ലാറ്ററൽ എൻട്രി 

കോട്ടയം: 'മാലിന്യമുക്തം നവകേരളം' ക്യാമ്പയിന്റെ ഭാഗമായി മാലിന്യപരിപാലന മേഖലയിൽ നിലവിലുളള സംവിധാനങ്ങളുടെ വിടവുകളും പോരായ്മകളും പരിഹരിക്കുന്നതിനായി തദ്ദേശ സ്വയംഭരണ സ്ഥാപനങ്ങൾ സമർപ്പിച്ച രണ്ടാംഘട്ട പദ്ധതികൾക്ക് ജില്ലാ ആസൂത്രണ സമിതി യോഗം അംഗീകാരം നൽകി. ഒന്നാംഘട്ട പ്രവർത്തനങ്ങളുടെ ഭാഗമായി നടത്തിയ ഗ്യാപ്പ് അനാലിസിസ് വഴിയും ഹരിതസഭ റിപ്പോർട്ടു വഴിയുമാണ് മാലിന്യപരിപാലന മേഖലയിൽ നിലവിലുളള സംവിധാനങ്ങളുടെ പോരായ്മകളും വിടവുകളും കണ്ടെിയത്.

മാനന്തേരി വില്ലേജ് ഓഫീസിന് സ്വന്തം സ്മാർട്ട് വില്ലേജ് ഓഫീസ് കെട്ടിടം നിർമ്മിക്കുന്നതിന് 50 ലക്ഷം രൂപയുടെ ഭരണാനുമതി. 2022-23 സാമ്പത്തിക വർഷത്തെ പ്ലാൻ സ്‌കീമിൽ ഉൾപ്പെടുത്തിയാണ് സ്മാർട്ട് റവന്യു ഓഫീസ് നിർമ്മിക്കുക. പുതിയ കെട്ടിടത്തിൽ വില്ലേജ് ഓഫീസർക്കും ജീവനക്കാർക്കുമായി നാല് മുറികളും പൊതുജനങ്ങൾക്ക് ഒരു കാത്തിരിപ്പ് മുറിയും ഉണ്ടാകും. മുറ്റം ഇൻറർലോക്ക് ചെയ്യാനും ആവശ്യമായ ഫർണിച്ചറുകൾക്കും തുക വകയിരുത്തിയിട്ടുണ്ട്. ജീർണാവസ്ഥയിലുള്ള വില്ലേജ് ഓഫീസുകൾക്ക്  പുതിയ  കെട്ടിടം നിർമ്മിക്കുക എന്ന ലക്ഷ്യത്തോടെയാണ് സർക്കാർ തലശ്ശേരി താലൂക്കിലെ മാനന്തേരി വില്ലേജ് ഓഫീസിനെ സ്മാർട്ട് ഓഫീസിനായി പരിഗണിച്ചത്.

ഏക സിവില്‍ കോഡ് അടിച്ചേല്‍പ്പിക്കാനുള്ള കേന്ദ്ര സര്‍ക്കാരിന്റെ നീക്കത്തില്‍ കേരള നിയമസഭ ആശങ്കയും ഉല്‍ക്കണ്ഠയും രേഖപ്പെടുത്തുന്നു. ഏകപക്ഷീയവും ധൃതി പിടിച്ചുള്ളതുമായ കേന്ദ്ര നീക്കം ഭരണഘടനയുടെ മതനിരപേക്ഷ സ്വഭാവത്തെ ഇല്ലായ്മ ചെയ്യുന്നതാണെന്നു ഈ സഭ വിലയിരുത്തുന്നു.

സ്വാതന്ത്ര്യത്തിന്റെ 75)o വാർഷികം -ആസാദി കാ അമൃത്മഹോത്സാവത്തിൻ്റെ ഭാഗമായി രാജ്യമെമ്പാടും നടന്നുവരുന്ന പരിപാടികളുടെ സമാപനം കുറിച്ചുകൊണ്ട് ക്വിറ്റ് ഇന്ത്യ ദിനമായ ആഗസ്റ്റ് 9 മുതൽ 30 വരെ  "മേരി മിട്ടി മേരാ ദേശ് "- “എന്റെ മണ്ണ് എന്റെ രാജ്യം”എന്ന പേരിൽ വിപുലമായ പരിപാടികൾ ജില്ലയിൽ സംഘടിപ്പിക്കുo.

ഭരണഘടനയുടെ നിര്‍ദ്ദേശക തത്വങ്ങളില്‍ പറയുന്ന ഏകീകൃത സിവില്‍ കോഡു വേണോ വേണ്ടയോ എന്നതേയല്ല ഇപ്പോള്‍ സംഘപരിവാര്‍ ഇതു ചര്‍ച്ചയാക്കുന്നതിനു പിന്നിലെ അജണ്ട.

ഭരണഘടനയില്‍ പറയുന്ന പൊതു സിവില്‍ നിയമമല്ല, സംഘപരിവാറിന്റെ മനസ്സിലുള്ള പൊതു സിവില്‍ നിയമം. അതു മനുസ്മൃതി പ്രകാരമുള്ള ഒരു നിയമമാണ്. അതാകട്ടെ, സംഘപരിവാര്‍ പണ്ടേതന്നെ വ്യക്തമാക്കിയിട്ടുമുണ്ട്.

കോട്ടയം: ജില്ലയിലെ പശ്ചിമഘട്ടപ്രദേശങ്ങളിലെ നീർച്ചാലുകളുടെ മാപ്പത്തോൺ പൂർത്തിയായി. നവകേരള കർമ പദ്ധതിയുടെ ഭാഗമായി ഹരിതകേരളം മിഷൻ, ഐ.ടി മിഷൻ എന്നിവയുടെ നേതൃത്വത്തിലാണ് നീർച്ചാലുകളുടെ ഡിജിറ്റൽ മാപ്പിംഗ് നടത്തിയത്. മാപ്പത്തോൺ വഴി തദ്ദേശ സ്വയംഭരണ സ്ഥാപനങ്ങൾ അടക്കമുള്ളവയ്ക്ക് ഓരോ പ്രദേശത്തിന്റെയും പ്രത്യേകതകൾ മനസിലാക്കി ജലസംരക്ഷണ പ്രവർത്തനങ്ങൾക്ക് കൃത്യമായ ആസൂത്രണവും പദ്ധതി നിർവഹണവും നടപ്പാക്കാനാകും.  

വെസ്റ്റ്ഹിൽ ക്യാപ്റ്റൻ വിക്രം മൈതാനിയിൽ നടക്കുന്ന ജില്ലയിലെ സ്വാതന്ത്ര്യ ദിനാഘോഷത്തിൽ തുറമുഖം മ്യൂസിയം പുരാവസ്തു പുരാരേഖ വകുപ്പ് മന്ത്രി അഹമ്മദ് ദേവർകോവിൽ പതാക ഉയർത്തും. ആഗസ്റ്റ് പതിനഞ്ചിന് രാവിലെ ഒമ്പത് മണിക്ക് പതാക ഉയർത്തി അഭിവാദ്യം സ്വീകരിച്ച ശേഷം മന്ത്രി സ്വാതന്ത്ര്യ ദിന സന്ദേശം നൽകും.

കക്കോടി ഗ്രാമ പഞ്ചായത്ത്‌ കർഷക ദിനത്തോടനുബന്ധിച്ച് നടത്തുന്ന ക്വിസ് പരിപാടിയുടെ സ്കൂൾ തല ഉദ്ഘാടനം  ഗ്രാമപഞ്ചായത്ത്‌ പ്രസിഡന്റ്‌ കെ.പി ഷീബ നിർവഹിച്ചു. മക്കട എ എൽ പി സ്കൂളിൽ നടന്ന പരിപാടിയിൽ വികസന സ്റ്റാന്റിംഗ് കമ്മറ്റി ചെയർപേഴ്സൺ താഴത്തയിൽ ജുമൈലത്ത് അധ്യക്ഷയായിരുന്നു.

കൃഷി ഓഫീസർ നീന ക്വിസ് മത്സരത്തിനു നേതൃത്വം കൊടുത്തു. കാർഷിക കർമ്മ സേന കൺവീനർ ഹേമചന്ദ്രൻ  സംസാരിച്ചു. വാർഡ് മെമ്പർ വളപ്പിൽ രാജൻ സ്വാഗതവും ഹെഡ്മാസ്റ്റർ സമീർ കെ.കെ നന്ദിയും പറഞ്ഞു.

ജില്ലയിലെ ഹോള്‍സെയില്‍ മെഡിക്കല്‍ ഷോപ്പുകളിലെ സെയില്‍സ് റപ്രസെന്ററ്റീവ്  ബോണസ് തര്‍ക്കം ജില്ലാ ലേബര്‍ ഓഫീസര്‍ എം മനോജിന്റെ അധ്യക്ഷതയില്‍ ചേര്‍ന്ന തൊഴിലാളി- തൊഴിലുടമ യോഗത്തില്‍ തീരുമാനമായി. ഒത്തുതീര്‍പ്പ് വ്യവസ്ഥയനുസരിച്ച് മാസ ശമ്പളം 10,000 രൂപ പരിധി വെച്ച് 12.5 ശതമാനം ബോണസ് നല്‍കുവാന്‍ ധാരണയായി.  യോഗത്തില്‍ ബഷീര്‍ പള്ളിയത്ത്, പി സുധീര്‍, കെ ബവിന്‍, സി പി നിസാര്‍, കെ ശ്രീകുമാര്‍, പി സുരേഷ്, കെ രാജന്‍ എന്നിവര്‍ പങ്കെടുത്തു.