ആലപ്പുഴ: കൈനകരി ഗ്രാമപഞ്ചായത്തിന്റെ 2023-24 വാര്‍ഷിക പദ്ധതിയില്‍ ഉള്‍പ്പെടുത്തി കുട്ടമംഗലം സ്‌കൂളിലെ വിദ്യാര്‍ഥികള്‍ക്ക് നീന്തല്‍, സംഗീത പഠനം, വാദ്യോപകരണം എന്നിവയില്‍ പരിശീലനം നല്‍കുന്നതിന് നിശ്ചിത യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. താത്പര്യമുള്ളവര്‍ക്ക് യോഗ്യത തെളിയിക്കുന്ന സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പ് സഹിതം ഓഗസ്റ്റ് 11വരെ ഗ്രാമപഞ്ചായത്ത് ഓഫീസില്‍ അപേക്ഷ നല്‍കാം. ഫോണ്‍:  0477-2724235.

ആലപ്പുഴ: അച്ചന്‍ കോവിലാറില്‍ നിന്നും നീക്കം ചെയ്ത മണലും ചെളിയും എക്കലും കലര്‍ന്ന മിശ്രിതം ലേലം ചെയ്യുന്നു. ഓഗസ്റ്റ് 10ന് ഉച്ചക്ക് 12ന് വെണ്‍മണി ഗ്രാമപഞ്ചായത്തിലെ പുന്തല ബി.കെ.വി. എന്‍.എസ്.എസ്. സ്‌കൂളിലാണ് ലേലം. ഫോണ്‍: 9847524381, 9446736999

ആലപ്പുഴ: വസ്തുനികുതി പുതുക്കി നിശ്ചയിക്കുന്നതുമായി ബന്ധപ്പെട്ട് പുറക്കാട് ഗ്രാമപഞ്ചായത്തിലെ കെട്ടിടങ്ങളുടെ വിവര ശേഖരണത്തിനും ഡേറ്റാ എന്‍ട്രിക്കുമായി ഡിപ്ലോമ (സിവില്‍ എന്‍ജിനീയറിങ്്), ഐ.ടി.ഐ. ഡ്രാഫ്റ്റ്സ്മാന്‍ സിവില്‍, ഐ.ടി.ഐ. സര്‍വ്വേയര്‍ എന്നിവയില്‍ കുറയാത്ത യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. ഓഗസ്റ്റ് 11 വരെ അപേക്ഷ പഞ്ചായത്ത് ഓഫീസില്‍ അപേക്ഷ നല്‍കാം. ഫോണ്‍: 0477 2272031.

ആലപ്പുഴ: ഗവണ്‍മെന്റ് പി.പി.ടി.ടി.ഐ.യില്‍ 2023-25 വര്‍ഷത്തെ നഴ്സറി ടീച്ചേഴ്സ് ട്രെയിനിങ് കോഴ്സിന് ഒഴിവുള്ള സീറ്റുകളിലേക്ക് സ്പോട്ട് പ്രവേശനം നടത്തുന്നു. താത്പര്യമുള്ളവര്‍ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം ഓഗസ്റ്റ് ഏഴിന് ഉച്ചകഴിഞ്ഞ് 3 മണിക്ക് മുന്‍പായി പ്രിന്‍സിപ്പാളിന്റെ ഓഫീസില്‍ എത്തണം. ഫോണ്‍: 0477-2236023.

ആലപ്പുഴ: കേരള സ്റ്റേറ്റ് എയ്ഡ്സ് കണ്‍ട്രോള്‍ സൊസൈറ്റിയുടെ ആഭിമുഖ്യത്തില്‍ ഗവണ്‍മെന്റ് ടി.ഡി. മെഡിക്കല്‍ കോളജ് ആശുപത്രിയിലെ ബ്ലഡ് ബാങ്കില്‍ കരാര്‍ അടിസ്ഥാനത്തില്‍ ലാബ് ടെക്‌നിഷ്യനെ നിയമിക്കുന്നു. 

ഡി.എം.എല്‍.റ്റി., ബി.എസ് സി. എം.എല്‍.റ്റി./ എം.എസ് സി എം.എല്‍.റ്റി, പാര മെഡിക്കല്‍ കൗണ്‍സില്‍ രജിസ്ട്രേഷന്‍, ലാബ് ടെക്നീഷ്യന്‍ പ്രവൃത്തി പരിചയം എന്നിവയാണ് യോഗ്യത. അപേക്ഷകര്‍ യോഗ്യത, പ്രായം, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം ഓഗസ്റ്റ് 14ന് വൈകിട്ട് അഞ്ചിനകം ആശുപത്രി സൂപ്രണ്ടിന്റെ ഓഫീസില്‍ അപേക്ഷ നല്‍കണം. ഫോണ്‍: 0477-2282367/68/69.

2024 മാർച്ച് 31 നു മുൻപ് ആലപ്പുഴ ജില്ലയെ സമ്പൂർണ്ണ     മാലിന്യ മുക്ത ജില്ലയാക്കുന്നതിനുള്ള പ്രവർത്തനങ്ങൾ തദ്ദേശ സ്ഥാപനങ്ങളുടേയും MLA മാരുടേയും നേതൃത്വത്തിൽ മുന്നോട്ടു പോകുകയാണ്. മാലിന്യ നിർമ്മാർജ്ജനം ഓരോ വ്യക്തിയുടേയും ജീവിത രീതിയായി മാറിയാലേ  ഈ രംഗത്ത് സ്ഥായിയായ നേട്ടം കൈവരിക്കാനാവൂ. എsâ മാലിന്യം എsâ ഉത്തരവാദിത്തം എന്ന ബോധം എല്ലാവരിലും എത്തിക്കാൻ ഏറ്റവും കൂടുതൽ സാധിക്കുക. ഇതിനായി സ്‌കൂളുകൾ മാലിന്യമുക്തമാകുന്നതു പോലെ തന്നെ വിദ്യാർത്ഥികളുടെ വീടുകളും സഞ്ചരിക്കുന്ന തെരുവുകളും ശുചിയാകണം  ഇതിനുള്ള ഇടപെടലാണ് സ്‌കൂളുകൾക്ക് നടത്താനാവുക.

-നിറച്ചാര്‍ത്ത് മത്സരത്തില്‍ നൂറുകണക്കിന് കുട്ടികള്‍ അണിനിരന്നു

ആലപ്പുഴ: കേരളത്തിലെ പരമ്പരാഗത വ്യവസായങ്ങളെ സംരക്ഷിക്കുക സർക്കാരിന്റെ പ്രഖ്യാപിത നയമാണെന്ന് ഫിഷറീസ്, സാംസ്കാരിക വകുപ്പ് മന്ത്രി സജി ചെറിയാൻ പറഞ്ഞു. കേരള ഖാദി ഗ്രാമ വ്യവസായ ബോർഡിന്റെ ഓണം ഖാദി മേള 2023 ജില്ലാതല ഉദ്ഘാടനം ഖാദി ഗ്രാമ വ്യവസായ ഓഫീസ് അങ്കണത്തിൽ നിർവഹിച്ചു സംസാരിക്കുകയായിരുന്നു മന്ത്രി. 'ഖാദി പഴയ ഖാദിയല്ല' എന്ന മുദ്രാവാക്യം ഖാദിയിലെ മാറ്റത്തെ സൂചിപ്പിക്കുന്നതാണ്. വ്യവസായ വകുപ്പും ഖാദി ബോർഡും ചേർന്ന് നടത്തുന്ന പ്രവർത്തനങ്ങൾ ഖാദി മേഖലയിൽ വലിയ മുന്നേറ്റങ്ങൾക്കും ഉണർവിനും കാരണമായിട്ടുണ്ടെന്നും മന്ത്രി പറഞ്ഞു. ചടങ്ങിൽ എച്ച്. സലാം എം.എൽ.എ. അധ്യക്ഷനായി. 

ഖാദി ഗ്രാമ വ്യവസായ ബോര്‍ഡും അംഗീകൃത ഖാദി സ്ഥാപനങ്ങളും ചേര്‍ന്ന് ഇന്ന് (ഓഗസ്റ്റ് രണ്ട്) മുതല്‍ 28 വരെ ഓണം ഖാദി മേള സംഘടിപ്പിക്കുന്നു. കേരളാ ഖാദി ബോര്‍ഡിന്റെ കീഴിലുള്ള വില്‍പ്പന കേന്ദ്രങ്ങളില്‍ ഖാദി തുണിത്തരങ്ങള്‍ക്ക് 20 മുതല്‍ 30 ശതമാനം വരെ ഗവ റിബേറ്റ് അനുവദിച്ചിട്ടുണ്ട്.

പാലക്കാട് താലൂക്ക് വികസനസമിതി യോഗം ഓഗസ്റ്റ് അഞ്ചിന് രാവിലെ 10.30 ന് പാലക്കാട് താലൂക്ക് കോണ്‍ഫറന്‍സ് ഹാളില്‍ കൂടുമെന്ന് തഹസില്‍ദാര്‍ അറിയിച്ചു.