്യ കേന്ദ്രത്തിന്റെ നേതൃത്വത്തില്‍ സംഘടിപ്പിച്ച പരിപാടിയില്‍ മെഡിക്കല്‍ ഓഫീസര്‍ ഡോ: സോഫിയ അധ്യക്ഷനായി. ഡെപ്യൂട്ടി എഡ്യുകേഷന്‍ മീഡിയ ഓഫീസര്‍ പി എം ഫസല്‍ സ്വാഗതം ആശംസിച്ചു. ഡെപ്യൂട്ടി ഡി.എം.ഒ. ഡോ. ഷുബിന്‍ സി മുഖ്യപ്രഭാഷണം നടത്തി. ജില്ലാ വെക്ടര്‍ ബോണ്‍ കണ്‍ട്രോള്‍ ഓഫീസര്‍ സുരേഷ് കുമാര്‍ സി. കെ ബോധവല്‍ക്കരണ സെമിനാര്‍ നയിച്ചു.

മലപ്പുറം ജില്ലാ ഭക്ഷ്യ സുരക്ഷാ അസിസ്റ്റന്റ് കമ്മിഷണറുടെയും മലപ്പുറം ഭക്ഷ്യ സുരക്ഷാ സര്‍ക്കിളിന്റെയും കാര്യാലയങ്ങള്‍ മെയ് രണ്ട് മുതല്‍ സിവില്‍ സ്റ്റേഷനിലെ ജില്ലാ ട്രഷറിയുടെ സമീപത്തുള്ള പഴയ ദൂരദര്‍ശന്‍ റിലേ സ്റ്റേഷന്‍ കെട്ടിടത്തിലേക്ക് മാറും.

അരീക്കോട് ഗവ: ഐ.ടി.ഐ. ഐ.എം.സി സൊസൈറ്റിയുടെ ആഭിമുഖ്യത്തില്‍ നടത്തുന്ന ഡിപ്ലോമ ഇന്‍ ഓയില്‍ ആന്‍ഡ് ഗ്യാസ് ടെക്‌നോളജി കോഴ്‌സിലേക്ക് അപേക്ഷ ക്ഷണിച്ചു. യോഗ്യത: എസ്.എസ്.എല്‍.സി/ പ്ലസ് ടു/ഐ.ടി.ഐ/ ഡിപ്ലോമ/ ബി.ടെക്. ഫോണ്‍: 8590539062, 9526415698.
 

കൊളമംഗലം- കരേക്കാട് റോഡില്‍ ടാറിങ് പ്രവൃത്തി നടക്കുന്നതിനാല്‍ മെയ് മൂന്ന് മുതല്‍ പ്രവൃത്തി തീരുന്നത് വരെ ഗതാഗത നിരോധനം ഏര്‍പ്പെടുത്തും. വാഹനങ്ങള്‍ കണ്ണംകുളം- കണ്ണന്‍കടവ്- മുക്കിലപ്പീടിക- വായനശാല റോഡ്, പൂക്കാട്ടിരി- എടയൂര്‍ റോഡ് വഴി പോകണം.
 

 മലപ്പുറത്ത് 73.40 ഉം പൊന്നാനിയിൽ 69.70 ഉം ശതമാനം പോളിങ്

ലോക്സഭാ തിരഞ്ഞെടുപ്പിൽ മലപ്പുറം ലോക്സഭാ മണ്ഡലത്തിൽ 7405 ഉം പൊന്നാനി മണ്ഡലത്തിൽ 7180 ഉം പോസ്റ്റൽ വോട്ടുകൾ. ഇതോടെ മലപ്പുറത്തെ പോളിങ് ശതമാനം 73.40 ഉം പൊന്നാനിയിലെ പോളിംഗ് ശതമാനം 69.70 ഉം ആയി. പോളിങ് ബൂത്തുകളിൽ ഇലക്ട്രോണിക്സ്' വോട്ടിംഗ് മെഷീനിൽ വോട്ട് രേഖപ്പെടുത്തിയത് മലപ്പുറത്ത് 72.9 ഉം പൊന്നാനിയിൽ 69.21 ഉം ശതമാനമായിരുന്നു.

മലപ്പുറം ജില്ലയിലെ വിവിധ വകുപ്പുകളില്‍ കോണ്‍ഫിഡന്‍ഷ്യല്‍ അസിസ്റ്റന്റ് ഗ്രേഡ് 2 (എന്‍.സി.എ- എല്‍.സി/എ.ഐ- കാറ്റഗറി നമ്പര്‍ 116/2019) ) തസ്തികയിലേക്ക് തിരഞ്ഞെടുപ്പിനായി 31.05.2023 ന് നിലവില്‍ വന്ന 369/2023/SSIII നമ്പര്‍ റാങ്ക് പട്ടിക 06.09.2023 പ്രാബല്യത്തില്‍ റദ്ദാക്കിയതായി പി.എസ്.സി ജില്ലാ ഓഫാസര്‍ അറിയിച്ചു. നിയമന ശുപാര്‍ശ ചെയ്ത ഉദ്യോഗാര്‍ഥി 05.09.2023 ന് ജോലിയില്‍ പ്രവേശിച്ച സാഹചര്യത്തിലാണിത്.
 

സംസ്ഥാന സര്‍ക്കാര്‍ സ്ഥാപനമായ കെല്‍ട്രോണിന്റെ കോഴിക്കോട് ലിങ്ക് റോഡിലുള്ള നോളജ് സെന്ററില്‍ എല്‍.പി, യു.പി, ഹൈസ്‌കൂള്‍, കോളെജ് വിദ്യാര്‍ഥികള്‍ക്ക് ഒരു മാസത്തെ വിവിധ കംപ്യൂട്ടര്‍ കോഴ്‌സുകള്‍ മെയ് രണ്ടിന് തുടങ്ങുന്നു. ഗ്രാഫിക് ആന്‍ഡ് വിഷ്വല്‍ എഫക്ട്‌സ്, ആനിമേഷന്‍, ഹാര്‍ഡ് വെയര്‍ നെറ്റ് വര്‍ക്കിങ് തുടങ്ങിയ കോഴ്‌സുകളിലേക്കും അഡ്മിഷന് അവസരമുണ്ട്. താത്പര്യമുള്ളവര്‍ക്ക് 0495 2301772, 8590605275 നമ്പറുകളില്‍ ബന്ധപ്പെടാം.

മലപ്പുറം ജില്ലയില്‍ വേനല്‍ മഴക്ക് ശേഷം ഡെങ്കിപ്പനി കേസുകളില്‍ വര്‍ധിച്ച  സാഹചര്യത്തില്‍ പൊതുജനങ്ങള്‍ പ്രത്യേക ശ്രദ്ധ പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. എലിപ്പനിക്കും  വയറിളക്ക രോഗങ്ങള്‍ക്കുമൊപ്പം ഡെങ്കിപ്പനിയും വ്യാപകമായി റിപ്പോര്‍ട്ട്  ചെയ്ത് തുടങ്ങിട്ടുണ്ട്.

വോട്ടെടുപ്പിന് ശേഷം സ്വീകരണ കേന്ദ്രങ്ങളില്‍ എത്തിച്ച വോട്ടിങ് യന്ത്രങ്ങള്‍ സ്ട്രോങ് റൂമുകളിലേക്ക് മാറ്റുന്ന പ്രക്രിയ ഇന്ന് (ശനി) രാവിലെയോടെ പൂര്‍ത്തിയായി. മലപ്പുറം, പൊന്നാനി ലോക്‌സഭാ മണ്ഡലങ്ങളിലെ വോട്ടിങ് യന്ത്രങ്ങള്‍ സ്‌ട്രോടോങ് റൂമുകളിലെത്തിച്ച് സീല്‍ ചെയ്തു. മലപ്പുറം ലോക്‌സഭാ മണ്ഡലത്തിലെ വോട്ടിങ് മെഷീനുകള്‍ മലപ്പുറം ഗവ.കോളജിലാണ് സൂക്ഷിക്കുന്നത്. ജനറല്‍ ഒബ്‌സര്‍വര്‍ അവദേശ് കുമാര്‍ തിവാരി, ജില്ലാ തെരഞ്ഞെടുപ്പ് ഓഫീസറും ജില്ലാ കലക്ടറുമായ വി.ആര്‍ വിനോദ്, പെരിന്തല്‍മണ്ണ സബ് കലക്ടര്‍ അപൂര്‍വ ത്രിപാദി, ഇലക്ഷന്‍ ഡപ്യൂട്ടി കലക്ടര്‍ എസ്.ബിന്ദു,  അസി.