പരിയാരം ഗവ.ആയുര്‍വേദ കോളേജ് ആശുപത്രിയിലെ രോഗനിദാന വകുപ്പിനു കീഴില്‍ മദ്യപാനികളിലല്ലാത്ത ഫാറ്റിലിവര്‍ രോഗവും അനുബന്ധ സിറോസിസും ഉളള രോഗികള്‍ക്ക് ഗവേഷണാടിസ്ഥാനത്തിലുള്ള ചികിത്സ ലഭിക്കും.  എല്ലാ വ്യാഴം, വെളളി ദിവസങ്ങളിലും രാവിലെ 8 മുതല്‍ ഉച്ചക്ക് 1 മണി വരെ ചികിത്സയുണ്ടാകും.  രോഗികള്‍ക്ക് സ്‌കാനിങ്ങ് റിപ്പോര്‍ട്ട് സഹിതം ഒ പി യില്‍ എത്തി ചികിത്സാസേവനം പ്രയോജനപ്പെടുത്താം. ഫോണ്‍: 9495721696.
പി എന്‍ സി/4486/2017

 തപാല്‍ വകുപ്പിന്റെ സ്പീഡ് പോസ്റ്റ് സേവനം ആവശ്യമുളള കണ്ണൂര്‍, തളിപ്പറമ്പ് നഗരപരിധിയിലെ ഉപഭോക്താക്കളില്‍ നിന്നും ഉരുപ്പടികള്‍ ശേഖരിച്ച് കണ്ണൂര്‍, തളിപ്പറമ്പ് ഹെഡ് പോസ്റ്റ് ഓഫീസുകളിലേക്ക് എത്തിക്കുന്നതിനായി താല്‍ക്കാലികാടിസ്ഥാനത്തില്‍ ഏജന്റുമാരെ നിയമിക്കുന്നു.  മാര്‍ക്കറ്റിങ്ങ് അഭിരുചിയുളള യുവതീ യുവാക്കള്‍ സര്‍ട്ടിഫിക്കറ്റുകളുടെ പകര്‍പ്പ് സഹിതം അപേക്ഷ തയ്യാറാക്കി ഡിസംബര്‍ 5 ന് മുമ്പ് അപേക്ഷിക്കണം.  ശേഖരിക്കുന്ന കത്തുകളുടെ എണ്ണത്തിനും തൂക്കത്തിനും  ആനുപാതികമായിട്ടാണ് വേതനം.  ഇരുചക്ര വാഹനമുള്ളവര്‍ക്ക് മുന്‍ഗണന.

സംസ്ഥാന പട്ടികജാതി പട്ടികവര്‍ഗ വികസന കോര്‍പ്പറേഷന്‍ ദേശീയ പട്ടികജാതി ധനകാര്യ വികസന കോര്‍പ്പറേഷന്റെ സാമ്പത്തിക സഹായത്തോടെ നടപ്പിലാക്കുന്ന  പരമാവധി 3.70 ലക്ഷം രൂപ പദ്ധതി തുകയുളള ഓട്ടോ ടാക്‌സി പദ്ധതിക്കു കീഴില്‍ വായ്പ അനുവദിക്കുന്നതിന് ജില്ലയിലെ പട്ടികജാതിയില്‍പ്പെട്ട തൊഴില്‍രഹിതരായ യുവതീയുവാക്കളില്‍ നിന്നും അപേക്ഷ ക്ഷണിച്ചു.  18 നും 50 നും ഇടയില്‍ പ്രായമുളളവരായിരിക്കണം. കുടുംബ വാര്‍ഷിക വരുമാനം ഗ്രാമപ്രദേശങ്ങളില്‍ 98,000 രൂപയിലും നഗരപ്രദേശങ്ങളില്‍ 1,20,000 രൂപയിലും കവിയരുത്.  അപേക്ഷകര്‍ക്ക് ഓട്ടോറിക്ഷ ഓടിക്കുന്നതിനുളള ലൈസന്‍സും ബാഡ്ജും ഉണ്ടായിരിക്കണം. 

2018-19  അധ്യയന വര്‍ഷത്തില്‍ നവോദയ വിദ്യാലയത്തില്‍ 6-ാം ക്ലാസിലേക്കുളള പ്രവേശന പരീക്ഷക്ക് ഡിസംബര്‍ 2 വരെ അപേക്ഷ സ്വീകരിക്കും.  അപേക്ഷകള്‍ ഓണ്‍ലൈനായും നേരിട്ടും സമര്‍പ്പിക്കാവുന്നതാണെന്ന് പ്രിന്‍സിപ്പല്‍ അറിയിച്ചു.
പി എന്‍ സി/4482/2017

 ജനുവരിയില്‍ നടക്കുന്ന അഖിലേന്ത്യാ ട്രേഡ് ടെസ്റ്റ് സെമസ്റ്റര്‍ 1, 2, 3, 4 സപ്ലിമെന്ററി പരീക്ഷയില്‍ പങ്കെടുക്കുന്നതിന് എസ് സി വി ടി പാസായവര്‍, വ്യാവസായിക തൊഴിലാളികള്‍ എന്നിവരില്‍ നിന്ന് അേപക്ഷ ക്ഷണിച്ചു.  30 ന് വൈകിട്ട് 3 മണിക്ക് മുമ്പ് അപേക്ഷ ഐ ടി ഐ പ്രിന്‍സിപ്പലിന് സമര്‍പ്പിക്കണം.  ഫോണ്‍: 0497 2835183.
പി എന്‍ സി/4481/2017

കലക്ടറേറ്റില്‍ സുരക്ഷാ ക്രമീകരണങ്ങള്‍ ശക്തിപ്പെടുത്തുന്നതിന്റെ ഭാഗമായി വാഹന പാര്‍ക്കിങ്ങിന് നിയന്ത്രണമേര്‍പ്പെടുത്തുന്നു. അനധികൃതമായി കലക്ടറേറ്റില്‍ പാര്‍ക്ക് ചെയ്യുന്ന വാഹനങ്ങള്‍ക്കെതിരെ കര്‍ശന നടപടിയെടുക്കാന്‍ എഡിഎം ഇ മുഹമ്മദ് യൂസഫിന്റെ അധ്യക്ഷതയില്‍ ചേര്‍ന്ന യോഗം തീരുമാനിച്ചു.

ജില്ലയില്‍ ദീര്‍ഘകാലമായി പരിഗണനയിലിരിക്കുന്ന ്രെപാജക്ടുകളില്‍ തുടര്‍ നടപടി കൈക്കൊള്ളാന്‍ വകുപ്പ് തലവന്‍മാര്‍ പ്രത്യേക ്രശദ്ധ നല്‍കണമെന്ന് ജില്ലാ കലക്ടര്‍ മീര്‍ മുഹമ്മദലി നിര്‍ദേശിച്ചു. ജില്ലാ വികസന സമിതി യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. ഇത്തരം കാര്യങ്ങള്‍ ബന്ധപ്പെട്ട ഉദ്യോഗസ്ഥര്‍ ജില്ലാ കലക്ടറുടെ ശ്രദ്ധയില്‍പ്പെടുത്തണം. ജില്ലാ തലത്തില്‍ തീരുമാനമെടുക്കാന്‍ കഴിയാത്ത പ്രശ്‌നങ്ങള്‍ സംസ്ഥാന തലത്തില്‍ ആവശ്യമായ നടപടികള്‍ക്ക് വേണ്ട ഇടപെടലുകള്‍ നടത്താന്‍ ശ്രമിക്കുമെന്നും കലക്ടര്‍ അറിയിച്ചു.

അടുത്ത അഞ്ച് വര്‍ഷത്തിനിടയില്‍ കല്യാശ്ശേരി മണ്ഡലത്തില്‍ പൊതുമരാമത്ത് മേഖലയില്‍ 1000 കോടിയിലധികം രൂപയുടെ വികസന പ്രവര്‍ത്തനങ്ങള്‍ നടപ്പിലാക്കുമെന്ന് പൊതുമരാമത്ത് വകുപ്പ് മന്ത്രി ജി സുധാകരന്‍ പറഞ്ഞു. നിലവില്‍ റോഡുകളും പാലങ്ങളുമായി മണ്ഡലത്തില്‍ 343 കോടിയുടെ പ്രവൃത്തികള്‍ നടന്നുവരുന്നതായും മന്ത്രി അറിയിച്ചു. കല്യാശ്ശേരി നിയോജകമണ്ഡലത്തിലെ പഴയങ്ങാടി-മാടായി-പുതിയങ്ങാടി-മാട്ടൂല്‍ റോഡ് അഭിവൃദ്ധിപ്പെടുത്തുന്ന പ്രവൃത്തി ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.