പരമ്പരാഗതമായി ബാര്‍ബര്‍ തൊഴില്‍ ചെയ്യുന്ന ഒബിസി വിഭാഗത്തില്‍പ്പെട്ടവര്‍ക്കുള്ള ബാര്‍ബര്‍ഷോപ്പ് നവീകരണ ധനസഹായ പദ്ധതിക്ക് അപേക്ഷ ക്ഷണിച്ചു. അപേക്ഷകന്റെ കുടുംബ വാര്‍ഷിക വരുമാനം 2.5 ലക്ഷം രൂപ കവിയരുത് . പ്രായ പരിധി 60 വയസ്സ്. കൂടുതല്‍ വിവരങ്ങള്‍ www.bcdd.kerala.gov.in എന്ന വെബ് സൈറ്റില്‍ ലഭ്യമാണ്. പാസ്‌പേര്‍ട്ട് സൈസ് ഫോട്ടോ പതിപ്പിച്ച പൂരിപ്പിച്ച അപേക്ഷയും, അനുബന്ധ രേഖകളും സ്ഥാപനം പ്രവര്‍ത്തിക്കുന്ന സ്ഥലത്തെ തദ്ദേശ സ്വയംഭരണ സ്ഥാപന സെക്രട്ടറിക്ക് ഒക്ടോബര്‍ 31ന് മുമ്പായി സമര്‍പ്പിക്കണം.

മട്ടന്നൂര്‍ നിയോജക മണ്ഡലം തരംഗം സമഗ്ര വിദ്യാഭ്യാസ പദ്ധതിയുടെ ഭാഗമായി ശിവപുരം ഹയര്‍സെക്കണ്ടറി സ്‌കൂളില്‍ നടക്കുന്ന വര്‍ണ്ണ തരംഗം ചിത്ര-ശില്പ രചന ക്യാമ്പ്  ഒക്ടോബര്‍ എട്ട് ഞായറാഴ്ച രാവിലെ 10.30ന് പ്രശസ്ത ചിത്രകാരനും, ചരിത്രകാരനുമായ കെ കെ മാരാര്‍ ഉദ്ഘാടനം ചെയ്യും. കെ കെ ശൈലജ ടീച്ചര്‍ എം എല്‍ എ അധ്യക്ഷത വഹിക്കും. ലളിതകലാ അക്കാദമി അംഗവും പ്രശസ്ത ശില്പിയുമായ ഉണ്ണി കാനായി മുഖ്യ അതിഥിയാകും.

ആന്തൂര്‍ നഗരസഭ, കുറുമാത്തൂര്‍ പഞ്ചായത്ത് എന്നീ പ്രദേശങ്ങളെ മയ്യില്‍ പഞ്ചായത്തുമായി ബന്ധിപ്പിക്കുന്ന നണിച്ചേരിക്കടവ് പാലത്തില്‍ സ്ഥാപിച്ച അലങ്കാരവിളക്കുകളുടെ ഉദ്ഘാടനം ഒക്ടോബര്‍ എട്ട് ഞായറാഴ്ച വൈകിട്ട് അഞ്ചിന് എം വി ഗോവിന്ദന്‍ മാസ്റ്റര്‍ എം എല്‍ എ നിര്‍വഹിക്കും. ആന്തൂര്‍ നഗരസഭ ചെയര്‍മാന്‍ പി മുകുന്ദന്‍ അധ്യക്ഷത വഹിക്കും. എം എല്‍ എ ഫണ്ടില്‍ നിന്നും 35 ലക്ഷം രൂപ ചെലവഴിച്ചാണ് പണി പൂര്‍ത്തിയാക്കിയത്. പി ഡബ്ല്യു ഡി ഇലക്ട്രിക് വിഭാഗമാണ് ജര്‍മന്‍ സാങ്കേതിക വിദ്യയില്‍ ഇവ സ്ഥാപിച്ചത്. ഗാല്‍വനൈസ് ചെയ്ത തുരുമ്പെടുക്കാത്ത 50 വിളക്ക് കാലുകളാണ് സ്ഥാപിച്ചത്.

ജില്ലയിലെ താലൂക്ക്, ജില്ലാ, ജനറല്‍ ആശുപത്രികള്‍ സന്ദര്‍ശിച്ച് മന്ത്രി വീണാ ജോര്‍ജ്

കോട്ടയം: ജില്ലയിലെ ഒരു സര്‍ക്കാര്‍ ആശുപത്രിയിലെ എച്ച്.എം.സിയുടെ പരിധിയില്‍പ്പെടുന്ന ഫീമെയില്‍ തെറാപ്പിസ്റ്റിന്റെ ഒരു താത്കാലിക ഒഴിവുണ്ട്. എസ്.എസ്. എല്‍.സിയും തത്തുല്യവുമാണ് യോഗ്യത. ആയുര്‍വേദ മെഡിക്കല്‍ എജ്യുക്കേഷന്‍ ഡയറക്ടറേറ്റ് നടത്തുന്ന ഒരു വര്‍ഷത്തെ ആയുര്‍വേദ തെറാപ്പിസ്റ്റ് കോഴ്‌സ് പാസായിരിക്കണം. താത്പര്യമുള്ളവര്‍ അസല്‍ സര്‍ട്ടിഫിക്കറ്റുകളുമായി ഒക്ടോബര്‍ 27 നകം എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്യണം. ഫോണ്‍: 0481 2560413.
 

--

കോട്ടയം: ഗാന്ധിജയന്തി വാരാഘോഷത്തോടനുബന്ധിച്ച് കേരള ഖാദി ഗ്രാമവ്യവസായ ബോര്‍ഡ് ജില്ലയിലെ ഹൈസ്‌കൂള്‍ വിദ്യാര്‍ഥികള്‍ക്കായി ക്വിസ് മത്സരം സംഘടിപ്പിക്കുന്നു. ജില്ലയിലെ ഒരു സ്‌കൂളില്‍ നിന്ന് രണ്ടു കുട്ടികളെ വീതം ഉള്‍പ്പെടുത്തിയാണ് മത്സരം.  ഗാന്ധിജിയും ഖാദിയും സ്വാതന്ത്ര്യസമരവും എന്ന വിഷയത്തില്‍ ഒക്ടോബര്‍ 18 ന് രാവിലെ 11 ന് ജില്ലാ ഖാദി ഗ്രാമവ്യവസായ ഓഫീസിലാണ് മത്സരം. ഒന്നും രണ്ടും സ്ഥാനം നേടുന്നവരെ സംസ്ഥാനതല മത്സരത്തില്‍ പങ്കെടുപ്പിക്കും. താത്പര്യമുള്ളവര്‍ ഒക്ടോബര്‍ 16 ന് വൈകിട്ട് അഞ്ചിനകം രജിസ്റ്റര്‍ ചെയ്യണം. വിശദവിവരത്തിന് ഫോണ്‍: 0481 2560586.

കോട്ടയം: കോട്ടയം ജില്ലയില്‍ അഗ്രികള്‍ച്ചര്‍ ഡെവലപ്‌മെന്റ് ആന്‍ഡ് ഫാര്‍മേഴ്‌സ് വെല്‍ഫെയര്‍ വകുപ്പിലെ മെക്കാനിക് തസ്തികയുടെ 2023 ജൂലൈ 22 ന് പ്രസീദ്ധികരിച്ച ചുരുക്കപ്പട്ടികയില്‍ ഉള്‍പ്പെട്ട 51 ഉദ്യോഗാര്‍ ഥികള്‍ക്കുള്ള പ്രായോഗിക പരീക്ഷ ഒക്ടോബര്‍ 16, 17, 18 തീയതികളില്‍ രാവിലെ ഒമ്പതുമുതല്‍ പാലക്കാട് മലമ്പുഴ ഐ.ടി.ഐയില്‍ നടത്തും. ഉദ്യോഗാര്‍ത്ഥികള്‍ ഇത് സംബന്ധിച്ച അറിയിപ്പ് എസ്.എം.എസ്. മുഖേനയും ഒ.ടി.ആര്‍. പ്രൊഫൈല്‍ വഴിയും നല്‍കിയിട്ടുണ്ട്.

കോട്ടയം: ഏറ്റുമാനൂര്‍ ഗവണ്‍മെന്റ് ഐ.ടി.ഐ.യിലെ പ്ലംബര്‍, ഷീറ്റ് മെറ്റല്‍ വര്‍ക്കര്‍, വെല്‍ഡര്‍, വയര്‍മാന്‍, വുഡ് വര്‍ക്ക് ടെക്‌നീഷ്യന്‍, കമ്പ്യൂട്ടര്‍ ഓപ്പറേറ്റര്‍ ആന്‍ഡ് പ്രോഗ്രാമിംഗ് അസിസ്റ്റന്റ്, മെക്കാനിസ്റ്റ്, ഓപ്പറേറ്റര്‍ അഡ്വാന്‍സ്ഡ് മെഷീന്‍ ടൂള്‍സ്, സര്‍വേയര്‍, ടൂള്‍ ആന്‍ഡ് ഡൈ മേക്കിംഗ്, ടേണര്‍ എന്നീ ട്രേഡുകളില്‍ ഒഴിവുള്ള സീറ്റുകളിലേക്ക് ഒക്ടോബര്‍ 10ന് വൈകിട്ട് അഞ്ചിനകം ഐ.ടി.ഐ.യില്‍ നേരിട്ടെത്തി അപേക്ഷിക്കാം. ഫോണ്‍: 9744623848, 9446484972.
 

കോട്ടയം: രണ്ടാം പിണറായി വിജയന്‍ സര്‍ക്കാര്‍ അധികാരമേറ്റെടുത്ത് രണ്ടു വര്‍ഷത്തിനുള്ളില്‍ ഏറ്റുമാനൂര്‍ നിയോജകമണ്ഡലത്തില്‍ ഏറ്റെടുത്ത  വികസന പ്രവര്‍ത്തനങ്ങളില്‍ 82 ശതമാനവും പൂര്‍ത്തിയാക്കാനായെന്ന് സഹകരണ - രജിസ്ട്രേഷന്‍ വകുപ്പ് മന്ത്രി വി.എന്‍. വാസവന്‍ പറഞ്ഞു. ഡിസംബര്‍ 13 ന് മുഖ്യമന്ത്രി പിണറായി വിജയനും മന്ത്രിമാരും പങ്കെടുക്കുന്ന    ഏറ്റുമാനൂര്‍ നിയോജക മണ്ഡലം  ബഹുജന സദസിന്റെ സംഘാടക സമിതി രൂപീകരണ യോഗം ഏറ്റുമാനൂര്‍ തോംസണ്‍ കൈലാസ് ഓഡിറ്റോറിയത്തില്‍ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. മന്ത്രിമാര്‍ക്കും ജനങ്ങള്‍ക്കും നേരിട്ട് സംവദിക്കാനുള്ള വേദികളായി മാറും ഓരോ ബഹുജന സദസ്സും.

കോട്ടയം: കേന്ദ്രാവിഷ്‌കൃത പദ്ധതികൾ രണ്ടാം പാദ അവലോകനയോഗം കളക്ടറേറ്റ് കോൺഫറൻസ് ഹാളിൽ നടന്നു. ജില്ലാ കളക്ടർ വി. വിഗ്‌നേശ്വരി അധ്യക്ഷത വഹിച്ചു. വിവിധ വകുപ്പുകളിലെ കേന്ദ്രാവിഷ്‌കൃത ഫണ്ടുമായി ബന്ധപ്പെട്ട നിർമാണ പ്രവർത്തികൾ, എം.പി ലാഡ്സ് എന്നിവയുടെ പുരോഗതി വിലയിരുത്തി. തൊഴിലുറപ്പ് പദ്ധതിയിൽ സമയബന്ധിതമായി വേതനം നൽകുന്നതിൽ ജില്ല 99.94 ശതമാനം നേട്ടം കൈവരിച്ചതായി യോഗം വിലയിരുത്തി. 2023-24 സാമ്പത്തിക വർഷം ജൂണിൽ അവിദഗ്ദ്ധ വേതനമായി 27.27 കോടി രൂപയും മെറ്റീരിയൽ ഫണ്ടിനത്തിൽ അഞ്ചു കോടി രൂപയും ചെലവഴിച്ചിട്ടുണ്ട്. 45,182 കുടുംബങ്ങൾക്ക് 771207 തൊഴിൽദിനങ്ങൾ നൽകാൻ സാധിച്ചു.