ആലപ്പുഴ: വനിതകളുടെ പൂര്‍ണ നിയന്ത്രണത്തില്‍ ജില്ലയില്‍ ഒന്‍പത് സ്ത്രീ സൗഹൃദ (പിങ്ക്)ബൂത്തുകള്‍. ഓരോ നിയമസഭ മണ്ഡലത്തിലും ഓരോ പിങ്ക് ബൂത്ത് വീതമാണ് സജ്ജമാക്കിയിട്ടുള്ളത്. ബൂത്തിലെ പ്രിസൈഡിംഗ് ഓഫീസര്‍ ഉള്‍പ്പടെ എല്ലാ ഉദ്യോഗസ്ഥരും വനിതകള്‍ ആയിരിക്കും. 

'തിരഞ്ഞെടുപ്പ് മഹോത്സവം രാജ്യത്തിന്റെ അഭിമാനം' എന്ന സന്ദേശമുയർത്തി തിരുവനന്തപുരത്ത് സംഘടിപ്പിച്ച തിരഞ്ഞെടുപ്പ് വിളബംരഘോഷയാത്രയോടെ സംസ്ഥാനത്തുടനീളം സംഘടിപ്പിച്ച സ്വീപ് ((സിസ്റ്റമാറ്റിക് വോട്ടേഴ്സ് എഡ്യൂക്കേഷൻ ആന്റ് ഇലക്ടറൽ പാർട്ടിസിപ്പേഷൻ) ബോധവത്കരണ പരിപാടികൾക്ക് ആഘോഷപ

ആരോഗ്യ വകുപ്പില്‍ ഫാര്‍മസിസ്റ്റ് ഗ്രേഡ് രണ്ട് (പട്ടികവര്‍ഗക്കാര്‍ക്കുമാത്രം) (കാറ്റഗറി നം. 421/2022) തസ്തികയുടെ റാങ്ക്പട്ടിക റദ്ദായി.

ജില്ലയില്‍ ഏപ്രില്‍ 29 വരെ ഉയര്‍ന്ന താപനില 39 ഡിഗ്രി സെല്‍ഷ്യസ് വരെ (സാധാരണയെക്കാള്‍ 2 മുതല്‍ 4 ഡിഗ്രി വരെ കൂടുതല്‍) ഉയരാന്‍ സാധ്യതയെന്ന് കാലാവസ്ഥ വകുപ്പ് അറിയിച്ചിട്ടുള്ള സാഹചര്യത്തില്‍ എല്ലാവരും ജാഗ്രത പാലിക്കണമെന്ന് ജില്ലാ ദുരന്തനിവാരണ അതോറിറ്റി ചെയര്‍മാനായ ജില്ലാ കലക്ടര്‍ എന്‍. ദേവിദാസ്.  

ലോക്‌സഭ തിരഞ്ഞെടുപ്പില്‍ ജില്ലയിലെ മുഴുവന്‍ പോളിങ് ബൂത്തുകളിലും പ്രിസൈഡിങ് ഓഫീസര്‍, ഫസ്റ്റ് -സെക്കന്റ് -തേര്‍ഡ് പോളിങ് ഓഫീസര്‍മാര്‍ എന്നിവരുടെ വിന്യാസം പൂര്‍ത്തിയായി എന്ന് തിരഞ്ഞെടുപ്പ് വരണാധികാരിയായ ജില്ലാ കലക്ടര്‍ എന്‍. ദേവിദാസ് .

ജില്ലയില്‍ 1951 ബൂത്തുകളിലായി 2325 പ്രിസൈഡിങ് ഓഫീസര്‍, 2325 ഫസ്റ്റ് പോളിങ് ഓഫീസര്‍, 4650 സെക്കന്റ് -തേര്‍ഡ് പോളിങ് ഓഫീസര്‍ എന്നിവരുടെ വിന്യാസം പൂര്‍ത്തിയായി. പോളിങ് സാമഗ്രികളുമായി ഉദ്യോഗസ്ഥര്‍ ബൂത്തുകളില്‍ എത്തി ക്രമീകരണങ്ങള്‍ നടത്തി തിരഞ്ഞെടുപ്പ് ദിന പ്രവര്‍ത്തനങ്ങള്‍ക്ക് സജ്ജമാണ് .

ഇലക്ഷന്‍ പ്രക്രിയയുടെ തത്സമയനിരീക്ഷണത്തിനായി വിപുലമായ ജില്ലാതല കേന്ദ്രീകൃത 'വാര്‍ റൂം' പ്രവര്‍ത്തനം ആരംഭിച്ചതായി ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ എന്‍. ദേവിദാസ് . ലോക്‌സഭാ മണ്ഡലത്തിലെ ബൂത്തുകളുടെ നിരീക്ഷണം, പ്രശ്‌നബാധിത ബൂത്തുകള്‍ക്കായി വെബ് കാസ്റ്റിംഗ് സംവിധാനംമുഖേനയുള്ള പ്രത്യേക ടീമിനെ നിയോഗിച്ചുള്ള നിരീക്ഷണം, ക്വിക്ക് റെസ്‌പോണ്‍സ് ടീം എന്നിവയടങ്ങുന്നതാണ് കലക്ട്രേറ്റില്‍ പ്രവര്‍ത്തിക്കുന്ന വാര്‍ റൂം. പോളിങ് സാമഗ്രികളുടെ വിതരണം, ഉദ്യോഗസ്ഥവിന്യാസത്തിന്റെ നിരീക്ഷണം എന്നിവ പോള്‍ മാനേജര്‍ സംവിധാനം ഉപയോഗിച്ച് നിരീക്ഷിക്കും.

ലോക്‌സഭാ തിരഞ്ഞെടുപ്പിനുള്ള ഒരുക്കങ്ങളെല്ലാം ജില്ലയില്‍ പൂര്‍ത്തിയായി എന്ന് വരണാധികാരിയായ ജില്ലാ കലക്ടര്‍ എന്‍. ദേവിദാസ്. സ്‌ട്രോംഗ് റൂമുകളില്‍ നിന്ന് വോട്ടിംഗ് യന്ത്രങ്ങള്‍ രാവിലെ പുറത്തെടുത്താണ് തിരഞ്ഞെടുപ്പ് ജോലിക്കുള്ള ഉദ്യോഗസ്ഥ വിന്യാസത്തിന് തുടക്കമായത്. ലോക്‌സഭാ മണ്ഡലപരിധിയില്‍ ഉള്‍പ്പെടുന്ന ഏഴു നിയോജമണ്ഡലങ്ങള്‍ക്കുമുള്ള വിതരണ കേന്ദ്രങ്ങളില്‍ നിന്ന് അസിസ്റ്റന്റ് റിട്ടേണിംഗ് ഓഫീസര്‍മാരുടെ ചുമതലയിലാണ് വോട്ടിംഗ് സാമഗ്രികള്‍ കൈമാറിയത്. എല്ലാ ബൂത്തുകളിലും കുടിവെള്ളം, ശുചിമുറി, റാമ്പ്, വെളിച്ചം തുടങ്ങി അടിസ്ഥാന സൗകര്യങ്ങളെല്ലാം ഏര്‍പ്പെടുത്തി.

പൊതുതിരഞ്ഞെടുപ്പിലെ ആള്‍മാറാട്ടം തടയുന്നതിനും സുതാര്യത ഉറപ്പുവരുത്താനും പോളിങ് ഉദ്യോഗസ്ഥര്‍ക്കായി തയ്യാറാക്കിയ 'എ.എസ്.ഡി മോണിറ്റര്‍ സി.ഇ.ഒ കേരള' ആപ്പ്, പോളിങ് വിവരങ്ങള്‍ അപ്‌ഡേറ്റ് ചെയ്യുന്നതിനുള്ള പോള്‍ മാനേജര്‍ ആപ്പ്, എന്‍കോര്‍ സോഫ്‌റ്റ്വെയര്‍ എന്നിവയുടെ പ്രവര്‍ത്തനങ്ങള്‍ കളക്ടറേറ്റിലെ എന്‍.ഐ.സി വീഡിയോ കോണ്‍ഫറന്‍സ് റൂമില്‍ സജ്ജമാക്കിയ കമ്മ്യൂണിക്കേഷൻ കണ്‍ട്രോള്‍ റൂമില്‍ നിരീക്ഷിക്കും.

* സമാധാനപരമായി വോട്ടര്‍മാര്‍ക്ക് യാതൊരു വിധ തടസ്സത്തിനും വിധേയമാകാതെ അവരുടെ സമ്മതിദാനാവകാശം വിനിയോഗിക്കുന്നതിനുള്ള പൂര്‍ണ സ്വാതന്ത്ര്യം ഉറപ്പുവരുത്തുന്നതിനായി തിരഞ്ഞെടുപ്പ് ഡ്യൂട്ടിയിലുള്ള ഉദ്യോഗസ്ഥരുമായി സഹകരിക്കുക.

* അംഗീകൃത പ്രവര്‍ത്തര്‍ക്ക്  ബാഡ്ജുകളും ഐഡന്റിറ്റി കാര്‍ഡുകളും നല്‍കുക.

* സമ്മതിദായകര്‍ക്ക് വിതരണം ചെയ്യുന്ന സ്ലിപ്പുകള്‍ വെറും (വെള്ള) കടലാസില്‍ ആയിരിക്കുമെന്നും അതില്‍ ഏതെങ്കിലും ചിഹ്നമോ സ്ഥാനാര്‍ഥിയുടെ പേരോ കക്ഷിയുടെ പേരോ ഇല്ലെന്നും ഉറപ്പാക്കുക.

* വോട്ടെടുപ്പ് ദിവസം മദ്യം നല്‍കുകയോ വിതരണം നടത്തുകയോ ചെയ്യരുത്.

തിരഞ്ഞെടുപ്പുമായി ബന്ധപ്പെട്ട് പത്ര- ഇലക്ട്രോണിക് - സാമൂഹിക മാധ്യമങ്ങളിലും പ്രചരിക്കുന്ന പെയ്ഡ് വാര്‍ത്തകളും സര്‍ട്ടിഫിക്കേഷനില്ലാതെ പ്രസിദ്ധീകരിക്കുന്ന/ സംപ്രേഷണം ചെയ്യുന്ന പരസ്യങ്ങളും നിരീക്ഷിക്കാന്‍ മീഡിയ സര്‍ട്ടിഫിക്കേഷന്‍ മോണിറ്ററിങ് കമ്മിറ്റി (എം.സി.എം.സി.) കളക്ടറേറ്റിലെ ഒന്നാം നിലയില്‍ സജ്ജമാക്കിയ 94-ാം ഹാളില്‍ പ്രവര്‍ത്തിച്ചു വരുന്നു. ഇതിനുപുറമെ വ്യാജവാര്‍ത്തകളും നിരീക്ഷിക്കുന്നുണ്ട്. സെല്ലില്‍ ജില്ലാ ഇന്‍ഫര്‍മേഷന്‍ ഓഫീസറും മീഡിയ & കമ്മ്യൂണിക്കേഷന്‍ നോഡല്‍ ഓഫീസറുമായ എന്‍. സതീഷ്‌കുമാറിന്റെ നേതൃത്വത്തില്‍ ഇരുപതോളം പേരാണ് നിരീക്ഷിക്കുന്നത്.