കോടഞ്ചേരി ഗ്രാമപഞ്ചായത്തിലെ 15 മുതൽ 40 വയസ്സു വരെയുള്ള യുവതി യുവാക്കളുടെ സർഗ്ഗവാസനകളും കായിക മികവുകളും മറ്റുരക്കുന്ന കേരളോത്സവം 2023ന് തുടക്കമായി.

ഒക്ടോബർ 15 വരെ വിവിധ വേദികളിലായി നടത്തപ്പെടുന്ന കേരളോത്സവം 2023 ൻ്റെ പഞ്ചായത്ത് തല ഉദ്ഘാടനം വേളംകോട് സെൻറ് ജോർജ് ഹയർ സെക്കൻഡറി സ്കൂൾ ഗ്രൗണ്ടിൽ അത് ലറ്റിക് മത്സരങ്ങൾ ഫ്ലാഗ് ഓഫ് ചെയ്ത് ഗ്രാമപഞ്ചായത്ത് പ്രസിഡൻ്റ് അലക്സ് തോമസ്  നിർവഹിച്ചു.
ഗ്രാമപഞ്ചായത്ത് വൈസ് പ്രസിഡൻ്റ് ചിന്നാ അശോകൻ അധ്യക്ഷത വഹിച്ചു.

ഭിന്നശേഷിക്കാർക്കായി മെഡിക്കൽ ക്യാമ്പും ഏകീകൃത തിരിച്ചറിയൽ കാർഡ് വിതരണവും

പൊതുമരാമത്ത് ടൂറിസം വകുപ്പ് മന്ത്രി പി.എ.മുഹമ്മദ് റിയാസിന്റെ നേതൃത്വത്തിൽ നടപ്പാക്കുന്ന ബേപ്പൂർ ഹൈ ടൈഡ് സമ്പൂർണ്ണ ഭിന്നശേഷി സൗഹൃദ മണ്ഡലം പദ്ധതിയുടെ ഭാഗമായി ഡിസബിലിറ്റി മെഡിക്കൽ ബോർഡ് സർട്ടിഫിക്കേഷൻ ക്യാമ്പും യു.ഡി.ഐ.ഡി കാർഡ് വിതരണവും  സംഘടിപ്പിക്കുന്നു. 

കൊയിലാണ്ടി നഗരസഭ കുടുംബശ്രീയുടെ ആഭിമുഖ്യത്തിൽ തിരികെ സ്കൂളിൽ അയൽക്കൂട്ട ശക്തീകരണ ക്യാമ്പയിന് കൊയിലാണ്ടി ഗവണ്മെന്റ് വൊക്കേഷണൽ ഹയർ സെക്കന്ററി സ്കൂളിൽ തുടക്കമായി. ക്യാമ്പയിന്റെ കൊയിലാണ്ടി നഗരസഭാതല ഉദ്ഘാടനം കാനത്തിൽ ജമീല എം. എൽ. എ ഫ്ലാഗ് ഓഫ് ചെയ്തു നിർവഹിച്ചു. നഗരസഭ ചെയർപേഴ്സൺ സുധ കിഴക്കേപ്പാട്ട് അധ്യക്ഷത വഹിച്ചു. വൈസ് ചെയർമാൻ അഡ്വ. കെ സത്യൻ ശുചിത്വ പ്രതിജ്ഞ ചൊല്ലിക്കൊടുത്തു.

നാലരലക്ഷത്തിലേറെ പേർ പങ്കാളികളാവും 

കോഴിക്കോട് ജില്ലയിൽ ടൈഗർ സഫാരി പാർക്ക്: പ്രാരംഭ പഠനം നടത്തി-മന്ത്രി എ കെ ശശീന്ദ്രൻ

വിവിധ ജില്ലകളിൽ കേന്ദ്ര കാലാവസ്ഥ വകുപ്പ് മഞ്ഞ (Yellow) അലർട്ട് പ്രഖ്യാപിച്ചിരിക്കുന്നു.

09-10-2023 : മലപ്പുറം, കോഴിക്കോട്, വയനാട് 

10-10-2023 : മലപ്പുറം, കോഴിക്കോട്, വയനാട്, കണ്ണൂർ

11-10-2023 : എറണാകുളം, ഇടുക്കി

12-10-2023 : എറണാകുളം, പാലക്കാട്, മലപ്പുറം 

 എന്നീ  ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

യാത്രക്കാരുടെ പ്രാഥമിക ആവശ്യങ്ങൾ നിറവേറ്റുന്നതിനൊപ്പം വിശ്രമിക്കുന്നതിനും സൗകര്യമൊരുക്കുകയാണ് വഴിയോര വിശ്രമ കേന്ദ്രങ്ങൾ വഴി സർക്കാർ ലക്ഷ്യമിടുന്നതെന്ന് വനം-വന്യജീവി സംരക്ഷണ വകുപ്പ് മന്ത്രി എ.കെ ശശീന്ദ്രൻ.  തലക്കുളത്തൂർ കച്ചേരിയിൽ നിർമിച്ച വഴിയോര വിശ്രമ കേന്ദ്രം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. വില്ലേജ് ഓഫീസിനും പഞ്ചായത്ത് ഓഫീസിനും മധ്യത്തിൽ നിർമ്മിച്ച വിശ്രമകേന്ദ്രം നിരവധി പേർക്ക് സഹായകരമാവുമെന്നും മന്ത്രി പറഞ്ഞു.

കോട്ടയം: താഴത്തങ്ങാടി ചാമ്പ്യൻസ് ബോട്ട് ലീഗിൽ യു.ബി.സി. കൈനകരി യു.ബി.സി. തുഴഞ്ഞ നടുഭാഗം ചുണ്ടൻ ജേതാവ്. 3.17.85 മിനിട്ടിൽ ഫിനിഷ് ചെയ്താണ് നടുഭാഗം താഴത്തങ്ങാടിയിൽ ഒന്നാമനായത്. പള്ളാത്തുരുത്തി ബോട്ട് ക്ലബ് തുഴഞ്ഞ വീയപുരം ചുണ്ടൻ രണ്ടാമതും പൊലീസ് ബോട്ട് ക്ലബ് തുഴഞ്ഞ മഹാദേവികാട് കാട്ടിൽതെക്കേതിൽ മൂന്നാമതുമെത്തി.  3.19.25 മിനിട്ടിൽ വീയപുരവും 3.20.06 മിനിട്ടിൽ മഹാദേവികാട് കാട്ടിൽതെക്കേതിലും ഫിനിഷ് ചെയ്തു

ഉമ്പിച്ചി ഹാജി ഹയർ സെക്കൻഡറി സ്കൂളിലെ സുവോളജി ലാബിന്റെയും വിദ്യാതീരം പ്രോജക്ടിന്റെയും ഉദ്ഘാടനം പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് നിർവഹിച്ചു. ടി.ഐ.എ പ്രസിഡന്റ് ടി.പി അബ്ദുള്ള കോയ മദനി അധ്യക്ഷത വഹിച്ചു. 

സ്കൂൾ പ്രിൻസിപ്പൾ സയിദ് ഹിസാമുദ്ദീൻ, ഹെഡ്മാസ്റ്റർ അബ്ദുൾ ജലീൽ തുടങ്ങിയവർ സംസാരിച്ചു. ടി.ഐ.എ സെക്രട്ടറി പി ബി ഐ മുഹമ്മദ് അഷ്റഫ് സ്വാ​ഗതവും ട്രഷറർ പി.കെ അൻവർ സാദത്ത് നന്ദിയും പറഞ്ഞു.

മലയോര ഹൈവേ കടന്നുപോകുന്ന കൂരാച്ചുണ്ടിൽ റോഡിന് സ്ഥലം ഏറ്റെടുക്കുന്നതുമായി ബന്ധപ്പെട്ട് കെട്ടിട ഉടമകളുടെ ആശങ്കകൾ ദൂരീകരിക്കുന്നതിനായി യോഗം ചേർന്നു.
കളക്ടറേറ്റിൽ കെ എം സച്ചിൻദേവ് എം. എൽ. എയുടെ അധ്യക്ഷതയിൽ ജില്ല കലക്ടർ എ ഗീതയുടെ സാന്നിധ്യത്തിലാണ് യോഗം ചേർന്നത്.

കൂരാച്ചുണ്ട് അങ്ങാടിയിലെ 800 മീറ്റർ ദൂരം ആവശ്യത്തിന് വീതിയില്ലാത്ത പ്രദേശങ്ങളാണ്. 12 മീറ്റർ വീതി ലഭിക്കുന്നതിന് പല കെട്ടിടങ്ങളും ഭാഗികമായി പൊളിച്ചു മാറ്റുന്നതുമായി ബന്ധപ്പെട്ട് കെട്ടിട ഉടമകളുടെ ആശങ്കകൾ ദൂരീകരിക്കുന്നതിനാണ് യോഗം ചേർന്നത്.