കൊടുവായൂര്‍ സാമൂഹികാരോഗ്യ കേന്ദ്രത്തില്‍ താത്ക്കാലിക ഡോക്ടര്‍ നിയമനം. അംഗീകൃത യൂണിവേഴ്‌സിറ്റിയില്‍നിന്നും എം.ബി.ബി.എസ് ബിരുദവും കേരള മെഡിക്കല്‍ കൗണ്‍സില്‍/ ട്രാവന്‍കൂര്‍ മെഡിക്കല്‍ കൗണ്‍സിലിന്റെ രജിസ്േ്രടഷനുമാണ് യോഗ്യത. പ്രായപരിധി 59. കൊല്ലങ്കാട് ബ്ലോക്ക് പഞ്ചായത്ത് പ്രൊജക്ട് മുഖേന നാഷണല്‍ ഹെല്‍ത്ത് മിഷന്‍ മാനദണ്ഡ പ്രകാരമുള്ള വേതനം (45000 രൂപ) ലഭിക്കും. അപേക്ഷകര്‍ ബയോഡാറ്റ (ഫോണ്‍ നമ്പര്‍ ഉള്‍പ്പെടെ) സഹിതമുള്ള അപേക്ഷ തപാല്‍ മുഖേനയോ നേരിട്ടോ ആഗസ്റ്റ് 16 ന് വൈകിട്ട് അഞ്ചിനകം കൊടുവായൂര്‍ ആശുപത്രി ഓഫീസില്‍ എത്തിക്കണമെന്ന് സൂപ്രണ്ട് അറിയിച്ചു. ഫോണ്‍: 04923 252930

സംസ്ഥാന  പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ നോര്‍ക്ക റൂട്ട്സുമായി  ചേര്‍ന്ന് നടപ്പാക്കുന്ന  സ്വയം തൊഴില്‍  വായ്പ പദ്ധതിയായ പ്രവാസി  പുനരധിവാസ വായ്പ പദ്ധതിയ്ക്ക്   കീഴില്‍ വായ്പ അനുവദിക്കുന്നതിനായി ജില്ലയിലെ പട്ടികജാതി/പട്ടികവര്‍ഗ്ഗ വിഭാഗത്തില്‍പ്പെട്ട സംരംഭകത്വ ഗുണമുള്ള  യുവതീ യുവാക്കളില്‍ നിന്നും അപേക്ഷ ക്ഷണിച്ചു.

പാലക്കാട് ഗവ മെഡിക്കല്‍ കോളെജില്‍ ഒരു വര്‍ഷത്തേക്ക് ക്ലീനിങ് സാമഗ്രികളും അനുബന്ധ ഉപകരണങ്ങളും വിതരണം ചെയ്യുന്നതിന് സ്ഥാപനങ്ങള്‍/ഏജന്‍സികളില്‍ നിന്ന് ക്വട്ടേഷന്‍ ക്ഷണിച്ചു. ആഗസ്റ്റ് 16 വരെ ക്വട്ടേഷനുകള്‍ സ്വീകരിക്കുമെന്ന് ഡയറക്ടര്‍ അറിയിച്ചു. ഫോണ്‍: 0491 2974125.
 

കുഴല്‍മന്ദം ബ്ലോക്ക് പഞ്ചായത്തിന്റെ 2023-24 വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുള്ള 'ലൈബ്രറി കൗണ്‍സിലിന്റെ അംഗീകാരമുള്ള ലൈബ്രറികള്‍ക്ക് മൈക്ക് സെറ്റ് വാങ്ങി നല്‍കല്‍' പദ്ധതി നടപ്പാക്കുന്നതിനായി ലൈബ്രറി കൗണ്‍സിലില്‍ അംഗത്വമുള്ള കുഴല്‍മന്ദം ബ്ലോക്ക് പഞ്ചായത്ത് പരിധിയിലുള്ള രജിസ്റ്റേഡ് വായനശാലകള്‍ക്ക് അപേക്ഷിക്കാം. അപേക്ഷകള്‍ ആഗസ്റ്റ് 24 നകം കുഴല്‍മന്ദം ബ്ലോക്ക് പഞ്ചായത്ത് സെക്രട്ടറിക്ക് നല്‍കണം. ഫോണ്‍: 04922 273284

ലോക മുലയൂട്ടൽ വാരാചരണത്തോടനുബന്ധിച്ച് ജില്ലാതല സെമിനാർ സംഘടിപ്പിച്ചു. ജില്ലാ പഞ്ചായത്ത് ഹാളിൽ നടന്ന സെമിനാർ ജില്ലാ പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്തു. ജില്ലാ വനിതാ ശിശു വികസന ഓഫീസർ സബീന ബീഗം അധ്യക്ഷത വഹിച്ചു.

'മൂലയൂട്ടലിന്റെ പ്രാധാന്യവും, ഗർഭിണികൾ കഴിക്കേണ്ട പോഷകാഹാരവും' എന്ന വിഷയത്തിൽ മഞ്ചേരി മെഡിക്കൽ കോളേജ് വൈസ് പ്രിൻസിപ്പൽ ഡോ. അഷ്റഫ്.വി.പിയും 'മറ്റേർണിറ്റി ബെനിഫിറ്റ് ആക്ട് നെ കുറിച്ച് ഡിഎൽഎസ്എ റിസോഴ്സ് പേഴ്സൺ അഡ്വ. രാധാകൃഷ്ണൻ വി.പിയും ക്ലാസ് എടുത്തു. 

കോട്ടയം: ജില്ലയിൽ തൊഴിലെടുക്കുന്ന അതിഥി തൊഴിലാളികൾക്കായുള്ള അതിഥി പോർട്ടൽ രജിസ്‌ട്രേഷൻ നടപടികളുടെ അവലോകന യോഗം ഓഗസ്റ്റ് ഒമ്പതിന് രാവിലെ 11ന് ജില്ലാ കളക്ടറുടെ ചേംബറിൽ ചേരും.

ആലപ്പുഴ: നൂതന ശാസ്ത്ര സാങ്കേതിക വിദ്യയും പുതിയ കാഴ്ചപ്പാടുകളും ഉള്‍കൊള്ളിച്ചുകൊണ്ടാണ് ഓരോ വര്‍ഷവും നെഹ്റു ട്രോഫി വള്ളംകളി മുന്നേറുന്നതെന്ന് മുന്‍ മന്ത്രി ജി. സുധാകരന്‍ പറഞ്ഞു. 69-ാമത് നെഹ്‌റു ട്രോഫി വള്ളംകളിയുടെ ഭാഗമായി നടത്തിയ വഞ്ചിപ്പാട്ട് മത്സരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

വള്ളംകളി ആലപ്പുഴയുടെ അഭിമാനമാണ്. 69 വര്‍ഷം ഇത് നടത്താനായി എന്നത് വലിയ കാര്യമാണ്. കായിക മേഖലയോടുള്ള നാടിന്റെ പ്രതിബദ്ധതയും വള്ളംകളിയോടുള്ള തീവ്രമായ സ്‌നേഹവുമാണ് ഇതിനു പിന്നിലെന്നും അദ്ദേഹം പറഞ്ഞു.

  ക്വട്ടേഷനുകൾ ക്ഷണിച്ചു

നഗര കാർഷിക മൊത്തവിപണ കേന്ദ്രത്തിലെ ഒഴിഞ്ഞുകിടക്കുന്ന സ്റ്റാളുകളും, കോൾഡ് സ്റ്റോറേജുകളും 11 മാസക്കാലയളവിലേക്ക് ലൈസൻസിന് സ്വീകരിക്കുവാൻ താല്പര്യമുള്ളവരിൽ നിന്നും ക്വട്ടേഷനുകൾ ക്ഷണിച്ചു. ക്വട്ടേഷൻ സ്വീകരിക്കുന്ന അവസാന തിയ്യതി ആഗസ്റ്റ് 21 രാവിലെ 11 മണി. അന്നേ ദിവസം ഉച്ചയ്ക്ക് രണ്ടു മണിക്ക് ക്വട്ടേഷനുകൾ  തുറക്കും. നിരതദ്രവ്യം 2000 രൂപയാണ്. ക്വട്ടേഷൻ കവറിനു പുറത്ത് 03/2023-24 എന്ന് രേഖപ്പെടുത്തേണ്ടതാണ്.  ക്വട്ടേഷൻ സമർപ്പിക്കുവാനും കൂടുതൽ വിവരങ്ങൾക്കും സെക്രട്ടറി, നഗര കാർഷിക മൊത്ത വിപണന കേന്ദ്രം, വേങ്ങേരി, കോഴിക്കോട് എന്ന വിലാസത്തിൽ ബന്ധപ്പെടുക.

കോട്ടയം: ചിൽഡ്രൻസ് ലൈബ്രറിയിൽ പ്രവർത്തിക്കുന്ന എസ്.ബി.ഐ ഗ്രാമീണ സ്വയം തൊഴിൽ പരിശീലന കേന്ദ്രത്തിൽ കോട്ടയം ജില്ലയിലെ തൊഴിൽ രഹിതരായ പതിനെട്ടിനും 45 വയസിനും ഇടയിൽ പ്രായമുള്ളവർക്ക് ഓഗസ്റ്റ് 17 ന് ആരംഭിക്കുന്ന ഇൻസ്റ്റലേഷൻ ആൻഡ് സർവീസിംഗ് ഓഫ് സി.സി.ടി.വി ക്യാമറ എന്ന കോഴ്‌സിലേക്ക് സൗജന്യ പരിശീലനം നൽകുന്നു. താത്പര്യമുള്ളവർ ഓഗസ്റ്റ് 16 നകം 0481 2303307, 2303306 എന്നീ നമ്പറുകളിൽ ബന്ധപ്പെടണം.

കോട്ടയം: വാഴൂർ ബ്ലോക്ക് പഞ്ചായത്തിന്റെ നേതൃത്വത്തിൽ ജൈവ വൈവിധ്യ പരിപാലന സമിതി യോഗം വാഴൂർ ബ്ലോക്ക് പഞ്ചായത്ത് ഹാളിൽ ചേർന്നു. ജൈവ വൈവിധ്യ സംരക്ഷണത്തെ കുറിച്ച് അവബോധം വളർത്തുക, ജൈവ വൈവിധ്യ സംരക്ഷണത്തിന്റെ പ്രാധാന്യം പുതുതലമുറകൾക്ക് എത്തിക്കുക എന്നീ ലക്ഷ്യം മുൻനിർത്തിയാണ് ജൈവ വൈവിധ്യ പരിപാലന സമിതി യോഗം ചേർന്നത്.
 വാഴൂർ ബ്ലോക്ക് പഞ്ചായത്ത് പ്രസിഡന്റ് മുകേഷ് കെ. മണി അധ്യക്ഷത വഹിച്ചു.   പരിസ്ഥിതി പ്രവർത്തകൻ കെ. ബിനു മുഖ്യ പ്രഭാഷണം നടത്തി.