കോട്ടയം: ചിറക്കടവ് ഗ്രാമപഞ്ചായത്തിന്റെ 2023-24 വാർഷിക പദ്ധതിയിൽ ഉൾപ്പെടുത്തി നേത്ര പരിശോധന, തിമിര ശസ്ത്രക്രിയ ക്യാമ്പ് സംഘടിപ്പിച്ചു. ഇടയിരിക്കപുഴ കുടുംബാരോഗ്യകേന്ദ്രത്തിൽ നടന്ന ക്യാമ്പ് ചിറക്കടവ് ഗ്രാമപഞ്ചായത്ത് പ്രസിഡന്റ് അഡ്വ. സി.ആർ. ശ്രീകുമാർ ഉദ്ഘാടനം ചെയ്തു. ക്യാമ്പിൽ എത്തുന്നവർക്ക് സൗജന്യ നേത്ര പരിശോധന നടത്തി കണ്ണട വേണ്ടവർക്ക് കണ്ണട നൽകും. തിമിരത്തിന്റെ ബുദ്ധിമുട്ടുകൾ ഉള്ളവർക്ക് ക്യാമ്പിൽ പരിശോധന നടത്തി ശസ്ത്രക്രിയ വേണ്ടവർക്ക് സൗജന്യമായി പഞ്ചായത്തിന്റെ നേതൃത്വത്തിൽ ജില്ല ആശുപത്രിയിൽ തിമിര ശാസ്ത്രക്രിയ സൗജന്യമായി ചെയ്തു നൽകുകയും ചെയ്യും.

ആലപ്പുഴ: ഗവ.ടി.ഡി. മെഡിക്കല്‍ കോളേജ് ആശുപത്രിയില്‍ ഒ.ബി.എന്‍. വിഭാഗത്തിലേയ്ക്ക് ബേബി വാമര്‍ (അഞ്ചെണ്ണം) വാങ്ങുന്നതിന് ദര്‍ഘാസ് ക്ഷണിച്ചു. ഓഗസ്റ്റ് 17ന് ഉച്ച കഴിഞ്ഞ് മൂന്നു വരെ ദര്‍ഘാസ് നല്‍കാം. ഫോണ്‍: 0477 2282021

കെല്‍ട്രോണിന്റെ 50-ാം വാര്‍ഷികത്തോടനുബന്ധിച്ച് പാലക്കാടുള്ള കെല്‍ട്രോണ്‍ നോളെജ് സെന്ററില്‍ ആഗസ്റ്റ് പത്ത്, 11, 12 തീയതികളില്‍ എക്‌സിബിഷന്‍ സംഘടിപ്പിക്കുന്നു. പ്രവേശനം സൗജന്യമാണ്. ഫോണ്‍: 0491 2504599

ആലപ്പുഴ: സര്‍ക്കാര്‍ സ്ഥാപനമായ കെല്‍ട്രോണ്‍ നടത്തുന്ന മോണ്ടിസോറി ടീച്ചര്‍ ട്രെയിനിങ് (ഒരു വര്‍ഷം) കോഴ്‌സിലേയ്ക്ക് അപേക്ഷ ക്ഷണിച്ചു. താത്പര്യമുള്ളവര്‍ സര്‍ട്ടിഫിക്കറ്റുകള്‍ സഹിതം അടുത്തുള്ള കെല്‍ട്രോണ്‍ നോളജ് സെന്ററില്‍ ഹാജരാകണം. ഫോണ്‍: 9072592412, 9072592416.

കോട്ടയം: ടൂറിസം വകുപ്പിന് കീഴിൽ കുമാരനല്ലൂരിൽ പ്രവർത്തിക്കുന്ന ഗവൺമെന്റ് ഫുഡ്ക്രാഫ്റ്റ് ഇൻസ്റ്റിറ്റ്യൂട്ടിൽ വിദ്യാർത്ഥി പ്രവേശനത്തിന് സീറ്റ് ഒഴിവുണ്ട്. പ്രവേശനം ആഗ്രഹിക്കുന്നവർ നേരിട്ട് ഹാജരാകണം. വിശദവിവരത്തിന് വെബ്‌സൈറ്റ് - www.fcikerala.org, ഫോൺ: 0481 2312504, 9495716465

ഷൊര്‍ണൂര്‍ ഐ.പി.ടി ആന്‍ഡ് ഗവ പോളിടെക്‌നിക് കോളെജില്‍ അധ്യയന വര്‍ഷത്തെ ഒന്നാം വര്‍ഷ ഡിപ്ലോമ കോഴ്‌സിന്റെ രണ്ടാം അലോട്ട്‌മെന്റ് അഡ്മിഷന്‍ ആഗസ്റ്റ് ഒമ്പത്, 10, 11 തീയതികളില്‍ രാവിലെ 10 മുതല്‍ വൈകിട്ട് നാല് വരെ ക്രമീകരിച്ചതായി പ്രിന്‍സിപ്പാള്‍ അറിയിച്ചു. രണ്ടാം അല്ലോട്ട്‌മെന്റില്‍ പേരുള്ള എല്ലാവര്‍ക്കും പ്രവേശനം നേടാം. ഫീസുകള്‍ ഓണ്‍ലൈന്‍/എ.ടി.എം കാര്‍ഡ് (ഇ-പോസ്) മുഖേന മാത്രമേ അടക്കാന്‍ സാധിക്കൂ. കൂടുതല്‍ വിവരങ്ങള്‍ക്ക്: polyadmission.org

കോട്ടയം: 2023-24 വർഷത്തിൽ ന്യൂനപക്ഷ ക്ഷേമ വകുപ്പിന് കീഴിൽ കോട്ടയം ജില്ലയിൽ പാത്ത് വേ- സോഷ്യൽ ലൈഫ് വെൽനെസ് പ്രോഗ്രാം 2023-24(ന്യൂനപക്ഷ യുവജനങ്ങൾക്കായുള്ള വിവാഹ പൂർവ/വിവാഹിതരായ യുവതക്കുള്ള കൗൺസിലിംഗ് കോഴ്സ്)  നടത്താൻ താത്പര്യമുള്ള സർക്കാർ/എയ്ഡഡ്, അഫ്ലിയേറ്റഡ് കോളേജുകൾ /അംഗീകാരമുള്ള സംഘടനകൾ /മഹല്ല്, ജമാഅത്ത് /ചർച്ച്, ക്ലബ്ബുകൾ എന്നിവ  കാഞ്ഞിരപ്പള്ളി ന്യൂനപക്ഷ യുവജന പരിശീലന കേന്ദ്രത്തിൽ  ഓഗസ്റ്റ്  21 നകം അപേക്ഷിക്കണം. അപേക്ഷ ഫോം ഓഫീസിൽ നിന്ന് ലഭിക്കും. വിശദവിവരത്തിന് ഫോൺ:04828 202069, 9947066889, 9048345123

.

ആലപ്പുഴ: അടൂര്‍ പോളിടെക്‌നിക് കോളജിലെ തുടര്‍വിദ്യാഭ്യാസ കേന്ദ്രം മുഖേന ആരംഭിക്കുന്ന  ഗവണ്‍മെന്റ് അംഗീകൃത ഹ്രസ്വകാല തൊഴിലധിഷ്ഠിത കോഴ്‌സായ മൊബൈല്‍ ടെക്‌നോളജിയിലേക്ക് (മൂന്നുമാസം) അപേക്ഷ ക്ഷണിച്ചു. ഓഗസ്റ്റ് 22 വരെ അപേക്ഷിക്കാം. ഫോണ്‍: 6238296527.

ആലത്തൂര്‍ താലൂക്കാശുപത്രിയിലെ ലാബിലേക്ക് ആവശ്യമായ സര്‍ക്കാര്‍ സംവിധാനത്തില്‍ ലഭ്യമല്ലാത്ത റീ ഏജന്റുകള്‍ 2024 മാര്‍ച്ച് 31 വരെയുള്ള കാലയളവിലേക്ക് വിതരണം നടത്തുന്നതിന് സ്ഥാപനങ്ങളില്‍നിന്നും ദര്‍ഘാസ് ക്ഷണിച്ചു. ദര്‍ഘാസുകള്‍ ആഗസ്റ്റ് 21 ന് വൈകിട്ട് നാല് വരെ സ്വീകരിക്കും. അന്നേദിവസം വൈകിട്ട് 4.30 ന് ദര്‍ഘാസുകള്‍ തുറക്കും. വിശദവിവരങ്ങള്‍ക്ക് പ്രവര്‍ത്തി ദിവസങ്ങളില്‍ ഓഫീസ് നമ്പറില്‍ ബന്ധപ്പെടണം. ഫോണ്‍: 04922 224322

കോട്ടയം : ഏറ്റുമാനൂരിലെ കോട്ടയം മെഡിക്കൽ കോളേജ് ഹെൽത്ത് സെന്ററിൽ ഫാർമസിസ്റ്റിന്റെ ഒരു താത്കാലിക ഒഴിവുണ്ട്.  ഏറ്റുമാനൂർ നഗരസഭയുടെ ആഭിമുഖ്യത്തിൽ മൂന്ന് മാസത്തേക്കാണ് നിയമനം.  ഡിപ്ലോമ ഇൻ ഫാർമസി/ തത്തുല്യവുമാണ് യോഗ്യത. കേരള സ്റ്റേറ്റ് ഫാർമസി കൗൺസിലിന്റെ രജിസ്‌ട്രേഷനുണ്ടായിരിക്കണം.  താത്പര്യമുള്ളവർ അസൽ സർട്ടിഫിക്കറ്റുകളുമായി ഓഗസ്റ്റ് 18 ന് രാവിലെ 10.30 ന് ഏറ്റുമാനൂർ കെ.എം.സി.എച്ച്.സി ഹാളിലെ അഭിമുഖത്തിൽ പങ്കെടുക്കണം. ഫോൺ: 04812535573