ആലപ്പുഴ: വോട്ടെടിപ്പില്‍ ബഹുജന പങ്കാളിത്തം ഉറപ്പാക്കുന്നതിനായി ആലപ്പുഴയിലെ വോട്ടര്‍ ബോധവത്കരണ പരിപാടിയായ സ്വീപ്പിന്‍റെയും പോലീസ് വകുപ്പിന്‍റെയും നേതൃത്വത്തില്‍ സൈക്കിള്‍ റാലി സംഘടിപ്പിച്ചു.
ആലപ്പുഴ വിജയ പാർക്കിൽ ഡെപ്യൂട്ടി പോലീസ് സൂപ്രണ്ട് കെ.എൽ സജിമോൻ റാലി ഫ്ലാഗ് ഓഫ് ചെയ്തു. വിജയ പാർക്കിൽ നിന്നും ആരംഭിച്ച റാലി നഗരം ചുറ്റി കളക്ടറേറ്റിൽ സമാപിച്ചു. നാൽപത് വിദ്യാർത്ഥികളാണ്  റാലിയിൽ പങ്കെടുത്തത്.

ആലപ്പുഴ : ജില്ല തെരഞ്ഞെടുപ്പ് പ്രചാരണ വിഭാഗമായ സ്വീപ്പിന്റ ആഭിമുഖ്യത്തിൽ സിഗനേച്ചർ ക്യാമ്പയിൻ ആലപ്പുഴ റെയിൽവേ സ്റ്റേഷനിലും നടന്നു. റെയിൽവേ ഡെപ്യൂട്ടി ചീഫ് കൊമേഷ്യൽ മാനേജർ  രാഖി ക്യാമ്പയിൻ ഉദ്ഘാടനം ചെയ്തു. എൽ. എസ്. ജി.ഡി അസിസ്റ്റന്റ് ഡയറക്ടർ ജി.പി ശ്രീജിത്, ജോയിന്റ് ബി. ഡി. ഒ ഹരികുമാർ,സി. പി ജോസഫ് തുടങ്ങിയവർ പങ്കെടുത്തു. ആലപ്പുുഴ ആഘോഷിക്കും, ജനാധിപത്യത്തിന്‍രെ ഉത്സവം എന്നപേരില്‍ കൂടുതല്‍ പേരെ വോട്ടെടുപ്പിന്‍റെ ഭാഗമാക്കാന്‍ പരിപാടികള്‍ സംഘടിപ്പിച്ചുവരുകയാണ് സ്വീപ്പ്.

ആലപ്പുഴ: ഏപ്രിൽ 26ന് നടക്കുന്ന ലോക്സഭ തിരഞ്ഞെടുപ്പിന്റെ പോളിംഗ് ശതമാനം ജനങ്ങളെ വേഗത്തിൽ അറിയിക്കാൻ തിരഞ്ഞെടുപ്പ് കമ്മീഷൻ്റെ വോട്ടർ ടേൺഔട്ട് ആപ്പ്. നിയോജകമണ്ഡലത്തിൽ നിന്നുള്ള പോളിംഗ് ശതമാനം രണ്ടുമണിക്കൂർ ഇടവിട്ട് ഇതിൽ ലഭ്യമാകും. പോളിംഗ് ദിവസത്തിൻ്റെ തൊട്ടടുത്ത ദിവസം ബൂത്ത് തിരിച്ചുള്ള വിവരങ്ങളും പൊതുജനങ്ങൾക്ക് ലഭ്യമാകും.

പോള്‍ മാനേജരും റഡി

ആലപ്പുഴ: ലോക്‌സഭ തിരഞ്ഞെടുപ്പില്‍ വോട്ടുചെയ്യാന്‍ 12 ഡി ഫോമില്‍ അപേക്ഷ നല്‍കി തിരഞ്ഞെടുപ്പ് കമ്മിഷന്റെ അംഗീകാരം ലഭിച്ചവരില്‍ ഏപ്രില്‍ 20 വരെ ജില്ലയില്‍ വോട്ടു ചെയ്തത് 17,048 പേര്‍. ആലപ്പുഴ മണ്ഡലത്തില്‍ 8,122 പേരും മവേലിക്കര മണ്ഡലത്തില്‍ 8926 പേരുമാണ് ഈ ഇനത്തില്‍ വോട്ടു ചെയ്തത്. 85 വയസ്സിന് മുകളില്‍ പ്രായമുള്ളവര്‍, ഭിന്നശേഷിക്കാര്‍, എസെന്‍ഷ്യല്‍ സര്‍വീസ് എന്നിവരാണ് 12 ഡി പ്രകാരം പോസ്റ്റല്‍ വോട്ടിനായി അപേക്ഷിച്ചത്. 

അലപ്പുഴ: തിരഞ്ഞെടുപ്പ് ദിനം പോളിങ് ബൂത്തില്‍ തിരഞ്ഞെടുപ്പ് കമ്മിഷന്റെ നിര്‍ദേശങ്ങള്‍ രാഷ്ട്രീയകക്ഷികളും സ്ഥാനാര്‍ഥികളും കൃത്യമായി പാലിക്കണമെന്ന് ജില്ല തിരഞ്ഞെടുപ്പ് ഓഫീസര്‍ അറിയിച്ചു. സമാധാനപരമായും ക്രമമായുമുള്ള വോട്ടെടുപ്പിനും വോട്ടര്‍മാര്‍ക്ക് യാതൊരു വിധത്തിലുള്ള തടസ്സത്തിനോ വിധേയമാകാതെ സമ്മതിദാനാവകാശം വിനിയോഗിക്കുന്നതിനുള്ള പൂര്‍ണ്ണ സ്വാതന്ത്ര്യം ഉറപ്പുവരുത്തുന്നതിനുമായി തിരഞ്ഞെടുപ്പ് ഡ്യൂട്ടിയിലുള്ള ഉദ്യോഗസ്ഥരുമായി സഹകരിക്കണം. അംഗീകൃത പ്രവര്‍ത്തകര്‍ക്ക് അനുയോജ്യമായ ബാഡ്ജുകളും ഐഡന്റിറ്റി കാര്‍ഡുകളും നല്‍കണം.

ആലപ്പുഴ: ഫോറം 12 വഴി പോസ്റ്റല്‍ വോട്ടിനായി അപേക്ഷിച്ച തിരഞ്ഞെടുപ്പ് ഡ്യൂട്ടിയ്ക്കായി നിയോഗിച്ചിട്ടുള്ളവര്‍ക്ക് 23, 24, 25 തിയതികളില്‍ പോസ്റ്റല്‍ വോട്ട് ചെയ്യാന്‍ എല്ലാ നിയോജക മണ്ഡലങ്ങളിലും അവസരമൊരുക്കിയിട്ടുണ്ടെന്ന് ജില്ല കളക്ടര്‍ അറിയിച്ചു. വോട്ടിംഗ് മെഷീനുകളുടെ സ്വീകരണ വിതരണ കേന്ദ്രങ്ങളിലാണ് വോട്ടിംഗിനുള്ള സൗകര്യം ഏര്‍പ്പെടുത്തിയിട്ടുള്ളത്. രാവിലെ ഒമ്പത് മുതല്‍ വൈകീട്ട് അഞ്ച് വരെയാണ് വോട്ടിങ് സമയം. 

ആലപ്പുഴ: ലോക്‌സഭ തിരഞ്ഞെടുപ്പിന്റെ ഭാഗമായി രാഷ്ട്രീയ പാര്‍ട്ടികള്‍ ജാഥ സംഘടിപ്പിക്കുമ്പോള്‍ പോലീസ് അധികാരികളെ സംഘാടകര്‍ മുന്‍കൂട്ടി അറിയിക്കണമെന്ന് ജില്ല തിരഞ്ഞെടുപ്പ് ഓഫീസറായ ജില്ല കളക്ടര്‍. തിരഞ്ഞെടുപ്പ് കമ്മിഷന്റെ മാതൃക പെരുമാറ്റച്ചട്ട പ്രകാരം, ജാഥ തുടങ്ങുന്നതിനുള്ള സമയവും സ്ഥലവും പോകേണ്ട വഴിയും ജാഥ അവസാനിക്കുന്ന സമയവും സ്ഥലവും മുന്‍കൂട്ടി തീരുമാനിക്കണം. സാധാരണ ഗതിയില്‍ പരിപാടിയില്‍ മാറ്റം വരുത്താന്‍ പാടില്ല. 

ആലപ്പുഴ നഗരപാത വികസന പദ്ധതിയുടെ ഭാഗമായി വെസ്റ്റ് തോട്ടത്തോട് പാലം പൊളിക്കുന്നതിനാല്‍ തൊണ്ടന്‍കുളങ്ങര-കൊറ്റംകുളങ്ങര പുന്നമട വരെയും കിഴക്കേതോട്ടാ തോട് പാലം മുതല്‍ പടിഞ്ഞാറോട്ടുമുള്ള  വാഹന ഗതാഗതം  ഏപ്രില്‍ 22 മുതല്‍ പ്രവൃത്തി പൂര്‍ത്തിയാകുന്നതുവരെ നിരോധിച്ചതായി അസിസ്റ്റന്റ് എഞ്ചിനീയര്‍ അറിയിച്ചു.

ആലപ്പുഴ: ഏപ്രിൽ 26-ന് നടക്കുന്ന ലോക്സഭ തിരഞ്ഞെടുപ്പിൻ്റെ പ്രചരണാർത്ഥം ജില്ല വോട്ടർ ബോധവത്കരണ വിഭാഗം സ്വീപ്പിന്റെയും നെഹ്റു യുവ കേന്ദ്രയുടെയും ആഭിമുഖ്യത്തിൽ മാരാരിക്കുളം ബീച്ചിൽ നടന്ന ആവേശകരമായ വടംവലി മത്സരത്തിൽ മണ്ണഞ്ചേരി സ്റ്റാർ എ ടീം  ഒന്നാം സ്ഥാനം നേടി. 

വിജയികൾക്ക് സ്വീപ്പ് നോഡൽ ഓഫീസറും ദാരിദ്ര ലഘൂകരണ വിഭാഗം പ്രോജക്ട് ഡയറക്ടറുമായ ഫിലിപ്പ് ജോസഫ് സമ്മാനം നൽകി. തിരഞ്ഞെടുപ്പ് ഡെപ്യൂട്ടി കളക്ടർ ജി.എസ്. രാധേഷ്, എൽ.എസ്.ജി.ഡി. അസിസ്റ്റന്റ് ഡയറക്ടർ ജി.പി. ശ്രീജിത്ത്, ജോയിന്റ് ബി.ഡി.ഒ. ഹരികുമാർ തുടങ്ങിയവർ പങ്കെടുത്തു. പരിപാടിയുടെ ഭാഗമായി ഫ്ലാഷ് മോബും സംഘടിപ്പിച്ചു.

ആലപ്പുഴ: വോട്ടു ചെയ്യിപ്പിക്കാനായി ബോട്ടില്‍ വേമ്പനാട് കായല്‍ കടന്ന് സബ്കളക്ടറും പോളിംഗ് ഉദ്യോഗസ്ഥ സംഘവും. വെള്ളത്താല്‍ ചുറ്റപ്പെട്ട നെഹ്‌റു ട്രോഫി വാര്‍ഡിലെ ഭിന്നശേഷികാരുടെയും എണ്‍പതു വയസിന് മുകളില്‍ പ്രായമുള്ളവരുടെയും വോട്ട് രേഖപ്പെടുത്താനാണ് പോളിംഗ് ഉദ്യോഗസ്ഥരെത്തിയത്. ഒപ്പം ആലപ്പുഴ എ.ആര്‍.ഒ. കൂടിയായ സബ് കളക്ടര്‍ സമീര്‍ കിഷനും ഉണ്ടായിരുന്നു.