കേരള വന ഗവേഷണ സ്ഥാപനത്തില്‍ പ്രോജക്ട് ഫെല്ലോയുടെ ഒരൊഴിവുണ്ട്. യോഗ്യത : എന്റമോളജി അല്ലെങ്കില്‍ ബയോഡൈവേഴ്‌സിറ്റി കണ്‍സര്‍വേഷന്‍ മാനേജ്‌മെന്റ് സ്‌പെഷ്യലൈസേഷനോടുകൂടി ഒന്നാം ക്ലാസ്സ് എം.എസ്.സി. സുവോളജി. ഇന്‍സെക്ട് ടാക്‌സോണമിയില്‍ ഗവേഷണ പരിചയം അഭികാമ്യം. 2017 ജനുവരി ഒന്നിന് 35 വയസ്സ് കവിയരുത്.

സംസ്ഥാനത്തെ സര്‍ക്കാര്‍ / എയ്ഡഡ് സ്‌കൂളുകളില്‍ ഒന്നു മുതല്‍ 10 വരെ ക്ലാസ്സുകളില്‍ പഠിക്കുന്ന ഒ.ഇ.സി വിഭാഗം വിദ്യാര്‍ത്ഥികളുടെ 2017-18 വര്‍ഷത്തെ പ്രീമെട്രിക് വിദ്യാഭ്യാസ ആനുകൂല്യം സ്‌കൂള്‍ പ്രധാനാധ്യാപകരുടെ ഔദ്യോഗിക അക്കൗണ്ടിലേക്ക് ക്രെഡിറ്റ് ചെയ്തിട്ടുണ്ട്. ഇത് വിദ്യാര്‍ത്ഥികള്‍ക്ക് വിതരണം ചെയ്ത് അതത് മേഖലാ ഓഫീസുകളില്‍ അക്വിറ്റന്‍സ് നല്‍കണം.

കൊച്ചി: വിദ്യാഭ്യാസ മേഖലയില്‍ വലിയ മുതല്‍മുടക്കാണ് സര്‍ക്കാര്‍ ലക്ഷ്യമിടുന്നതെന്ന് ധനമന്ത്രി ഡോ ടി എം തോമസ് ഐസക് പറഞ്ഞു. പ്രൊഫ കെ വി തോമസ് വിദ്യാധനം ട്രസ്റ്റിന്റെ വിദ്യാധനം  സ്‌കോളര്‍ഷിപ്പ് വിതരണവും വിദ്യാലക്ഷ്മി പദ്ധതി ഉദ്ഘാടനവും എറണാകുളം സെന്റ് തെരേസാസ് കോളേജില്‍ നിര്‍വഹിക്കുകയായിരുന്നു അദ്ദേഹം.
സര്‍വകലാശാലകളില്‍ അദ്ധ്യാപക തസ്തികകള്‍ സൃഷ്ടിക്കുന്നതിനും പശ്ചാത്തല സൗകര്യ വികസനത്തിനും സര്‍ക്കാര്‍ മുന്‍കൈ എടുക്കും. ക്ലാസ് മുറികള്‍ നവീകരിക്കുന്നതിനും ഡിജിറ്റലൈസ് ചെയ്യുന്നതിനും ആവശ്യമായ തുക സമാഹരിക്കാനും സര്‍ക്കാര്‍ നടപടികള്‍ എടുത്തിട്ടുണ്ട്. 

സര്‍ക്കാര്‍ ഹയര്‍സെക്കന്ററി സ്‌കൂളുകളില്‍ ഹയര്‍സെക്കന്ററി സ്‌കൂള്‍ അദ്ധ്യാപകര്‍ / ഹയര്‍ സെക്കന്ററി സ്‌കൂള്‍ അദ്ധ്യാപകര്‍ (ജൂനിയര്‍) എന്നീ തസ്തികകളിലേക്ക് തസ്തികമാറ്റ നിയമനം ലഭിക്കുന്നതിന് അപേക്ഷിച്ച എച്ച്.എസ്.എ/എല്‍.പി.എസ്.എ/യു.പി.എസ്.എ അദ്ധ്യാപകരുടെ അന്തിമ മുന്‍ഗണനാപട്ടിക (2011-15) പ്രസിദ്ധീകരിച്ചു. ലിസ്റ്റ്, സര്‍ക്കുലര്‍ എന്നിവ www.dhskerala.gov.in വെബ്‌സൈറ്റില്‍ ലഭ്യമാണ്. ഹിസ്റ്ററി വിഷയത്തിന്റെ പട്ടിക കോടതി ഉത്തരവിന് വിധേയമായി പിന്നീട് പ്രസിദ്ധീകരിക്കും.

പി.എന്‍.എക്‌സ്.4726/17

നവംബര്‍ ഏഴിന് തിരുവനന്തപുരം കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തില്‍ നടക്കുന്ന ഇന്ത്യാ - ന്യൂസിലന്‍ഡ് അന്താരാഷ്ട്ര T-20 മത്സരത്തോടനുബന്ധിച്ച് കാണികള്‍ക്കായി കെ.എസ്.ആര്‍.ടി.സി യാത്രാസൗകര്യം ഒരുക്കും. മത്സര ദിവസം ഉച്ച മുതല്‍ കളി ആരംഭിക്കുന്നത് വരെ തിരുവനന്തപുരം സെന്‍ട്രല്‍ ബസ് സ്റ്റേഷന്‍, റെയില്‍വേ സ്റ്റേഷന്‍, കിഴക്കേകോട്ട ബസ് സ്റ്റാന്‍ഡ് എന്നിവിടങ്ങളില്‍ നിന്ന് സ്റ്റേഡിയത്തിലേക്ക് ബസ് സര്‍വ്വീസ് നടത്തും. എറണാകുളം, പത്തനംതിട്ട, കോട്ടയം ഭാഗത്ത് നിന്നും മത്സരം കാണാനെത്തുന്നവര്‍ക്ക് റിസര്‍വേഷന്‍ സൗകര്യത്തോടെ സ്‌പെഷ്യല്‍ സര്‍വ്വീസുകള്‍ ഏര്‍പ്പെടുത്തിയിട്ടുണ്ട്.

പട്ടാമ്പി കൃഷി വിജ്ഞാന കേന്ദ്രത്തില്‍ ശീതകാല പച്ചക്കറി തൈകളായ കാബേജ്, കോളിഫ്‌ളവര്‍, സി.ഒ.3-സി.ഒ.4 തീറ്റപ്പുല്‍, കിള്ളിക്കുളം, തുമ്പൂര്‍മുഴി, സുഗുണ, സുപ്രിയ നടീല്‍ വസ്തുക്കള്‍ വില്പനയ്ക്ക് തയ്യാറായതായി പ്രോഗ്രാം കോഡിനേറ്റര്‍ അറിയിച്ചു.

ഫോണ്‍: 0466 2212279 
 

തത്തമംഗലം ഗവ.വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ കൊമേഴ്‌സ് നോണ്‍ വൊക്കേഷനല്‍ ടീച്ചര്‍, സീനിയര്‍ ലാബ് അസിസ്റ്റന്റ്-ബാങ്കിങ് ആന്‍ഡ് ഇന്‍ഷൂറന്‍സ് ഒഴിവുകളുണ്ട്. കൊമേഴ്‌സ് നോണ്‍ വൊക്കേഷനല്‍ ടീച്ചര്‍ക്ക് എം.കോമും ബി.എഡും സെറ്റുമാണ് യോഗ്യത.

 സീനിയര്‍ ലാബ് അസിസ്റ്റന്റ്-ബാങ്കിങ് ആന്‍ഡ് ഇന്‍ഷൂറന്‍സിന് വി.എച്ച്.എസ്.ഇ. ജനറല്‍ ഇന്‍ഷൂറന്‍സോ ബാങ്കിങ് ആന്‍ഡ് ഇന്‍ഷൂറന്‍സോ യോഗ്യതകളുണ്ടാവണം. 

യോഗ്യതയുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം നവംബര്‍ 10ന് രാവിലെ 11ന് കൂടിക്കാഴ്ചയ്ക്ക് എത്തണമെന്ന് പ്രിന്‍സിപ്പല്‍ അറിയിച്ചു. 

തത്തമംഗലം ഗവ.വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ കൊമേഴ്‌സ് നോണ്‍ വൊക്കേഷനല്‍ ടീച്ചര്‍, സീനിയര്‍ ലാബ് അസിസ്റ്റന്റ്-ബാങ്കിങ് ആന്‍ഡ് ഇന്‍ഷൂറന്‍സ് ഒഴിവുകളുണ്ട്. കൊമേഴ്‌സ് നോണ്‍ വൊക്കേഷനല്‍ ടീച്ചര്‍ക്ക് എം.കോമും ബി.എഡും സെറ്റുമാണ് യോഗ്യത.

സീനിയര്‍ ലാബ് അസിസ്റ്റന്റ്-ബാങ്കിങ് ആന്‍ഡ് ഇന്‍ഷൂറന്‍സിന് വി.എച്ച്.എസ്.ഇ. ജനറല്‍ ഇന്‍ഷൂറന്‍സോ ബാങ്കിങ് ആന്‍ഡ് ഇന്‍ഷൂറന്‍സോ യോഗ്യതകളുണ്ടാവണം. 

യോഗ്യതയുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം നവംബര്‍ 10ന് രാവിലെ 11ന് കൂടിക്കാഴ്ചയ്ക്ക് എത്തണമെന്ന് പ്രിന്‍സിപ്പല്‍ അറിയിച്ചു. 
 

റവന്യു വകുപ്പ് മന്ത്രി ഇ.ചന്ദ്രശേഖരന്റെ അധ്യക്ഷതയില്‍ നംവബര്‍ ആറിന് രാവിലെ 10ന് കലക്ടറേറ്റ് സമ്മേളനഹാളില്‍ യോഗം ചേരും. റവന്യൂ വകുപ്പുമായി ബന്ധപ്പെട്ട് ജില്ലയില്‍ നടക്കുന്ന വിവിധ പ്രവര്‍ത്തനങ്ങള്‍ യോഗത്തില്‍ അവലോകനം ചെയ്യും.

പൊതുജനങ്ങള്‍ക്ക് വേഗത്തില്‍ സേവനങ്ങള്‍ ലഭ്യമാക്കുന്നതിന് സേവനദാതാക്കളെന്ന നിലയ്ക്ക് സര്‍ക്കാര്‍ ജീവനക്കാര്‍ സ്വതന്ത്ര മലയാളം കംപ്യൂട്ടിങിന്റെ സാധ്യതകള്‍ പ്രയോജനപ്പെടുത്തണമെന്ന് ജില്ലാ കലക്ടര്‍ ഡോ: പി.സുരേഷ് ബാബു അറിയിച്ചു. ഭരണ ഭാഷാ വാരത്തോടനുബന്ധിച്ച്  കലക്ടറേറ്റ് സമ്മേളനഹാളില്‍ സര്‍ക്കാര്‍ ജീവനക്കാര്‍ക്കായി 'മലയാള ഭാഷ-കംപ്യൂട്ടറിലും കടലാസിലും' വിഷയത്തില്‍ നടത്തിയ പരിശീലനം ഉദ്ഘാടനം ചെയ്ത് സംസാരിക്കുകയായിരുന്നു ജില്ലാ കലക്ടര്‍. പൊതുജനങ്ങളുമായുള്ള ആശയവിനിമയം സുഗമമാക്കാനാണ് മാതൃഭാഷയായ മലയാളം ഔദ്യോഗിക ഭാഷയാക്കിയത്.