കുന്നത്തൂര്‍ താലൂക്ക് റസിഡന്‍സ് വെല്‍ഫെയര്‍ സഹകരണ സംഘത്തിലെ ക്രമക്കേടുമായി ബന്ധപ്പെട്ട് കൊല്ലം ക്രൈംബ്രാഞ്ച് സാമ്പത്തിക കുറ്റാനേ്വഷണ വിഭാഗം അനേ്വഷിച്ചുവരുന്ന കേസിന്റെ തെളിവെടുപ്പ് നവംബര്‍ 21 മുതല്‍ 23 വരെ ശാസ്താംകോട്ട പൊതുമരാമത്ത് റസ്റ്റ് ഹൗസില്‍ നടക്കും.

ജില്ലാ പദ്ധതി രൂപീകരണ പ്രവര്‍ത്തനങ്ങള്‍ സമയബന്ധിതമായി പൂര്‍ത്തിയാക്കുന്നതിനും ഏകോപിപ്പിക്കുന്നതിനും പരിചയ സമ്പന്നരായവരെ കരാറടിസ്ഥാനത്തില്‍ നിയമനം നടത്തുന്നതിനുള്ള ഇന്റര്‍വ്യൂ നവംബര്‍ 20ന് രാവിലെ 10.30ന് നടക്കും.

എഴുകോണ്‍ ഗവണ്‍മെന്റ് പോളിടെക്‌നിക്ക് കോളേജില്‍ അലൂമിനിയം ഫാബ്രിക്കേഷന്‍, ടിഗ് ആന്റ് മിഗ് വെല്‍ഡിംഗ്, ഓട്ടോകാഡ് എന്നീ വിഷയങ്ങളില്‍ നോര്‍ക്ക-റൂട്ട്‌സ്  തൊഴില്‍ പരിശീലനം നല്‍കും. പരിശീലന കാലയളവ് മൂന്ന് മാസം. പ്രായപരിധി 18നും 45നും ഇടയില്‍. വിദ്യാര്‍ഥികള്‍ കോഴ്‌സ് ഫീസിന്റെ 20 ശതമാനം നല്‍കണം. എസ്.സി/എസ്.ടി വിദ്യാര്‍ഥികള്‍ക്ക് അനുവദനീയമായ സൗജന്യമുണ്ട്.
അപേക്ഷാഫോറം തുടര്‍ വിദ്യാഭ്യാസ കേന്ദ്രം ഓഫീസില്‍ സൗജന്യമായി ലഭിക്കും.

നോര്‍ക്കാ റൂട്ട്‌സിന്റെ സഹായത്തോടെ വ്യാവസായിക പരിശീലന വകുപ്പ് നടപ്പിലാക്കുന്ന തൊഴില്‍ വൈദഗ്ധ്യ പരിശീലന പരിപാടിയുടെ ഭാഗമായി കൊല്ലം മനയില്‍കുളങ്ങര ഗവണ്‍മെന്റ് വനിത ഐ.ടി.ഐ യില്‍ ആട്ടോകാഡ് 2ഡി, 3ഡി, ടോട്ടല്‍ സ്റ്റേഷന്‍ കോഴ്‌സുകളിലേക്ക് അപേക്ഷ ക്ഷണിച്ചു.

അവസാന തീയതി നവംബര്‍ 20. വിശദ വിവരങ്ങള്‍ നോര്‍ക്ക റൂട്ട്‌സ് വെബ്‌സൈറ്റിലും ഐ.ടി.ഐ ഓഫീസിലും ലഭിക്കും. ഫോണ്‍: 0474-2793714, 2797636.

(പി.ആര്‍.കെ.നമ്പര്‍  2530/17)

സംസ്ഥാന പട്ടികജാതി പട്ടികഗോത്രവര്‍ഗ കമ്മീഷന്‍ നിലവിലുള്ള പരാതികളില്‍ തീര്‍പ്പ് കല്‍പ്പിക്കുന്നതിന് നവംബര്‍ 17ന് കലക്‌ട്രേറ്റില്‍ നടത്താന്‍ നിശ്ചയിച്ചിരുന്ന അദാലത്ത് ടി.എം. വര്‍ഗ്ഗീസ് ഹാളിലേക്ക് മാറ്റി. തീയതിയില്‍ മാറ്റമില്ല. 18ന് കൊട്ടാരക്കര പി.ഡബ്ല്യൂ.ഡി റസ്റ്റ്ഹൗസിലും അദാലത്ത് നടക്കും.

(പി.ആര്‍.കെ.നമ്പര്‍  2529/17)

കുട്ടികള്‍ക്ക് ഉച്ചയൂണ് നല്‍കുന്ന പദ്ധതിക്ക്  ഗുണനിലവാരമുളള അരി ലഭ്യമാക്കുന്നതിനും അമൃത് പദ്ധതിയുടെ കാര്യക്ഷമത വര്‍ദ്ധിപ്പിക്കുന്നതിനും കേന്ദ്രസര്‍ക്കാരിനോട് ആവശ്യപ്പെടാന്‍ കൊല്ലം ഡിസ്ട്രിക്ട് ഡവലപ്‌മെന്റ് ആന്റ് കോര്‍ഡിനേറ്റിംഗ് കമ്മിറ്റി (ദിശ) യില്‍ തീരുമാനം.    പ്രധാനമന്ത്രി ആവാസ് യോജന പ്രകാരം ബാങ്ക് വായ്പ യെടുത്ത് വീട് വയ്ക്കുന്ന ഗുണഭോക്താക്കള്‍ക്ക് പലിശ സബ്‌സിഡി നല്‍കുന്നതിനുള്ള പട്ടിക ബാങ്ക് അധികൃതര്‍ ഉടന്‍ ലഭ്യമാക്കണമെന്നും ദിശയില്‍ നിര്‍ദ്ദേശമുണ്ടായി. 

വീടില്ലാത്ത എല്ലാവര്‍ക്കും വീടൊരുക്കാന്‍ സംസ്ഥാന സര്‍ക്കാര്‍ നടപ്പിലാക്കുന്ന പദ്ധതിയായ ലൈഫ് മിഷനില്‍ പള്ളിത്തോട്ടം ക്യു.എസ്.എസ്. കോളനിയിലെ 300 കുടുംബങ്ങള്‍ക്ക് വീടുകള്‍ നിര്‍മ്മിക്കും. എം. മുകേഷ് എം. എല്‍. എ, മേയര്‍ അഡ്വ. വി. രാജേന്ദ്രബാബു, ഡെപ്യൂട്ടി മേയര്‍ വിജയ ഫ്രാന്‍സിസ് എന്നിവരുടെ നേതൃത്വത്തില്‍ കോളനിവാസികളുമായി വീടു നിര്‍മ്മാണം സംബന്ധിച്ച് ആശയവിനിമയം നടത്തി. 
ഫിഷറീസ് വകുപ്പും കോര്‍പറേഷനും ചേര്‍ന്ന് 89 വീടുകള്‍ നിര്‍മിക്കും.

ജില്ലാ സഹകരണ ബാങ്കും ജില്ലയിലെ സര്‍ക്കിള്‍ സഹകരണ യൂണിയനുകളും സംയുക്തമായി സംഘടിപ്പിക്കുന്ന ജില്ലാതല സഹകരണ വാരാഘോഷം ഇന്ന് (നവംബര്‍ 16) തുറമുഖ വകുപ്പ് മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. രാവിലെ ഒന്‍പതിന് ക്യൂ.എ.സി ഗ്രൗണ്ടില്‍ നടക്കുന്ന പരിപാടിയില്‍ മേയര്‍ അഡ്വ. വി. രാജേന്ദ്രബാബു അധ്യക്ഷനാകും.

കൊട്ടാരക്കര സഹകരണ പരിശീലന കേന്ദ്രത്തില്‍ നിന്നും വിവിധ പരീക്ഷകളില്‍ വിജയം നേടിയ വിദ്യാര്‍ഥികള്‍ക്ക് എന്‍.കെ. പ്രേമചന്ദ്രന്‍ എം.പി അവാര്‍ഡുകള്‍ സമ്മാനിക്കും. പ്രസംഗ, പ്രബന്ധ മത്സര വിജയികള്‍ക്ക് ക്യാഷ് അവാര്‍ഡും മെരിറ്റ് സര്‍ട്ടിഫിക്കറ്റും എം. മുകേഷ് എം.എല്‍.എ നല്‍കും.

കൊച്ചി: പ്രൊഫഷണല്‍ കോഴ്‌സിന് ഈ വര്‍ഷം പഠനം തുടങ്ങിയ വിമുക്ത ഭടന്മാരുടെ മക്കള്‍ക്ക് കേന്ദ്രീയ സൈനിക ബോര്‍ഡ് സ്‌കോളര്‍ഷിപ്പിന് (പ്രൈം മിനിസ്റ്റര്‍ സ്‌കോളര്‍ഷിപ്പ് -പിഎംഎസ്എസ്) ഓണ്‍ലൈനായി അപേക്ഷ സമര്‍പ്പിക്കേണ്ട അവസാന തീയതി നവംബര്‍ 30 വരെ നീട്ടി. വിമുക്ത ഭടന്റെ പേരുവിവരങ്ങള്‍ www.ksb.gov.in ല്‍ ഓണ്‍ലൈനായി രജിസ്റ്റര്‍ ചെയ്ത് ഗ്രാന്റിനായി സമര്‍പ്പിച്ച അപേക്ഷയുടെയും അനുബന്ധ രേഖകളുടെയും പ്രിന്റ് ഗടആ സൈറ്റില്‍ നിന്നും എടുത്ത് അസ്സല്‍ രേഖകള്‍ സഹിതം പരിശോധനയ്ക്ക് ജില്ല സൈനിക ക്ഷേമ ഓഫീസില്‍ ഹാജരാകണം.

കൊച്ചി: 2017 നവംബര്‍ മാസം 17,24 ഡിസംബര്‍ 3,15,31 , 2018 ജനുവരി 4,21,27 ഫെബ്രുവരി 23 എന്നീ  തീയതികളില്‍ കൊച്ചി ജവഹര്‍ലാല്‍ നെഹ്‌റു സ്റ്റേഡിയത്തില്‍ നടക്കുന്ന  ഇന്ത്യന്‍ സൂപ്പര്‍ ലീഗ് 2017 ഫുട്‌ബോള്‍ മത്സരങ്ങളോടനുബന്ധിച്ച് കൊച്ചി സിറ്റി ട്രാഫിക് പോലീസ് താഴെപ്പറയുന്ന ഗതാഗതക്രമീകരണങ്ങള്‍ ഏര്‍പ്പെടുത്തുന്നതാണ്.