ആലപ്പുഴ: ഈ വർഷം പ്രൊഫഷണൽ, ബിരുദാനന്തരബിരുദ, ഗവേഷണ കോഴ്‌സുകൾക്ക് പഠിക്കുന്ന പട്ടികജാതി വിഭാഗത്തിൽപ്പെട്ട വിദ്യാർഥികൾക്ക് മാവേലിക്കര ബ്ലോക്ക് പഞ്ചായത്ത് മെറിറ്റോറിയസ് ധനസഹായം നൽകുന്നു. അപേക്ഷകർ മാന്നാർ, തഴക്കര, മാവേലിക്കര തെക്കേക്കര, ചെട്ടികുളങ്ങര, ചെന്നിത്തല-തൃപ്പെരുംതുറ എന്നീ പഞ്ചായത്തിലെ സ്ഥിരതാമസക്കാരും ഗ്രാമസഭ പട്ടികയിൽ ഉൾപ്പെട്ടവരുമായിരിക്കണം. 

ആലപ്പുഴ: ചെങ്ങന്നൂർ താലൂക്കിൽ നിന്നും എംപ്ലോയ്‌മെന്റ് എക്‌സ്‌ചേഞ്ചിൽ പേര് രജിസ്റ്റർ ചെയ്തിട്ടുള്ള എൽ.പി.എസ്.എ., യു.പി.എസ്.എ., എച്ച്.എസ്.എ. വിഭാഗങ്ങളിൽ യോഗ്യത നേടിയിട്ടുള്ളവരിൽ കെടെറ്റ് പാസായവർ സർട്ടിഫിക്കറ്റ് ചെങ്ങന്നൂർ ടൗൺ എംപ്ലോയ്‌മെന്റ് എക്‌സ്‌ചേഞ്ചിൽ നവംബർ 30 നകം രജിസ്റ്റർ ചെയ്യണം.

(പി.എൻ.എ.2842/17)

ശബരിമല: തീര്‍ത്ഥാടനകാലത്ത് ഡിജിറ്റല്‍ പേയ്‌മെന്റിനായി കാര്‍ഡ് ഉപയോഗിക്കുന്നവര്‍ക്ക് വിപുലമായ സജ്ജീകരണങ്ങളാണ് ധനലക്ഷ്മി ബാങ്ക് ഏര്‍പ്പെടുത്തിയിരിക്കുന്നത്. കഴിഞ്ഞവര്‍ഷം ലഭിച്ച നടവരവില്‍ 14 ശതമാനത്തോളം ഡിജിറ്റല്‍ പേയ്‌മെന്റായിരുന്നു. ഈ വര്‍ഷം ഇതേവരെയുള്ള നടവരവില്‍ 12 ശതമാനം ഡിജിറ്റല്‍ പേയ്‌മെന്റാണ്. നോട്ടുനിരോധനത്തെ തുടര്‍ന്നുണ്ടായ കറന്‍സിഷാമം പരിഹരിക്കാനാണ് കഴിഞ്ഞവര്‍ഷം ഇത്തരം സജ്ജീകരണം ചെയ്തത്. നോട്ട് ക്ഷാമം കാര്യമായി ഇല്ലെങ്കിലും ഭക്തര്‍ കാര്‍ഡുപയോഗം വര്‍ധിപ്പിച്ചിരിക്കുമെന്ന കണക്കുകൂട്ടലില്‍ ഈവര്‍ഷവും ഡിജിറ്റല്‍ സൗകര്യം നിലനിര്‍ത്തിയിരിക്കുകയാണ്.

ഊരൂട്ടമ്പലം എല്‍. പി സ്‌കൂളില്‍ ഇന്നലെ (നവംബര്‍ 24) ദിവ്യയായിരുന്നു താരം. അധ്യാപകര്‍ക്കും കൂട്ടുകാര്‍ക്കും ദിവ്യയെ അഭിനന്ദിച്ചു മതിയായിട്ടില്ല.  മുഖ്യമന്ത്രിക്കെഴുതിയ കത്തിലൂടെ സ്‌കൂളിന് സ്വന്തം ബസ് എത്തിച്ചാണ് ദിവ്യ സ്‌കൂളിന്റേയും നാടിന്റേയും പ്രിയങ്കരിയായത്. പ്രസിദ്ധമായ കണ്ടല ലഹളയിലൂടെ ചരിത്രത്തില്‍ ഇടം നേടിയ സ്‌കൂളാണ് ഊരൂട്ടമ്പലം എല്‍. പി സ്‌കൂള്‍.  കണ്ടല ലഹളയുമായി ബന്ധപ്പെട്ട പഞ്ചമിയുടെ നാലാം തലമുറയില്‍പ്പെട്ട ആതിര ഇപ്പോള്‍ ഈ സ്‌കൂളിലാണ് പഠിക്കുന്നത്.  ആതിരയുടെ കൂട്ടുകാരിയാണ് കത്തെഴുതിയ ദിവ്യ.

ഇന്‍ഫര്‍മേഷന്‍ - പബ്ലിക് റിലേഷന്‍സ് വകുപ്പ് ഡയറക്ടറായി ടി.വി. സുഭാഷ് ചുമതലയേറ്റു.

പി.എന്‍.എക്‌സ്.5015/17

തിരുവനന്തപുരം പ്രവേശന കമ്മീഷണറുടെ കാര്യാലയത്തില്‍ വിവിധ തസ്തികകളില്‍ ഡെപ്യൂട്ടേഷന്‍ നിയമനത്തിന് അപേക്ഷകള്‍ ക്ഷണിച്ചു. സംസ്ഥാന സര്‍ക്കാര്‍ സര്‍വ്വീസിലോ, സര്‍ക്കാര്‍ സ്വയംഭരണ സ്ഥാപനങ്ങളിലോ,  കേന്ദ്രസര്‍ക്കാര്‍ സ്ഥാപനങ്ങളിലോ തത്തുല്യ, തസ്തികകളില്‍ ജോലി  ചെയ്യുന്നവര്‍ക്ക് അപേക്ഷിക്കാം. സിസ്റ്റം മാനേജര്‍, പ്രോഗ്രാമിംഗ് ഓഫീസര്‍, ഇന്‍ഫര്‍മേഷന്‍ ഓഫീസര്‍, ടെക്‌നിക്കല്‍ അസിസ്റ്റന്റ്, കോണ്‍ഫിഡന്‍ഷ്യല്‍ അസിസ്റ്റന്റ്, അറ്റന്‍ഡര്‍ തസ്തികകളിലാണ് ഡെപ്യൂട്ടേഷന്‍ നിയമനം. താല്‍പര്യമുള്ളവര്‍ ഡിസംബര്‍ എട്ടിനകം അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് www.ceekerala.org.

പി.എന്‍.എക്‌സ്.5014/17