ശബരിമല: ശബരിമല തീര്‍ഥാടനത്തോടനുബന്ധിച്ച് ശക്തമായ സുരക്ഷാ ക്രമീകരണങ്ങള്‍ ഏര്‍പ്പെടുത്തിയതായി ശബരിമല പോലീസ് ചീഫ് കോ-ഓര്‍ഡിനേറ്ററും ആംഡ് പോലീസ് ബറ്റാലിയന്‍ എ.ഡി.ജി.പിയുമായ സുധേഷ് കുമാര്‍ സന്നിധാനത്ത് പറഞ്ഞു. മുന്‍കാലങ്ങളിലെ പോലീസിന്റെ പ്രവര്‍ത്തനങ്ങളും നേരിടേണ്ടി വന്ന പ്രത്യേക സാഹചര്യങ്ങളും വിലയിരുത്തി കൂടുതല്‍ പഴുതടച്ച ക്രമീകരണങ്ങളാണ് ഒരുക്കിയിട്ടുള്ളത്. ഏറ്റവും പുതിയ സാങ്കേതിക വിദ്യകളും ഇതിനായി പ്രയോജനപ്പെടുത്തിയിട്ടുണ്ട്. ശബരിമലയിലെയും സമീപ പ്രദേശത്തെയും വ്യോമ നിരീക്ഷണത്തിന് ആളില്ലാ വിമാനങ്ങള്‍(ഡ്രോണ്‍) ഇത്തവണ ഉപയോഗിക്കും.

സന്നിധാനത്തെ സുരക്ഷാ പ്രവര്‍ത്തനങ്ങള്‍ക്ക് നിയോഗിച്ചിട്ടുള്ള ആയിരത്തി അഞ്ഞൂറിലധികം പോലീസ് ഉദ്യോഗസ്ഥര്‍ ചുമതലയേറ്റു. കേരള പോലീസിന്റെ വിവിധ വിഭാഗങ്ങള്‍ക്കൊപ്പം അടിയന്തര സാഹചര്യങ്ങള്‍ നേരിടുന്നതിന് ദ്രുതകര്‍മ്മ സേനാ ബറ്റാലിയനുകളും സേവനമനുഷ്ഠിക്കും. കോയമ്പത്തൂരില്‍ നിന്നുള്ള റാപ്പിഡ് ആക്ഷന്‍ ഫോഴ്‌സിന്റെയും(ആര്‍.എ.എഫ്.) ചെന്നൈയില്‍ നിന്നുള്ള എന്‍.ഡി.ആര്‍.എഫിന്റെയും ബറ്റാലിയനുകളും ചുമതലയേറ്റു. രണ്ട് എസ്.പി.മാരുടെ നേരിട്ടുള്ള നിയന്ത്രണത്തിലായിരിക്കും സന്നിധാനത്ത് കേരള പോലീസിന്റെ വിഭാഗങ്ങള്‍ പ്രവര്‍ത്തിക്കുക.

കൊച്ചി: ദേശീയ മാധ്യമ ദിനാചരണത്തോടനുബന്ധിച്ച് വിശ്വാസ്യതയും വിലക്കുകളും മാധ്യമസ്വാതന്ത്ര്യം ഇന്ന് എന്ന വിഷയത്തില്‍ ജില്ല ഇന്‍ഫര്‍മേഷന്‍ ഓഫീസും എസ്എച്ച് സ്‌കൂള്‍ ഓഫ് കമ്മ്യൂണിക്കേഷനും സംയുക്തമായി സംഘടിപ്പിക്കുന്ന സെമിനാര്‍ ഇന്ന് (നവംബര്‍ 16) രാവിലെ 10.30 ന് തേവര സേക്രഡ് ഹാര്‍ട്ട് കോളേജിലെ കമ്മ്യൂണിക്കേഷന്‍ വിഭാഗം മെയിന്‍ ഹാളില്‍ നടക്കും.

പ്രശസ്ത പത്രപ്രവര്‍ത്തക ഷാനി പ്രഭാകര്‍ മുഖ്യപ്രഭാഷണം നടത്തും. ഡയറക്ടര്‍ ബാബു ജോസഫ്, ജില്ല ഇന്‍ഫര്‍മേഷന്‍ ഓഫീസര്‍ നിജാസ് ജ്യുവല്‍, വകുപ്പ് മേധാവി ആഷ ആച്ചി ജോസഫ്, ഫാക്കല്‍റ്റി റിമ മാത്യു തുടങ്ങിയവര്‍ പങ്കെടുക്കും.

കൊച്ചി: രണ്ടു ദിവസത്തെ സന്ദര്‍ശനപരിപാടികളുമായി ഉപരാഷ്ട്രപതി വെങ്കയ്യ നായിഡു 21ന് കൊച്ചിയിലെത്തും. ഉപരാഷ്ട്രപതി പദമേറ്റെടുത്ത ശേഷം വെങ്കയ്യ നായിഡുവിന്റെ ആദ്യത്തെ കേരള സന്ദര്‍ശനമാണിത്. 21, 22 തീയതികളിലായി മൂന്ന് പരിപാടികളില്‍ വെങ്കയ്യ നായിഡു പങ്കെടുക്കും. ഇതിന് പുറമെ സംസ്ഥാന സര്‍ക്കാരിന്റെ ഔദ്യോഗിക സ്വീകരണത്തിനും യാത്രയയപ്പിനും കൊച്ചി വേദിയാകും. 

21ന് ഉച്ചയ്ക്ക് 12.05നാണ് ഉപരാഷ്ട്രപതി കൊച്ചിയിലെത്തുക. നാവിക വിമാനത്താവളത്തില്‍ സംസ്ഥാന സര്‍ക്കാര്‍ അദ്ദേഹത്തിന് ഔദ്യോഗിക സ്വീകരണം നല്‍കും. ഗാര്‍ഡ് ഓഫ് ഓണര്‍ നല്‍കിയാണ് സേനാംഗങ്ങള്‍ ഉപരാഷ്ട്രപതിയെ സ്വീകരിക്കുക. 

കൊട്ടാരക്കരയില്‍ നവംബര്‍ 16, 17 തീയതികളില്‍ നടക്കുന്ന കൊല്ലം റവന്യൂ ജില്ലാ സ്‌കൂള്‍ ശാസ്‌ത്രോത്സവവും പ്രവൃത്തിപരിചയ മേളയും ഐ.ടി മേളയും ഗ്രീന്‍ പ്രോട്ടോക്കോളില്‍.

അഞ്ചു വേദികളിലും ഫ്‌ളക്‌സ് ബോര്‍ഡുകള്‍, ബാനറുകള്‍ എന്നിവയും ഡിസ്‌പോസിബിള്‍ പ്ലാസ്റ്റിക് സാധനങ്ങളും പൂര്‍ണമായും ഒഴിവാക്കണമെന്ന് ജില്ലാ കലക്ടര്‍ ഡോ. എസ്. കാര്‍ത്തികേയന്‍ നിര്‍ദേശിച്ചു.

(പി.ആര്‍.കെ.നമ്പര്‍  2538/17)

ബാലാവകാശ വാരാചരണത്തിന്റെ ഭാഗമായി സംസ്ഥാന ബാലാവകാശ കമ്മീഷനും ജില്ലാ ശിശുസംരക്ഷ ഓഫീസും സംയുക്തമായി സംഘടിപ്പിച്ച വാഹനപ്രചാരണ പരിപാടി ഇന്നലെ (നവംബര്‍ 15) കൊട്ടാരക്കര, പത്തനാപുരം, പുനലൂര്‍ താലൂക്കുകളില്‍ പര്യടനം നടത്തി.

ഫ്‌ളാഷ് മോബ്, തെരുവുനാടകം, ലഘുലേഖ വിതരണം തുടങ്ങിയവ ഇതിനോടനുബന്ധിച്ച് നടന്നു. 

(പി.ആര്‍.കെ.നമ്പര്‍  2537/17)
 

കേരള കള്ള് വ്യവസായ ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുള്ള അംഗങ്ങളില്‍ നിലവില്‍ സമഗ്ര ആരോഗ്യ ഇന്‍ഷ്വറന്‍സ് പദ്ധതിയില്‍ അംഗത്വമില്ലാത്ത തൊഴിലാളികള്‍ക്ക് രജിസ്റ്റര്‍ ചെയ്യുന്നതിനുള്ള സമയപരിധി നവംബര്‍ 20 വരെ നീട്ടി.

ജില്ലാ ക്ഷേമനിധി ബോര്‍ഡ് ഓഫീസില്‍ നേരിട്ട് ഹാജരായി രജിസ്റ്റര്‍ ചെയ്യാം. വിശദ വിവങ്ങള്‍ 0474-2799845 എന്ന നമ്പരില്‍ ലഭിക്കും.
 

(പി.ആര്‍.കെ.നമ്പര്‍  2536/17)
 

കൊല്ലം റവന്യൂ ജില്ലാ സ്‌കൂള്‍ കലോത്സവത്തിന്റെ സ്വാഗതസംഘ രൂപീകരണ യോഗം നവംബര്‍ 18ന് ഉച്ചകഴിഞ്ഞ് മൂന്നിന് കൊല്ലം ക്രിസ്തുരാജ് ഹയര്‍ സെക്കന്ററി സ്‌കൂളില്‍ ചേരും.

(പി.ആര്‍.കെ.നമ്പര്‍  2535/17)
 

സര്‍വ ശിക്ഷാ അഭിയാന്റെ സംയോജിത വിദ്യാഭ്യാസ പദ്ധതിയില്‍ കരാറടിസ്ഥാനത്തില്‍ ഓട്ടിസം സെന്ററുകളില്‍ റിസോഴ്‌സ് അധ്യാപകരെ നിയമിക്കും.  യോഗ്യത - പ്ലസ് ടൂ, ഒരു വര്‍ഷത്തില്‍ കുറയാത്ത അംഗീകൃത റഗുലര്‍ സ്‌പെഷ്യല്‍ എഡ്യൂക്കേഷന്‍ (ഓട്ടിസം സ്‌പെക്ട്രം ഡിസോര്‍ഡര്‍-എ.എസ്.ഡി)/ഡിഗ്രി/ഡിപ്ലോമയും(ആര്‍.സി.ഐ അംഗീകൃതം)/ടി.ടി.സി/ബി. എഡ്. ടി.ടി.സി/ബി. എഡ് യോഗ്യതയുള്ളവരുടെ അഭാവത്തില്‍ അംഗീകൃത സ്‌പെഷ്യല്‍ എഡ്യൂക്കേഷന്‍(എ.എസ്.ഡി) ഡിഗ്രി/ഡിപ്ലോമ മാത്രമുള്ളവരെയും പരിഗണിക്കും. (സ്‌പെഷ്യല്‍ എഡ്യൂക്കേഷന്‍ ഡിഗ്രി/ഡിപ്ലോമയില്ലാത്ത അപേക്ഷകരെ പരിഗണിക്കില്ല).

കുന്നത്തൂര്‍ താലൂക്ക് റസിഡന്‍സ് വെല്‍ഫെയര്‍ സഹകരണ സംഘത്തിലെ ക്രമക്കേടുമായി ബന്ധപ്പെട്ട് കൊല്ലം ക്രൈംബ്രാഞ്ച് സാമ്പത്തിക കുറ്റാനേ്വഷണ വിഭാഗം അനേ്വഷിച്ചുവരുന്ന കേസിന്റെ തെളിവെടുപ്പ് നവംബര്‍ 21 മുതല്‍ 23 വരെ ശാസ്താംകോട്ട പൊതുമരാമത്ത് റസ്റ്റ് ഹൗസില്‍ നടക്കും.