ആലപ്പുഴ: വനിത ശിശു വികസന വകുപ്പിന്റെ മുതുകുളം അഡീഷണല്‍ ഐ.സി.ഡി.എസ്. ഓഫീസ് പരിധിയില്‍ വരുന്ന 132 അങ്കണവാടികളിലേക്ക് 2023-24 സാമ്പത്തിക വര്‍ഷം അങ്കണവാടി പ്രീ-സ്‌കൂള്‍ കിറ്റുകള്‍ വിതരണം ചെയ്യുന്നതിന് അംഗീകൃത സ്ഥാപനങ്ങള്‍ നിന്നും ദര്‍ഘാസ് ക്ഷണിച്ചു.
മുതുകുളം ഐ.സി.ഡി.എസ്. പ്രോജക്ട് ഓഫീസില്‍ ഫെബ്രുവരി 20 പകല്‍ 3.30 വരെ ദര്‍ഘാസുകള്‍ സ്വീകരിക്കും. വിവരങ്ങള്‍ക്ക് : 0479 2442059

പൊന്നാനി നിള ടൂറിസം റോഡില്‍ വാഹന പരിശോധന കര്‍ശനമാക്കാന്‍ ജില്ലാ കളക്ടര്‍ വി ആര്‍ വിനോദിന്റെ അധ്യക്ഷതയില്‍ ചേര്‍ന്ന റോഡ് സുരക്ഷാ യോഗത്തില്‍ തീരുമാനം. പാതയില്‍ വാഹനാപകടങ്ങള്‍ വര്‍ധിക്കുന്നുവെന്ന പരാതിയെ തുടര്‍ന്നാണ് തീരുമാനം. പാതയിലെ അനധികൃത നിര്‍മാണങ്ങള്‍ ഒഴിപ്പിക്കാനും റോഡിലെ വാഹന പാര്‍ക്കിങ് തടയാനും യോഗത്തില്‍ തീരുമാനിച്ചു. ടൂറിസം പാതയില്‍ ജില്ലാ കളക്ടറുടെ നേതൃത്വത്തില്‍ വിവിധ വകുപ്പുകളുടെ സംയുക്ത പരിശോധന നടത്തി ആവശ്യമായ നടപടി സ്വീകരിക്കും.

കോട്ടയം: ഏറ്റുമാനൂർ നഗരസഭയിലെ ചെറുവാണ്ടൂർ, തുമ്പശേരിയിലും വൈക്കം നഗരസഭയിലെ ചുള്ളിത്തറയിലുമുള്ള നഗര ജനകീയാരോഗ്യകേന്ദ്രങ്ങൾ മുഖ്യമന്ത്രി പിണറായി വിജയൻ ഓൺലൈനായി ഉദ്ഘാടനം ചെയ്തു. ഉച്ചയ്ക്ക് രണ്ടു മുതൽ രാത്രി എട്ടുവരെയാണ്  നഗര ജനകീയ ആരോഗ്യ കേന്ദ്രത്തിന്റെ പ്രവർത്തന സമയം. ഡോക്ടർ, നഴ്സ്, ഫാർമസിസ്റ്റ് എന്നിവരുടെ സേവനം ആരോഗ്യ കേന്ദ്രത്തിൽ ലഭ്യമാകും.

കല്‍പകഞ്ചേരി 33 കെ.വി സബ് സ്റ്റേഷനില്‍ പുതിയ 11 കെ.വി ഫീഡര്‍ പാനല്‍ ഘടിപ്പിക്കുന്ന ജോലികളും വാര്‍ഷിക അറ്റകുറ്റപ്പണികളും നടക്കുന്നതിനാല്‍ ഇന്ന് (ഫെബ്രുവരി 17) രാവിലെ എട്ടുമുതല്‍ വൈകിട്ട് അഞ്ചുവരെ കല്‍പകഞ്ചേരി സബ് സ്റ്റേഷനില്‍ നിന്നുള്ള കല്ലിങ്ങല്‍, കുറുക, നെരാല, ഇരിങ്ങാവൂര്‍ എന്നീ ഫീഡറുകളില്‍ വൈദ്യുതി മുടങ്ങുമെന്ന് സ്റ്റേഷന്‍ എഞ്ചിനീയര്‍ അറിയിച്ചു.

 --ആശുപത്രിക്കും ഡോക്ടര്‍ക്കുമെതിരേ നിയമനടപടിക്ക് ശുപാര്‍ശ

കുടുംബശ്രീ സി.ഡി.എസുകളുടെ നേതൃത്വത്തില്‍ നടക്കുന്ന ജീവകാരുണ്യ പ്രവര്‍ത്തങ്ങളുടെ ഭാഗമായി കൈത്താങ്ങ് പദ്ധതി പ്രകാരം ഏലംകുളം അയല്‍ക്കൂട്ടത്തില്‍ നിന്നും ശേഖരിച്ച തുക സി.ഡി.എസ് അംഗത്തിന് കൈമാറി.  ഒന്നാം വാര്‍ഡ്  സി.ഡി.എസ് അംഗം സരോജിനിക്കാണ് വീട് നിര്‍മാണത്തിലേക്ക്  50,000 രൂപ കുടുംബശ്രീ ജില്ലാ മിഷന്‍ കോര്‍ഡിനേറ്റര്‍   ജാഫര്‍ കെ കക്കൂത്ത് കൈമാറിയത്. ഏലംകുളം സി.ഡി.എസ് സുനിത, എ.ഡി.എസുമാര്‍, കുടുംബശ്രീ ബ്ലോക്ക് കോര്‍ഡിനേറ്റര്‍മാര്‍ എന്നിവര്‍  സന്നിഹിതരായി.

കോട്ടയം: എല്ലാ ആരോഗ്യ കേന്ദ്രങ്ങളിലും ലാബ് സൗകര്യമുള്ള ആദ്യ സംസ്ഥാനമായി ഈ വർഷം കേരളം മാറുമെന്ന് ആരോഗ്യ വകുപ്പ് മന്ത്രി വീണ ജോർജ് പറഞ്ഞു. തിരുവനന്തപുരം ടാഗോർ തിയറ്റർ ഹാളിൽ നടന്ന ചടങ്ങിൽ പുതുതായി ആരംഭിക്കുന്ന 42 നഗര ജനകീയ ആരോഗ്യ കേന്ദ്രങ്ങളുടെയും 37 ഐസൊലേഷൻ വാർഡുകളുടേയും ഉദ്ഘാടനച്ചടങ്ങിൽ അധ്യക്ഷത വഹിച്ചു പ്രസംഗിക്കുകയായിരുന്നു മന്ത്രി. ജീവിതശൈലി രോഗങ്ങൾ

ദേശീയ ബാലികാദിനത്തിന്റെ ഭാഗമായി ജില്ലാ ഭരണകൂടവും ജില്ലാ വനിതാ ശിശു വികസന ഓഫീസും സംയുക്തമായി പുറത്തിറക്കിയ ബേഠി ബച്ചാവോ ബേഠി പഠാവോ സ്റ്റിക്കറിന്റെ പ്രകാശനം ജില്ലാ കളക്ടര്‍ വി.ആര്‍ വിനോദ് നിര്‍വഹിച്ചു. ഉജ്ജ്വല ബാല്യം ജേതാവായ അഭിമന്യു ശങ്കര്‍ സി.ബി യാണ് ചിത്രം തയ്യാറാക്കിയത്.   പ്രകാശന ചടങ്ങില്‍ അസിസ്റ്റന്റ് കളക്ടര്‍ സുമിത്കുമാര്‍ താക്കൂര്‍, ജില്ലാ വനിതാ ശിശു വികസന ഓഫീസര്‍ കെ.വി ആശാ മോള്‍ തുടങ്ങിയവര്‍ പങ്കെടുത്തു.

കോട്ടയം: ഉയർന്ന ചികിത്സാ ചെലവിന്റെ പേരിൽ ആർക്കും ചികിത്സ ലഭിക്കാത്ത അവസ്ഥ സംസ്ഥാനത്ത് ഉണ്ടാവരുതെന്ന് മുഖ്യമന്ത്രി പിണറായി വിജയൻ പറഞ്ഞു. സംസ്ഥാനത്ത് പുതുതായി ആരംഭിച്ച 42 നഗര ജനകീയ ആരോഗ്യ കേന്ദ്രങ്ങളുടെയും 37 ഐസൊലേഷൻ വാർഡുകളുടെയും ഉദ്ഘാടനവും അപൂർവ രോഗപരിചരണ പദ്ധതിയായ 'കെയറി'ന്റെ പ്രഖ്യാപനവും തിരുവനന്തപുരം ടാഗോർ തിയറ്റർ ഹാളിൽ നിർവഹിച്ച് പ്രസംഗിക്കുകയായിരുന്നു അദ്ദേഹം.

ജില്ലാ എംപ്ലോയ്‌മെന്റ് എക്‌സ്‌ചേഞ്ച് എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ മഞ്ചേരി  ഏറനാട് നോളേജ് സിറ്റിയില്‍ നടത്തിയ തൊഴില്‍മേളയില്‍ 152 ഉദ്യോഗാര്‍ഥികള്‍ക്ക് വിവിധ സ്വകാര്യ സ്ഥാപനങ്ങളില്‍ നിയമനം ലഭിച്ചു.  222 പേരെ വിവിധ ഒഴിവുകളിലേക്ക് ഷോര്‍ട്ട് ലിസ്റ്റ് ചെയ്തു. 1,200 ഓളം ഉദേ്യാഗാര്‍ത്ഥികള്‍ പങ്കെടുത്ത തൊഴില്‍മേളയില്‍ 35 കമ്പനികള്‍ പങ്കെടുത്തു. തൊഴില്‍മേള  തൃക്കലങ്ങോട് ഗ്രാമപഞ്ചായത്ത് പ്രസിഡന്റ് എന്‍.പി ഷാഹിദ മുഹമ്മദ് ഉദ്ഘാടനം ചെയ്തു.  ഏറനാട് നോളേജ് സിറ്റി കോളേജ് ഓഫ് ആര്‍ട്‌സ്  ആന്റ് സയന്‍സ് പ്രിന്‍സിപ്പല്‍ സുചിത്ര വര്‍മ അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് കെ.