വള്ളിക്കോട് ഗ്രാമപഞ്ചായത്ത് ഒമ്പതാം വാര്‍ഡിലെ കുടുംബശ്രീ അയല്‍ക്കൂട്ട സംഗമം ഗ്രാമപഞ്ചായത്ത് പ്രസിഡന്‍റ് ലിസിമോള്‍ ജോസഫ് ഉദ്ഘാടനം ചെയ്തു. വാര്‍ഡംഗം രാധാവേണുവിന്‍റെ അധ്യക്ഷതയില്‍ ചേര്‍ന്ന യോഗത്തില്‍ സിഡിഎസ് ചെയര്‍പേഴ്സണ്‍ ശ്രീജാ അജി, വൈസ്ചെയര്‍പേഴ്സണ്‍ വിജയലക്ഷ്മി, രാജന്‍, കെ.രാമചന്ദ്രന്‍, ലതാശശിധരന്‍ എന്നിവര്‍ സംസാരിച്ചു. കുട്ടികള്‍ നേരിടുന്ന വിവിധ പ്രശ്നങ്ങള്‍ സംബന്ധിച്ച് ചൈല്‍ഡ് ലൈന്‍ കോ-ഓര്‍ഡിനേറ്റര്‍ ഡേവിഡ് റജിമാത്യു, കുടുംബശ്രീ കൗണ്‍സിലര്‍ ദീപ എന്നിവര്‍ ക്ലാസുകള്‍ നയിച്ചു.                                                                  (പിഎന്‍പി 3169/17)

മലയാലപ്പുഴ ഗ്രാമപഞ്ചായത്തില്‍ കെട്ടിട നികുതി കുടിശ്ശികയുള്ളവര്‍ക്ക് പിഴ പലിശ ഒഴിവാക്കി 2018 ഫെബ്രുവരി 28 വരെ നികുതി അടയ്ക്കാമെന്ന് സെക്രട്ടറി അറിയിച്ചു. 
                                                                                (പിഎന്‍പി  3167/17)

സംക്ഷിപ്ത വോട്ടര്‍ പട്ടിക പുതുക്കലുമായി ബന്ധപ്പെട്ട് ജില്ലയിലെ എല്ലാ പോളിംഗ് സ്റ്റേഷനുകളും ഇന്ന് (26ന്) രാവിലെ 10 മുതല്‍ വൈകിട്ട് നാല് വരെ പ്രവര്‍ത്തിക്കും. ബൂത്ത് ലെവല്‍ ഓഫീസര്‍മാരു ടെയും ബൂത്ത് ലെവല്‍ ഏജന്‍റുമാരുടെയും യോഗം അതത് പോളിംഗ് സ്റ്റേഷനുകളില്‍ നടക്കും. കരട് വോട്ടര്‍ പട്ടിക പൊതുജനങ്ങള്‍ക്ക് പരിശോധിക്കാം. 
                                            (പിഎന്‍പി 3168/17)

പ്രത്യേക സംക്ഷിപ്ത വോട്ടര്‍ പട്ടിക പുതുക്കലുമായി ബന്ധപ്പെട്ട് 29ന് ഉച്ചയ്ക്ക് 12ന് കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. ഇലക്ടറല്‍ റോള്‍ ഒബ്സര്‍വറായ പൊതുഭരണ വകുപ്പ് (സൈനിക ക്ഷേമം) സെക്രട്ടറി സുമന എന്‍.മേനോന്‍ അധ്യക്ഷത വഹിക്കും. പൊതുജനങ്ങള്‍ക്ക് വോട്ടര്‍ പട്ടിക പുതുക്കലുമായി ബന്ധപ്പെട്ട പരാതികളും നിര്‍ദേശങ്ങളും യോഗത്തില്‍ സമര്‍പ്പിക്കാം.                               (പിഎന്‍പി 3166/17)

കാക്കനാട്: പാരിസ്ഥിതികപ്രശ്‌നങ്ങള്‍ സൃഷ്ടിക്കുന്ന മട്ടിമണല്‍ ഖനനം തടയണമെന്ന് എല്‍ദോ എബ്രഹാം എംഎല്‍എ പറഞ്ഞു. മട്ടിമണല്‍ ഖനനം ചെയ്യുകയും കയറ്റി അയയ്ക്കുകയും ചെയ്യുന്ന അനധികൃത സ്ഥാപനങ്ങള്‍ക്കെതിരെ കര്‍ശന നടപടി സ്വീകരിക്കണമെന്നും അദ്ദേഹം കളക്ടറേറ്റില്‍ ജില്ലാ കളക്ടര്‍ കെ മുഹമ്മദ് വൈ സഫീറുള്ളയുടെ അദ്ധ്യക്ഷതയില്‍ ചേര്‍ന്ന ജില്ലാ വികസന സമിതിയില്‍ ആവശ്യപ്പെട്ടു.  മണല്‍ക്ഷാമം രൂക്ഷമായതിനാല്‍  നിര്‍മാണപ്രവര്‍ത്തനങ്ങള്‍ സ്തംഭനാവസ്ഥയിലാണ്. കടവ് കമ്മിറ്റികള്‍ രൂപികരിക്കണം. പരിസ്ഥിതിയെ  സംരക്ഷിച്ചുകൊണ്ടുള്ള മണല്‍വാരല്‍ പുനരാരംഭിക്കണമെന്നും എംഎല്‍എ പറഞ്ഞു.

    കേന്ദ്ര തെരഞ്ഞെടുപ്പ് കമ്മീഷന്‍ നിയമിച്ച ഇലക്ട്രല്‍ റോള്‍ ഒബ്‌സര്‍വര്‍ സുമന. എന്‍. മേനോന്‍, നവംബര്‍ 28 നാല് മണിക്ക് തിരുവനന്തപുരം കളക്ടറേറ്റ് കോണ്‍ഫറന്‍സ് ഹാളില്‍ അംഗീകൃത രാഷ്ട്രീയ പാര്‍ട്ടി പ്രതിനിധികളുടെയും എം.പി. മാര്‍, എം.എല്‍.എമാര്‍ എന്നിവരുടെയും ഒരു യോഗം ചേരുന്നതായി ഡെപ്യൂട്ടി കളക്ടര്‍ (ഇലക്ഷന്‍) അറിയിച്ചു. 
(പി.ആര്‍.പി 1941/2017)
 

    വ്യത്യസ്തതരം മാലിന്യങ്ങള്‍ (ഭക്ഷ്യാവശിഷ്ടങ്ങള്‍, പേപ്പര്‍, ഗ്ലാസ്, ലോഹം, അറവ് മാലിന്യം, പ്ലാസ്റ്റിക്, ഇലക്‌ട്രോണിക്) അവയുടെ പുനരുപയോഗം, പുന:ചംക്രമണം, സംസ്‌കരണം എന്നിവ അടിസ്ഥാനപ്പെടുത്തിയുള്ള സംരംഭങ്ങള്‍ തുടങ്ങാന്‍ താല്‍പ്പര്യമുള്ളവര്‍ക്ക് ജില്ലാ വ്യവസായ കേന്ദ്രം ദ്വിദിന ശില്‍പ്പശാല സംഘടിപ്പിക്കുന്നു.  താല്‍പ്പര്യമുള്ളവര്‍ മുന്‍കൂര്‍ രജിസ്റ്റര്‍ ചെയ്യണമെന്ന് ജനറല്‍ മാനേജര്‍ അറിയിച്ചു.  കൂടുതല്‍ വിവരങ്ങള്‍ക്ക് 9745008834.
(പി.ആര്‍.പി 1940/2017)
 

    വനം വകുപ്പിന്റെ അഗസ്ത്യവനം ബയോളജിക്കല്‍ പാര്‍ക്ക് സര്‍ക്കിള്‍ പരിധിയിലുള്ള വിവിധ ഡിവിഷനുകളില്‍ മണ്ണ്, ജലസംരക്ഷണ പ്രവൃത്തികള്‍ ഉള്‍പ്പെടെയുള്ള വനസംബന്ധമായ ജോലികള്‍, (ഫൈനല്‍ ഫെല്ലിംഗ്, സിവില്‍ വര്‍ക്ക് എന്നിവ ഒഴികെ) കരാര്‍ വ്യവസ്ഥയില്‍ ഏറ്റെടുത്ത് നടത്തുന്നതിന് കോണ്‍ട്രാക്ടര്‍മാര്‍ക്ക് രജിസ്‌ട്രേഷന് അപേക്ഷിക്കാമെന്ന് പബ്ലിക് റിലേഷന്‍സ് ഓഫീസര്‍ അറിയിച്ചു.  
    മാര്‍ഗ്ഗനിര്‍ദ്ദേശങ്ങളും വിശദവിവരങ്ങളും ഫോറസ്റ്റ് കണ്‍സര്‍വേറ്റര്‍, വൈല്‍ഡ്‌ലൈഫ് സര്‍ക്കിള്‍, തിരുവനന്തപുരം ഓഫീസില്‍ ലഭിക്കുന്നതാണ്.  കൂടുതല്‍ വിവരങ്ങള്‍ക്ക്: 0471- 2325385. 
(പി.ആര്‍.പി 1939/2017)