ഉദ്യോഗസ്ഥർ ജനങ്ങളുടെ ആവശ്യങ്ങളറിഞ്ഞ് കൃത്യമായി കാര്യനിർവഹണം നടത്തി ജനങ്ങളോടുള്ള കടപ്പാട് നിറവേറ്റണമെന്ന് സി സി മുകന്ദൻ എംഎൽഎ. നാട്ടിക നിയോജകമണ്ഡലത്തിലെ വില്ലേജ് ഓഫീസുകളിലേക്ക് എംഎൽഎയുടെ പ്രത്യേക വികസന ഫണ്ടിൽ നിന്നും അനുവദിച്ച ലാപ്ടോപ്പ്, പ്രിന്റർ എന്നിവയുടെ വിതരണോദ്ഘാടനം പുത്തൻപീടിക സെന്റിനറി ഹാളിൽ നിർവഹിച്ച് സംസാരിക്കുകയായിരുന്നു എംഎൽഎ.

വില്ലേജ് ഓഫീസുകളിലെ സാങ്കേതിക പ്രശ്നങ്ങൾക്ക് പരിഹാരമാകണമെന്നും നാട്ടിക നിയോജകമണ്ഡലം പരാതികളില്ലാത്ത മണ്ഡലമായി മാറണമെന്നും എംഎൽഎ പറഞ്ഞു. വില്ലേജ് ഓഫീസുകളിൽ ജനകീയ പങ്കാളിത്തം ഉറപ്പുവരുത്താൻ ഉദ്യോഗസ്ഥർ ശ്രദ്ധിക്കണമെന്നും എംഎൽഎ നിർദ്ദേശിച്ചു.

സാധാരണ ജനങ്ങളുടെ ഏറ്റവും പ്രധാനപ്പെട്ട ആശ്രയമാണ് സഹകരണ സംഘങ്ങൾ എന്ന് ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ.ആർ ബിന്ദു. ആനന്ദപുരം പട്ടികജാതി സർവീസ് സഹകരണ സംഘത്തിന്റെ പുനർജനി സഹകരണ സൂപ്പർമാർക്കറ്റ് ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. പുനർജനി സഹകരണ സൂപ്പർമാർക്കറ്റിന്റെ ശിലാഫലകം മന്ത്രി അനാച്ഛാദനം ചെയ്തു. 

മെയ്ക്ക് ദി ബ്യൂട്ടി സ്പോട്ടിൽ ചെണ്ടുമല്ലി വിളവെടുത്തു 

പറപ്പൂക്കര ഗ്രാമപഞ്ചായത്ത് നാലാം വാർഡും നന്തിക്കര വൊക്കേഷണൽ ഹയർസെക്കൻഡറി സ്കൂളിലെ എൻ എസ് എസ് വിദ്യാർത്ഥികളും ചേർന്ന്   
മേക്ക് ദി ബ്യൂട്ടി സ്പോട്ട് പദ്ധതിയുടെ ഭാഗമായി ദേശീയപാതയോരത്തെ മാലിന്യങ്ങൾ നീക്കം ചെയ്ത് നടത്തിയ പൂകൃഷിയുടെ വിളവെടുപ്പ് നന്തിക്കരയിൽ ജില്ലാ കലക്ടർ വി. ആർ. കൃഷ്ണതേജ ഉദ്ഘാടനം ചെയ്തു. ഈ പദ്ധതി എല്ലാ  ഗ്രാമപഞ്ചായത്തുകൾക്കും മാതൃകയാണെന്ന് കലക്ടർ പറഞ്ഞു. കൃഷി പരിപാലനത്തിന് നേതൃത്വം നൽകിയ നന്തിക്കര വി എച്ച് എസ് ഇ യിലെ  വിദ്യാർത്ഥികളെയും അധ്യാപകരെയും കലക്ടർ അഭിനന്ദിച്ചു. 

വരന്തരപ്പിള്ളി ഗ്രാമപഞ്ചായത്ത്  22-ാം വാർഡിലെ അതിദാരിദ്ര്യ വിഭാഗത്തിൽ ഉൾപ്പെട്ട കാരാത്ര വീട്ടിൽ അന്നമ്മ അന്തോണിക്ക് വീട് ഒരുങ്ങി. 
ലൈഫ് പദ്ധതിയിൽ ഉൾപ്പെടുത്തി നിർമിച്ചു നൽകിയ വീടിന്റെ താക്കോൽ ദാനം പഞ്ചായത്ത്‌ പ്രസിഡന്റ്‌ അജിത സുധാകരൻ നിർവഹിച്ചു. മക്കളില്ലാത്ത അന്നമ്മ - അന്തോണി ദമ്പതികൾ കഴിഞ്ഞിരുന്നത് ജീർണാവസ്ഥയിലായ വാസയോഗ്യമല്ലാത്ത വീട്ടിലായിരുന്നു. തൊഴിലുറപ്പ് ജോലിയിൽ നിന്ന് ലഭിക്കുന്ന വരുമാനം ഉപജീവനമാക്കിയാണ് ഇരുവരും ജീവിക്കുന്നത്.  

ജില്ലയിൽ ഓണാഘോഷങ്ങൾക്ക് മുന്നോടിയായി തീരസുരക്ഷാ ഉറപ്പാക്കാനും കടൽവഴിയുള്ള മദ്യ മയക്കുമരുന്ന് കടത്ത് തടയുന്നതിനുമായി പരിശോധന നടത്തി.കൊടുങ്ങല്ലൂർ എക്‌സൈസ് സർക്കിൾ ഓഫീസ്, ഫിഷറീസ് സ്റ്റേഷൻ അഴീക്കോട് , തീരദേശ പൊലീസ് , മറൈൻ എൻഫോഴസ്മെൻറ് ആന്റ് വിജിലൻസ് വിങ്ങ് എന്നീ  വകുപ്പുകളുടെ നേതൃത്വത്തിലാണ് കടലിൽ സംയുക്ത പരിശോധന നടത്തിയത്.

തൃശൂർ ജില്ലാ എംപ്ലോയ്മെന്റ് എക്സ്ചേഞ്ച് / എംബ്ലോയബിലിറ്റി സെൻററും പൂമല ഫ്യൂച്ചർ എജുസിറ്റിയും സംയുക്തമായി പൂമല ഫ്യൂച്ചർ എജുസിറ്റി കോളേജിൽ സൗജന്യ മെഗാ തൊഴിൽ മേള സംഘടിപ്പിച്ചു. സേവ്യർ ചിറ്റിലപ്പിള്ളി എം എൽ എ ഉത്ഘാടനം ചെയ്തു. മുളങ്കുന്നത്തുകാവ് പഞ്ചായത്ത് പ്രസിഡന്റ് കെ.ജെ. ദേവസ്സി അധ്യക്ഷത വഹിച്ചു. മുളങ്കുന്നത്തുകാവ് പഞ്ചായത്തംഗം ഫ്രാൻസി ഫ്രാൻസിസ്, എംപ്ലോയ്മെന്റ് ഓഫീസർമാരായ റെക്സ് തോമസ് ഇ., ബിജു ടി. ജി, ഫ്യൂച്ചർ എജുസിറ്റി കോളേജ് പ്രിൻസിപ്പൽ ഡോ. പി. അഹമ്മദ് എന്നിവർ ആശംസകളർപ്പിച്ചു. ചടങ്ങിൽ തൃശൂർ ജില്ലാ എംപ്ലോയ്മെന്റ് ഓഫീസർ സമീറ. എൻ. വി.

കോട്ടയം: ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്സസ് ഡെവലപ്മെന്റിന്റെ ആഭിമുഖ്യത്തിൽ നടത്തുന്ന വവിവിധ കോഴ്സുകൾക്ക് അപേക്ഷിക്കുന്നതിനുള്ള തീയതി നീട്ടി.

കോട്ടയം: ചെങ്ങന്നൂർ ഗവൺമെന്റ് ഐ.ടി.ഐയിൽ ആരംഭിച്ച മൂന്നു മാസം ദൈർഘ്യമുള്ള അഡ്വാൻസ് സർവേയിംഗ് ഹ്രസ്വകാല കോഴ്സിൽ ഒഴിവുള്ള ഏതാനും സീറ്റുകളിലേക്ക് അപേക്ഷ ക്ഷണിച്ചു. സിവിൽ എൻജിനിയറിംഗിൽ ബിരുദം/ ഡിപ്ലോമ അല്ലെങ്കിൽ സർവേയർ/ ഡ്രാഫ്റ്റ്സ്മാൻ സിവിൽ ട്രേഡിൽ നാഷണൽ ട്രേഡ് സർട്ടിഫിക്കറ്റ് ആണ് വിദ്യാഭ്യാസ യോഗ്യത.  താത്പര്യമുള്ളവർ ബന്ധപ്പെട്ട സർട്ടിഫിക്കറ്റുകളുമായി ഐ.ടി.ഐയിൽ  ഹാജരാകണം. വിശദ വിവരത്തിന് ഫോൺ: 0479 2452210, 2953150 , 9446079191

കോട്ടയം:  കേരളാ സ്റ്റേറ്റ് സ്പോർട്സ് കൗൺസിലിന്റെ നിയന്ത്രണത്തിലുള്ള എലൈറ്റ് സ്‌കീമിലേയ്ക്ക് (അത്ലറ്റിക്സ്) കായികതാരങ്ങളെ തിരഞ്ഞെടുക്കുന്നു. ഓഗസ്റ്റ് 18 രാവിലെ എട്ടിന് തിരുവനന്തപുരം യൂണിവേഴ്സിറ്റി സ്റ്റേഡിയത്തിലാണ് സെലക്ഷൻ ട്രയൽസ് നടത്തുന്നത്.  ജൂനിയർ, സീനിയർ, നാഷണൽ, മറ്റ് ഓപ്പൺ നാഷണൽ മത്സരങ്ങളിൽ ഫൈനലിൽ പ്രവേശിച്ചവർക്ക് സെലക്ഷൻ ട്രയൽസിൽ പങ്കെടുക്കാം. നിലവിലെ സ്പോർട്സ് ഹോസ്റ്റലുകളിലെ കായികതാരങ്ങൾ പങ്കെടുക്കേണ്ടതില്ല. 16 മുതൽ 25 വയസുവരെയുള്ള പുരുഷ വനിതാ കായികതാരങ്ങളെയാണ് പരിഗണിക്കുന്നത്.

കോട്ടയം: കേരള സ്‌റ്റേറ്റ് ഇലക്ട്രിസിറ്റി ലൈസൻസിംഗ് ബോർഡ് നടത്തിയ വയർമാൻ എഴുത്തുപരീക്ഷ 2022 വിജയിച്ച കോട്ടയം ജില്ലയിലെ പരീക്ഷാർത്ഥികൾക്ക് ഓഗസ്റ്റ് 17 മുതൽ 23 വരെ നാട്ടകം ഗവൺമെന്റ് പോളിടെക്‌നിക് കോളേജിൽ പ്രായോഗിക പരീക്ഷ നടത്തും. ഹാൾ ടിക്കറ്റ് ലഭിക്കാത്തവർ ജില്ലാ ഇലക്ട്രിക്കൽ ഇൻസ്‌പെക്ടറേറ്റ് ഓഫീസിൽ ഹാജരായി ഡ്യൂപ്ലിക്കേറ്റ് ഹാൾ ടിക്കറ്റ് കൈപ്പറ്റണം.