2017 -18 അധ്യയന വര്‍ഷത്തിലേയ്ക്കുളള എം.എസ്.സി നഴ്‌സിംഗ് പ്രവേശനവുമായി ബന്ധപ്പെട്ട് വിവിധ ഗവണ്‍മെന്റ് നഴ്‌സിംഗ് കോളേജുകളിലായി രണ്ടു സീറ്റുകളും, സഹകരണ/സ്വാശ്രയ നഴ്‌സിംഗ് കോളേുകളിലുമായി 15 സീറ്റുകളും ഒഴിവുണ്ട്.

തിരുവനന്തപുരം എഞ്ചിനീയറിംഗ് കോളേജില്‍ ഇലക്ട്രിക്കല്‍ എഞ്ചിനീയറിംഗ് ഡിപ്പാര്‍ട്ട്‌മെന്റിലെ പ്രോജക്ടില്‍ ഒരു ടെക്‌നിക്കല്‍ അസിസ്റ്റന്റിന്റെ ഒഴിവിലേക്ക് അപേക്ഷ ക്ഷണിച്ചു. താല്പര്യമുള്ളവര്‍ നവംബര്‍ 18 ന് അഞ്ചു മണിക്കു മുമ്പ് വിശദ വിവരങ്ങള്‍ അടങ്ങുന്ന ബയോഡേറ്റ ആര്‍ ഹരികുമാര്‍, അസിസ്റ്റന്റ് പ്രൊഫസര്‍, ഡിപ്പാര്‍ട്ട്‌മെന്റ് ഓഫ് ഇലക്ട്രിക്കല്‍ എഞ്ചിനീയറിംഗ്, കോളേജ് ഓഫ് എഞ്ചിനീയറിംഗ് തിരുവനന്തപുരം - 695016 എന്ന വിലാസത്തില്‍ അയക്കണം. ഒന്നാം ക്ലാസ്സോടെ ഡിപ്ലോമ ഇലക്ട്രിക്കല്‍ എഞ്ചിനീയറിംഗ് പാസ്സായിരിക്കണം. കമ്പ്യൂട്ടര്‍ / പി.സി.ബി ഡിസൈനിംഗ്, സോള്‍ഡറിങ്ങ് മുതലായവയിലുള്ള പരിജ്ഞാനം അഭികാമ്യം.

മികച്ച കായിക താരങ്ങള്‍ക്ക് സര്‍ക്കാര്‍ സര്‍വ്വീസില്‍ നിയമനം നല്‍കുന്ന പദ്ധതി പ്രകാരം 2010-14 വര്‍ഷങ്ങളിലേക്കുള്ള ഒഴിവുകളിലേക്ക് നിയമനത്തിന് മൗണ്ടനീയറിംഗ്, കളരിപ്പയറ്റ് എന്നീ കായിക ഇനങ്ങളിലെ അര്‍ഹരായ ഉദ്യോഗാര്‍ത്ഥികള്‍കളില്‍ നിന്ന് മാന്വല്‍ ആയി അപേക്ഷ ക്ഷണിച്ചു. അപേക്ഷ ഗവ. സെക്രട്ടേറിയറ്റിലെ പൊതുഭരണ സര്‍വ്വീസസ് (ഡി) വകുപ്പില്‍ ലഭിക്കേണ്ട അവസാന തീയതി നവംബര്‍ 30 വൈകുന്നേരം 5 മണി. വിജ്ഞാപനത്തിന്റെ പകര്‍പ്പ് www.kerala.gov.in, www.prdkerala.gov.in എന്നിവയില്‍ ലഭ്യമാണ്.

സ്‌കോള്‍ കേരള വഴി ഹയര്‍സെക്കണ്ടറി പഠനം പൂര്‍ത്തിയാക്കിയ 2015 -17 ബാച്ച് വരെയുളള വിദ്യാര്‍ത്ഥികളുടെ വിടുതല്‍ സര്‍ട്ടിഫിക്കറ്റുകള്‍ വിതരണത്തിന് പഠന/പരീക്ഷ കേന്ദ്രങ്ങളിലേക്ക് അയച്ചു നല്‍കിയതില്‍ വിദ്യാര്‍ത്ഥികള്‍ കൈപ്പറ്റാതെ സൂക്ഷിച്ചിട്ടുളളവ അടിയന്തിരമായി ബന്ധപ്പെട്ട ജില്ലാ ഓഫീസുകളിലേക്ക് അയക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.  സ്‌കോള്‍ കേരള ജില്ലാ ഓഫീസുകളുടെ മേല്‍വിലാസം www.scolekerala.org എന്ന വെബ്‌സൈറ്റില്‍ ലഭിക്കും.

പി.എന്‍.എക്‌സ്.4752/17

കേരള അബ്കാരി തൊഴിലാളി ക്ഷേമനിധി പദ്ധതിയില്‍ അംഗങ്ങളായ തൊഴിലാളികളുടെ മക്കള്‍ക്കുളള 2016 -17 വര്‍ഷത്തെ വിദ്യാഭ്യാസ സ്‌കോളര്‍ഷിപ്പ് വിതരണവും ലേബലിംഗ് തൊഴിലാളികള്‍ക്കുളള അംഗത്വകാര്‍ഡ് വിതരണവും നവംബര്‍ 15ന് തിരുവനന്തപുരം വൈലോപ്പിളളി സംസ്‌കൃതി ഭവനില്‍ നടത്താന്‍ സ്വാഗത സംഘം രൂപീകരിച്ചു.  സി.കെ. രാജനെ സ്വാഗതസംഘം ചെയര്‍മാനും ജി.കൃഷ്ണന്‍ കുട്ടിയെ കണ്‍വീനറായും തെരഞ്ഞെടുത്തു.  വൈസ് ചെയര്‍മാന്‍മാരായി വി.ബാജി, ജയന്‍ എന്നിവരെയും ജോയിന്റ് കണ്‍വീനര്‍മാരായി ആര്‍. ആശ, മായാദേവി, ജേക്കബ്.എ, എന്‍. ഓമനക്കുട്ടന്‍ നായര്‍ എന്നിവരെയും തെരഞ്ഞെടുത്തു.

പി.എന്‍.എക്‌സ്.4751/17

മികച്ച കായിക താരങ്ങള്‍ക്ക് സര്‍ക്കാര്‍ സര്‍വ്വീസില്‍ നിയമനം നല്‍കുന്ന പദ്ധതി പ്രകാരം 2010-14 വര്‍ഷങ്ങളിലേക്കുള്ള ഒഴിവുകളിലേക്ക് നിയമനത്തിന് മൗണ്ടനീയറിംഗ്, കളരിപ്പയറ്റ് എന്നീ കായിക ഇനങ്ങളിലെ അര്‍ഹരായ ഉദ്യോഗാര്‍ത്ഥികള്‍കളില്‍ നിന്ന് മാന്വല്‍ ആയി അപേക്ഷ ക്ഷണിച്ചു.

 കേരള യൂണിവേഴ്‌സിറ്റി എംപ്ലോയ്‌മെന്റ് ഇന്‍ഫര്‍മേഷന്‍ ആന്റ് ഗൈഡന്‍സ് ബ്യൂറോയില്‍ പ്രവര്‍ത്തിക്കുന്ന മോഡല്‍ കരിയര്‍ സെന്റര്‍, 2017 ല്‍ ത്രിവല്‍സര ഡിപ്ലോമ പാസ്സായ ഉദ്യോഗാര്‍ത്ഥികള്‍ക്കായി നവംബര്‍ 15 ന് തിരുവനന്തപുരം കൈമനം ഗവണ്‍മെന്റ് വനിതാ പോളിടെക്‌നിക്കലില്‍ സൗജന്യ തൊഴില്‍ മേള സംഘടിപ്പിക്കും.  വിവിധ കമ്പനികളിലായി 200 ഓളം ഒഴിവുകളിലേക്ക് നിയമനം ലഭിക്കുന്നതിന് ഉദ്യോഗാര്‍ത്ഥികള്‍ക്ക് അവസരമുണ്ട്. ഉദ്യോഗാര്‍ത്ഥികള്‍ 14 ന് ഉച്ചയ്ക്ക് 12 മണിയ്ക്ക് മുമ്പായി www.ncs.gov.in എന്ന വെബ്‌സൈറ്റ് വഴി പേര് രജിസ്റ്റര്‍ ചെയ്യണം. ഒഴിവുകള്‍ സംബന്ധിച്ച വിശദ വിവരങ്ങള്‍ www.facebook.com/MCCTVM ല്‍ ലഭ്യമാണ്.

ക്രിക്കറ്റ് കളിക്കൂ, ലഹരി ഉപേക്ഷിക്കൂ എന്ന സന്ദേശവുമായി മുഖ്യമന്ത്രി പിണറായി വിജയനും ഇന്ത്യന്‍ ക്രിക്കറ്റ് ക്യാപ്റ്റന്‍ വിരാട് കോഹ്‌ലിയും കൈകോര്‍ത്തു. കേരള ക്രിക്കറ്റ് അസോസിയേഷന്റെ പിന്തുണയോടെ കേരള പോലീസ് ലഹരിമരുന്നുകള്‍ക്കെതിരെ ചന്ദ്രശേഖരന്‍നായര്‍ സ്‌റ്റേഡിയത്തില്‍ സംഘടിപ്പിച്ച യെസ് ടു ക്രിക്കറ്റ്, നോ ടു ഡ്രഗ്‌സ് പ്രചാരണ പരിപാടിയിലാണ് ഇരുവരും ഒന്നിച്ചത്. ഇന്ത്യന്‍ ടീം അംഗങ്ങളായ ദിനേശ് കാര്‍ത്തിക്, അക്‌സര്‍ പട്ടേല്‍, മുഹമ്മദ് സിറാജ്, മലയാളി ക്രിക്കറ്റ് താരങ്ങളായ സഞ്ജു സാംസണ്‍, ബേസില്‍ തമ്പി എന്നിവരും ചടങ്ങില്‍ സന്നിഹിതരായിരുന്നു. 

2017-18 വര്‍ഷത്തെ എം.സി.എ സ്‌കോളര്‍ഷിപ്പ് അപേക്ഷകളില്‍ (പുതിയതും, പുതുക്കല്‍ അപേക്ഷകളും ഉള്‍പ്പെടെ) ന്യൂനതകളുള്ളവ പരിഹരിച്ച് നവംബര്‍ 12 ന് മുമ്പ് സ്ഥാപനങ്ങളില്‍ പുനര്‍സമര്‍പ്പണം നടത്തണം. സ്ഥാപനങ്ങളില്‍നിന്ന് നവംബര്‍ 15 നകം സംസ്ഥാന നോഡല്‍ ഓഫീസിലേക്ക് ഓണ്‍ലൈനായി പുനര്‍സമര്‍പ്പണം നടത്തണം. നിര്‍ദിഷ്ട തീയതിക്കുശേഷം അപേക്ഷകള്‍ അയയ്ക്കാനാവില്ല. വിശദവിവരങ്ങള്‍ക്ക് സാങ്കേതിക വിദ്യാഭ്യാസ വകുപ്പിന്റെ www.dtekerala.gov.in എന്ന വെബ്‌സൈറ്റില്‍ MCM Scholarship എന്ന ലിങ്കിലും www.scholarships.gov.in ലും ലഭ്യമാണ്.

കൊല്ലം സര്‍ക്കാര്‍ മെഡിക്കല്‍ കോളേജിലെ ഇന്‍സ്റ്റിറ്റിയൂഷണല്‍ റിസര്‍ച്ച് കമ്മിറ്റി ഫ്രണ്ട് ഓഫീസില്‍ ഓഫീസ് അസിസ്റ്റന്റിന്റെ ഒഴിവുണ്ട്. ബിരുദമാണ് യോഗ്യത. കമ്പ്യൂട്ടര്‍ പരിജ്ഞാനം, മെഡിക്കല്‍ കോളേജിലെ ഒരു വര്‍ഷത്തെ പ്രവര്‍ത്തിപരിചയം എന്നിവ അഭികാമ്യം. പ്രായം പരമാവധി 40 വയസ്.  ഉദ്യോഗാര്‍ത്ഥികള്‍ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റ്, പകര്‍പ്പുകള്‍, സര്‍ക്കാര്‍ അംഗീകൃത തിരിച്ചറിയല്‍ കാര്‍ഡ്, പാസ്‌പോര്‍ട്ട് സൈസ് ഫോട്ടോ എന്നിവ സഹിതം നവംബര്‍ 10 ന് രാവിലെ 10.30 ന് മെഡിക്കല്‍ കോളേജിലെ ഇന്‍സ്റ്റിറ്റിയൂഷണല്‍ റിസര്‍ച്ച് കമ്മിറ്റി ഫ്രണ്ട് ഓഫീസില്‍ കൂടിക്കാഴ്ചയ്ക്ക് എത്തണം.