കോട്ടയം: സേവനമേഖലയിൽ ഭവന നിർമാണത്തിനും ക്ഷേമ പദ്ധതികൾക്കും ഊന്നൽ നൽകി മീനച്ചിൽ ഗ്രാമപഞ്ചായത്ത് 2024-25 വാർഷിക ബജറ്റ് വൈസ് പ്രസിഡന്റ് ലിൻസി മാർട്ടിൻ അവതരിപ്പിച്ചു. ഗ്രാമ പഞ്ചായത്ത് പ്രസിഡന്റ് ഗ്രാമപഞ്ചായത്ത് ഹാളിൽ നടന്ന യോഗത്തിൽ സാജോ പൂവത്താനി അധ്യക്ഷത വഹിച്ചു. 21.64 കോടി രൂപ വരവും 21.14 കോടി രൂപ ചെലവും 49.48 ലക്ഷം രൂപ മിച്ചവും പ്രതീക്ഷിക്കുന്ന ബജറ്റാണ് അവതരിപ്പിച്ചത്.

കോട്ടയം: സ്ത്രീ-വയോജന-ഭിന്നശേഷി പദ്ധതികൾക്ക് ഊന്നൽ നൽകി ഏറ്റുമാനൂർ ബ്ലോക്ക് പഞ്ചായത്ത് 2024-25 വാർഷിക ബജറ്റ്. 47.97 കോടി രൂപ വരവും 47.83 കോടി രൂപ ചെലവും 13.8 ലക്ഷം രൂപ നീക്കിയിരിപ്പും വരുന്ന ബജറ്റാണ് ബ്ലോക്ക് പഞ്ചായത്ത് വൈസ് പ്രസിഡന്റ് എ.എം. ബിന്നു അവതരിപ്പിച്ചത്. ഏറ്റുമാനൂർ ബ്ലോക്ക് പഞ്ചായത്ത് ഹാളിൽ ചേർന്ന യോഗത്തിൽ ബ്ലോക്ക് പഞ്ചായത്ത് പ്രസിഡന്റ് ആര്യ രാജൻ അധ്യക്ഷത വഹിച്ചു.

കോട്ടയം :സംസ്ഥാന വിവരാവകാശ കമ്മീഷണർ ഡോ. കെ. എം ദിലീപ് കളക്ടറേറ്റ് കോൺഫറൻസ് ഹാളിൽ വെച്ച് ഇന്ന് (ഫെബ്രുവരി 13)രാവിലെ 10മണി മുതൽ സിറ്റിംഗ്  നടത്തും.

കോട്ടയം: കൊല്ലം ഇൻഡസ്ട്രിയൽ ട്രൈബ്യൂണൽ സുനിത വിമൽ ഫെബ്രുവരി 17,24 തീയതികളിൽ പീരുമേടും ആറ് , 13, 20 തീയതികളിൽ പുനലൂരിലും മറ്റു പ്രവൃത്തിദിനങ്ങളിൽ ആസ്ഥാനത്തും തൊഴിൽ തർക്കകേസുകളും എംപ്ലോയീസ് ഇൻഷുറൻസ് കേസുകളും എംപ്ലോയീസ് കോമ്പൻസേഷൻ കേസുകളും വിചാരണ നടത്തും.

കോട്ടയം: ജില്ലയിൽ വിവിധ വകുപ്പുകളിലെ  ഡ്രൈവർ ഗ്രേഡ് (എൽ.ഡി.വി) ഡ്രൈവർ കം ഓഫീസ് അറ്റൻഡന്റ്  (എൽ.ഡി.വി തസ്തികമാറ്റം) ( കാറ്റഗറി നമ്പർ 020/2021)തസ്തികയിലേക്ക് പ്രസിദ്ധീകരിച്ച റാങ്ക് പട്ടികയിലെ എല്ലാവരെയും നിയമനശുപാർശ ചെയ്തതിനാൽ 2023 നവംബർ 22 ന് പൂർവാഹ്നത്തിൽ റാങ്ക് പട്ടിക റദ്ദായതായി പി.എസ്.സി. ജില്ലാ ഓഫീസർ അറിയിച്ചു.

കോട്ടയം: സംസ്ഥാനത്തെ സ്വകാര്യ ആശുപത്രി  മേഖലയിലെ തൊഴിലാളികളുടെ മിനിമം വേതനം പരിഷ്‌ക്കരിക്കുന്നതിന് ലേബർ കമ്മിഷണറുടെ അധ്യക്ഷതയിൽ  തെളിവെടുപ്പ് യോഗം ഫെബ്രുവരി 20ന്  രാവിലെ 11ന്  കോട്ടയം ജില്ലാ പഞ്ചായത്ത് ഹാളിൽ ചേരും. പ്രസ്തുത യോഗത്തിൽ ബന്ധപ്പെട്ട തൊഴിലാളി -തൊഴിലുടമ പ്രതിനിധികൾ പങ്കെടുക്കണമെന്നു ജില്ലാ ലേബർ ഓഫീസർ അറിയിച്ചു.  

കോട്ടയം: മെഡിക്കൽ കോളേജിലെ സ്റ്റാഫ് സ്റ്റുഡൻസ് കാന്റീൻ  മാർച്ച് മുതൽ ഒരു വർഷത്തേക്ക് നടത്തുന്നതിന് സ്ഥാപനങ്ങൾ,ഏജൻസികൾ,കരാറുകാർ,സഹകരണസംഘങ്ങൾ,കുടുംബശ്രീ യൂണിറ്റുകൾ എന്നിവയിൽ നിന്നും  ക്വട്ടേഷൻ ക്ഷണിച്ചു. ഫെബ്രുവരി 20ന് ഉച്ചയ്ക്ക് 12 മണിവരെ ക്വട്ടേഷൻ സ്വീകരിക്കും. അന്നേ ദിവസം ഉച്ചകഴിഞ്ഞ് 2.30 ന് തുറക്കും.ഫോൺ: 0481 -2597279, 2597284

കോട്ടയം: സംസ്ഥാന ഉന്നത വിദ്യാഭ്യാസ വകുപ്പ് സംരംഭമായ അസാപ് കേരളയുടെ കോട്ടയം പാമ്പാടി കമ്മ്യൂണിറ്റി സ്‌കിൽ പാർക്കിൽ  പ്രധാനമന്ത്രി കൗശൽ വികാസ് യോജനയുടെ കീഴിൽ ഓഫീസ് അസിസ്റ്റന്റ്,  സോഫ്റ്റ്‌വേർ പ്രോഗ്രാമർ എന്നീ കോഴ്സുകൾക്ക് 100% സ്‌കോളർഷിപ്പോടുകൂടി അഡ്മിഷൻ ആരംഭിച്ചിരിക്കുന്നു.കൂടുതൽ വിവരങ്ങൾക്കു ബന്ധപ്പെടുക: 8289810279, 8921636122.
രജിസ്റ്റർ ലിങ്ക് : https://link.asapcsp.in/pmkvyktm