നിപ സമ്പർക്ക പട്ടികയിൽ ഉണ്ടായിരുന്ന 23 പേരെ പട്ടികയിൽ നിന്ന് ഒഴിവാക്കി. ബുധനാഴ്ച സമ്പർക്ക പട്ടികയിൽ ഉള്ളത് 17 പേർ. പുതുതായി ആരെയും സമ്പർക്ക പട്ടികയിൽ ഉൾപ്പെടുത്തിയിട്ടില്ല. കോൾ സെന്ററിൽ ഒരു ഫോൺ കോളാണ് വന്നത്. ഇതുവരെ 1,476 പേർ കോൾ സെന്ററിൽ ബന്ധപ്പെട്ടു.

കണ്ണൂക്കര-ഒഞ്ചിയം വില്യാപ്പള്ളി-വടകര റൂട്ടിലേക്ക് പുതുതായി അനുവദിച്ച കെ.എസ്.ആർ.ടി.സി ബസ് സർവീസ് കെ.കെ രമ എം.എൽ.എ ഫ്‌ളാഗ് ഓഫ് ചെയ്തു.  ഈ ഭാഗങ്ങളിലെ ജനങ്ങളുടെ യാത്ര ക്ലേശത്തിനാണ് കെ.എസ്.ആർ.ടി.സി ബസ് സർവീസിലൂടെ പരിഹാരമാകുന്നത്. 

ജില്ലയിൽ കനത്ത മഴയെ തുടർന്ന് ഏർപ്പെടുത്തിയിരുന്ന നിയന്ത്രണങ്ങൾ പിൻവലിച്ചു. മഴ കുറഞ്ഞതിനാലാണ് നിയന്ത്രണങ്ങൾ പിൻവലിച്ചത്. ജില്ലയിലെ ക്വാറികളുടെ പ്രവർത്തനം, എല്ലാ തരത്തിലുമുളള മണ്ണെടുക്കൽ, ഖനനം, കിണർ നിർമ്മാണ പ്രവർത്തനങ്ങൾ എന്നിവയ്ക്കുള്ള നിയന്ത്രണങ്ങളാണ് പിൻവലിച്ചത്. വെളളച്ചാട്ടങ്ങൾ, നദീതീരങ്ങൾ, ബീച്ചുകൾ ഉൾപ്പെടെയുള്ള ഇടങ്ങളിലെ പ്രവേശന വിലക്ക് പിൻവലിച്ചെങ്കിലും ജലാശയങ്ങളിൽ ഇറങ്ങുന്നവർ ജാഗ്രത പുലർത്തണമെന്ന് ജില്ലാ കലക്ടർ എ ഗീത അറിയിച്ചു.

 ജില്ലയിലെ ഗവ. ആയുർവ്വേദ സ്ഥാപനങ്ങളിൽ ഉണ്ടാകുന്ന ആയൂർവ്വേദ ഫാർമസിസ്റ്റ്, ആയുർവ്വേദ നഴ്സ് തസ്തികയിലെ താൽക്കാലിക ഒഴിവിലേക്ക് ദിവസവേതനാടിസ്ഥാനത്തിൽ നിയമനം നടത്തുന്നതിനായി ഒക്ടോബർ 19 ന് രാവിലെ 11 മണിക്ക് ജില്ലാ മെഡിക്കൽ ഓഫീസിൽ (ഐ.എസ്.എം) വെച്ച് കൂടിക്കാഴ്ച നടത്തുന്നു. താൽപര്യമുള്ള ഉദ്യോഗാർത്ഥികൾ വയസ്സ്, വിദ്യാഭ്യാസ യോഗ്യത എന്നിവ തെളിയിക്കുന്നതിനുള്ള അസൽ രേഖകൾ സഹിതം കൂടിക്കാഴ്ചയിൽ പങ്കെടുക്കണമെന്ന് ജില്ലാ മെഡിക്കൽ ഓഫീസർ അറിയിച്ചു. ഫോൺ : 0495 2371486

കുന്നത്തൂര്‍ ഗ്രാമപഞ്ചായത്തും, സര്‍ക്കാര്‍ വെറ്ററിനറി ഹോസ്പിറ്റലും ചേര്‍ന്നു നടത്തുന്ന വളര്‍ത്തു മൃഗങ്ങള്‍ക്കുള്ള സമഗ്ര പേവിഷ നിയന്ത്രണ പദ്ധതിക്ക് തുടക്കമായി. പഞ്ചായത്തിലെ മുഴുവന്‍ വളര്‍ത്തു മൃഗങ്ങള്‍ക്കും വാക്സിന്‍ നല്‍കുകയാണ്. പഞ്ചായത്ത് മൃഗാശുപത്രിയില്‍ ഗ്രാമപഞ്ചായത്ത് വൈസ് പ്രസിഡന്റ് ബിനേഷ് കടമ്പനാട് ഉദ്ഘാടനം ചെയ്തു.

മാലിന്യമുക്തം നവകേരളം ക്യാമ്പയിന്റെ ഭാഗമായി കുളത്തൂപ്പുഴ ഗ്രാമപഞ്ചായത്തില്‍ ശുചീകരണ പ്രവര്‍ത്തനങ്ങള്‍ നടത്തി. ബസ് സ്റ്റാന്‍ഡ്, ടൗണുകള്‍, ആരാധനാലയങ്ങള്‍, മാര്‍ക്കറ്റുകള്‍, ഓഫീസുകള്‍, തുടങ്ങിയ സ്ഥലങ്ങള്‍ വൃത്തിയാക്കി.

ഗ്രാമപഞ്ചായത്ത് വൈസ് പ്രസിഡന്റ് തുഷാര ഉദ്ഘാടനം നിര്‍വഹിച്ചു. വിദ്യാര്‍ഥികള്‍, ജനപ്രതിനിധികള്‍, തൊഴിലാളികള്‍, വ്യാപാരി വ്യവസായികള്‍, സാംസ്‌കാരിക പ്രവര്‍ത്തകര്‍, കുടുംബശ്രീ എഡിഎസ് അംഗങ്ങള്‍, തൊഴിലുറപ്പ്-ഹരിത കര്‍മ്മ സേന പ്രവര്‍ത്തകര്‍ തുടങ്ങിയവര്‍ പങ്കെടുത്തു.

ജില്ലാ പഞ്ചായത്ത് നടപ്പിലാക്കുന്ന വിദ്യാപോഷിണി പദ്ധതിയുടെ ഭാഗമായി ഡി ടി പി, പ്രിന്റിങ് ഉള്‍പ്പെടെ ചെയ്ത് ബുക്ക്‌രൂപത്തില്‍ കൈപുസ്തകം തയ്യാറാക്കുന്നതിന് ടെണ്ടര്‍ ക്ഷണിച്ചു. വിവരങ്ങള്‍ വിദ്യാഭ്യാസ ഉപഡയറക്ടറുടെ ഓഫീസില്‍ ഒക്‌ടോബര്‍ 10 വരെ ലഭിക്കും. ഫോണ്‍ - 0474 2792957, 8547129371, 9074030763.

ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ ഒക്‌ടോബര്‍ 16 മുതല്‍ 15 ദിവസത്തേക്ക് സൗജന്യ സംരംഭകത്വ വികസന പരിശീലനം നടത്തും. നൂതന സംരംഭങ്ങള്‍ തുടങ്ങുന്നതിന് മാര്‍ഗനിര്‍ദേശം, വിവിധ വകുപ്പുകളില്‍ നിന്നുള്ള ലൈസന്‍സ്, എന്‍ ഒ സി, പ്രൊജക്ട് റിപോര്‍ട്ട് തയ്യാറാക്കല്‍ എന്നിവയിലാണ് പരിശീലനം. ബാങ്ക്‌വായ്പാ സഹായവും ഉള്‍പ്പെടുത്തിയിട്ടുണ്ട്. ഒക്‌ടോബര്‍ 11നകം അപേക്ഷിക്കാം. ഫോണ്‍ - 0474 2748395, 9446701409, 9446365147.

കെല്‍ട്രോണില്‍ വിവിധകോഴ്സുകളിലേക്ക് അപേക്ഷ ക്ഷണിച്ചു. ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ ലോജിസ്റ്റിക്സ് ആന്‍ഡ് സപ്ലൈ ചെയിന്‍ മാനേജ്മെന്റ്, കമ്പ്യൂട്ടര്‍ ഹാര്‍ഡ്വെയര്‍ ആന്‍ഡ് നെറ്റ്വര്‍ക്ക് മെയിന്റനന്‍സ്, ഫയര്‍ ആന്‍ഡ് സേഫ്റ്റി, വേഡ് പ്രോസസിങ് ആന്‍ഡ് ഡാറ്റാ എന്‍ട്രി എന്നിവയാണ് കോഴ്സുകള്‍. ഒരു വര്‍ഷ ദൈര്‍ഘ്യമുള്ള മോണ്ടിസോറി/പ്രീ സ്‌കൂള്‍ ടി ടി സി കോഴ്സുകളിലേക്കും അപേക്ഷിക്കാം. വിവരങ്ങള്‍ക്ക് : ഹെഡ്ഓഫ്സെന്റര്‍, കെല്‍ട്രോണ്‍ നോളജ്സെന്റര്‍, ടൗണ്‍ അതിര്‍ത്തി, കൊല്ലം. ഫോണ്‍ 0474 2731061

ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്ററില്‍ സ്വകാര്യസ്ഥാപനങ്ങളിലെ ഒഴിവുകളിലേക്ക് ഒക്ടോബര്‍ 11 ന് രാവിലെ 10.30 ന് അഭിമുഖം നടത്തും. എസ് എസ് എല്‍ സി, പ്ലസ്ടു കൂടുതലോ യോഗ്യതയുള്ള 18 നും 35 നും ഇടയില്‍ പ്രായമുള്ളവര്‍ക്ക് മൂന്ന് സെറ്റ് ബയോഡാറ്റയുമായി രജിസ്റ്റര്‍ ചെയ്ത് പങ്കെടുക്കാം. നൈപുണ്യ പരിശീലനവും, വിവിധ അഭിമുഖങ്ങള്‍ നേരിടുന്നതിനുള്ള പരിശീലനവും കരിയര്‍ കൗണ്‍സിലിങ് ക്ലാസ്സുകളും നല്‍കും. ഫോണ്‍ 7012212473, 8281359930.