നവകേരള നിര്‍മിതിയുടെ ഭാഗമായി മുഖ്യമന്ത്രിയും മന്ത്രിമാരും നിയമസഭാ മണ്ഡലങ്ങളിൽ പര്യടനം നടത്തി ജനങ്ങളുമായി നേരിട്ട് സംവദിക്കുന്ന നവകേരള സദസ്സ് കണ്ണൂർ മണ്ഡലത്തിൽ നവംബർ 21 ന് നടക്കും.സംഘാടക സമിതി രൂപീകരണം കണ്ണൂർ മുനിസിപ്പൽ ഹൈസ്കൂളിൽ വി ശിവദാസൻ എം പി ഉദ്‌ഘാടനം ചെയ്തു.

രാമചന്ദ്രൻ കടന്നപ്പള്ളി എം എൽ എ ചെയർമാനായും എ ഡി എം കെ കെ ദിവകാരൻ ജനറൽ കൺവീനറായുമുള്ള സംഘാടക സമിതിക്കാണ് രൂപം നൽകിയത്.

മട്ടന്നൂർ മണ്ഡലം തരംഗം സമഗ്ര വിദ്യാഭ്യാസ പദ്ധതിയുടെ ഭാഗമായി സർവ്വശിക്ഷ കേരളയുമായി സഹകരിച്ച് ശിവപുരം ഹയർ സെക്കണ്ടറി സ്കൂളിൽ നടത്തിയ വർണ്ണ തരംഗം ചിത്ര-ശില്പ പരിശീലന ക്യാമ്പ് സമാപിച്ചു. കെ കെ ശൈലജ ടീച്ചർ എം എൽ എ ഉദ്ഘാടനം ചെയ്തു.

മാലൂർ ഗ്രാമപഞ്ചായത്ത് വൈസ് പ്രസിഡണ്ട് ചമ്പാടൻ ജനാർദ്ദനൻ അധ്യക്ഷത വഹിച്ചു. ശില്പിയും ചിത്രകാരനുമായ ഉണ്ണി കാനായി മുഖ്യാതിഥിയായി.

 നവകേരള നിര്‍മിതിയുടെ ഭാഗമായി മുഖ്യമന്ത്രിയും മന്ത്രിമാരും പങ്കെടുക്കുന്ന അഴീക്കോട് മണ്ഡലതല നവകേരള സദസ് നവംബര്‍ 21ന് രാവിലെ 10 മണിക്ക് വളപട്ടണം മന്ന ഗ്രൗണ്ടില്‍ നടക്കും. ഇതിനായി വിലുലമായ സംഘാടക സമിതി രൂപീകരിച്ചു. മന്ന റിഫ്ത ഹാളില്‍ നടന്ന യോഗം ജില്ലാ കലക്ടര്‍ എസ് ചന്ദ്രശേഖര്‍ ഉദ്ഘാടനം ചെയ്തു.

നവകേരള നിർമിതിയുടെ ഭാഗമായി മുഖ്യമന്ത്രിയും മന്ത്രിമാരും മണ്ഡലങ്ങളിൽ പര്യടനം നടത്തി ജനങ്ങളുമായി നേരിട്ട് സംവദിക്കുന്ന നവകേരള സദസിന്റെ മട്ടന്നൂർ മണ്ഡല പരിപാടി നവംബർ 22 ന് വൈകിട്ട് മൂന്ന് മണിക്ക് മട്ടന്നൂരിൽ നടക്കും.

ഇതിന് മുന്നോടിയായുള്ള സംഘാടന സമിതി രൂപീകരണ യോഗം മട്ടന്നൂർ മധുസൂദനൻ തങ്ങൾ  സ്മാരക ഗവ. യു പി സ്കൂളിൽ നടന്നു.

കെ കെ ശൈലജ ടീച്ചർ എം എൽ എ ചെയർമാനായും ജില്ലാ പ്ലാനിംഗ് ഓഫീസർ നിനോജ് മേപ്പടിയത്ത് ജനറൽ കൺവീനറുമായുള്ള 1001 പേരടങ്ങുന്ന സംഘാടക സമിതിക്കാണ് രൂപം നൽകിയത്.

ഇന്‍ഷൂറന്‍സ് പദ്ധതിയില്‍ രജിസ്റ്റര്‍ ചെയ്യാന്‍ അവസരം

കേരള ലോകായുക്ത ഒക്ടോബര്‍ 17, 18 തീയതികളില്‍ കണ്ണൂര്‍ ഗവ. ഗസ്റ്റ് ഹൗസ്  കോണ്‍ഫറന്‍സ് ഹാളിലും 19, 20 തീയതികളില്‍ കോഴിക്കോട് ഗവ. ഗസ്റ്റ് ഹൗസ്  കോണ്‍ഫറന്‍സ് ഹാളിലും സിറ്റിങ് നടത്തും. ഈ ദിവസങ്ങളില്‍ നിശ്ചിത ഫോറത്തിലുള്ള പുതിയ പരാതികള്‍ സ്വീകരിക്കുമെന്ന് രജിസ്ട്രാര്‍ അറിയിച്ചു.

തളിപ്പറമ്പ് നിയോജക മണ്ഡലം സമ്പൂര്‍ണ്ണ ഡിജിറ്റല്‍ സാക്ഷരതാ യജ്ഞം ഇടം പദ്ധതിയിലൂടെ സമ്പൂര്‍ണ്ണ ഡിജിറ്റല്‍ സാക്ഷരത നേട്ടം കൈവരിച്ച് ചപ്പാരപ്പടവ് ഗ്രാമപഞ്ചായത്ത്. സമ്പൂര്‍ണ ഡിജിറ്റല്‍ സാക്ഷരത പ്രഖ്യാപനം എം വി ഗോവിന്ദന്‍ എംഎല്‍എ നിര്‍വഹിച്ചു.
ഡിജിറ്റല്‍ മാധ്യമങ്ങള്‍ ഫലപ്രദമായി ഉപയോഗിക്കുന്നതിനുള്ള സമഗ്ര പരിശീലനം നല്‍കുന്നതിലൂടെ ഡിജിറ്റല്‍ സാങ്കേതികവിദ്യകള്‍ എല്ലാ പൗരന്മാരിലേക്ക് എത്തിക്കുകയും അവരെ ഡിജിറ്റല്‍ മേഖലയില്‍ അടിസ്ഥാനപരവും പ്രാഥമികവുമായ അവബോധമുള്ളവരാക്കുകയും ചെയ്യുക എന്നതാണ് പദ്ധതിയുടെ ലക്ഷ്യമെന്ന് എം എല്‍ എ പറഞ്ഞു.

നവംബര്‍ 14ന് കണ്ണൂരില്‍ നടക്കുന്ന 70-ാമത് അഖിലേന്ത്യാ സഹകരണ വാരാഘോഷ സംസ്ഥാനതല ഉദ്‌ഘാടനത്തിന്റെ ഭാഗമായി  ] രൂപീകരിച്ച സംഘാടക സമിതി ഓഫീസിന്റെ  ഉദ്ഘാടനം കടന്നപ്പള്ളി രാമചന്ദ്രന്‍ എം എല്‍ എ നിര്‍വ്വഹിച്ചു. സംസ്ഥാന സഹകരണ യൂണിയന്‍ മാനേജിങ് കമ്മറ്റി അംഗം സി വി ശശീന്ദ്രന്‍ അധ്യക്ഷത വഹിച്ചു. കണ്ണൂര്‍ ജില്ലാ പൊലീസ് കോ ഓപ്പറേറ്റീവ് സൊസൈറ്റി കെട്ടിടത്തിലാണ് ഓഫീസ് പ്രവര്‍ത്തിക്കുന്നത്.

 ജില്ലാ കേരളോത്സവം  നവംബര്‍ 15 ന് മുമ്പായി നടത്താന്‍ ജില്ലാ പഞ്ചായത്ത് ഭരണസമിതി യോഗം തീരുമാനിച്ചു.  ഒക്ടോബര്‍ 18ന് സംഘാടക സമിതി രൂപീകരിക്കും. ജില്ലാപഞ്ചായത്ത് സ്ഥിരം സമിതികളുടെ തീരുമാനങ്ങള്‍ക്കും സ്റ്റിയറിംഗ് കമ്മിറ്റി തീരുമാനങ്ങള്‍ക്കും യോഗം അംഗീകാരം നൽകി.. 2023-24 വാര്‍ഷിക പദ്ധതി  യോഗം ചര്‍ച്ച ചെയ്തു. ഒക്ടോബർ 30 , 31  തീയതികളിൽ നടക്കുന്ന  എന്‍ ആര്‍ ഐ സമ്മിറ്റിൽ പങ്കാളിത്തം ഉറപ്പുവരുത്താനും യോഗത്തിൽ ധാരണയായി.

അഭിപ്രായങ്ങള്‍ രേഖപ്പെടുത്താം

ജില്ലയിലെ നദികളില്‍ നിന്ന് മണല്‍ ഖനനത്തിന് പാരിസ്ഥിതിക അനുമതി നേടിയെടുക്കുന്നതിന്റെ ഭാഗമായി സി എസ് ഐ ആര്‍-എന്‍ ഐ ഐ എസ് ടി തയ്യാറാക്കിയ കരട് ഡിസ്ട്രിക്ട് സര്‍വ്വെ റിപ്പോര്‍ട്ട് പ്രസിദ്ധീകരിച്ചു. https://kannur.nic.in/en/notice_category/announcements/ എന്ന വൈബ്‌സൈറ്റില്‍ റിപ്പോര്‍ട്ട് ലഭ്യമാണ്. പൊതുജനങ്ങള്‍ക്ക് ഒരു മാസത്തിനുള്ളില്‍ അഭിപ്രായങ്ങള്‍ രേഖപ്പെടുത്താം.

ശിശുക്ഷേമ സമിതി വര്‍ണോത്സവം